鴻圖樓茶餐廳

營業中

休息中

雲吞麵, 皮厚薄不均, 肉打不均, 不彈牙不鮮甜不好食. 服務態度其差, 尤其收銀的好似做多會死咁.燒味茶餐, 燒鴨很乾很鞋, 味道很差, 叉燒, 不好食. 豆腐班腩飯, 豆腐與班腩兩樣都炆到散晒不分彼此, 難食.冬瓜火腩, 一般. 陳皮鴨腿湯飯, 勉強可食, 味道很淡. 似乎沒有什麼食物食可以做到好食的.

真差勁，首篇食評竟要由開始。今日下午兩點幾，打算同朋友去食個雲吞麵，經過哩間茶炒廳，以前都食過覺得幾好，填下肚，咪再入去食下。點知個雲吞麵失晒水準，用料好差，最不能原諒係雲吞入面隻蝦有異味（有點哪個）。相比上次食，落差非常大！一行幾人都覺得唔掂！！比較可以接受就係個牛腩同個點心（牛肉球），普普通通過得去咁囉囧。唉，如果佢唔改，唔會有下次！

上個月因為工作關係，要去觀塘創紀之城一躺，卻發現弄錯了時間，比預計時間中早了一點到達，與其乾等之下，不如找個地方吃早餐好過，觀塘道外面已是新穎的商業大廈，但內裡仍是廠廈滿佈的局面，剛好在附近鴻圖道發現一間茶餐廳，招牌也真就地取材，名為「鴻圖樓」，既然如此有緣，乃就決定入內好了。回想五年前在觀塘工廠區的歲月，也是悲喜交集，薪金僅夠糊口之下，少數能令人懷念的，就是當區的平正美食。也知道在工廠區開業的食肆，食客也多是屬於藍白灰領一族，薪金來說大部份也不算甚高，相對上體力及精神消耗卻是極大，要來得飽肚之餘，心底裡還是要求吃出一點味道，想工廠食堂與茶餐廳，應算是最為穩當的選擇。看看餐牌，見到有一個廿一元的英式早餐，看名字也真的「高檔」，亦想知道是甚麼的一回事：熱奶茶還有點濃香味，與花奶也是水乳交融，能在工廠區站得住腳的，水吧師傅們也有一定的水準，這一杯來說，已是合格有餘。終於開估揭盅，所謂的「英式」早餐，其實是一隻煎蛋、一塊火腿、一塊漢堡扒、另有蒜蓉包和「點題」用的茄汁焗豆，飽肚來說是足夠的，可惜論這煎蛋的賣相，絕非太陽蛋，論荷包蛋亦不算美觀，蒜蓉包更是不太香脆，幸好還算太塊肉，沾一點茄汁焗豆作

第一次黎呢度食飯，點左個炸醬麵，味道麻麻地，同事們點果Ｄ都唔好得去邊．．．臨走去櫃面埋單，咁我地見佢張單冇寫價錢，咁咪諗住逐個逐個比錢囉，講起就把幾火果個櫃面女人（短頭髮），超串咁話唔比我地分開比錢，叫我地一次過比哂先自己計返數，嘩，我心諗我地而家係客人喎，而家又唔係唔比錢，分開比姐，洗唔洗咁大反應呀！！？跟住佢勁冇禮貌咁叫左個主任黎話叫個主任整，之後主任問個女人比哂錢未，個女人竟然話我地"唔肯比錢"，去到呢度某位同事頂佢唔順終於出左聲，而家又唔係我地唔比錢，個女人仲反駁，但佢心知自己講錯野，但仲要死頂囉，喂，今時今日咁既服務態度，點得架！？點做生意架？咁即係想人地以後都唔洗黎姐？？我地都決定左唔會再去呢間野度食飯啦，又唔係好食過人，ｄ人仲要咁串，咁冇禮貌！！！食個飯都要受一肚氣

夜晚同朋友過黎觀塘睇波~唸住係茶餐廳求其食D野醫飽肚就算~ 我叫左個乾炒豬扒公仔麵~豬扒整得幾好味~朋友叫左廈門炒米~我見好多料,但D油好似多左啲bor~期間仲有啲川菜小食,我地叫左碟白雲鳳爪~辣辣地,幾正!戲肉都係睇波~貪個場唔係太多人~唔駛坐到甘迫~而且有WI-FI可以上網,都好方便~下次睇波都會再黎!

