魚米 (泓景匯商場)

營業中

休息中

經常幫襯米線但這間的麻辣小辣已經辣到食唔到，凍啡冰多過咖啡飲三啖已經得返八成嘅冰、質素比以前差得多，職員態度惡劣食得極不開心，自己煮都好食過佢，以後絶対不再光顧

落單錯，講餸名就寫米粉，講餐號又覆錯號碼打單錯，打單果個阿姐，又求期打個號碼，落錯野尼菜都錯，A 枱送去B 枱全場大媽，喺d 客面前自high, 但又做錯野，想點？輕鬆做野無所謂，但做又錯做漏，無尼認真，圍埋大聲講大聲笑，OMG

天氣太熱，唔想食飯，所以趁人少少來呢間試試佢d米線。有比較才有鑑別，對比譚仔雲南米線，呢间係以魚作為主打的佐菜。因為照片上睇落一條魚都頗大，所以我都係叫番傳統的魚蛋米線。魚蛋我個人都係鐘意譚仔多d。因為較彈，好似雞蛋d蛋白咁，米線則两間差不多滑，只是譚仔相對冇咁腍。一個午餐米線40來蚊，價錢都算合理。

「魚米」是香港「心粥館飲食集團」旗下品牌，以鮮魚湯米線作為賣點，而所有分店的門面都特意設計得十分現代化，室內裝潢則較為簡約時尚，將米線的傳統觀念引入現代化新環境，用以吸引年輕一代的顧客！自2011年首間「魚米」成立至今，集團現已拓展到二十多家連鎖分店遍佈港九新界，足見其理念非常成功。最近「魚米」更打破傳統範疇，推出茶餐廳的「下午茶餐」糸列，價位由HK$22至HK$41不等，附送飲品，極具吸引。 ▲ (下午茶餐) 果醋豬軟骨茶飯 HK$41 附送熱飲一杯 ~ 菜飯軟綿，豬軟骨又腍又入味，微帶果醋香及酸甜，非常下飯

今日難得早收工，一於搵間餐廳做最後一個order下午茶既客，5：45入到去見到無咩人又有好幾張卡位，由於無咩客，所以一個人都有得坐卡位，見到雨午茶豬排菜飯，三十幾蚊仲有野飲，就叫黎試下，大約10~15分鐘就出左餐，一擺底嚇到眼都凸埋， 三十幾蚊碟豬扒菜飯居然有三塊又大又厚既豬扒，堆到成座小山丘咁， 碟菜飯仲要真係好多菜，唔似出面好多餐廳話自己係菜飯，但係只係得幾粒菜，佢地碟菜飯菜嘅比例起碼佔咗三分一以上，咁就可以除咗食咗肉之外仲有菜落肚， 因為始終啲豬扒係炸，而家咁樣就變咗有菜有肉有飯，食落個感覺都冇咁濟，而且分量一啲都唔少，雖然已經好努力食，亦都因為唔想浪費，所以努力密密食，最後都食唔曬食淨咗少少， 飽到夜晚嗰餐都食唔落，諗住high個tea，點知變咗晚餐，三十幾蚊個晚餐真係抵到爛。

餐紙menu欠奉、叫到后要自助式桌底自取、筷子櫃應該有一段時間冇清潔、攞對用都有D心驚、碗米綫上到后先發現冇放桌紙、米綫味道唔錯、補番D分、店內衛生招呼有改善下就更好

今日晏晝約咗媽媽食晏 ～今晚突然想食米線！所以就入咗去魚米啦！其實餐單裏面有啲配好咗嘅米線會畀 散叫平 三至四蚊左右～ 但係因為突然想對自己好啲所以最後都決定 散叫！！大大碗～ 炸豬扒脆卜卜熱辣辣 裏面仲有肉汁流出嚟㗎～ 韭菜餃仲可以食到 淡淡嘅蝦肉！ 餡料非常豐當卜卜的！

住咗呢區好幾年，荔枝角餐廳唔算好多，快餐店多數都係集團式經營，呢間初初食我覺得唔差嘅，叫做頂到想食米線嘅心癮，但當然唔係話好出色果種但近年開始越食越差不特止，環境維生都差咗，今日叫番平時食開嘅豬潤牛肉米線加杯凍檸茶，一上枱就見到賣相都算ok，但點知一食就有陣陣腥味，湯太腥了，豬潤好鞋口無味有啲仲好un ，牛肉腌得太勁，淋到好粉咁，米線質感正常，可是湯太腥影響哂係杯凍檸茶叫做正常，有啲茶味唔苦澀，不過真係差咗好多

我經過的時候是給它的菜飯吸引的 以為下午茶是2:00開始 怎料週末是2:30 同一個餐 下午茶只需要$39 午餐要$48菜飯不錯 鹹度剛好 菜不會太碎豬軟骨挺大份的 夠「lum」酸酸甜甜 挺開胃有一杯餐飲 我點了熱奶茶 不過不失

