鮮芋仙 (荃新天地)

營業中

休息中

Have been here for serval times! I order the shaved ice whenever I visit it!The shaved ice is so huge that the waiter recommended us to share. Yet we wanna try out other things as well The shaved ice consisted of aiyu jelly, mini taro balls, taro balls stuffed with taro paste, mochi and a scoop of vanilla icecream!! Last but no least, it was drizzled with black sugar syrupHoly Moly it’s a bomb!We couldn’t manage it tho

鮮芋仙愈開愈多分店，荃灣呢間分店既人流愈黎愈多。平日夜晚10點30去，以為冇咩人，點知條隊好長。不過太耐冇食，最後都係排隊等堂食，等左20分鐘到。.雖然外賣同堂食都多人，但上餐時間合理，傾下計好快就有得食！.次次黎都係嗌仙草凍，雖然見其他人食奶凍牛奶冰好似好吸引，但冇咩動力嗌，去到收銀都係會嗌番仙草凍。咁耐冇食又唔算好飽，仲有空間加芋頭，都係$6，有兩大舊！佢既芋頭好甜，好泥，好好味，大家有機會要加黎試下！.仙草冰特別既地方係連啲冰都有仙草味，食到最尾都唔會淡！

鮮芋仙最近推出左款限定定冰品——雪山雙芋牛奶冰🍧作為芋頭/芋圓關注組嘅永久會員，又點會錯過呢個機會呢？出左無一個禮拜就即刻仆去食🥶睇嚟芋頭同芋圓嘅魅力真係唔簡單，閒日夜晚都要等半個鐘先有位😭🟪 雪山雙芋牛奶冰 ($65) (加芋圓 $6)首先份量真係唔惹少，成個洗臉盤咁大🤣一個人真係無可能食哂🙂芋泥鋪滿哂成個冰，一啲都無慳，配料仲有芋頭、小芋圓同雲尼拿雪糕🍦店員仲唔小心幫我地加料加左焦糖醬，點知成件事再好味左😋芋頭芋泥都超級綿滑，芋泥就打到好細，配埋牛奶冰同雪糕真係一流💯作為芋圓長期top fans，對住芋圓嘅煙韌程度同大小都超級講究，見到得小芋圓我又點會放過佢？即刻加碼叫埋大芋圓雙重享受🤪果然真係正好多，但小芋圓都無令我失望，都仲係好煙韌帶淡淡嘅芋頭同蕃薯味🥰成個冰份量又夠又唔甜，芋頭芋泥芋圓都處理得好好，全部嘢都好適中👍🏻無得飛去台灣就真係要嚟過下口癮試下呢個芋頭combo💜絕對有台灣嘅感覺💕

在疫情下，人人都困在香港☹️即使是鄰近的台灣都不能去😢小編尤其想念台灣的芋圓😔幸好，來自台灣的鮮芋仙在洗開了分店🤩終於可以一解對台灣的思念～而且食物都是在廚房內現場製作，保證新鮮～這次嚐了兩款冰品，都份量十足，而且是性格比最高的產品之一，如果兩個人分享一個的話，即是每人只需$26，一定可以吃到暑意全無🤣#布丁Q麻糬牛奶冰 $52原來的組合是杏仁和雞蛋布甸各一，但是小編不吃杏仁的關係，改成了兩個雞蛋布甸～雞蛋布甸嫩滑香濃，跟台灣有名的統一布甸十分相似😍牛奶冰份量很多！絕對足夠兩至三個人吃，是冰粒感較重的冰，跟綿綿冰有很大分別，愛玉較硬身，不過配合牛奶冰亦十分不錯～味道小評分：😋😋😋😋😋/5#芋薯圓Q麻糬牛奶杯 $52一顆顆圓圓的芋薯🥰外層是用蕃薯製成🍠，內裏的餡料是已經打成蓉的芋頭，芋頭細滑沒有顆粒，不過味道較淡，而旁邊的麻糬有兩款口味，牛奶和紅豆有各四條，口感煙韌，正中小編喜歡的口感😍最吸引小編的反而是頂部的香草雪糕🍦有很濃的香草味(雲呢拿)，而且是冰感不重的雪糕～味道小評分：😋😋😋😋/5整體味道指數：👍🏻👍🏻👍🏻👍🏻/5性價比：💰💰💰💰💰/5環境：💕💕💕💕/5打卡指數：📸📸/5

