鮨三川 (已結業)

上網睇見介紹，價格唔太高，起碼正價都食得起，而家又有第二份半價優惠，同個女仔同事一齊試吓新地方！地方乾淨，正常日本餐廳。可能新開，一開始waitress 拎咗個晚市餐牌俾我地。我地叫咗$398 的鮨set. 壽司份量剛好又新鮮！建議唔再點豉油食，食原味，因為師傅已經抹上一層醬汁。因為有upload limit, 沒有upload 所有食物。沙律冇乜特別，black truffle steam egg 又香又滑又夠熱，最後甜品有得選芝麻 或 豆腐雪糕，正常！正體來講，重點係壽司，其他好食係bonus!以這個價錢，同質素，我會再食！不過男仔食會有少少唔夠飽，女仔就貴精不貴多啦！

香港的 Omakase 已經開到成行城市，要突破唔係容易。我地就好鍾意不斷嘗試，睇下會唔會搵到驚喜。今次就來到新開試業嘅「鮨三川」。新開業有第二位半價的優惠，試下佢啦。地點易搵，樓下有咁嘅廣告。又好似通俗直接左小小。😂整幢大廈都係食店，競爭激烈。門口整潔。店員都幾細心，有密實袋俾客人裝口罩。Omakase 有兩個價位。今日小小慶祝，唔使諗一定係 $1200。自帶了「銀河鐵道」。特色是要在零下18度儲存，倒出來帶冰花。開瓶費 $150，有合格白酒杯。前菜南瓜豆腐 + 蟹肉果凍。蟹肉配上酸酸的味道，好開胃。刺身陸續送上：最特別係八爪魚。新鮮到肌肉仲識收縮。我係八爪魚迷，好興奮。肉身鮮甜、吸盤位非常爽脆。$1200 價位多了生蠔，配日式酸汁，正！油甘魚有兩種食法。火炙的食法更香口。牡丹蝦好多蝦子，好正。蝦頭另有妙用。Yeah！超脆嘅炸蝦頭，成個頭都食得。送酒佳品、減肥剋星，不過唔理咁多喇。熱食係比較突兀。和牛煎得唔夠香、有啲膩；鵝肝冇乜醬去平衡、更膩；配半熟元貝⋯⋯ 整體就係好油膩。壽司 7 件，全部合格以上。海膽手卷，用了「米鹽」。只有淡淡的鹹味，帶小小米香。不錯的配搭。蒸蛋水準不俗。最後

機緣巧合之下知道咗依間Omakase，平時覺得食呢類廚師發辦會好貴，不過聽朋友介紹話呢間新開做緊優惠，所以咪去試下，不過試完應該會上癮...咁誇張？先唔講其他，一入門口個侍應哥哥十分親切，原來係老闆黎，仲要係靚仔，佢話呢間係新品牌，同區仲有間居酒屋，仲好nice派左卡片比我地～咁靚仔....佢話點就點啦～鱆紅魚薄切，配個酸汁啫喱，唔錯唔錯！特別欣賞隻日本蠔，好鮮味，質感爽甜。北海道牡丹蝦好新鮮，藍色嘅蝦子好特別，配上燒左既蝦膏，非常好食。金目鯛燒香配芽蔥、燒北海道銀鱈魚，燒一燒個效果好好，成件壽司食落好香，仲唔會油淋淋。中拖羅、赤貝都好新鮮，最鍾意件海膽，紫菜脆，海膽好鮮甜，總括，用餐體驗好好，出品同經營者理念都好欣賞。（自我感覺良好）餐牌上見到「吸物」兩個字，開頭都唔知係咩嚟；原來係日式烹調嘅湯 ，無咁濃味，飲落去清清地帶出到海鮮嘅鮮味。到最後嘅甜品，原來係日本直送嘅哈密瓜，雖然我唔知邊個產地但同我喺北海道「夕張」食嘅哈密瓜味係一樣㗎～Omakase 嘅理念係將最時令新鮮嘅嘢食呈現給客人，所以下次有機會再嚟，可以食到多嘀唔同嘅日本刺身壽司...因為？平靚正囉

呢間係新開架！之前有幫襯開佢地三川居酒屋🏮，老闆好勁呀，咁近開多間食Omakase既！啱晒我呢啲食日本野既專用戶！成個舖頭入到去比到我地覺得好舒服既感覺，特別係張吧檯櫈，坐耐都覺得好舒服，唔會硬晒舦！幾個刺身都好出色！好新鮮，隻蠔好鮮甜，本身鍾意食貝類，真係好正！😋呢隻牡丹蝦係我食咁多間日本野，我比滿分！真係好正，個口感係爽甜，加埋個膏不得了！壽司最滿足呀！個大拖入口即溶！個海膽手卷師父話加少少淡雪鹽個味更出！第一次試，係好Match!💓成個過程都回味無窮既！最緊要係性價比好高，Omakase 黎講好抵食，仲做緊套餐第二位半價！一定會再去！😋😋😋

而家冇得返鄕下 唯有食靚既日本野頂下引先！銅鑼灣呢間”鮨三川”位於渣甸中心 交通方便 正！現時新開張期間 午市Omakasa 第二位半價 / 三位75折 好抵啊！！！Lunch 三個價錢 我就試左最貴既 $468 set每款都會有沙律 刺身 壽司茶碗蒸 魚湯烏冬同甜品！Sushi用左赤醋米製作 味道足 不需再點太多豉油 可更易品嘗到魚生既鮮味！壽司由師傅精心設計 由淡到濃 逐件逐件上師傅亦會細心講解壽司既做法 點樣食最好Professional 👍🏼👍🏼整體lunch 來講質數不俗 值得encore !!!

見新開張有折所以同朋友黎試點知一試愛上裝潢方面好簡潔舒服唔係懶華麗嗰d係好令人坐得舒服嗰d🤣服務方面一流係我喺香港食過既日本餐廳中最好service 拍得住半島無論係壽司師傅定係waitress個個都好細心好有禮貌🤗令成餐飯錦上添花食物方面好新鮮好有驚喜例如會有喺香港比較少見既金線鯛壽司（即係紅衫魚）手卷用既都係吞拿魚腩位而每一種魚都用唔同既調味去突顯佢既鮮味但又唔會喧賓奪主我自己就好欣賞個魚湯夠魚味又唔腥仲有個甜品係靜岡蜜瓜好清甜好多汁😋前菜刺身壽司煮物/揚物等等一間好有心既小店我絕對會再次幫襯架～