鮮芋仙 (創紀之城五期(apm))

營業中

休息中

平時行過，這間糠水舖的外面都總會有一大群（或小群）人站在門外等，今天也不例外。今次，我跟朋友進到店內坐下來慢慢食。座位不寬，有點窄，不喜歡窄的就要坐高一點（吧枱）食物和環境上都很衛生。只是，豆漿超甜，沒有無糖豆腐，也不能另上，我的紅豆宇頭豆腐花超超超.....超級甜！不喜歡。太甜對身體不好。價錢方面也很奇怪，紅豆湯可以配芝麻湯圓（非白玉湯圓）不用加錢，但紫米粥則不能配芝麻湯圓，只能配白玉湯圓，或者加錢。不太理解。

見堂食好多人，就嗌外賣返去啦，滿心歡喜諗住食豆腐花，點知入面得豆漿同埋配料，竟然可以連主要嘅食品都冇落！唔係下下都要打開嚟檢查架嘛，人與人之間嘅信任呢？四十幾蚊得碗豆漿

由落order到真正上菜足足等咗超過20分鐘不斷做D 外賣單打尖 遲過我地入嚟果D轉外賣居然快過我地攞 仲要走埋 我地個餐都仲未到有乜理由做得咁差 等到嚟都唔想食啦差評！

麻糬芋圓控必食🤤成日都食招牌豆漿豆花 有芋頭 芋圓 珍珠🧋超級煙韌好好咬口 完全唔硬今次同fd去食 佢第一次食 佢又唔鍾意食芋頭真係浪漫啊唔鍾意食芋頭🤣所以我地冬天都要嗌個牛奶冰食😂😂😂Apm鮮芋仙係天橋隔離都算易搵但呢間分店位置唔算多 睇落唔算寬躺我地都係外賣拎走食 係呢個外賣區都擺滿啲配料好多唔同種類 而且望落都好乾淨好衛生👍🏻Menu都係以芋圓仙草為主有凍有熱嘅甜品 飲品比客人選擇仲有出啲期間限定 好特別 不過我冇乜興趣😆一拎到就打個卡先 外賣都擺得好靚 黑糖醬好正🤤布丁Q麻糬牛奶冰評分：👍🏻👍🏻👍🏻👍🏻👍🏻第一次食呢個麻糬牛奶冰 一見到個份量超多仲要勁多配料 大約有6種左右當中我地都覺得個黑白麻糬最最最好食 超級煙韌朋友仲覺得黑糖個個麻糬超好食🤣有兩款布丁 一款杏仁味 一款焦糖味對杏仁味唔太好 食左幾啖就冇再食牛奶冰好好食 勁重牛奶味🥛仲有個雪糕又係好重牛奶味 配搭好好粉粿同小芋圓口感好好 勁爽口煙靭夏天食呢個牛奶冰一定好爽🥶

D糖水得劣質、難食的水準對每個幫襯嘅顧客公平咩？但服務態度嗰度真係我人生中最差嘅體驗收銀員態度差到不得了，請問係點樣in D員工架😅佢哋啲語氣好似欠佢哋幾百萬咁，仲睥住人，成副’I‘m watching you!’嘅樣究竟想點？我覺得有句野講得好啱「點樣嘅服務態度，就有點樣嘅食肆」今次真係令到我大跌眼鏡

突然好想食豆腐花，又想飲豆漿，今日我揀呢間甜品店“鮮芋鮮”真係合晒我心水，叫咗一碗「招牌豆漿豆花」$48招牌豆腐花有芋圓、芋頭、豆腐花濃濃豆漿味、香滑豆腐花佢個芋頭大大嚿，好好味，我真係未試過去糖水店食到咁好食嘅芋頭，好粉嫩芋圓煙煙韌韌最令我欣賞係甜品唔會太甜，一試難忘⋯⋯下次我會試芋圓嘅款式另外佢有下午茶精選都一樣好吸引，價錢公道