上次同朋友一齊黎試，覺得幾好食今次就同女朋友仲有其他朋友一齊嚟食。我地嗌左一份芋薯圓Q麻糬牛奶冰同埋布丁Q麻糬牛奶冰。芋薯圓Q麻糬牛奶冰 $52 今次食個份量依然好多好足料，完全冇偷工減料👍🏻黑白麻糬依然非常煙韌唔會太甜，芋圓，小芋圓，冬瓜凍，雪糕，都同樣做得唔錯。依啲全部甜度適中，夾埋黎食就岩岩好，好適合朋友屋企人情人一齊黎食😆佢有一個係黃色芋圓但裏面係包住香芋蓉超好食超驚喜😍所以個人都係鍾意食呢個多啲！布丁Q麻糬牛奶冰 $52有兩個布甸，一個係普通台灣個隻焦糖布甸，另外一個我哋一開頭以為係牛奶布甸點知原來係杏仁布甸，杏仁味超級濃滑但我食完好想嘔🤮😂因為我唔鍾意食杏仁，但我另外一位朋友佢鍾意食杏仁嘅產品所以佢好鍾意❤️

我第二次造訪鮮芋仙，同從來都未黎過鮮芋仙既朋友一齊去。入座之前我再三提醒佢千祈唔好低估啲嘢食份量，但終究還是低估了。我地就嗌左一個布丁Q麻糬牛奶冰同一個招牌仙草沙冰。我地去果陣人都唔係特別少，但入座相對地快！落完order過冇耐就摞得，朋友一見到啲嘢食既份量就瞬間震撼了。真係好大份！布丁Q麻糬牛奶冰配料幾足，有芋圓，麻糬，果凍之類既野，雞蛋布丁同杏仁豆腐，仲有球雪糕！牛奶冰就係平時啲刨冰加練奶既味，未算太特別但係真係幾好食。刨冰上面都有黑糖醬，幾不錯！至於個招牌仙草沙冰就有芋圓同仙草沙冰啦，芋圓幾煙韌，不愧為鮮芋仙招牌！整體上CP值相當高，值得再去！

本身都有幫襯開鮮芋鮮幾次， 飲開香芋鮮奶，都幾好飲。尋日打算特意再去幫襯，一去到見到排隊好長，排左一陣好彩有職員走過黎示意外賣拎走可以排左手邊既隊，條隊短好多。但此安排未見有任何指示牌，要靠職員見到提醒先知。我排到好前， 本身以為好快落單。 點知原來收銀員得一個人，她同時兼顧堂食同外賣落單。 本身以為到我啦 ， 收銀員叫我等，話而家幫堂食落單先。其實唔知以咩根據 一時落堂食單既隊 一時又落外賣單既隊。 堂食仲慘，基本上條隊冇乜點郁過tim。終排到我啦，但又要等，等收銀員痴上一落單飲品甜品label, 她又有時兼顧安排入坐，顧客完全係到等。我係叫外賣既，企係到等，見到唔少狀況。見到有人買堂食落單先發覺冇位入座；有人買咗外賣但冇出收據 冇外賣號碼，見到佢同職員講但職員冇積極處理。總之點餐安排非常非常混亂！到我杯野飲到左啦， 一飲伏！杯奶茶一拎上手常溫，唔凍既！似溝稀左既味道，裏面嘅配料完全冇味道。好難飲，覺得好失望！成個買嘢飲嘅服務 到味道 感受都好差。希望鮮芋仙可以改進，相信有唔少人有相同嘅體會！ 係人手安排絕對係可以做得更好，或者有一個人去控制成個流程。

