鮮芋仙 (V Point )

營業中

休息中

鮮芋仙應該好多人聽過！佢哋啲珍珠同芋圓完全出面冇得比 口感一級捧！價錢仲要同街上面啲珍奶舖 糖水舖差唔多 佢仲要碗碗冰都好大 記得搵朋友陪去～ 今次叫咗芋圓麻薯牛奶冰($52）同 綠茶鮮奶霜加珍珠($33)有齊晒我最鍾意嘅嘢食 所以都係我最愛🤍講有幾好味真係好難 反正真係好正架-雖然地鐵站出去可能要搵下先見到 但係換來啖啖幸福 真係抵返晒 超推！must try!!!

芋薯圓Q麻薯牛奶冰 $52一向都知鮮芋仙嘅份量係好驚人, 但係我哋仍然畀呢個牛奶冰嘅size嚇親😂 建議最少3至4人share可以試多幾樣野🤭 Toppings有芋薯圓, 小芋圓, Q麻同埋冬瓜凍😋 全部口感都好煙韌, 芋薯圓入面仲包住芋頭🙌🏻 麻薯有原味同黑糖味, 個黑糖麻薯味好出, 同牛奶冰一齊食有啲似平時飲嘅鮮奶boba👍🏻 牛奶冰加埋上面嘅雪糕同黑糖醬就有少少過甜, 但係喺夏天最需要消暑解渴嘅時候仍然會揀佢👍🏻

今日帶咗BB嚟銅鑼灣玩，經過一直都好火熱嘅鮮芋仙，可能今日落雨，排隊只係排一枱就到我地！正😍😍之前一路食開佢個招牌仙草芋圓，今日食佢個～芋薯圓Q麻薯牛奶沙冰～食一次就覺得不得了😍🌟一路都未食過佢個芋薯圓，原來就係芋圓嘅外皮，包着芋頭蓉，好新穎，比一般嘅湯圓皮煙煙韌韌👍🌟八大條Q麻薯～呢個係佢哋嘅招牌，上面有成班八條，分白色同埋黑色，識落其實個口感同味道都差唔多，黑色嘅就比白色嘅，多咗少少黑糖香味🌟冬瓜凍～味道好清甜，就好似蒟蒻咁以$52呢個價位，完全足夠一家四口食，沙冰充滿牛奶味，分量驚人，上面仲有一球雲呢拿雪糕添，非常抵食和推介！

午飯時間途經鮮芋仙在銅鑼灣的分店。早段日子不論是午市或晚市都大排長龍的，現在因為疫情關係，人流明顯疏落了很多，午飯時間有堂食大量的位子。可能人手不是很充裕的關係，店內衛生有待加強。今天點的是熱芋圓4號，另加點了珍珠雞蛋布丁。芋圓4號有芋圓、番薯圓、芋頭、珍珠和紅豆，芋頭入口軟糯，番薯圓和珍珠都很有口感，紅豆甜湯就很一般了。珍珠雞蛋布丁很有驚喜，珍珠和布丁的口感和味道十分相配，小小的一碗，賣相討喜，女生吃完都不會有罪疚感。

只是$52 ！！ 就有一個足夠4個人食既大大個芋薯圓Q麻薯牛奶冰。淨係個賣概都已經夠晒殺食 呃like 一流難怪平日都要等位啦 不過係香港地 仲要處於黃金地段既銅鑼灣 依個價錢 絕對係良心價

想食好耐喇！每次去到鮮芋仙都無位，或都要等好耐，等到放棄。終於食到喇！真係無令我失望！太好食！鮮奶冰，正！初初以為冰上配料我未必鍾意食，冬瓜凍，原來好好味，好似食蒟蒻，不太甜，配合鮮奶冰，好夾。他用了小芋圓，如果係大就好了，好想食大芋圓，不緊要！有超美味麻糬頂上，鮮奶麻糬和朱古力麻糬味道好清，好煙韌，好好咬！仲有湯丸！仲有一球電糕在牛奶冰上，有畫龍點睛效果！兩個人食一份，都可能吃不完，好大盤呀！一定要試

鮮芋仙已經係香港開一段時間，可能因為熱潮過咗，今日食飽飯經過，見到冇咩人排隊，所以在入左去食：叫咗個招牌仙草沙冰，另加左芋頭同珍珠芋圓珍珠都好q好煙靭，芋頭幾粉，牛奶雪糕好香奶味但老實$45+近$50-$60係好貴，好彩係鮮芋仙已經比其他糖水舖大碗呢個價錢，相等於一碗正餐飽肚嘅米線。都算好食，我係芋圓/珍珠控，我就會再食，但一定唔會係要我排隊既情況下～🤣

份量好大，叫左碗冰，三個人share都夠食，應該係落咗煉奶，所以好甜好漏。麻糬一般般唔係好好食；芋圓同其他野都好普通；但個蕃薯圓好好食，表皮煙煙銀銀，咬開入邊有啲芋蓉，好似食緊炸湯圓咁，好正。冰都ok抵食。另外仲叫左個紫米芋圓，只係普通紫米露加芋圓，冇乜特別，三十幾蚊，都好大碗。但呢個價錢我會覺得點偏貴同唔太值。如果只係試一次可以，但長期來食就不了。加上平時好多人，食完都坐唔耐，雖然呢排係少咗人。

