魚川居 (已搬遷) 新店位置

觀塘話係工廠大廈區，但其實同時都係一個覓食嘅好去處，隱藏咗唔少好味嘅小店，今日就嚟咗—魚川居😍元朗烏頭 ($168)- 招牌香辣口味果然好味道，一上枱就香氣撲鼻，食落微辣惹味，而且調味十足，一啖接一啖，停唔到口😋- 魚肉香滑，新鮮雪白，而且唔算多骨，方便進食，表皮仲煎到香口脆身，香脆嘅魚皮配搭香軟嘅魚肉，啖啖都好享受❤️- 配料都幾多元化，有腐皮、豆卜、木耳、紅薯粉，個人鍾意紅薯粉，口感滑脫脫，而且好索湯汁👍🏻- 加配咗讚岐烏冬(+$20)，烏冬都係水準嘅表現，完美吸收晒湯汁嘅精華，濃郁到令人著迷，極級好食，超級推薦大家要嗌🤤- 叫咗罐可樂($15)，冰涼爽口，碳酸飲料勁解渴，好正😋餐廳地方闊落乾淨，坐得舒服，又食得滿足，整體食物質素好有水準❤️

-想食川菜，但又唔想太重口味？黎觀塘既魚川居就無問題啦！-今次我同朋友就叫左佢地既招牌酸菜魚米線。呢碗米線，魚片份量十足，魚味唔會腥，完全唔會有骨。而米線唔會煮到過淋，岩岩好，午餐黎講真係幾飽肚。湯底方面，酸菜好夠酸，唔會似出面果啲死甜或死鹹，更加唔會食到有白醋味，食落唔會拿喉，辣味尚可。- 另外，我地都叫左麻酸辣手撕雞撈薯粉。呢款薯粉表面鋪滿好多手撕雞，手撕雞比平常大條，好有飽足感，加埋薯粉，一定要同朋友分享先得。而我最欣賞既係佢地既撈薯粉唔會係熱撈，凍凍地又酸酸辣辣咁，夏天食勁醒胃啊！醬汁方面，呢碗比米線果碗濃味，但都好夠酸，食食下辣味後勁就黎料。-所以呢個時候，我同朋友就分別叫左凍紫貝天葵同青檸梳打。-凍紫貝天葵，相信香港人都唔會陌生，大家都知佢係天然有益既飲品，但真係唔係間間餐廳都有。呢杯飲品酸酸甜甜，非常生津解渴。-至於青檸梳打，店家係用左有大象果款梳打水，分開黎上，賣相一流。大大杯青檸冰底，再加上梳打水，同樣酸酸甜甜，但夏天飲有氣既就係果然唔同啲，一個字形容，爽！想健康又解辣，飲呢杯就岩哂啦！

觀塘區都幾難揾到餐廳食酸菜魚！終於最近揾到間小店！就係💚魚川居💚今次食咗2樣佢哋嘅皇牌野！💚酸菜魚💚魚片好厚，好滑！魚肉無骨，好實肉😍同埋湯底好夠味，夠酸！如果大家唔太食得辣，可以同佢哋講，會加多d雞湯！令到唔會太辣，又夠味💚佢重可以配淮山麵，幾爽幾好食，重好健康，大家可以試下！💚口水手撕雞💚唔辣，不過無乜雞皮。佢哋嘅口水雞汁比較甜～下次一定要試口水雞～～～💚佢哋重會送紫貝天葵比客人飲！係佢哋自己煲！💚佢哋個廚師同侍應都非常好禮貌💚👍🏻💚魚川居💚地址: 觀塘開源道54號豐利中心5樓507室電話: 26032298

自從加入米線群組之後，即係成日都睇吓邊度有好嘢食♥️♥️♥️😂😂😂😂😂聽聞一間一間轉系食酸菜魚米線，所以就特登過嚟食🙈🙈🙈🙈🙈可能因為我今日太晏啦，所以已經賣晒🥲🥲🥲🥲🥰🥰所以我叫咗土匪雞翼魚湯泡飯♥️♥️♥️魚湯係好鮮甜嘅，所以飲落都好舒服😀😀😀😀😀🥰🥰🥰🥰手撕雞冷麵，我哋叫咗沙薑味😂😂😂😂啲雞嘅份量非常之大🥰🥰🥰🥰🥰亦都好入味😀😀😀😀

不嬲都話觀塘多優質既小店，早幾日同朋友路過呢邊，揀左呢間係工廈入面既魚川居試試。本黎想試試酸菜魚之類既川菜，但中午食又好似太heavy，經店員推介下揀左鮮魚湯泡飯。意想不到既係呢份鮮魚湯泡飯都幾多雜菜，就健康而言係唔錯的。個湯底都算清甜，魚片新鮮無骨，唔會有腥味，幾滿意。另一份係三寶魚湯泡飯，有魚片頭/魚腐/魚蛋，都算幾彈牙夠味，唔錯了。同朋友各加左份豬蹄同鴨血，呢成碗湯生色不少。而且份量都幾大，其實淨係份湯已經好夠飽，我同朋友都只係落左少少飯，下次再黎可能要叫少飯。

