鳥十

營業中

休息中

員工服務差，價錢貴，仲要有限用餐時間，難怪咁多香港人要北上消費。其實食物味道正正常常，可惜價錢一流，服務九流，搵人加茶叫極都無人理，就算應左你最後都冇件事。咁既價錢同服務，唔怪得隨時都有得book位。

🤑價錢約$200 -400 可以openrice訂位幾方便 🪑都坐得幾闊落 仲有個磨砂玻璃vip房Ⓙ 鳥十海鮮沙律🥗 $108見佢呢個沙律用餐廳名黎命名 就試吓🤪呢個沙律比想像中大碟 👍🏻 有唔少角切刺身 好似三文魚、帶子、吞拿魚等 Ⓙ 松葉蟹蓋海膽石鍋飯 🦀️ $178呢個要盡快食 如果唔係就會有飯焦🤣 性價比都算幾高 有海膽、蟹膏、蟹肉 而且都幾鮮味Ⓙ 柚子碎蔥吞拿魚胡麻卷物 $88呢個唔係好食得出有柚子味🙊 而且有些微胡椒辣味 吞拿魚都新鮮Ⓙ 鹿兒島黑豚鍋 $188呢排天氣gum凍 食番個熱騰騰ge鍋 伴碟仲有d粉絲、金菇等 豚肉都肥瘦適中 薄薄地一片

圍方新開張！同老公都嚟行吓！真係超級多人🤦🏻‍♀️見到呢一間鳥十唔洗等，我哋就入去醫肚先！一入到去簡約嘅日式裝修，地方頗為闊落，入到去坐低感覺舒服。侍應非常殷勤，立即為我哋送上餐牌，同熱茶。我就叫咗一個吞拿魚蓉三文魚籽丼飯，跟餐有餐有一碗麵豉湯。用料新鮮，味道還可以。先生叫咗一個海膽三文魚籽丼飯，一樣跟餐配有一碗麵豉湯。由於好肚餓嘅關係，先生仲叫多左一個餐。冇錯，就係西京燒銀鱈魚餐，配上白飯，茶碗蒸，同埋麵豉湯。不得不提茶碗蒸做得好好，蛋非常之滑溜。西京燒亦都做得相當唔錯。另外其實仲叫咗香蒜牛肉串燒，燒牛舌，同埋燒菠蘿。不過唔記得咗影相。串燒系列就比較普通。整體來講用餐體驗算唔錯，價錢中高，偶爾食一兩次可接受。由於餐廳係新開張，侍應仍然係適應當中，期間有些少烏龍，不過相信熟習營運後，服務會更佳。

今日同老公特登去咗沙田圍城商場搵食。用餐時間90分鐘、上菜比較快，但串燒可能漏單，要等比較耐。裝修簡潔、坐得比較舒服，香港特色喇⋯⋯坐位與坐位都係唔多空間。食物方面有2樣值得推介：煙燻九州雞火腿，一打開餐蓋就聞到一陣煙燻味，薄片雞肉配紅花椒，𡁻落去有彈性有煙燻味，味道唔錯，啱鍾意試新嘢嘅我哋。鰻魚石鍋飯，份量適中、但係不得不讚鰻魚好肥美、而且又有彈性，唔同一般超市買返屋企淋擗擗（pat pat）無咬口果隻。另外串燒方面，如果燒山芋可以再加埋牛油就更加好喇，之前去日本食都會加粒牛油，鹽燒雞皮可以唔使點，因為比較乾、又冇鹹味都算脆卜卜，不過食唔到有咩特別，差啲想問吓有冇七味粉或者山椒粉。佢哋仲有其他不同串燒選擇如雞冠、雞pat pat等等．．其如試過食物如tempura就中規中矩，唔算好出色不過亦唔會失望。餐廳服務尚可，有足夠人手做嘢，侍應主動幫客人加茶同收走食物碟。