魔麵 (已結業)

講完鳥華,豚王同達磨之後,當然不得不提提魔麵.近月最具人氣的幾間拉麵店之一,瑟縮於街尾一角,又是一間走入大廈的食店,門口是斗大的一個魔字,出奇地,中午時段下起欄門雨,店內只得兩三檯客,就連靠窗的四人卡座都可以任坐.其實店內闊落,座位之間有空間,相信滿座時亦不會太逼狹.翻開拉麵餐牌,足足一版的介紹,看一遍至少都要幾分鐘,究竟邊位得閒會睇?唯一知道的是店方以150斤豬骨熬湯,但又沒有說及比例,而味道有豚(豬骨),醬(醬油),味(味噌),辣(辣味)及鹽(鹽味)五種湯底,另有其他配料添加.而近日接觸得最多的是豚骨湯底,,如果要有比較,當然要豚魔,看看餐牌,只不過$68,如果是有水準的,確實一點都不貴.不過煮麵的速度似乎有點慢,反正自已沒下一場,還可以等,但心忖,如果人多的時侯,店方能應付得了嗎?店方以闊口湯碗奉上,整齊排列了豚角煮,粟米粒,蔥花及紅辣椒絲.蔥花切得夠幼細,香味滲出,紅辣椒絲比較輕手,令到麵條夾有少許微辣,增加口感,真的不錯.先呷一口湯,香醇濃稠,確是豬骨的精華,只不過,與一風堂的絲絲清純的感覺有點不同,喝起來就如一位艷女郎,氣息來得澎湃,而且入口感到帶有膠質,事後與食友聊起,才醒覺食味與達磨原來是一脤相承.夾起豚角煮睇睇,滷得比別家要深沉,脂肪位油質盡去,肉味甘香,軟糯即化,似乎比達磨更吸引,溏心蛋確有溜心效果,沾上芝麻粒,食味變得多完化,麵條淥得過火,軟綿綿欠彈性,但湯汁倒是掛得飽滿.伴碟的還有一碟小小的漬物,今次是用昆布汁醃的菠菜,份量雖少,但食落感覺清香,嫩綠,偶爾有少許用來清清味蕾,確實不錯.窗外依然在下著雨,反正有空,翻翻帶來的雜誌,看著街上行人的狼狽相,有點置身事外的感覺,在繁囂的生活中,偷偷地為自已加加油,時間彷彿都走慢了.…查看更多

開咗一排都冇去過終於有一晚同女朋友試下。好早去到唔使等位，叫咗味魔，豚魔，紫薯金栗餅（個名咁上下），煎蛋卷。豚魔湯底非常之咁好飲，有香濃豚骨味而且不太膠，飲得出個湯底用咗好多時間同心機煲。塊叉燒亦美味，肥瘦適中而香淋，油脂在口腔散出來再加一啖湯真係冇得頂！！我叫了硬麵但覺得和淋麵反別不大，拉麵味道亦好，有淡淡麥香。味魔味較淡，但也着實不錯。個人非常欣賞紫薯金栗餅，以日本紫蕃薯加粒粒栗子製成再下油炸。食落不油膩，脆脆的外層加上香軟甜糯紫蕃薯同栗子個配搭真係好正。煎蛋卷不過不失，下次一定會再試其他野。一間值得再去的好店。…查看更多

我本人其實真的蠻愛食吃日本拉麵，烏冬等等。不過自從在日本吃過正宗的之後再香港吃的次數便開始減少了。如果你在日本吃過一碗熱騰騰的拉麵後，你會發覺之前所謂的美味其實是不值一提，普通非常。 好啦，太離題了。魔麵其實只有一款拉麵，不過味道卻有五款，有味魔、豚魔、辣魔、醬魔、鹽魔。內容有蔥花，粟米，半隻糖心蛋，三塊半肥瘦腩肉和一塊叉燒。 我們點了豚魔和醬魔。 蠻欣賞的是可以選擇麵的質地，軟，適中和爽口。而且真的有分別，不是說說而已。 豚魔的豬骨湯底蠻好喝，而醬魔我覺得鹹了點。肉都是偏肥的，而且很份量少。最好吃竟然是一小碟四季豆，脆口又帶點辣，惹味。價錢是HK$68一碗，有點小貴。 總括 : 首先不是甚麼特別的食物，又不是美味非常，而且價錢也不親民，所以…未吃過的朋友可以一試，但暫時我想應該不會吃第2次了。…查看更多

