魚壽司の刺身專門店

營業中

休息中

今晚去左旺角呢間壽司鋪買一大盒三文魚刺身同花之戀番屋企食三文魚勁厚切 勁好食好正花之戀都好食🤤價錢唔貴 抵食下次再黎食可以試下其他丼飯最重要既係 呢間收得好夜所以再夜都有壽司食

係旺角，有許多魚壽司店可供選擇，但我認為這一家是最好吃的。他們的壽司飯有一種手搓暖感，與其他店最大的區別！每次都感受到店內濃厚的人情味，而且他們甚至在深夜時段也營業，成為我加班後的補給站。我特別喜歡這家店的收銀姐姐，她有特色的口音，總是讓我感到溫馨。即使我是常客她也能認得我，這讓整此外，我也注意到這家店的出餐速度相當快，他們能夠在短時間內為客人準備美味的壽司。而且，這家店不僅價格實惠，而且始終保持著一致的品質水準。

我收工喺呢度買外賣，啲壽司又細嚿有難食，真係越做越差，個服務員態度極之差，好似心情唔好咁樣，仲要好串咁樣同我講嘢，幫襯完呢一次一定唔會有下一次，各位小心最好唔好去呢間食

外賣自取外賣APP貴啲！如自取的話請直接去店舖先買，是一模一樣的款式及件數！3月27晚係屋企睇外賣APP外賣自取有咩抵食，2個人食 見呢盤40件壽司由$298折到$238最後比錢又可以折到$232所以就即落order，點知….點知去到店舖現場拎壽司時，發現價錢只係$188，即係我係外賣APP買貴左成$40-$50，一樣都係自取最後 食評：賣相ok 味道都唔錯的 正正常常（飯的黏度/醋味同魚生味道）只係魚生真係好薄 比起爭鮮再薄啲（即係啲味係ok的，只係薄到無咩口感）入面嘅花之戀就無咩挑剔（味道同三文魚厚度都幾好）得到左今次嘅教訓，下次如果唔係叫外送，自取的話就真係要自己格哂價，唔好信外賣APP啲折扣係比幾咁多。橫掂都係自己拎。

由第一份工d 同事帶過我嚟食之後，發現佢性價比極高，所以耐唔耐有經過呢頭而想食壽司都會走嚟整返幾件食下。有兩個雪櫃放住d 壽司盒、烏冬、小食同刺身俾你揀，唔啱食可以拎紙自己畫。由於一向偏食，咁就緊係自己畫紙啦，即叫即整，要d 時間等。可以堂食，但落單個陣記得講定。個人比較鍾意食貝類，有時唔新鮮就會有d 腥味，係親呢度食都冇呢個問題，唔會有d 腥味臭味，夠新鮮。除咗有壽司呀，手卷呀呢啲之外，其實佢都有飯提供，不過我就冇試過，因為鍾意食壽司多d🤣🤣。 另外，如果開party 都可以係度叫壽司同刺身，佢有唔同組合俾大家揀。最後再強調性價比真係好高！！！

食品：件裝壽司價錢：視乎邊一款壽司抵食：4.5/5.依間壽司店有啲隱世，唔係喺平時行開多人嘅大街，要特登搵先搵到！.入到去可以去凍櫃買一盒盒嘅壽司，或者可以行去櫃枱拎張點餐紙，上面有非常多嘅壽司選擇。店舖提供少量堂食位，亦提供酒精搓手液。.師傅都好快手就整好啲壽司！唔好expect好似平時食開嘅咁大舊～會細舊少少，不過考慮返個價錢，都算係高cp值！另外，壽司上嘅魚生都有一定厚度，唔會係好薄！.平食高cp之選，會再幫襯！

適逢疫情關係，多咗埋外賣返屋企食！今次係第一次試呢間外帶壽司店，店舖地點都幾方便～係小米（創興廣場後邊條街）舖頭唔算太顯眼！入到去都有立吃位、食物睇落都好新鮮！ 今次喺試佢個36件盛會壽司～ 1號 set 又有火炙三文魚🍣、吞拿魚同埋花之戀！ 真係正！ 都係$168 ..為返一件都係$5 好抵食～ 當日4點左右買 諗住行下街先再拎！ 店主都好友善話製作時間都唔長 我5:30返黎拎 佢地5點左右先製作，比我感覺都好新鮮！返到屋企雪咗一個鐘之後食，個個屋企人都話味道唔錯，飯唔會好硬！上面嘅刺身新鮮好味🥰之前我仲要擔心小店 會否唔衛生同唔新鮮，但今次嘅購物經驗真係令我好有信心🥳 下次都應該會再買黎食！

其實食左好多年，買外賣壽司現成一盒果d，因為間舖係屋企樓下，方便又平。而今次就第一次食魚生丼，即叫即整，所以都等左一陣，約莫10分鐘左右。番到屋企馬上大口大口食，不得了佢有隻麻油好香，同埋雖然佢平野但質素唔差，魚生亦算多，而且飯係珍珠米亦都相當彈牙🤪唔知仲有冇落咩香料，因為食到我個咀有少少痺痺地，但個味好正！價錢都算相宜，$58一個魚生丼，仲有汽水包！一定再有下次啦，再提一提，我以前收工收11 12點佢都未收舖，而且仲會有折扣！抵食呀！

最近天氣一時熱一時涼~所以lunch好想食壽司黎間雖然門面唔係幾靚, 但壽司價錢,質素都幾唔錯~裡面其實有D pack好一盒10件的壽司大約係賣緊$56, 我計過條數如果我自選10件壽司都係差唔多價錢所以我就揀左幾款我中意食的~包括三文魚籽, 蟹子, 灸燒玉子,灸燒蟹柳同帶子啦~壽司係新鮮即整,係整的過程,會聞到炙燒味道好香~師父整壽司好快手食得出材料係新鮮的~尤其是三文魚籽粒粒飽滿, 而且唔腥~店內其實仲有D日式小食~例如小紫薯, 芝麻八爪魚, 螺肉等~食唔飽可以買黎做下午茶

