鮨千寿 (屯門市廣場1期) (已結業)

之前見多人排隊，未有機會試，今日見人唔多，又唔洗排，就入去試下。餐牌款色唔多，壽司選擇更少，而且價格亦偏高，叫左2個卷物，2份燒物，1份沙律，1個忌廉蟹肉薯餅，1個石窩飯。壽司冇特別，味道一般，燒物好咸，薯餅黎到係凍既🤦🏼‍♀️叫佢上左個飯先，佢又話整緊，等左4個字再問，佢又話整緊其他熟食，要再等🤦🏼‍♀️最後選擇左取消個飯。揀左呢間餐廳食生日飯，真係中晒伏，失望，埋單呢間真係物不所值！垃圾

係市中心行完街，屋企人想食日本野，就揀咗呢間試下，我地8點左右開始等，都等咗半個鐘以上先入得睇餐牌就發現呢間屬於比較貴嘅日本餐廳，普通魚生飯都要$3xx不過佢唔係專食壽司/魚生飯，仲有好多唔同小食、串燒、茶漬飯選擇，有啲似居酒屋，係市面屬少見！我地叫左兩串串燒—燒蠔同牛柳蠔都算新鮮，但牛肉就無乜驚喜，平平無奇的感覺另外，我地叫咗兩個飯，呢個係松菜蟹蓋海膽飯，超好味，有大量蟹膏撈飯，比起其他飯都好抵食仲有個鰻魚飯，屋企人最鍾意，夠厚身，汁好香最後叫咗個壽司拼盆同埋牛油果三文魚卷新鮮，有肉質，唔係cheap野，特別帶子壽司好厚肉，唔錯唔錯大家有機會都去試下啦，善待自己

我們是先認識九龍塘的穴藏，知道他們是同一個集團，就開始經常來比較方便我們的這間鮨千壽。餐廳的座位很多，吧檯大約8-10個座位，裝潢設計簡約乾淨，淺色為主，店內沒有魚腥味，代表他們處理海產的工作做得充足。我們會經常來的原因是因爲他們的天婦羅日本蛋黃，鬆化的表面包著流心蛋黃，第一次吃到的時候很有驚喜！已經變成了我的必點！每次在點熱食之前，我們都會先看看那個寫著日本產地直送海鮮的迷你黑板菜單，定期都有不同的海鮮。有不同的蠔(試過岩蠔、真蠔等等)魚(試過真鯛、金目鯛、針魚、魴鮄魚等等)貝類和刺身(試過白子、池魚、鰹魚、間八等等)在那裡我認識了一種魚叫葉血引，血味比較濃，而且脂肪不多，有點像新鮮的赤身，也是我的偏愛，但是是季節性！！！！有一點一定要讚揚，他們的擺盤技術有一手，每次都很漂漂亮亮的送到枱上來，增添不少視覺上的享受！！！建議吃刺身拼盤的話，在午餐時間來會便宜很多，還有前菜、湯和甜品。另外近期我的必點多了一個，就是芝士年糕煙肉卷，一上枱就要趁熱吃，燒香了的煙肉包著熱騰騰和軟心的芝士年糕，一大口吃下去！真爽！以下是吃過的還有：

今晚紅眼機飛歐洲，臨行前好想食日本嘢岩岩今日去開屯門市廣場，呢間餐廳甘就腳，就食你啦叫左4樣嘢，分別係：牛肉烏冬 （$98）海膽魷魚卷 （$118）帶子沙律卷物 （$78）豪華波士帶子三文魚籽飯 （$368）第一樣上枱既係牛肉烏冬，叫佢純粹係怕唔夠飽 想叫多樣食物🤣🤣 老實講，呢間唔係平價壽司，餐牌入面搵一樣既平又飽，非牛肉烏冬莫屬佢亦不負眾望，表現平均，無揀錯再泥就係帶子三文魚籽飯🐟🐟仲有海膽魷魚卷🦑🦑所有魚生都好新鮮！好鮮味！帶子甜，三文魚籽鮮，海膽香，魷魚爽真係一邊食一邊心心眼好幸福喔！！平時三文魚籽好易有陣腥味，魷魚就韌到𡁻唔到，呢度可以話一分錢一分貨，CP高輪到帶子沙律卷，同樣甘好食帶子一樣甘甜美，蟹籽又好爽脆，百吃不厭俾左甘多手指公👍🏻👍🏻👍🏻就知呢間會俾高分（嘿嘿嘿）到最後最後埋單，仲有9折！！wow wow 原來7點前埋單有折牙 luckiiiiiii ☘☘☘ 祝我呢趟歐洲之旅都一樣咁幸運啦 ！

