鳴日の食堂 (已結業)

鳴日の食堂，位於九龍灣展貿徑1號E-Max國際展貿中心2樓18號舖。 餐廳有拉麵和飯可供選擇，價錢適中， 今次就試下和風燒牛肉飯$76、 秘製照燒雞扒玉子飯拼日式骨付腸$69、 罐裝可樂$3。 ⭕和風燒牛肉飯🍛 ～ 牛肉份量多，飯採用珍珠米，味道跟吉野家相似。 ⭕秘製照燒雞扒玉子飯拼日式骨付腸🍛 ～ 照燒雞扒厚切大塊， 雞骨腸香口多汁。 另外套餐附送麵豉湯一碗🥣，正常味道。 整體食物質素正常，但上菜時間有點慢。    鳴日の食堂地址: 九龍灣展貿徑1號E-Max國際展貿中心2樓18號舖…查看更多

可能好多人work from home 嘅關係，九展呢排午市都好靜，堂食人數寥寥可數。見到鳴日推出咗抗疫外賣救市，最平$49 有個飯，比起以往真係平咗好多！😋照燒雞扒飯配玉子份量十足，雞扒大大塊，照燒汁好好味！仲有半隻糖心蛋，配上炒雜菜，好唔錯！唯一係雞扒有陣微微嘅冷藏雪味未僻走晒，有改善空間～食晒成個飯好滿足好飽肚，建議細食嘅朋友可以叫少飯，避免浪費😀整體嚟講，$50有找有飯有肉有菜有紙包飲品，九展嚟講真係一個好選擇！…查看更多

建議：Self service 自取盒裝飲品係九展行完展覽已經Lunch Hour，又到左覓食時間😂 上左2️⃣樓既Foodcourt 兜下睇下食咩好，最後揀左近百佳個邊既鳴日の食堂🍱 係門口櫃台落單比錢之後，就可以入餐廳搵位。套餐都包左紙包飲品，可以係飲品櫃自取。等左10分鐘左右就有得食😋今次試左：▫️招牌匠人豚骨拉麵＋鳳尾蝦餃子 (HK$66)揀依款拉麵，主要係因為想食餃子🥟 所以拉麵係無餸既，如果想要肉/其他配料，可以揀其他餐🍜 整體黎講唔會好Hea，溏心蛋煮得岩岩好。鳳尾蝦餃子每隻都有條蝦尾，入面就有啲肉。最正係夠熱夠脆，應該係岩岩炸好就即上枱😋 ▪️日式東坡五花肉飯＋味噌湯 (HK$74)飯量都幾大，男仔都一定夠飽👍 一上枱見到舊五花肉真心誇張🐽 又厚肉又大條😂 食落又唔係好嚡，仲幾入味。…查看更多

🍭呢間餐廳唔算好就腳，上網見到咁多好評，特登過嚟試下先，餐廳嘅裝修充滿和風日系嘅感覺，位置好大，空間感足夠，有圓枱同卡位，坐得好鬆動，要先係counter點餐俾完錢，再有侍應送餐，免加一🤗◆招牌匠人豚骨拉麵 配 吉列豬扒 $79吉列豬扒即叫即炸，新鮮熱辣，炸粉好薄，豬扒好鬆化，味道幾好，有水準而拉麵偏幼，口感偏淋咗少少，湯底濃郁，整體唔錯跟餐加$ 18轉愛爾啤酒第一次試下呢隻啤酒，好重麥味，幾好飲，要贊下佢個杯都有雪凍，有heart🔸招牌匠人豚骨叉燒拉麵 跟可樂 $66湯底都幾濃郁，配料有芽菜，木耳絲，溏心蛋半隻同埋兩塊叉燒，麵質偏幼，口感偏淋咗少少，粗返d會好d, 而叉燒偏瘦，食落少少柴嘅感覺，溏心蛋都唔算好溏心，整體一般，勉強可以～始終價錢唔高💫呢間算係平民少少嘅日本餐廳，性價比還可以，如果順路經過可以試下，特登嚟就冇咩必要～…查看更多

～招牌匠人豚骨叉燒拉麵連飲品～🍜 豚骨湯底 👉🏼 微豚骨味，同出前一丁原味無分別。🍖 叉燒 👉🏼 非常榎同乾，榎到連吞都有啲困難。🍜 麵底 👉🏼 普通無特別，個人感覺比較淋。🥚 溫泉蛋 👉🏼 有啲過熟🥗 配菜 👉🏼 荀絲唔脆似罐頭，木耳同芽菜正正常常無特別。㊙️ 個人評價 👉🏼 好奇怪Openrice咁多好評，可能拉麵唔係主打💸 埋單 👉🏼 ＄66🏡 地址 👉🏼 九龍灣展貿徑1號E-Max國際展貿中心2樓18號舖…查看更多