突然間好想食茶記,於是lunch time同同事黎左呢度食~我叫左個我至愛既廈門炒米~多酸~味道OK丫~有好多配料~不過略嫌炒得油左D~我同事就叫左雞粥+油炸鬼~雞粥好大碗同好足料~我為食,試左2件雞~嘩,好好味~唔知係咪用鮮雞呢~真係有雞味架~值得讚賞!同時間有個阿姐走黎問我地試唔試下川菜~我地見白雲鳳爪幾好食甘,就要左一碟~好夠酸辣~正~愈食愈想食!總括黎講~以茶餐廳水平黎講係OK既~上菜勁快! 叫完唔駛1min就有~丫姐服務又好~但要美中不足係衛生問題~可以乾淨d會更好~

星期六, 因差事來了觀塘一轉. 同樣事成用餐. 身處海皮既工業區. 附近, 的確係乜都冇. 找食, 點都要向觀塘道進發, 才能有所發現. 肚子餓, 時間有限, 故不多作選擇. 看見街上大大個牌, 寫住鴻圖樓.遠看, 本以為是一間酒樓. 行到埋去, 實質為一間茶餐廳. 下午茶時段, 就來個輕輕的late lunch. 食飽再繼續行程.我入黎既原因, 除了是途中第一發現之外. 另外一個就是門口的一個燒臘檔位. 所以一入到黎, 看到有燒味茶餐, 雙拼也只是$22. 咁抵食, 不食他, 實在有點對不起他.就來一個我喜歡的叉燒燒鴨飯, 份量細全因為這只是一份下午茶餐. 正在談電話中的我, 沒有特別留意燒味的質素. 看了一看, 叉燒非常之瘦, 而燒鴨也非常之乾身. 想必是吊了在燒臘檔一整天. 叉燒, 雖然有味, 但欠缺了蜜味. 而且瘦得非常. 燒鴨.......沒有鴨味, 沒有鵝味, 而且乾澄澄. 是否利用下午茶時間, 來清早上燒起的貨尾呢. 中午清唔哂燒味, 即係做唔到貨如輪轉啦. 祝人家大展鴻圖 , 首先也要令到自己大展鴻圖吧.看看牆上有件疑似利X球衣, 今年開季不濟啊, 雖是老牌球會也要多加

今日, 未食早餐已經一肚氣..........今朝響餐廳外面買淨燒賣+奶茶, 個員工一向態度都唔差, 但原來衛生就.......佢發現燒賣上面有粒黑色污糟野, 佢用自己對手將粒污糟野"蚊"走...我即刻要求換過粒, 好恐怖! 跟住佢就換左一粒個樣比較核突o既俾我 幫我沖o既奶茶又沖到成個杯身都係....一返到公司張檯污糟晒!今日原來無散紙要去買飛...點知原來係要講明魚肉燒賣....佢仲有蟹籽燒賣賣到我拎返張單去同既收銀員講.....呢位女士, 態度極之惡劣 佢用好唔滿意o既態度話"計多左你幾多呀? 下次你講返魚肉呀嘛"之後仲一直細細聲勁講野....找錢仲好似當我係乞衣咁響佢櫃檯個窿好暴力咁塞出黎俾我....散銀仲呼喝我拎住!佢做服飾性行業好應該問下人地要魚肉定係蟹籽燒賣啦, 依家邊個o既責任呀?佢o既態度真係超級惡劣! 食物極之污糟 態度極之惡劣