前排情人節同男朋友完全諗唔到食咩，男朋友又冇安排啲咩😗真係要比下說話佢聽先😂不過其實一齊得耐已經冇咩意慾慶祝😐到最後等咗成個幾鐘食喱間日本菜😎第一碟嚟嘅係刺身拼盤8款就$308一嚟到已經覺得擺盤好靚，每款刺身食落去都好新鮮😚最正係海膽同大大隻嘅蝦😋而且啲刺身唔會話超薄同細細舊🤔男朋友嗌咗松葉蟹蓋海膽石鍋飯 ($178)呢個飯望落去勁吸引😱有海膽、蟹籽、蟹肉同蟹膏🦀上面每一樣野份量都唔少，食落去啖啖都有蟹肉同蟹籽😎海膽食落都算新鮮，不過撈勻嚟食又唔會話太重味😍我就揀牛肉烏冬 ($98)牛肉嘅分量都幾多，食落去嫩滑😛食完之後覺得好飽😵不過整體食落就會有啲簡單🤔我地都好中意食鹽燒油甘魚鮫($128)😚食落去層皮好脆，入面嘅魚肉加上魚油勁香🤤而且裡面又唔會太乾身，食落都唔錯😙最後嚟個清酒煮蜆 ($88)蜆嘅份量唔算好多，不過起碼每隻嘅size都幾大😆而且冇一隻有沙，所以都可以試下😛

環境寬敞舒適, 服務也不錯。本人覺得價錢比較高檔既日本料理，不過他的取材由日本空運到港，亦不無道理。廚師推介松葉蟹蓋海膽石窩飯, 棕葉蟹蓋放著滿滿的海膽+石窩飯熱辣辣香噴噴, 真搭配, 味道濃郁芬香，還有三種調味粉提味海鹽，咖喱，抹茶粉。津别牛乳蟹肉薯餅，很creamy 香口。 芝士青瓜鰻魚卷，芝士溶落青瓜度，+大塊鰻魚，非常煙韌。章红魚薄黑松露帶子更是鲜味有咬勁。 清酒煮蜆，清酒濃郁芬香，蜆肉新鲜大塊，配搭非常好。想食到新鮮日本空運食材，這間店也是不二之算。

松葉蟹蓋海膽石窩飯個人最想推介係呢一個！份量算係適中，蟹蓋亦都唔會話得好少嘢，蟹嘅鮮味好重。壽司拼盤$248 個擺盤有用心😂魚生每款有兩塊，好新鮮。左下係魷魚包住海膽。

Very good Japanese restaurant .It can be very pricey but it depends what you order and when. The sashimi are very good and melting in your mouth (but it comes at a price). The lunch sets offers quite a few good choices. One of my favorite being the " katsu don" ie the pork chop rice with egg. The staff is efficient and welcoming and also very "strollers" friendly. They will always try to accommodate if you come with baby and his stroller.

姑姐生日，即興約埋兩姑姪撐枱腳，近近地喺屯門巿中心食姑姐揀左去鮨千壽食, 我想食魚生飯，但打開餐牌，見魚生飯398一碗，有3款，雖然有海膽，不過好似有啲乸脷後來見到隔離枱的壽司飯，其實size都唔係大，只係正常......係咪我食得爭鮮太耐，唔知巿價呢?先俾個廚師推介嘅松葉蟹蓋海膽石鍋飯吸引成個蟹蓋滿哂料，味道都好鮮味，$178，都好抵喎撈飯真係好正, 我好滿意。再叫左海膽刺身配蔥吞拿魚腩卷，$188蔥吞拿魚腩卷足料，好味如果可以配埋紫菜俾我包海膽就very good喇另外叫左個薯絲蝦佐蛋黃他他醬, 薯絲有啲硬, 蛋他他醬好味，$58，其實ok整體滿意, 環境ok, 枱唔會擺得太密, 不錯

特上壽司拼盤 $388有12款不同種類的壽司魚生和海膽都好新鮮章紅魚薄切黑松露帶子 $128呢個前菜十分特別章紅魚配黑松露帶子一起吃口感也不錯👌冬日限定牛肉壽喜燒 $178肉質鮮嫩...入邊仲有粉絲同菜但份量較少...最多只能夠兩個人食整體來說在屯門這間餐廳的食物質素都有日本的味道

今天對自己好一點，同朋友都豪氣試試鮨千壽，叫了一個特上壽司拼盤，牛油果軟蟹卷，帶子沙律卷。壽司用料高質，甜蝦，魚生類都新鮮，鮮甜，沒有腥味，壽司醋飯好吃。卷物都有水準，牛油果新鮮切的，軟殼蟹都炸得很脆，帶子沙律的口感很豐富，蟹子脆加帶子鮮甜。

