馬鞍山餐廳

同朋友玩得太夜，而馬鞍山又無乜餐廳開咁晏，就黎左馬鞍山餐廳食雞煲 價錢正正常常啦，22:30 入座 $128一位包野飲雞煲仲有得自選湯底 今次試左砂鍋雲吞第一次食揀呢個湯底，覺得幾有趣幾好味，不過都唔夠四川醬炒好味...而家搞到雞煲唔似雞煲，似一般打邊爐 隻雞雪得太耐，無哂雞味，又唔夠滑，有d失望雲吞反而仲滑過隻雞 餐牌啦 款式都一般般但係最基本既肥牛居然無哂！！ 味道都無話好凸出，同大家一般出酒樓食既質數相差不大值得推介的係個菜，夠fresh!唯一可取少少既係任飲啤酒係青島，唔係ICE  呢次有少少失望既係，23:30左右已經話廚房要收工，last order同行朋友同我又係天真既... 點估到火鍋配料原來關廚房收工事我又疑惑點解呢間餐廳有宵夜時段可能當中有咩誤會啦，不過我無深究，反正都要趕車番屋企 總結番，呢間野淨係適合過左22:00所有餐廳都收哂工先黎食。…查看更多

馬鞍山真係好多人, 連食下午茶都周圍冇位, 唯有响商場外圍地下搵食, 但冇乜選擇, 行咗成個圈, 都係選擇呢間, 因為得佢仲有大把位, 而且見佢d茶餐都好多選擇, 點知.............. 入到門口, 有左右兩邊, 任你坐, 係冇人理你的, d客走哂都冇人執枱, 好彩咁啱隔離枱上菜, 我地叫住阿姐執枱啫~ 執完枱仲吹你落埋單, 但枱又唔抹, 可能佢都知入面好難得有人招呼, 都未嚟得切睇有乜食, 求其見到就叫1個飯1個河, 1個濕1個乾~  菜粒蛋白炒飯完全貨不對辦, 菜粒變成瓜粒, 而且蔥粒多過瓜粒, 個飯炒得又濕又冇味~  時菜班腩炒河班腩都叫做唔係太粉頭, 但d河粉碎到要用匙羮先食到, 仲有個芡又多又鹹, 連我鍾意多汁的, 都頂佢唔順, 好似湯河咁~  凍奶茶+熱檸水凍奶茶唔夠茶味, 熱檸水成個杯邊都係奶茶, 搞到我成手係........... …查看更多

係呢間馬鞍山餐廳食過2次雞煲，今次真係忍吾住出文，大家慢慢睇第1次，黎野既速度奇慢，當晚客人吾多，大部分侍應都係行行企企，但無論加雞，落單，都要等成7-8個字，叫啲侍應跟一跟啲單，直情理都吾理你自己有自己傾偈。仲有落單黎既食物份量好少，例如菜個類，可能只會黎得兩三條。第二次，真係火滾到忍吾住出文，我地坐1號枱收銀旁邊，雞煲上枱都冇5分鐘，個收銀啊姐就叫我地 "先生，你一係加湯一係熄火，吾係會燶" 好~咁我就收到啲火就睇吾到咁細，點知個收銀啊姐吾聲吾聲，走左去我地後面拎湯，一伸手就倒左大半壼湯落煲度，我地都反應吾切，結果一食啲雞，同白切雞冇分別，咁我地諗住忍啦算啦，點知個收銀啊姐吩咐另一個啊姐，叫佢睇住我地個枱雞煲，吾好俾我地用大火，原因係佢覺得好攻鼻，冇錯，原因係佢覺得好攻鼻，咁佢倒完湯10分鐘都冇，個收銀啊姐就同另一個啊姐一齊出聲叫我地熄一熄火，仲想自己伸手黎熄，嘩我今次忍吾住叫 "喂好啦喎，而家我食定你食" 佢地仲係咁辯稱，我驚你煲雞燶啊，我就話"你頭先都已經自把自為倒湯落煲啦，有冇問過我地啊 " 佢地就話先生，吾落湯會好攻鼻，我就話 "咁你呢度食雞煲架嘛" 之後佢地就冇出聲自己做自己野，成個過程上枱一陣就叫我地熄火，自己倒湯，啲湯先岩岩滾返就要我地熄火，真係太離譜，而個原因只係因為個收銀頂吾到雞煲陣味 ! 其實我地之後食既其間，都有其他食客同侍應嘈，人地7-8個人，餐廳竟然俾4人卡位佢地坐，坐吾落當然想換枱，個侍應回應 "得返呢張，食就坐吾食就走啦 "呢間馬鞍山餐廳，貴又貴過人，食物份量又少過人，服務態度係零。…查看更多

今日見成家都好肚餓，就過左去哩間茶餐廳都食聚個任飲任食雞煲。唔計其他野雞煲係做得唔錯既，夠味雞亦唔會話樹皮咁鞋。野飲選擇都唔少，有jolly shandy、汽水等。唯一要批評既係佢d火鍋料真係好唔得！豆腐酸既，菜又有幾條爛既，粟米仲要乾爭爭！建議去個度齋食雞煲就好！…查看更多

下午茶份量真係好少，女人食就緊緊夠，男人就差啲，星洲米炒得又濕又唔好味，黑椒牛肉炒意粉仲離譜，唔知咩牌子意粉，又多油又濕，牛肉簡直不知所謂，完全無牛肉味，我強調係淡口，呢間嘢真係離譜，去七仔食魚旦，粉果好過…查看更多