疫情之下好耐冇食過鮮芋仙，今次再度挑戰一人完成一盤芋頭牛奶冰，可惜。。。都係失敗咗😭真係太大碗啦。講講佢呢盆芋頭牛奶冰，其實係非常之足料，有四大舊芋頭之餘，仲有一球雲呢拿雪糕係頂，個base係練奶底，鍾意食甜野嘅朋友應該好鍾意，甜味仲要係非常之均勻。為咗要食呢一盤冰，我仲特登叫咗一杯熱嘅古味紅茶(走甜)，因為食到一半d牙已經凍到麻痹晒，要飲熱野舒緩返。講返呢間餐廳，其實無論佢啲嘢飲又或者係甜品都好有質素，我好鍾意佢嘅芋頭，又夠林又甜，加上價錢亦都唔貴非常大眾化，呢間會係我芋圓店最愛之一。

·有冇芋圓控？🙆🏼‍♀️💛鮮芋仙係主打芋圓嘅台灣過江龍手工芋圓主要有一至六號，配上唔同嘅配料可以選擇刨冰底或者紅豆湯另外都有仙草、豆花、紫米粥、麻糬、台式飲品.今次我哋揀左menu推介嘅芋圓4號配料包括芋頭、紅豆、珍珠芋頭都幾綿滑～😋紅豆都甜嘅，不過就冇乜起沙珍珠都正正常常咁芋圓總共有兩款，都夠煙韌不過唔係太食得出本身嘅芋頭同蕃薯味而且份量都比較少🥺👧🏻小編覺得性價比低同埋個人黎講唔太鍾意刨冰底🤪不過優點在於多分店，唔係突登去到好遠～👍🏻（上網見到尖沙咀、黃埔分別9月同10月開分店！🥳）.芋圓4號（芋頭、紅豆、珍珠）$45———不專業評分💯食物指數🍴: 💛💛💛🤍🤍環境指數⛱: 💛💛💛🤍🤍抵食指數🤑: 💛💛💛🤍🤍推薦指數👾: 💛💛💛🤍🤍———📍鮮芋仙 Meet Fresh銅鑼灣登龍街18號V Point 地下1號舖荃灣楊屋道1號荃新天地一期地下G46號舖屯門屯順街1號屯門市廣場1期1樓Kiosk C尖沙咀厚福街3號華博商業大廈地下2-3號舖黃埔花園黃埔街黃埔花園八期黃埔廣場黃埔天地美食坊G01號舖———👉🏼 #ewhk銅鑼灣 #ewhk荃灣 #ewhk屯門 #ewhk甜品 #ewhk黃店#

成日經過銅鑼灣都見大排長龍，今日放假陪個生慶生路過此店，就趁今日良辰美景的一刻，滿心歡喜地去叫個全店最貴既“總滙八寶冰”一試。數分鐘後，甜品終於凍冰冰地被我捧到枱上，萬般其待地一試，點知超級失望，啲冰醬唔夠，如果食冰就真係食緊冰囉，一啲味都無，食到好唔開心囉，相比，之前食過其他甜品店既刨冰（松x，人地果啲整得好好味，每一啖冰都有味，所以呢間鮮芋仙店直頭可以攞0分，以後唔會再幫襯佢，唔會再食呢個“中伏冰”。。。。

鮮芋仙真係長期都爆🤦🏻‍♂️今次又係好多人等位，所以都係買個外賣算。今次叫左個芋圓，號數我都係是但叫🤣番到屋企一開都仲係好凍！料方面都幾多，我個人好鍾意食紅豆，一開盒見到咁多真心開心。之後個湯都幾甜，加埋芋圓一齊食係唔錯既。個底又有舊好大既冰，夏天食真係透心涼🙈🙈芋圓粉量都好多，絕對對得住個價錢。難怪間間分店都長期咁多人係到排隊啦。其實天氣咁熱真係想食啲涼爽或者凍野。佢既芋圓仲要又凍又甜，真係好正！

