影片
以上資料只供參考, 請與餐廳確認詳情
假期第一天，展開香港美食之旅，第一站去土瓜灣尋找隱世魚蛋佬，這是2022年米芝蓮推介食店來的。沒錯，是一間外賣小店，午飯時間人多要稍等，老闆製作也很快，大約五至十分鐘就可取餐。誰說小食不能當正餐？見到很多街坊來買印尼撈麵加小食當午飯。我們特地來拜訪魚蛋佬，當然要吃這裏的推介小食，多吃幾款已經非常飽肚。招牌白魚蛋，真正爽口白滑，沒麵粉感。有自家製辣醬調味，微辣帶蒜蓉香，非常惹味！秘醬陳皮魚蛋，陳皮魚蛋口感更加結實煙韌，有陳皮香，最重要還是醮多些咸香的醬汁，這才是味道精髓。白滑腸粉，這是很高質素的滑嘟嘟腸粉，除了口感滑，還要靠醬料調味。平常的甜醬、辣醬、麻醬，在這裏吃得出分別，原來是因為麻醬自家調配，加了花生，吃著香味完全不同啊！豬柳條墨魚條雙拼，值得一讚的是炸物完全不覺得油膩，炸好就即時去油，再灑上調味粉，咬著豬柳條，非常爽口有肉香，墨魚條較煙韌，有惹味的椒鹽，真的越吃越香，會想喝啤酒呢！台式香腸，帶點鹹鹹甜甜味道，外皮炸得脆脆的，不加調味料已經很好味。黃金熱狗棒，這是韓國街頭特色小食，在香港則較少有。外層是薄薄的麵包，包著香腸，炸過後外層微脆，咬下脆皮腸，香甜爽口，配茄汁吃更像熱狗。招牌墨魚春捲，春捲皮炸過又薄又脆，裏面墨魚肉煙韌香口，也是吃完想喝啤酒的小食。炸雞，雞肉的口感出其地軟滑，與韓式炸雞肉不同，肉質更有濕度和柔軟。外層炸過後不油膩，真的做到外脆內軟。炸餃子，原來裏面是豬肉粟米餃，咬下香甜又爽口，餃子皮鬆脆，非常好吃。與朋友飽餐一頓，大家都認同這裏的小食有自家特色，特別是調味料方面。而且小食款式多，要多來幾次才能一一嚐遍呢！
繼續閱讀
喺土瓜灣行街見到呢間2022年推介嘅米芝蓮小食店🍢 招牌白魚蛋 $24/16粒白魚蛋係必食！彈牙，魚肉多，唔會好粉。我地叫咗微辣，味道非常惹味。🍢 秘醬陳皮魚蛋 $10/8粒陳皮魚蛋口感結實，有陳皮香味~ 🍜 撈烏冬餐 $23呢個餐配日式吉列豬扒，豬扒大大塊，外脆內嫩，搭配彈牙嘅烏冬，好飽肚。🫓白滑腸粉 $16/6條腸粉口感滑，醬汁多，味道豐富~🧆 雙拼（椒鹽炸牛丸 + 椒鹽墨魚丸）$22/6粒炸牛丸同墨魚丸外皮好香脆，大大粒惹味又彈牙。🥓 雙拼（豬柳條 + 墨魚條）$13/8條豬柳條和墨魚條都炸得啱啱好，唔會好油膩，上面灑滿椒鹽~ 小食店老闆熱情好客，老闆仲透露話呢間店鋪嚟緊會搬遷，去對面街嘅馬頭圍道。
繼續閱讀
小食店看似普通，但每次經過都忍不住回味，店內選擇豐富，從經典小食到創意搭配應有盡有。還有特別的撈麵、烏冬套餐等。馳名秘製陳皮魚蛋魚蛋size細小但口感紮實彈牙，與一般街邊魚蛋截然不同。陳皮香氣濃郁，微辣中帶甘甜。招牌墨魚春卷春卷炸得金黃酥脆，內餡墨魚肉鮮味突出，口感彈牙。店主還貼心地剪成小塊，方便入口。流心魚肉芝士餅外皮微脆，咬開後芝士漿爆湧，魚肉混合芝士的鹹香，好味！ 小食店內還有其他食物如椒鹽炸燒賣、咖央多，黃金炸饅頭等。小店價錢親民，$10起跳，絕對抵食！
繼續閱讀
老老豆豆，附近咁多間小食店我都食勻過，但每次經過魚蛋佬都唔知點解冇個衝動想入去。如果唔係因為朋友話一句 ”叫得魚蛋佬應該好好食？”我都唔會食到人生第一次一個咁印象深刻嘅魚蛋。咬落去嗰下 直頭顛覆我對魚蛋嘅印象-而我我個腦就不斷loop…..個Texture咁似名將壽司舊希靈魚既？係咪冰太耐冰爛咗啲肉？咁岩霉咗？但又唔係臭丫？有啲似齋肉？定係我唔識欣賞…..？唔通魚蛋應該要係咁嘅質地？米芝蓮推介架喎……當機兩秒後就放低叫個friend lur番出黎 都係唔好食為妙。可惜… 只換來佢一句”吓我吞咗喇喎”作結
繼續閱讀
以前一直有買開這裏的腸粉及魚蛋，昔日要排長龍先買到，我個人很喜歡他們的腸粉，腸粉滑嫩，醬料又夠多，店長好好人，經常提醒我哋記得要攞外賣餐具，可惜店鋪在年多前轉手了，腸粉質素下降了。今天，我想再給他們一次機會，再去幫襯一次，可惜店員的態度卻非常惡劣，不單止呼喝我，眼見他們對其他食客也是如此，真的令我大感意外。雖然知道天氣熱，明白他們工作辛苦，但也不應該把食客視為發洩的對象，我想我要再尋代一下土瓜灣區好食的腸粉啊！
繼續閱讀