魚川居 (金漢工業大廈)

營業中

休息中

尋晚川菜癮又起🙈 咁岩前排幫公司係九龍灣周圍搵fax電話線嗰陣搵到黎呢棟大廈既文具店，發掘左呢間試業中既川菜，今日就捉咗個同事同我去食😆上到去發覺原來呢度超大超多位！！😯⭐️酸菜魚配淮山麵(小辣)&熱鴛鴦💰6️⃣0️⃣有飯有麵任君選配👍 我揀左養生既淮山麵😌 麵質爽口彈牙湯底酸味突出～魚肉份量超足😯 無骨又滑溜，性價比唔錯👍⭐️水煮肥牛配白飯 (小辣)&凍檸茶 💰6️⃣8️⃣呢個肥牛既牛羶味好突出😱 好少可連肥牛都會食到咁濃郁既牛味！！喜歡食牛既朋友仔一定好中意🙌🏻配料仲好豐富👍 有唐芹，大大塊既木耳同萵筍，夠晒均衡💯同事原本係想食呢度既‘’世一無骨海南雞’‘，可惜我地太晏黎到已經賣晒🙈🙈 下次要早啲過嚟試吓先得！😙

天橋底成日有人派傳單，是日收到係酸菜魚店叫魚川居，都好喎好耐無食，就今日lunch time食佢先。跟住地址搵，原來係之前D&A二樓個舖，幾好呀，呢個舖位好大勁多位，不過lunch time呢啲繁忙時段都係爆場要等位嘅。午餐都幾多選擇，有辣有唔辣，是日同個嚐辣嘅同事黎試，梗係要點個辣餐啦。哈哈，落完單伙計話冰用晒，得返熱飲，自己就轉左要罐忌廉，同事就轉左要茶走，甜甜地正好解辣嘛。先嚟嘅係同事點嘅麻辣水煮肥牛淮山麵，辣度要左正常，賣相唔錯呀，紅紅綠綠咁好吸引。先試下個湯頭，麻香帶辣勁，但唔係死辣，辣得黎入口順喉，食下食下同事飲哂成碗湯咁濟。肥牛係正正常常嘅打邊爐肥牛，份量合理。淮山麵爽口有嚼勁，連湯食好正，整體黎講係一碗高質嘅麻辣湯麵，愛辣之人值得一試。自己就點左酸菜魚紅薯粉，辣度要小辣，賣相好正喎，勁多魚片，芹菜同酸菜，聞下啲酸味都飄埋嚟，流晒口水添。湯底夠酸，但小辣略微辣度不足，下次可以試正常先。雖然唔係點桂花魚，但魚片都超滑，無骨就係正啦。至於紅薯粉，呢度用上粗身薯粉，吸湯一流。酸菜同水煮都好食，唔知其他系列又點呢，下次黎試下先。

餐廳佔成層一樓，環境好大，就算而家係試業期間，堂食外賣都好多人。酸菜魚麵 $60通常食酸菜魚都係一大盤，要幾個人share先食到，而家有一人餐，一個人食都無問題👍🏻，雖然係一人份量，魚片都唔少，湯底唔會好辣，酸得黎有啲麻嘅感覺，麵少有地可以揀淮山麵，都幾新奇，麵唔會吸曬啲湯，所以唔食得辣都可以照食海南雞飯 $60雞肉無論係咩部位肉質都好嫩滑，仲見到一層膠原蛋白，油飯唔會好油膩，加左乾蒜好香脆，增添飯香。

放完幾日假要返工，lunch time食乜好？九龍灣工廈有間新開飯堂價錢親民，$6-70就有交易，佢哋嘅酸菜魚大大碗、抵食味道唔錯！餐廳喺工廈行上1樓、地面入口有間文儀用品公司招牌喺度好易認！今次配淮山麵食得清同健康啲，魚片份量幾多又嫩滑鮮味、個湯味道辣辣哋配菜好、香菜味重。呢度嘅酸菜魚幾受上班族歡迎，見好多人都叫嚟食Hot & Sour Fish Fillet with Pickled Vegetables + Yam Noodles酸菜魚+淮山麵Iced Cola with Lemon凍檸樂