看到了網上評價好，於是晚上路過叫了一份外賣魚生飯，魚生分量非常少，魚生不新鮮又有腥味，魚生飯的飯有一陣味，賣相又核突，吃了一半已經放棄，仲衰過爭X,以後不會再光顧

日日都要諗既問題就：一陣食咩呀？🤔我都幾中意食壽司🍣好多時都會嚟呢度幫襯。 呢度稍為有少少偏僻， 我都係朋友帶我嚟先識嚟呢度。雖然地方淺窄，食物嘅質素絕對唔錯👍🏻刺身爽口鮮甜😋溶雪方面做得好好入口好舒服。 壽司飯唔會話好實，而且睇得出啲魚生唔會就咁擺喺面頭就算，賣相唔差👏🏻不得不提既仲有炙燒三文魚腩壽司同埋個炙燒左口魚壽司，係真正嘅入口即溶，成個口都充滿魚油嘅香味 🤤非常過癮。仲有就係喺呢度食赤蝦嘅話我會食埋個蝦頭，因為真係非常之鮮味，海膽亦都好鮮甜，劍魚腩亦都好有油甘味。最後講埋個價錢，埋單都係兩三百蚊左右，非常之抵食👍🏻

買左壽司餐盒，係手握壽司！唔係爭鮮個d機整，每舊魚生都痴實舊飯，舊飯軟硬啱啱好。特別推薦係魷魚好彈牙，口感非常好；貝類好厚切，食到好甜好厚肉，正！鰻魚比較遜色，推薦魚生多d魚生總體十分新鮮！！！同爭鮮一樣嘅價錢3蚊舊，質素係高幾倍，所有魚生都食到本身嘅甜味，非常好！留意佢d wasabi好辣！唔係爭鮮個d落幾包都唔辣，平時要食3包依家一包就得，專心品賞壽司嘅甜味佢有即整即食壽屋壽司都只係$4，抵到爛

呢間壽司舖唔係大街, 如果唔係行去搭車會經過呢條街, 應該唔會發現到佢呢間壽司舖細細間, 一入去已經聞到好香壽司味, 入面放左兩個雪櫃, 一邊放D日式前菜, 一邊放壽司同埋刺身, 前菜都係10幾蚊, 刺身都係30幾蚊左右$35有三隻牡丹蝦呀刺身呀, 非常抵食佢有雜錦壽司餐盒, 除返開都係$3/件如果雪櫃既壽司餐盒唔岩口味, 可以散叫, 大部份都係$8-$9有兩件,  係海膽同三文魚籽貴D, 但都係10幾蚊有2件, 呢個價錢邊度搵呀填好要咩壽司之後交去櫃檯比錢, 即叫即做地方雖細, 但都有2張BAR枱有凳可以比你堂食最後買左一個餐盒加散叫左3款壽司餐盒包括左三文魚, 火炙三文魚, 熟帆立貝, 象拔蚌, 馬刀貝, 芝麻八爪魚同埋鰻魚壽司另外散叫既就係劍魚腩, 火炙三文魚同鵝肝醬壽司呢間既壽司係偏細舊既, 一啖食得哂三文魚好新鮮, 好肥美個火炙三文魚燒過一燒D油份出埋黎更加好味!!推介推介!!其他壽司個味道都係正常既質素, 係個象拔蚌差少少, 冇乜味但以呢個價錢黎講佢既性價比都係高既!!!如果餐盒岩食既話建議買餐盒再加幾款自己鍾意食既!!咁就最抵啦!!

今日同個friend 係旺角行街，行到咁上下，九家都肚餓搵野食。我地諗住食壽司，本身諗住食放題，但又驚會太飽，之後朋友醒起，佢之前食過一間類似立食，但係又有得外帶既壽司。鋪頭唔算大，入面有2面牆都有桌子比顧客堂食，另外加埋都係得2張櫈，我諗加埋企位，最多都係容納6-7個人左右除左有堂食外，仲有一d盛盒壽司優惠，而且一d都唔貴。而堂食既壽司都係$8蚊起，而且一客有2件。我地2個人，加埋叫左50幾件，都只係$227蚊😱😱，真心覺得抵，而且食物既質素係ok 的，所有壽司都係即刻整出黎，而且非常新鮮，味道都拍得住d大集團壽司鋪只係爭左鋪頭既環境，可能因為咁，先可以賣得咁平

剛剛去左試尼間魚壽司，聽朋友講得多，話3蚊一件壽司，聽完覺得好抵，遲遲都未去試，今日一於去買黎試下(⁎⁍̴̛ᴗ⁍̴̛⁎)尼間店係旺角，地方細細，收銀都幾nice，因為我話無現金，8達通得唔得，佢話得，仲話香港支付宝都得，態度幾好既，所以感覺幾nice(*☻-☻*)買左一個36蚊既壽司一盒有12件！(●°u°●)​ 」真係3蚊一件，幾抵牙，真心覺得，同爭鮮外賣價錢差唔多。蛋壽司，食落去唔係好油，有蛋味，幾好食。隔離嘅八爪魚壽司 ，上面啲八爪魚就好似少咗啲。帶子壽司，係我覺得最好食嘅。三文魚同埋蝦呢啲刺身就普普通通，但係都唔會話唔新鮮，OK啦。不過三文魚壽司，我就覺得啲三文魚好似薄咗啲。