2023年開始咗幾日，已經係第三次食鮮芋仙😂作為煙韌控，鮮芋仙係最安全最有保證嘅選擇。好怕喺出面食到成舊粉嘅芋圓😩成日嚟APM經過都好多人排，難得今日冇人排，同男朋友又嚟食肥仔水🤣🤣 原來有下午茶揀，下次自私食可以揀食細碗啲🤪芋圓6號 熱紅豆湯 加芋薯圓 $45+$8天氣凍，要食啲熱野暖胃，用紅頭湯做base嘅芋圓6號原來另有番風味，熱食所有料都會煙韌好多！！粉條似一條條薯粉，粉粿就係好食有咬牙嘅啫喱咁🤪 芋薯圓係每次都必點！好大粒嘅番薯圓包住啲芋泥，有兩種口感，好正呀！紅豆湯唔會太甜，飲落暖笠笠☺️食咗一半，都仲有好多粒芋圓，飲極都仲有🤣🤣 兩個人分享一碗就啱哂喇！仙草大滿貫奶茶呢杯係琴日行APM嘅時候口痕買嚟飲嘅，諗住一路行一路飲，點知好fail，你睇下杯野幾大杯，啲料滿到🤣飽到傻嘅野飲，以為係出面珍珠奶茶啲size，結果係兩個人飲先飲得哂🤣。入面有珍珠、白玉、粉粿、粉條、芋圓、芋薯圓同仙草！勁足料，飲極都仲有，料仲多過奶茶🤣🤣 粗飲管都吸唔到啲料，好彩有比叉就方便好多。飲三分甜都覺得偏甜，可能啲料都係有糖水浸過😯 不過飲得呢啲就唔計卡路里喇🤭

I always like to order their ice to eat!!! It is because it is real hung fukkkk when eat that big bowl of ice 🥰🥰🥰🥰🥰🥰🥰The ice is not expensive at all. It only cost $56 then you can enjoy a big bowl of ice. ✨✨✨I strongly recommend guys to share a ice in two. It is because it is really big and it is impossible for a person to finish the whole of them.I think it is sweet and I like the taste of milk sooo much.

近排返工好大壓力，好想好好休息今日突登拎一日假出黎望下海比自己靜落黎，順便食下好西今日打算去觀塘海濱吹下海，地鐵站落車既時候經過鮮芋仙，心諗食下啲甜野個人都開心啲咁就去左買，估唔到而家原來出多左好多款野食，唔係淨係得芋圓買左2個芋圓，加湯丸同布丁，一打開見到勁足料勁大碗，真係好抵食，而家諗返起都有啲流口水芋圓勁煙韌好有咬口，入面仲有啲珍珠係到同樣彈牙，有唔同口感，原來都幾夾湯丸開頭以為得兩粒咁少，點知原來係本身個碗芋圓唔夠位放，呢兩粒係extra出黎，本身個碗底仲有幾粒入面啲芝麻餡好多，一咬落去流晒出黎，好甜好好味一路食住啲甜野一路望住個靚景，個人終於都開心返啲，成日掛住工作好耐未試過可以好似今日咁享受下生活，開心！

今晚真係冷熱仙草一次過食晒。熱燒仙草的質地好過癮，因為真係成碗湯咁樣，入面係有少少琼琼地嘅仙草，至於其他配料仲有小芋圓、地瓜、薏仁同珍珠。佢嗰個地瓜(即係番薯)都幾大舊，份量相比芋圓多好多，不過我就當然係寧願芋圓多D番薯少D啦。另一碗凍嘅仙草就叫咗招牌仙草沙冰，其實咁凍嘅天氣仲食沙冰底嘅仙草真係都幾大挑戰性。入面D配料其實就只有仙草再加芋圓再加沙冰底，不過佢D芋圓數量就比熱嗰碗多D嘅，沙冰嘅份量多過仙草好多，所以唔係好抵食。

女朋友成日都呻話好想食芋圓，趁住今日同佢地野餐買一份同佢食襯住今日係去觀塘海濱，咁岩知道apm個到有間鮮芋仙，一於就係呢到買估唔到原來而家啲鋪頭多左咁多款野食，雖然好多野都想食，但女朋友都堅持要食芋圓，咁唯有揀一款多料既啦呢個芋圓4號，乜都有啲：芋頭、珍珠、紅豆、芋圓，一次滿足晒我地咁多個願望拎住外賣過黎海濱既時候我仲怕凍芋圓會變左做暖芋圓，仲急急腳咁走拿拿林準備好晒啲野，估唔到原來入面有冰底，無論天氣幾熱都好，外賣拎返到返去都仲係凍冰冰入面勁足料，芋圓又大大舊，淨係食一碗芋圓都夠晒飽今次仲加左個抹茶布丁，食落好濃郁抹茶味，加上少少糖漿唔會太甜，好好食，口感即好彈，唔會太軟身變左一pat野咁，正呀