睇完竊聽2之後, 朋友介紹話呢一間唔錯, 入坐時應該係九點幾, 得番小貓三, 四隻... 蟹肉海綿蛋 - 凍既, 無蛋汁, 有d 乾同硬身, 一般豚魔 - 湯底幾濃味, 麵質唔錯, 豚肉偏肥, 入口唔係好化... 可能唔太熱啦!! 炸芝士年糕 - 一般, 同出面既一樣, 因為同一間拎貨吧~煙肉芝士薯仔 - 一般, 不過勝在多芝士, 唯一可取之處!!額外加既半生熟蛋, 都唔錯, 不過未至於勁正!!燒墨魚丸 - 好細粒架.... 唔多抵!!明太子雞翼 - 係我覺得最比較好味既一碟!! 因為明太子好多, 辣味夠!!…查看更多

今日行開TST前排有介紹魔麵人人都話幾好食,咁就試下怕人多所以6:15就上到去.人唔多好多位可以坐卡位幾好.豚肉拉麵個麵幾爽口(落單時問你中意爽定淋少少,咁問幾好唔錯)湯底好濃不過我個人覺得"傑"左少少...有DD"掛口"豚肉肥肥地都可接受.SIZE 正常唔特別大又唔係太細都OK!個蛋都幾好食價錢OK!由於冇點叫小食,$100一個人左右!…查看更多

H8最近開了很多新食市，所以想逐間試一下，魔麵也是一間新開不久的店，所以今次是專程來試試然後寫食評的~差不多大概兩點多才到達，店員說三點會落場，一般正宗日食也會這樣，大半小時，應該沒有問題，經店員講解一番，叫了一碗豬骨拉麵，湯很夠味，好香！但太油，明顯見到湯有一層油，好像濃縮湯一樣，日式叉燒也太肥，麵質普通，不夠彈牙，份量也少，吃完一碗不夠飽，好味是好味，但整體也覺得很油~…查看更多

最近先後吃過了中環的"豚王"、大坑的"達磨"及尖咀的"鳥華"，結論是還沒有吃過一間是特別差得很的。不知道這間開在新食厦H8的"魔麵"，水平又能去到哪裡呢 ?事先不知甚麼是"久留米"拉麵。餐牌上的對此有關的文字介紹是尤如水蛇春的長:(。一言以敝之，便是顏色呈白的豬骨湯拉麵一碗....既然如此，縱使店內有不少拉麵湯底的選擇，小弟還是會揀最基本的豚魔來嚐一嚐....一碗小小的麵當然不會夠喉。叫一兩個小食來伴麵吃，已是例牌動作....蟹肉海綿蛋是食友們的推介。下了單後不久轉個頭便已送來，原來這是個凍食的小吃。蛋味甚重，很香，但論質地則不如其所稱之謂軟若海綿:(；蟹肉份量也不見十分多。味蕾感覺到之甜味主要是來自蛋本身，而不是來自蟹肉之鮮。這道小吃，是有點令人失望的:(....主角豚魔速速殺到。呷一口湯，還算濃厚亦夠鮮，不太差；麵條沒有特別吩咐要硬或軟一些，淥出來的確是不過硬或軟身，入口也頗彈牙的；很喜歡店方下了不少的青葱粒進去，令香氣更是撲鼻:)。配料除了有常有的义燒之外，這裡的還多了一兩件豚角煑。兩者相比之下，自然就以豚角煑更得我歡心 ---- 瘦肉也能做得不嚡，肥的部位更是進口便溶掉，而且味道也是頗入味的；义燒則稍嫌切得太薄了；半只的溏心蛋看起來亦算晶瑩欲滴，咬落有微微的煙燻味，不俗....由於是由生弄至熟的關係，故此那道明太子雞翼是足足令人等了差不多二十多分鐘才端來。雞肉是既嫩也內藏肉汁的，不錯；自己一向不屬明太子的粉絲，覺得除了帶微鹹之外便一無是處。可能是自己是從來沒有吃過好吃的貨色吧....在這一場拉麵大戰中，這裡也算是不太落下風的。好了，剩下來令人期待而又未參戰的，就只有人氣沸騰的"一風堂"了....…查看更多