好日唔嚟觀塘，今日過嚟有正經野做就順便搵d野食下。朋友最近迷上米線，所以周圍搵米線試。今日就揀咗呢間魚川居。我點左個酸菜魚米線，朋友點左墨魚米線再加左個涼拌皮蛋。我估佢哋係每碗米線點左先整（定可能過左繁忙時間）大概都等左8-10分鐘野食先到。其實我唔係好識食魚，但酸菜好似係配魚最岩味🤣好彩呢碗既魚肉唔多骨，只要小心小小食就ok了😆湯底超熱超濃好好味。朋友嘅墨魚米線我初頭以為係墨演，點知原來真係墨魚🤣偷食左兩舊，墨魚爽口唔會好似擦子膠咁👍🏻。另外涼拌皮蛋，一般般其中一兩舊食到勁刺鼻既味道。因為趕時間走，所以食剩左小半碗，但其實好想食埋去，因為真係好好味。希望下次有機會再嚟慢慢食多次🤤

觀塘隱世川菜小店， 原來除了我，還有很多人都會捐窿捐罅搵到嚟呢度去得食川菜，都係想食酸辣嘢， 唔使諗，點咗酸菜魚麵($58)， 一碗普通既酸菜魚麵賣相都幾靚， 有黃色菊花瓣作點綴， 入口第一啖重酸味，辣味隨之而來， 辣在喉嚨， 魚片尚算香滑，不過偶有幾條魚骨， 配幼身淮山麵，爽口彈牙除了主打川菜，這裏也有泡飯系列， 生魚片魚湯泡飯($65)， 餐牌上寫的是鮮魚湯， 味道像大地魚等魚乾淆製而成，魚片和酸菜魚的魚片一樣， 配菜有翠玉瓜、芹菜和蔥等等， 對比起酸菜魚，是清甜口味的選擇

星期六都有午餐，一般$58-$66，最貴$88。午市主打泡飯，可加$5轉米線、准山麵、薯粉或烏冬。送綠茶🍵餐廳環境工廈黎講都算大，呢度標榜新鮮食材製作。揀左兩款魚湯：▶️三寶漁湯泡飯$65 轉米線+$5有魚片頭、魚腐、魚蛋，配料有腐竹、翠肉瓜、榨菜、蔥花等。魚片頭夠爽口；魚蛋都彈牙。米線份量多！▶️土匪雞翼漁湯泡飯$65 轉薯粉+$5土匪雞翼一份有6隻，新鮮炸起。味道有啲似舊式茶餐廳嘅炸雞髀，反而唔算太似土匪雞翼味，但係雞翼肉質都夠滑。薯粉份量非常多。

今日又捉咗朋友陪我試新菜 😊😊這是位於觀塘的魚川居，話明係魚川居，咁一定要試下呢度嘅魚啦，dinner簡單之餘好滋味。waiter熱情好warm首先個龍躉烤魚唔錯，少辣味道都好出，但味道剛剛好，辣味唔會太搶。雖然係烤魚，但肉質唔會太乾，都算滑。食完烤魚，我地另外叫咗3樣配料食火鍋，無諗到份量都幾大，而且幾新鮮。特別推介 ~ 竹笙墨魚卷，第一次試，因為有竹笙，所以爽，唔錯 😚😋#魚川居#龍躉烤魚 #dinner

惹味烤魚～麻酸辣沙巴龍躉我地點咗細份，2人份量來說真的非常足夠，鍋入面跟埋窩筍、紅薯粉、枝竹，豆卜、木耳。醬汁口味偏濃夠稠身，每啖魚肉同配菜都掛住晒啲醬汁，夠晒入味，啱晒我呢啲重口味嘅人。只點了小辣嘅我地，一開頭都覺得幾辣，辣得黎亦帶點麻麻地酸酸地嘅感覺，非常惹味！湯底後期嘅味道會越煮越甜，呢個時候用黎當打邊爐食肥牛、墨魚滑、牛骨髓，味道提升咗另一個層次。餐廳坐位舒適闊落，非常乾淨，枱與枱之間唔會太迫，放工後約埋同事上黎食雞煲或烤魚，係個傾偈交流嘅好地方！