星期六晚度度都難搵食，收工都唔早，又忙到一頭煙，攰到唔想再嘥時間排隊等位，行過見黎間得一枱客等，又開左咁耐都未幫親過，一於試下。打開menu 花多眼亂，就點左兩個季節限定-壽喜燒同石鍋飯，再加個壽司拼盤。落單個職員好細心，話張枱細，所以會先上壽司，到食完先再幫我地上熱食；又建議個壽喜燒追加$20加烏冬或者韓式粉絲，咁會好食d；兩個建議都幾貼心。等食同食緊其間，職員不停主動加茶，看似基本，但越黎越少餐廳做到。等左十幾分鐘，壽司黎喇。特上壽司拼盤 - 蛋卷香又唔死實；魚生樣樣都好新鮮；魚子就偏咸同有少少腥；飯粒就一粒鬆一粒實，應該唔係出自同一師父手😅牛肉壽喜燒 另加烏冬 - 話加$20加烏冬/韓式粉絲，但上枱就兩樣都有。到底本身就有粉絲，定加錢兩樣都有呢？無人答到，算喇，無黎錯就得。但就麻麻地，牛肉過熟，烏冬過冧，湯唔夠熱。真心覺得和民既壽喜燒仲好食。再黎一個黑豚肉泡菜石鍋飯 - 黎個夠晒熱，上枱果陣仲有煙架。有泡菜既微辣，又有少少飯蕉，豬肉唔肥膩，但要d時間先可以咬開吞到。😑食物黎講，個人覺得壽司值得外，其餘兩個都不必再試。未試既，可以慳番，㨂第二款。入座前有個小插曲，前台派飛安排入座位

諗晚餐既時候突然好想食日本菜，之前經過依間餐廳已經好想試下，睇完個menu覺得款式都幾多就決定試下佢！可能我地食飯時間尚算早，餐廳唔太多人，我地兩個大人推住架bb車，店員安排左個四人座位比我地，其中一個位比我地放bb車（對於媽媽黎講依個位好細心👍🏻）我地點左個章紅魚薄切黑松露帶子($128)，佢除左有帶子仲有甜蝦，估唔到依個配搭個味道又幾好食喎，而且薄切同角切既刺身一齊食，食起上黎個口感又非常唔錯。個人幾推介依道前菜，下次再黎食都一齊會叫返依個！另外我地再叫左壽司拼盤($248)，海膽刺身配蔥呑拿魚腩卷($118)同雜錦天扶良($118)，海膽刺身用料新鮮，但略嫌海膽味不夠濃郁，而雜錦天扶良及壽司拼盤亦不過不失。食完左記得本身喺門口見到有壽喜燒同其他鍋物所以決定食依間餐廳😂 但好似喺餐牌又見唔到有鍋物既🤔

今日老公同仔仔黎接我收工, 之後過左巿中心行下.  諗住食個早飯, 最後決定黎試下呢間. 咁啱見到 7點前離座可享9折, 又抵喎~其實價錢唔平, 簡單叫左以下幾樣食物,壽司拼盤 $248/10款賣相好靚仔 , 有唔同款式既壽司, 刺身好新鮮可口! 吞拿魚腩 $58刺身色澤超靚, 入口好新鮮又唔鯹, 勁好味!芝士青瓜鰻魚卷$ 78因為係熟既卷物，所以俾阿仔又試下, 因為有鰻魚汁, 甜甜的,  又有芝士粒, 所以勁鐘意食. 不過小朋友唔好食咁多鰻魚, 所以只俾左一舊佢試.卷物好好味! 芝士加青瓜配搭一流,  鰻魚本身又好食.三文魚燒飯糰 $38呢個飯糰叫黎招呼個仔既, 自去完日本後, 阿仔就勁鐘意食飯糰. 不過呢個飯糰當真又好好味, 因為燒過, 外面脆脆地, 佢更鐘意食果塊脆卜卜既紫菜. 飯糰將餡料顏碎後, 又搓返混一齊, 所以每啖都有好好味既配料.津別牛乳蟹肉薯餅 2件 $48外脆內軟好 creamy, 我地都撩D餡俾仔仔食, 勁滋味.雖然價錢真係唔平, 不過食物質素又真係幾高既, D野真係幾好食! 

好耐冇入屯門，今日去到屯門巿廣場，好多鋪頭冇左，又有好多新嘅鋪頭開左😬元氣舊址就開左間新嘅日式餐廳'鮨千壽'環境清雅，座位寬敞頭盤章紅魚薄黑松露帶子薄切的章紅魚肉質鮮，起薄魚片後晶瑩剔透、紋路分明，爽滑甘甜，鮮爽滋味😋帶子新鮮甜美，不用醮醬料都十分鮮甜😍連拌碟嘅沙律菜都很清新爽口👍清酒煮蜆，清酒經過煮熱後味道更加香濃，加上蜆肉夠新鮮，實在是配。蜆肉肥美，粒粒脹卜卜🤗蔥吞拿魚腩薄脆，碎吞拿魚腩幼細香滑，軟綿綿的口感加上脂香，放在香脆的鍋巴上，口感一流呢～麵豉軟牛脷，原來是先把牛脷煮熟，再攞去煎，難怪可以外脆內軟，醮上麵豉醬更突出牛香味濃😋😋😋鰻魚石鍋飯鰻魚肉新細緻，油脂豐富，肉身夠厚，皮有點焦香，配日本香米，啖啖回甘😋😋😋餐廳食物價格適中，合理，選料新鮮，下次可再試更多刺身😊