同事生日, 6人行黎左呢到食拉麵。lunch 時間都無咩人, 場面冷清,奇蹟。拉麵有味魔、豚魔、辣魔、醬魔、鹽魔。我揀左醬魔,覺得咸左d, 朋友既豚魔味道比較好但油左d。每碗都有蔥花, 粟米,半隻流心蛋, 3塊半肥瘦腩肉, 一塊叉燒。味道普遍, 係隻流心蛋最好味, 半肥瘦腩肉最唔鍾意, 改埋做叉燒就好啦。麵都可以揀淋身, 適中同爽口, 更係揀爽口啦! 正!每碗都跟有一碟小四季豆, 又爽又脆!但$68碗加一, 確實唔平, 又唔值, 一次試過便算。呢到仲有遊戲, 就係食客最後食完連湯都飲埋, 見到碗底有米字即可免費。唔知一日有無一個人會中呢???…查看更多

期待已久的魔麵今天決定到來一試，晚市由六時十五分開始，我們是早輪晚餐客人，好處是不用輪侯座位和坐得輕鬆，這裡卡位寬濶很舒適，兩口子很肚餓所以也急不及待看餐牌，五魔當中，豚魔,辣魔是這兒的熱門怎可放過？兩碗魔麵看上沒分別，只是辣魔多了辣醬，我試了一口辣味湯是輕度微辣很不錯，至於豚魔的豬骨湯底真的很好喝，我吃麵習慣喜歡腍些，所以這個魔麵很合我心意，而且麵條幼細容易入口，另一辣魔麵身要求爽口，吃上彈牙相當不俗，我倆對豬腩片的半肥肉入口溶化亦很欣賞，但三小塊份量的確少！剛炸好的鹽燒雞軟骨串相當好吃，軟骨咬口脆卜卜實在難得，用鹽調味也很適中，絕對值得一試！熱乎乎的吉列蠔外層炸得鬆脆蠔肉肥美又多一件佳作！事實上魔麵的食物質素有一定實力，今次用餐可說對日式拉麵的期望非常滿足，晚餐角度男士則要追加麵才飽肚:)！…查看更多

跟朋友在附近看過電影後，差不多十時，隨便找會地方食東西。可能晚了一點，客人不多，只有十數人。友人點了豚魔拉麵，我則選了辣魔拉麵，倆也選了適中的硬度，客人不多的關係，拉麵不消十分鐘便送上。每碗都配有半隻糖心蛋、兩片日式叉燒、一塊豚肉，兩款肉都是偏肥的，亦很腍，味道不算特別，只有蛋較好。至於湯可算濃郁，唔太鹹，味精也不重。不過湯較少，跟麵一起吃很快便喝了大半。辣魔其實和豚魔一樣，只不過多了一碟辣醬，供客人自行添上，略嫌誠意不足。麵條的硬度剛剛好，不過坦白說，對一向吃慣自家飯的我，麵吃起來跟平日從超市買的麵差不多。最好吃是的一小碟四季豆，脆口又辣辣地。整體來說，一般的食物質素，環境也有點像飯堂，連加一七十多元一碗真的不算經濟，嘗一嘗也可以。…查看更多