美麗的香港🇭🇰💜相信好多人都食過鮮芋仙而我後知後覺，上星期才第一次嚐到香港店的味道（曾在台灣吃過一次，但已是很多年前的事了）這次一試就愛上了，有相逢恨晚嘅感覺😍首先是因為配料選擇有很多，有蓮子、紅綠豆...作為養生掛的我看著menu已感到高興然後是他們的分量十足，料超多，吃到過癮！我們買了一碗仙草1號 （$45）內有煮得很透的蓮子、綠豆、仙早、粉圓底下是很香黑糖味的沙冰，養生又解暑，粉圓很值得一讚，軟硬剛剛好，中間也不會硬，不像其他珍珠奶茶店吃到的，要不是太軟就是太硬。他們的甜品都好大碗，我們二人分著吃，然後我再多買一杯冬瓜仙草，在坐船時邊看風景邊喝

話說朋友知我過海，點名要外賣鮮芋仙，好啦，鬼叫你哋平時對我咁好咩，去到睇住個menu,嘩！真係花多眼亂啊，我都揀咗好一陣先揀到要啲咩，最後我拎住呢堆野飲過海，極速送貨，見張相仲有冰架左：珍珠鮮奶茶 朋友話茶同奶嘅比例剛剛好啲珍珠好有咬口放耐啲都唔會淋中：鮮芋鮮奶綠用芋頭磨成芋泥，天然嘅甜味，粉粉糯糯，配合緑茶嘅回甘，perfect右：小芋圓鮮奶綠朋友話芋圓同普通嘅芋圓唔一樣，比較煙韌，淡淡嘅芋香下：花生麻糬唔太甜，咸咸香香，裡面嘅係花生醬，軟軟糯糯好滋味果然係值得帶過海

天氣一熱就想食凍嘢，但次次經過都人山人海，適逢五點幾經過見到有位，即刻入去坐底。呢份麻薯牛奶冰真係消暑之選！冰底厚實，奶味香甜，最正係唔同嘅配料都係過足口癮，煙韌控必試！本身個冰仲可以加雪糕，但我食到落底都已經飽到傻，唔使再食夜晚個餐😂

裝修有台灣風格，價格亦合乎香港市價，但味道卻與台灣，有一段距離。香港人喜歡台風，已成一股潮流，所以但凡香港過江龍在香港開設分店，必定大排長龍，仙芋鮮怎會例外，開業初期人山人海，除了港人，還有不少遊客，但疫情期間，此情此景難以重遇。當天與朋友經過，眼見沒有什麼人，反正不用排隊，便入內一試。我點了芋圓1號，因為是熱食，所以是紅豆湯，加了$3，把綠豆變了薏仁。紅豆湯份量足夠，只是料有點偏少，主要是味道，有點偏甜，是有點與台灣不同，但又說不出來，不知道是否心理感覺。朋友也有同感，忘記他點了什麼，沒有為他的食品拍照。還是期待到台灣品嚐

過江龍到港，而家先去會一會佢，芋圓同仙草都係我最愛，今次試左個招牌仙草沙冰。好大碗，啲沙冰用仙草整，好香好正，芋圓就軟硬適中，成碗甜品食落唔太甜 ，味道剛好。加左個雞蛋布丁，珍珠好香黑糖味，但食多幾啖，就會覺得甜左啲。

呢間鋪真係長期排隊先食到！而入面見到最多人嗌嘅就係呢一款冰相信好多鍾意食煙韌嘢嘅人都會鍾意呢個冰因為入面有好多🍡qq口感嘅嘢———————————————#芋薯軟Q麻糬牛奶冰 ($52) 🍧一攞到手都幾驚喜 因為勁大個(´･Д･)」呢款冰有四種配料第一種係Q麻糬 黑白長條形狀食落非常煙韌 好qq😝第二種係冬瓜凍因為其他配料同牛奶冰味道太濃所以食唔太出冬瓜茶嗰陣味🤣而第三種係芋薯圓本身以係佢只係一粒小丸子點知原來入面有芋泥架！有驚喜！最後一款係小芋圓細細粒好得意 食落好滿足～而牛奶冰嘅份量真係好多而奶味亦都非常重！最終我哋兩個人食唔唒如果食完當飯後甜品嘅話我諗可能要四個人一齊食先食得晒🤣———————————————味道: 7.9/10環境: 7.5/10 (入面冷氣幾大，加上食冰真係凍上加凍❄️)服務: 9/10會想再食：7.9/10 ———————————————店家資訊•店名: 鮮芋仙•地址: 銅鑼灣登龍街18號V-point地下一號舖———————————————#foodhealinghk台式 #foodhealinghk甜品#foodhealinghk港島線 —————————

鮮芋仙，香港難得一見的台式甜品😍.朋友介紹了以下的店子說很好吃的台式甜品呢這間位於 銅鑼灣的鮮芋仙真係無得輸.蕃薯圓入面是芋泥好味好Q彈牛奶雪糕 ，很有牛奶的香甜痳薯有點像香蕉糕的軟綿綿又有重重的口感味道有點甜但第一次在香港吃到這一種痳薯囉.還有，還有那些細細粒的芋園和蕃薯圓細細粒好得意好彈牙全部溝埋一齊真係excellent.整體10分有9分值得一試.必試。。。😄芋圓一號😃芋薯圓Q麻薯牛奶冰❤💗❤💗❤💗❤💗❤必吃，必吃，必吃