鱻味館 (已易手) 新餐廳

疫情下開店， 趁佢而家試業試下手勢， 餐廳僱用來自四川嘅廚師， 所以川菜口味正宗， 一睇到咁多辣椒就已經流曬口水🤤🤤酸菜魚係佢哋嘅招牌菜， 形容為面盆咁大個嘅酸菜魚一啲都唔誇張， 分量多， 顏色鮮豔令人食慾大增😋， 酸菜魚片滑嫩無骨， 配菜有芽菜同埋闊條紅薯粉，吸收曬酸菜魚湯嘅精華， 非常好味👍🏻辣子蒜香排骨都幾惹味， 唔好睇佢咁鬼多辣椒， 其實辛辣程度係三小辣啫😁😁， 重點係排骨份量多， 成餐唔使食飯都已經捧住個肚腩走出餐廳🤣~~~~~~~~😋味道: 9/10📸賣相: 8/10🛋️環境：8/10💁‍♂️服務: 8/10💎性價比: 8/10💲人均：$150⏪回頭率：80%~~~~~📍鱻味館將軍澳唐賢街23號帝景灣商場1樓34-35號舖~~~~~

我住將軍澳平時食川菜都會去老川皇，因為疫情又吾想出街，朋友介紹將軍澳有間川菜新開，酸菜魚好味呀，老闆話師傅係四川人，酸菜係自己醃，仲有食咗佢地既鹵水拼盤都好食，同我地平時食嘅潮州鹵水大同，佢哋嘅鹵水真心好食，有層次有質素有川味。 期待下次再去試下佢哋其他菜式。唯一要注意嘅係卡位下面有個鍋要小心撞到，我一入去都吾小心撞到 幾次…… 侍應姐姐話遲啲有四川麻辣雞煲，所以有個爐喺底…… 整體環境舒服，值得試下。