最近香港流行拉麵熱, 開了很多拉麵店, 自己一直也試來很多魔麵也有蠻多食友去試過覺得不錯, 找了一天跟朋友來個early dinner六點的餐廳沒有人, 但坐下後陸陸續續也有不少客人三個人點了三碗麵還有四個小吃蟹肉海綿蛋三塊方方黃黃好看的蛋. 吃起來跟其他的玉子卷蛋不同, 屬於較實的質感蠻像再實一點的蒸蛋, 蛋香沒有一般玉子的重, 蟹肉不少, 所以整個吃起來很有蟹味特別又不錯的一個小吃, 這是冷吃的, 夏天最適合鹽魔拉麵我點了鹽魔拉麵, 先喝湯頭蠻清的, 鹹味突出得來不會死鹹中間混了櫻花蝦的蝦的鹹鮮味, 之前還沒有喝過這樣的拉麵湯頭, 蠻有心思的搭配味道夾了豬骨味道, 這個湯頭讓我印象蠻好的麵條能選硬度, 叫了硬對我來說才是剛好, 麵質蠻彈牙的, 選用了九州風幼麵麵條很能掛到湯汁, 沒有任何繭水味道, 吃起來爽口, 不太愛吃幼身拉麵的我也覺得不錯吃伴菜的四季豆清爽, 配麵吃蠻好的叉燒肉烤得蠻香, 肉質適中不會過硬過軟, 肉香也很充份被嚐到豚角煮很好吃, 非常入味帶醬油香, 肉質軟嫩, 吃起來很有油香而不會膩溏心蛋做得也很不錯, 很有醬油味道, 蛋黃黏黏的充滿蛋黃濃郁味道, 蛋白也是夠滑水準不錯的一碗久留米拉麵豚魔拉麵朋友點的豚魔, 湯頭的豬骨鮮味比鹽魔的重很多, 超濃稠的豬骨湯頭但調味方面我覺得鹹味下得有點重, 讓這個拉麵有一些死鹹, 鮮味有點被搶了味魔拉麵另一位朋友點的味魔, 是以味噌湯頭為主的拉麵. 喝起來味噌的香味突出而不會太重吃拉麵的時候會感覺得有味噌香氣附著整碗拉麵, 但不會覺得整碗只有味噌的鹹味味魔亦是另一個不錯的湯頭選擇南瓜薯餅這個薯餅裡面有很多南瓜泥, 吃起來甜甜的, 南瓜香既甜且滑外層一點都不油, 綿綿的薯餅十分不錯忌廉薯餅這款薯餅跟南瓜的很不同, 裡面的忌廉是糊糊的, 奶油味道香而濃郁外層也是做得很清脆, 裡面夾著香滑的奶油餡很好吃明太子雞翼雞翼裡面有明太子, 雞肉咬起來有肉汁, 不像看起來那麼乾但裡面的明太子有點太乾, 而且沒有什麼明太子本身的鹹香, 這個就還好沒有太值得點魔麵是一家做得不錯的拉麵店, 服務很好很周到, 用餐環境也蠻舒適的想好好坐下來吃九州風拉麵的話魔麵會是一個好選擇…查看更多

辣魔~麵比起D小食好多了!!!~但都係差!!!!!!辣魔....辣係邊?叫碗野黎比辣醬我自己落....不如叫其他麵自己落....好一般的多春魚...未試過今難食的南瓜天婦羅!硬!但服務生又態度OK...可能之前比人POKE得多....…查看更多

眼見此大廈被不同的餐店進駐不同的樓層, 今晚一於一試這店, 店的名子很像很吸引呢有點兒不夠熱的小吃, 份量非常少, 碟子只有手掌般大, 雖然味道不錯, 但扣了分非常濃的湯, 質地厚得有點不正常, 不知這是否'足料'之果, 麵條可以點選硬,中,軟, 雖然選的是中度, 但看似跟其他的不大分別, 當中的豚肉還可以, 沒什麼品評, 不特別好或不好, 只是太多肥的部分呢!服務還可以, 但無一侍應穩重, 人人像mk形格呢.... 若然茶杯裡的是熱茶而不是凍水會更好, 無必要節險於茶水呢!…查看更多