呢間魚川居新開，係九龍灣工業區內，又平又好食，尤其是可以食到平時百幾蚊一鍋嘅酸菜魚🐟而且餐廳內環境好大好寬敞，好似食堂，可以一班同事嚟食⚠️去九龍灣店有少少要注意，地址雖然寫係宏冠道，但入口係宏照道，金漢工業大廈嘅隔離兩三個鋪位有個藍色樓梯上去，1樓就係魚川居！當日我去咗金漢工業大廈內1樓發覺唔對路，落返樓問管理處先搵到😂🔸招牌酸菜魚 配薯粉 $60呢個價錢真係唔敢相信可以食到咁高質素嘅酸菜魚😳最重要係好大碗，一個人食飽死😆佢啲魚肉係嫩滑架！酸度岩岩好，少少辣好吊癮！可以配飯、淮山麵、米線、烏冬、薯粉，我認為一定係配薯粉！薯粉粗圓身，咬口相當煙韌，而且吸晒酸菜湯底味道，好好味😋🔸世一無骨海南雞 配油飯 $60呢個海南雞飯都係啖啖肉，份量都好多，因為係足料老火高湯重複漫製，所以味道好清新，雞肉肉質鮮嫩！個油飯有啲特別，唔會太油，食落口有油香，好健康！再配埋佢嘅酸辣醬及蔥油醬，為海南雞加添味道！午餐仲包杯飲品🥤真係抵到不能🥇

2022.04.07 九龍灣既打工仔有口福了😚因為魚川居係九龍灣工廈區開左分店了餐廳位於一樓1️⃣好大好寬敞所以坐得好舒服呀！午餐有多款選擇💁🏻‍♀️仲可以以優惠價加配唔同小食👍🏻無敵招牌海南雞🐔 $60可以選擇白飯/油飯 🍚，今次揀左油飯超香，雞肉好嫩滑😋又大件無骨，加上兩種醬料更惹味！招牌酸菜魚🐟 $60可選擇配白飯/淮山麵/米線/烏冬/薯粉辣度亦可選擇大/中/少今次要左少辣同白飯，魚湯好鮮味😃酸辣程度剛剛好👍🏻魚肉都係大件加無咩骨，好開胃！凍檸茶 +$3 茶底唔錯！

本身自己係九龍灣返工，今日晏晝就同同事試吓公司附近新開張嘅川菜店舖~呢間餐廳位置比較隱密，其實係一間文具舖嘅隔離，在上一層就已經到達🤪餐廳位置非常大，有勁多座位，我哋仲要坐到卡位，張枱又夠大～正！餐牌就有酸菜菜式配上米線/薯粉/飯，亦有麻辣／魚湯/泡飯等等嘅選擇，仲有免費熱飲☕️，都幾抵！朋友叫咗酸菜魚配薯粉，我就比呢個無敵無骨海南雞吸引咗，要咗油飯～酸菜魚薯賣相精美，亦都有唔少魚片，我都試咗少少，魚片好滑，酸菜唔會太辣，配上煙煙銀銀嘅薯粉，不錯吃呢！我個無骨海南雞夠晒光澤，又夠大碟，令人打開食慾～一啖一口去晒骨超方便，配上蔥油，超級好送飯！下次試吓其他系列先！

恰巧到九龍灣工業區工作，友人便帶我到他常去的「飯堂」食個晏。門面不顯眼但午飯期間不少人惠顧 門外人頭湧湧 還好內部空間廣闊 該有近百個座位二人點了招牌菜酸菜魚和海南雞飯。店名雖有「川」字，但餐牌上不乏茶餐廳等碟頭飯餸 果然是飯堂😬酸菜魚（$60）套餐可選粉面或飯，配了個坊間少見的准山麵，麵條幼細 口感彈牙 像煮了分半鐘 偏生的公仔麵 湯底的確夠酸，酸菜份量不吝嗇，大舊有咬口 重口味得很魚片也有十多塊，但我倆食極都食唔出係咩魚，肉質倒是挺爽口吸味的。海南雞飯（$60）雞肉選用了啖啖肉的雞胸肉 肉質絲絲分明更特顯雞皮的滑嫩 喜歡雞髀的油香更可以+$10還好油飯粒粒分明但不油膩 雞件調味也不重 可以大大力點上酸辣醬和個人最愛的蔥油☺️兩個套餐均附上餐飲，食物價廉又地方寬躺，難怪會是這區人來人往的飯堂！附上有少少隱蔽的門口

最近多在九龍灣上班💼， 行經企業廣場有八達通機，順便領$2 優惠， 之後行去工廈搵野食！發現有新餐廳開咗，平時午餐時間真係好多人排隊買嘢食的，而這間餐廳在工廈一樓， 環境很大，容易找到位，外賣更做緊85折都吸引呀！這日食咗皇牌套餐， 果然冇失望，尤其喜歡：招牌海南雞份量十足，雞肉有足足十大塊，又滑又嫩，不錯👍酸菜魚套餐可配白飯、淮山麵等，酸菜魚都係份量好足，午餐都做足水準！🐟 魚川居 九龍灣宏冠道8號金漢工業大廈1樓5-6室