位於APM嘅鮮芋仙甜品店每次經過APM都會留意到鮮芋仙大排長龍，很多人在門口等位。一直很好奇其實是甚麼餐廳，竟然長期都這樣受歡迎？於是這天剛好經過，就來試一試！想不到是真的很驚喜！留意到旁邊很多人都點了沙冰吃，份量很大份，很多配料。不過今天天氣頗凍，就不點冰吃，而是點了個Q麻糬布丁拼盤：日式Q麻糬4件，拼一個抹茶紅豆布甸($38)。Q麻糬有兩款口味：原味和黑糖，另外有些黑糖醬。口感很Q彈，很好吃😋!!抹茶紅豆布甸也很好吃，布甸的抹茶味很濃郁，是幸福的味道。表面鋪了些原粒紅豆，抹茶和紅豆真是絕配的配搭呢！飲品也點了一杯茉香綠茶少甜去冰($23)，很大一杯，可以飲很久都飲不完。雖然人也蠻多的，但我跟朋友坐了差不多一小時，也沒有人施壓，感覺也是很輕鬆Relax的吃了一個甜點。

📌鮮芋仙想食芋頭甜品，鮮芋仙係一個唔錯嘅選擇，成日都見佢地大排長龍就知佢地幾受歡迎，趁住平日嘅下午茶時間無咁多人，一於要嚟歎個甜品🥰✴️熱豆漿豆花3號（紅豆、花生）$42第一次食仙芋仙嘅豆花，原來加埋豆漿係成個湯碗咁大碗🥣好有驚喜豆花配料有花生同紅豆，甜度剛好，唔會膩，豆花加上豆漿一齊食，豆味更香濃另外加咗芋頭&珍珠芋頭口感軟綿綿，係大粒版嘅芋泥咁，超推介🤍滿足到食甜品嘅願望同時又唔會太邪惡

#紅豆湯 #甜品 #芋圓 #煙韌控💕鮮芋仙@APM💕鮮芋仙喺幾年大熱作為一個煙韌控已經試過食幾次佢嘅芋圓真係好好食 好足料呢次去就試吓佢嘅紅豆湯揀咗黑芝麻湯圓紅豆湯 (熱食)果然冇令人失望！即使係熱食嘅糖水 都煮得非常好食紅豆煮得好透 好淋 一D都唔硬我朋友唔鐘意食紅豆 但佢試咗幾啖都覺得佢嘅紅豆係唔錯 佢都會食喺粒粒紅豆之中 仲夾雜咗好多小芋圓有各種顏色 為個紅豆湯點綴不少口感都豐富咗好多我本身冇Expect到會有小芋圓覺得非常驚喜 係用心之作不過我平日Tea Time去食本身以為唔會好多人但估唔到最後都係坐滿小小可惜係佢嘅位置Size比較細枱與枱之間有點迫可能預客人唔會坐好耐而的確食一個Tea嘅甜品嚟講其實都OK所以Overall 計埋佢嘅食物質素同性價比都係值得推介的！

🐾鮮芋仙# Stressed is desserts spelled backwards- unknown🐈一向都鐘意食台灣糖水，趁放假去shopping減下壓，結果買到勁攰就決定去鮮芋仙食個冰中場休息一下~餐廳都算寬敞亦都幾多位，唔使點等就入到去~Menu 超級多選擇，但🐈最後決定點店舖推薦的…..✨招牌仙草冰沙一睇係滿滿涼粉再加芋圓己經超心心眼😍再舀落去見到個底係滿滿冰沙個下係開心到不得了😚最正係仲附加個花奶，混合一齊食再加上每口芋圓實在不得了，而且個量都幾大，一個人食一碗係過足曬口癮❤️Overall體驗: 食甜品能解壓係自古以黎的道理👍🏻有事無事都食甜品的態度絕對正確🙊鮮芋仙正在都有幾多分店，夠曬方便😌