同肥婆2個又食下飯 , 大家都好想試厚福街呢座大廈既野~今次就試下"魔麵" , 2個都係第一次食。不過如果呢度有得訂位就更好 ! (好在早黎 ,有卡位坐 , 我地食完走時 都開始多人)環境就冇我想像中咁靚, 仲有少少嘈我2個都試了 「豚魔」! 肥婆佢早前試過 一風堂 所以就覺得一風堂既 更好味 ,尤其是湯底。不過呢度豚魔都幾好 個豬骨湯底幾濃。牛肉薯餅 ;冇咩特別 再叫了一客 芝士年糕 ; 侍應提到一客一件。上枱時 我地都覺得好細件。一食 ; 又真係好好味WOR! 熱辣辣 ,好香, D 芝士融緊好好味呀!好想再叫黎食…查看更多

今日適逢嚟開尖沙咀, 大少小有地熱心地問朋友尖沙咀有咩好介紹, 朋友介紹我地食"魔麵", 雖然對拉麵無咩興趣, 但睇在大少份上, 姑且試試. 厚福街一定知起邊, 但原來有幢H8係專做食肆就真係唔知, 上樓一出lift, 大大個"魔"字起門口坐陣, 好有氣勢! 喱度拉麵款式唔多, 主要唔同既在於湯底, 分五種: 豚魔、味魔、醬魔、辣魔、鹽魔, 睇個名都估到係咩味, 豬骨, 味噌, 醬油, 辣味, 鹽味, 我掙扎起究竟揀豬骨定辣味, 既然主要食佢既湯底, 辣通常會蓋過原有味道, 就來個原汁原味, 豚魔啦! 落order時先知, 原來麵身可以揀爽d, 普通定淋d, 待應仲解釋而家舉行緊個遊戲, 只要湯碗底印有個"米"字, 就會中獎, 獎品就係你食既果碗麵! 佢建議我地可以飲埋啲湯, 碰碰運氣. 嘩, 聽落好吸引, 但當然知道萬中無一啦! 有啲似黑白淡奶玩法!除咗拉麵, 佢仲有好多款小食, 我地追加咗個甘栗紫薯餅, 睇相同名都覺得好吸引.豚魔湯碗好別緻, 印有招牌"魔"一字. 每碗拉麵都會有豚角煮,叉燒, 半隻蛋, 粟米, 木耳絲, 蔥, 一塊大紫菜同一堆唔知係乜既紅色幼絲. 湯底色澤夠深, 好杰身, 先試一口湯底, 好濃厚既味道, 但又唔會好鹹. 麵身真係普通的爽淋程度, 下次可以嘗試爽身. 其實我就唔係好分得到豚角同叉燒, 好似一模一樣樣咁, 都係一片片, 形狀又差唔多, 又係有啲肥膏痴住啲肉, 肉同肥膏都好分明, 肥膏係入口即溶, 夾起都好容易會爛果隻, 好好味, 我平時會避開肥膏唔食既, 今次都忍唔住要成塊食! 溏心蛋又係做得好出色, 鐘意食蛋黃的人應該好鐘意吧! 我就只係食咗個蛋白. 除咗碗麵之外, 仲有一碟小配菜, 四季豆, 加上少許黑椒, 微微辣, 幾好食. 大少突擊我碗湯底, 佢話我果個好味d, 佢叫既係味魔, 喱個係我一定唔會揀的! 我乘勝追擊試咗佢湯底一口, 飲完成個口都好痴淋淋, 而且個味道都麻麻地. 唔覺唔覺食麵途中都飲咗好多湯, 又係考驗自己運氣既時候, 差唔多見底時打一打側個湯碗, 都可以睇到個碗底有無個"米"字, 嗯! 可以肯定我地係無米之人.甘栗紫薯餅將紫色蕃薯把成蓉, 配上甘栗, 沾上炸粉, 炸成黃金色, 一小塊切開四件, 細細塊, 但料就十足, 咬落非常鬆軟, 甜甜的, 好有味道, 回味無窮! 朋友果然好介紹, 下次到我作介紹! …查看更多