昨日到這間店睇歐聯決賽, 之前付了錢留位, 結果無左, 結果比左張麻雀枱我地 (3人),都算 la... 個 TV 有鬼咁遠, 睇到眼都朦..好多人, 坐滿兩層, 都知有D 野, 叫定野食, 只不過係三碟干牛河,(manual 己經無什麼東西簡)上半場開始時叫, 下半場 70 幾分鐘至有得食 , 重(?) 要變 左星洲(?)炒米, (因為好肚餓, 都算la..)最後都有碟小食食唔到.. 走個陣找的士又鬼咁難,唉... $70 送一支啤酒, 另任叫 $70 野食 (i.e. 牛河 $40, 小食$35)

自從食過幾次,最後一次仲有少少肚痛添...就係嗰d難食ge蒜蓉包..佢d牛油又難食..but somehow 每朝都咁多人去..可能地點算就腳啦..但講真呢間close down都唔會可惜..因為我相信觀塘任何一間食店都會好佢好多....仲有每次落完order at least要等成15分鐘先到..攪到我返工frequent late好mug一百萬個苦面..

間中都會光顧這間食店,老實說,質素是非常一般,要是可選會到喜喜或者位於較遠的蘭香園,到這裡,幾乎每次都會點漢堡扒餐,w/ garlic bread,sunnyside up;Iced Coffee ;& bf order: 糯米雞 & iced " yuan yang"反而糯米雞相比西式早餐會較為可取.而且好大件.早餐來講都幾滯.

區區於附近工作, 無奈每日幫趁, 對其食物只有二字評語: 味精 雖謂對味精敏感, 平常吃兩個公仔麵 (不喝味精水) 亦可勉強支持; 然而一個這裡的豆腐班腩飯或陳皮鴨腿湯飯卻足以令我頭痛一整晚. 燒味方面, 燒肉基本上都是腩位, 本來可以一吃, 但由於不是新鮮豬, 必須用味精, 而鴻圖樓可能以為味精唔使錢買, 搏命咁落, 結果非常咁咸, 如果冬瓜火腩就會好少少, 因冬瓜出水沖淡也. 燒鴨鵝就千祈咪食, 因半生不熟. 大佬, 切雞可以食生, 燒鴨都玩骨中帶血, 肉不離骨就好得人驚 要食就食熏蹄啦, 可能是交來的, 所以質素算尚可

　　今日上晝本來想去麗東酒店試下早餐BUFFET，可惜上到去一瞄，食物絕對唔值88蚊加一，而現場所見亦冇香港人用膳，食客全是內地自由行酒店住客。無奈撤退，但肚皮空虛，惟有就近選址「鴻圖樓茶餐廳」求其是但食Ｄ野。　　兩個人叫左１８蚊份早餐共兩份（凍飲加兩蚊）埋單合共４０蚊：皮蛋瘦肉粥－望落似白粥多Ｄ，粥有肉味，口感夠綿，皮蛋、瘦肉同粥嘅份量都偏少。愛人話好食喎！我就覺得ＯＫ合格啦！跟餐飲凍檸水－冇水喉水味即係合格。糯米雞－大隻，糯米外層偏向結實，但絕對係熟糯米，除一般肉碎及冬菰粒之外，餡料有驚喜，有叉燒及火腩各一件，可惜食落味精甚為強勁。跟餐飲凍奶茶－合格。　　此店嘅食物，並非我最想介紹之處，標題至係戲肉：「觀塘睇波新選擇。」　　呢間野，若果唔係響附近返工，好難搵得到佢，就算偶然經過，你又未必知道佢入面有得睇波。今次我就真係叫做剛剛撞到先發現：此店２４小時營業此店有最少兩部電視機直播有線此店門外及附近夜晚大把位置泊車此店位於牛頭角與觀塘近界此店冷氣夠　　除左佳餚坊，球迷們又有另一處聚腳點了。　　「鴻圖樓茶餐廳」，名字起得古怪，正常若非叫「鴻圖樓」，便應叫「鴻圖茶餐廳」。上網查其典故，祇知