觀塘咁大🙈一定有好多好東西未被發掘適逢而家開返晚市☺️終於可以約朋友出去食飯🥲享受下晚間生活嘅樂趣🤣今日喺OpenRice搵吓有咩食之際🤔咁啱個friend話想食雞煲咪搵吓囉🤣 經過我精心挑選之後 搵到呢間 好似好抵食 又幾多like🤣👍🏻仲有好多唔同選擇 有雞煲 有酸菜魚 仲有火鍋添🙀真係滿足你三個願望😍去到真係任君選擇🤩 最後我個friend揀咗食酸菜魚😂😂😂真係好耐冇食啦😌 太回味以前食過既酸菜魚🤤 一諗起又流口水啦🤤好啦🙋🏻‍♀️介紹返先💁🏻‍♀️ 酸菜桂花魚（1-2人份） $288 威威味蕾（👍🏻=👅x 6-10 👎🏻=👅x 1-5)👅👅👅👅👅👅👅👅👅10級好味🤤🤤 平時我就好鍾意食辣嘅呢排天氣咁潮濕😞成日都無咩胃口咁反而今日想食酸多辣少🤔呢個仲正我今日嘅下懷😝酸菜係精華黎😌香脆可口酸得黎收吸收晒湯汁湯汁酸香甜美 微辣不膩😋次次飲住酸辣既湯都會忍唔住食多幾碗飯😅😅😅今次我地叫左個桂花魚😎肉質鮮嫩滑溜細膩🤗好味到停唔到😶💁🏻‍♀️口水豬肚絲 $48 威威味蕾（👍🏻=👅x 6-10 👎🏻=👅x 1-5)👅👅👅👅👅👅👅👅呢個小食都好好味😚威威小知識🙋🏻‍♀️👉🏻豬肚含有蛋白質、脂肪、碳水化合

又係lunch 覓食的時間，同事話豐利中心開咗一間食雞煲，酸菜魚的川菜餐廳！中午時段是lunch set ，雞煲是晚上才有的啊... Lunch set 由$52-$118 不等，豐儉由人🤣魚川居裝修簡約，座位與座位之間寛躺！今日看到期間限定，竟然有羊腩和可以選擇酸菜或水煮😁當然試水煮🤤水煮羊腩烏冬（可以另選白飯，薯粉，淮山麵等）$78 份量十足，有6大件羊腩，每件啖啖肉，烏冬爽口而且湯底辣味十足，夠惹味！

#水煮魚米線-尋日食完麻辣曲奇 興致勃勃想食重口味嘢 水煮魚酸菜魚之類 觀塘呢間川菜麵店開咗幾個月 係時候去試吓😄-🐟🍜#水煮魚米線 $58湯面頭有薄薄一層辣油 唔算油膩 十小辣🌶嘅程度 小辣得來帶麻油香 都幾好飲 魚件香滑不過魚骨略嫌多咗啲 厚切萵筍片同雲耳甚有嚼勁-🥓🍜#酸菜肥牛米線 $58半肥瘦肥牛切片都幾多 最令我着迷嘅係碗中酸菜 爽脆得來酸酸地 加埋芽菜芹菜一齊食 非常開胃 再俾多啲芽菜就好啦😬-🍖#醉豬手粒 加$15正價要$48 午餐追加 用三份一唔使嘅價錢就食到 非常划算 豬手連皮有肉切成細粒 帶淡淡酒香 一口一粒咁食得好方便-🧆#麻油萵筍絲 加$15人氣小食 麻油色澤靚聞落去好香 萵筍絲嘅粗幼度適中 爽口好食-📍#魚川居觀塘開源道54號豐利中心5樓507室

酸菜魚最近在香港都好HIT，好多地方都開左好多呢類既食店。以前我都唔多食，不過食左幾次又覺得呢種食物及煮法都幾唔錯。最近知道官塘都開左一家食呢類麵食既食店，所以就拉埋同事來一齊試下新野。店內環境光猛舒服，乾淨又企理，坐得都好舒服因為空間好足夠。餐牌都好多選擇，除左酸菜魚，都有水煮的、手撕雞，豬手、酸辣麻辣麵都有，可以迎合唔同口味。價錢都算平民，$58-60左右就有一碗是午餐，到1630都有供應，包送餐茶一杯。酸菜魚麵 $58 魚湯味道唔太咸又唔太酸，味道適中。魚塊都有幾多，肉滑。酸菜、香菜、芽菜等配菜都好多，整個配搭味道夠香。麵選了淮山麵，質地比較厚同有口感，而且比較飽肚。好食水煮牛肉米線$58 刺激的水煮牛肉真係愛濃味既人最佳之選，湯底夠辣又濃，唔算多油，牛肉量足夠，大大碗$58真係抵既。同樣有好多配菜令湯的香味更有層次。正~

工廠中心真係好多臥虎藏龍有無諗過用平民價食到高質既酸菜魚🐟酸菜魚🐟$58份量好充足一碗有8-10舊魚，但食既時候記得要小心魚骨，仲有魚片非常鮮甜，只有小量魚骨。湯底幾入味，味道唔會太酸，酸度岩岩好，而仲有一陣陣雞🐤既香味，我食完連啲湯都飲埋😋😋🌟佢仲有飯/薯粉/米線/烏冬俾你選擇手撕雞$45佢有六個醬汁比你簡，而我就簡左比較特別的魚川醬（店舖特製醬汁：花生醬、豆瓣醬，再加上口水汁）愈食愈上癮🥰呢個都值得一試👍🏻👍🏻一碟既份量夠兩個人食午市亦都有羅漢果茶，食完辣野酸野可以用黎中和，又或者飲淡茶做返一個解燥熱☺️☺️而地方更加係寬闊，枱與枱之間有2-3個人既距離，而且仲有一個露天天台比食煙既人出去食煙💯📍 魚川居 (觀塘)觀塘開源道54號豐利中心5樓507室