喜愛吃魚的人可能會覺得很鮮味，很有營養，不怕肥…等等。 但不愛的人也會覺得腥，多骨，恐怖，麻煩… 如果你有一堆魚友當然沒問題啦，但我沒可能在非魚友眾會自己叫一條魚吃吧!？ 最多可以叫個xx班塊/魚手指來解解饞啦，但始終不算魚啦… 所以見到魚米介紹有原條魚米線當然要去試下啦原來有超過10款原魚可以選的，千挑萬選下要了少吃的筍殼魚米線等了起碼10分鐘，但真是有點點失望呢… 魚很細條，只有我手掌大小呢， 太小不能解饞呀還好都算有點點鮮味… 魚湯也有淡淡的魚味… 等待的中途也先試了酸辣魚蛋魚片米線，可能酸辣太濃味，完全試不出是魚湯呢，但整體ok腐皮墨魚餅~ 炸得比較乾，只有少少墨魚味。白灼豬潤~  有鮮味夠薄夠爽口, 但小部分應該放久了比較乾身....這餐雖然解不了饞.... (可能我快要忍不住要自己走去吃一盆水煮魚啦....) 但整體來說算是還可以的, 我應該起碼會再來一次試試另一款的原條魚米線吧~

「魚米」是香港「心粥館飲食集團」旗下品牌，以鮮魚湯米線作為賣點，其所有分店的門面都特意設計得十分現代化，室內裝潢較為簡約時尚，將米線的傳統觀念引入現代化新環境，希望用以吸引年輕一代的顧客！ 自2011年首間「魚米」成立至今，現已拓展到十多家連鎖分店遍佈港九新界，足見其理念非常成功。最近「魚米」更打破傳統範疇，推出茶餐廳的「港式早餐」糸列，價位由HK$22至HK$31不等，除了附送飲品外，顧客還可以按個人喜好加錢轉換食材或加配額外食物，極具吸引和彈性。 港式早餐供應時間7:30am-11:00am (早餐M7) 至尊珍寶全餐 配熱飲 HK$31 ~ 珍寶全餐除飲品外，還有漢堡扒、火腿、雞肉腸、煎蛋及牛油厚多士。三種肉類應該來源自急凍行貨，也是全港九茶餐廳的標準，沒有失望。厚多士變成兩片薄多士，份量不變但口感不同啊！

朋友病咗，無乜胃口，唯一要求係清啲。好啦！本來打算食好啲嘅，但最後只好頹食入到魚米，睇下餐牌，非常適合朋友因為都係各式各樣的病人餐有粥、有麵！左㨂右㨂，最後我揀咗呢個果醋豬軟骨韮菜餃米線（$42）。一上枱，我有少少後悔！因為個魚湯比果醋豬軟骨沾污咗，冇咗魚湯嗰種奶白色，仍冇咗魚鮮味，食完仲有少少口乾湯底有榨菜絲、腐皮及芽菜，都算多料。米線及韮菜餃屬正常級數，冇乜特別。反而豬軟骨炆到軟腍腍，而且好入味，味道酸酸甜甜，唔錯！不過如果豬軟骨可以分開上的話，我相信無論個湯，或者豬軟骨，都會更好味。

小弟一向也喜歡吃魚湯米線，入口香而且味道鮮甜！同女朋友行街街，見肚餓就找了一間米線店開飯呢！見佢以魚湯做招來，下午茶又不是太貴，三十多元連飲品就當然去馬啦😝魚旦魚腐米線：不得不介紹魚湯湯底，一上台就好香，湯底很清而不油膩！喝一口魚湯，味道不濃，沒有落味精呢！連配菜調味可以令湯底味道更豐富！魚旦、魚腐很彈牙很足料，大大碗米線確實抵食！👍👍豬軟骨撈烏冬：豬軟骨有四大件，絕對不是豬軟骨碎，真係抵食😁😁豬軟骨夠腍身，醬汁感覺略咸，不過撈上烏冬就剛剛好平衡番味道！正！

糖醋豬軟骨. 牛肉. 酸辣米線 hkd 48經過屋企樓下. 被香香的米線味吸引. 有少少肚餓. 便順便坐低叫碗米線食下選擇都好多. 亦有菜飯. 飯類. 都有喜愛的凡立貝. 不過覺得凡立貝配米線好似怪怪地. 所以最後叫左糖醋豬軟骨. 牛肉. 酸辣米線糖醋豬軟骨 3 大舊好抵食. 骨同肉都有濃濃的糖醋汁味. 骨都淋到咬兩啖就食得落口.牛肉味道較普通. 不過份量都夠. 有近5 片而較為失望的係 酸辣米線 的酸辣湯底. 這個湯底只有酸菜和味精湯底. 酸菜酸味亦無融入湯底. 即可以講話係清湯. 對我黎講. 湯底好重要. 係整個米線的精華. 亦係因香濃米線味而入此鋪. 老實說. 是失落

去左一間魚米既米線店食米線啦，不過究竟佢同 魚米家 之間係咪有關係既呢同普通市面上既米線店所提供既配料好類似，所以我就快快叫左個腩肉米線，平平地，填飽個肚算。 上菜個陣，已經覺得好大碗。腩肉落得都唔少，所以絕對係食飽晒既。 可以一提既係湯底既魚香味相當鮮甜，出乎我意料之外。腩肉既肥肉唔多，而且好清淡，唔需要怕太肥，唔健康@@其次，有個同事叫左麻辣，點知真係辣到佢傻，要我地分啲湯俾佢搞番淡。所以，唔係好食得辣既，就因住啦。