疫情期間應該有排都無得去旅行，太耐無去台灣真係要食下芋圓一解我對台灣既思念。鮮芋仙本身都非常出名，質素都有保證! 我用外賣app直送上門，所以價格會比平常貴一點，堂食或外賣自取大約$4X一碗～冰芋圓4號(芋頭、紅豆、珍珠、芋圓、碎冰) 芋頭超大顆，好粉，好香芋頭味! 芋圓好煙韌，珍珠細細粒，都幾有嚼頭! 紅豆夠淋，但又唔會爛哂，口感岩岩好! 再加埋碎冰糖水，夏天食真心消暑降溫，正!熱芋圓4號(芋頭、紅豆、珍珠、芋圓、紅豆湯) 其實是跟上面的一樣，只是把碎冰改為紅豆湯，紅豆湯真材實料，而且不會過甜，讚! 養生的推薦紅豆湯!仙草冰沙4號(芋頭、紅豆、珍珠、仙草凍、仙草冰沙) 再次強調芋頭真的超大顆，好好食! 仙草份量也滿多，而且好滑，甜甜地，好好味! 底下好多仙草冰沙，真的超解暑!

夜晚食完飯行過見到好多人排隊，望真啲原來開咗間鮮芋仙嗰度！我以前去大陸工作必食，幾乎每一隻款都食過，係佢嘅忠粉，所以毫無猶豫即刻加入排隊大軍....大約等咗20分鐘就到我買。叫咗個芋圓2號$45熱嘅，我鍾意食佢個紅豆湯底同埋地瓜。不過後來拎到返屋企食，兩個字形容，失望！紅豆湯水fing fing，紅豆都唔多，簡直係偷工減料。同大陸相比，餡料例如芋圓非常之少，隻碗係幾大，但係根本就係水多，完全唔值咁嘅價錢，亦都唔值排隊。以後唔會再買。總括來講同大陸嘅味道真係差天共地。

係荃灣行街，天氣又熱，想搵野飲啦，就去左鮮芋鮮。真係幾時都咁多人排隊。😮咁好彩我係買外賣一杯野飲，所以可以直接埋去外賣counter。叫左杯小芋圓冬瓜茶，咁好快就拎得。飲落唔太甜，依啲天氣飲真係透心涼！咁啲小芋圓都唔太硬，食落好有咬口。仲要加埋冬瓜茶既甜，真係好好味！😆一邊飲既時候又可以食芋圓真係好正！啲小芋圓真係好多，飲哂啲冬瓜茶都仲有好多比我食😍如果唔係咁多人排，我真係想入去堂食番碗芋圓先再行街🙈

一向鐘意食芋圓同珍珠，所以唔揀仙草系列揀了芋圓系列要2號，有珍珠、薏仁、地瓜，全是養生之選我選熱，是配紅豆湯而凍食是配冰的 疫情期間，外賣滿$50會減$5於是在選了芋圓2號($45)，加了$6要黑芝麻湯丸變相加了湯圓都係$46 ($45芋圓2號 + $6湯丸 - $5)由荃灣外賣返長沙灣返到家仲暖保溫不俗紅豆湯超有驚喜睇到打爛咗嘅紅豆粒粒，而紅豆又夠淋，唔會唔熟甜度合香港人口味芋圓有2隻色軟糯，質感OK，但食唔出黃蕃薯同芋頭味比較淡口薏仁夠淋，唔會生硬地瓜有2-3舊，大舊嘅淋，有蕃薯香，而且甜，係芯入面都甜配紅豆湯好正黑芝麻湯圓$6/2粒黑芝麻好香，係有炒過皮略厚咗少少，但係好軟熟下次想試豆花