馬辣台式鴛鴦火鍋 (大鴻輝(荃灣)中心) (已結業)

今晚又同爸爸外出食晚餐啦，有時搵到間抵食既邊爐，又有得任飲任食既，真係唔錯。大鴻輝呢座大廈真係有好多間唔同既打邊爐放題，其實間間都各有特色。今晚呢間馬辣，我都係第一次食。呢間餐廳名聽就聽過好多次，今日一試，估唔到都幾正，性價比高，不錯不錯。座位都好闊落，好舒適由於今晚好早入座未算太多人，唔洗等位先講一講價錢，分了三個時段，不同收費，價錢都算抵呀。仲可以任食兩小時，不錯呀。湯底可以自選兩選，咁就可以兩隻口味，唔錯。下單以qr code下單的，可下單點選肉類同海鮮類。肉類款式都不差，有美國prime頂級牛梅花、美國choice無骨牛小排、美國cab安格斯黑牛、牛五花、五花肉、豬梅花、羊肉等等。海鮮類當然有生蝦、魚片等等，唔錯的，種類都多另外出面仲有大量既丸類、菜類、菇類、餃類、麵食、等等，可以自己夾。睇到岩既就夾個樣。我地點了胡椒豬肚鍋，入面都有幾多豬肚架，幾惹味。另一款選了西紅柿洋蔥海皇鍋，入面有超多蕃茄，茄味濃，酸酸的十分開胃。當用qr code下單後，食物都超快送到。見到肉質好薄好正，顏色鮮紅的，肉質好新鮮好靚，唔錯唔錯。肉片薄薄地一滾就好快熟了，快捷方便又惹味。整張檯都放滿了食物，

約朋友黎馬辣打邊爐，貪佢有兩個鐘頭時間任食，成人正價$168/位，不過我地食早場五點就黎左，七點半前埋單仲可以減十蚊，價錢真心抵到喊。湯底可以任選兩款，難得雙併都唔使加錢，我地揀左芫荽皮蛋鍋併馬拉沙嗲鍋，兩款湯底味道都唔錯，唔會越打越鹹。飲品方面有汽水，啤酒，咖啡等，仲有個熱水機可以沖茶包或者花茶。肉類有牛肉，豬肉同羊肉，牛都有幾款，好貼心咁標誌左唔同顏色係盒上面，試啱口味跟住顏色落單就得啦。較有驚喜係有羊肉片，好少放題嘅地方有。總括黎講啲肉都唔錯，有肉味又唔太肥，而且落單後好快送上。海鮮方面有鯇魚，白鱔片，蜆等，都幾新鮮無腥味。其他火鍋料就係自助區，丸、腸、響鈴、豆腐、豬紅等等，款式十分多。仲有個熟食區有幾款炒小菜，呢個新鮮出爐嘅椒鹽九肚魚勁香口，忍唔住encore左，仲有個蜜汁雞翼都好好味呀，點解打邊爐會有呢啲食。醬料方面又係無敵多選擇，最後要有芫荽、芹菜、麻醬、花椒油溝豉油，好香口點肉一流。是日蔬菜有娃娃菜，白菜仔同菜心，一桶桶方便拎。甜品有麵包布丁，軟綿綿好味。即整嘅朱古力香蕉班戟（必食），dreyer雪糕要叫店員拎嘅，唔想麻煩都有cocoberry嘅雪糕杯自助，另外仲有一個放

每個月月尾都要搵啲平又飽嘅餐廳食🥲今次就試咗呢間任食打邊爐🍲兩條友加埋一$400有找❗️要求唔高嘅我都夠食😅鬼叫自己月月清🥲🥲🥲入正題啦❣️我哋揀咗蕃茄➕蔬菜湯底❣️蕃茄湯底好濃味👍🏻至於蔬菜🥬就有好好好多娃娃菜同杞子🤣好似會健康啲食完無咁大罪惡感😋不過真係清湯咁無乜味🙃醬料有個自助區可以自己溝❣️基本上好齊全👍🏻諗到嘅都有🙃另外火鍋料自助區都好多選擇🤔剩係丸都唔少🤪我覺得比較出色嘅就喺佢地自己包嘅韭菜餃😋牛筋同花膠都好正❣️女人食就岩哂❣️其餘都不過不失🥰同價錢成正比😜至於啲牛肉➕魚片➕海鮮🦞就要掃個QR code去落單😂不過都係任食嘅🙃每份三四塊咁上下❗️肉嚟講牛梅花最中意食👍🏻啲肉色好靚而且肥瘦適中❣️飲品吧有汽水🥤花茶❗️不過都係自己沖😂同埋呢度啤酒🍻係任飲架❗️飯後甜品有好多雪糕🍦雪條❗️而且有Dryers任食❗️喺醬料區隔離會有個牌❣️要咩味叫姐姐幫手整就ok👍🏻仲有香蕉朱古力班㦸食😂試咗嚿❗️爆cream😂

食過一次「馬辣台式鴛鴦火鍋」真係返吾到轉頭😂任食兩個鐘，每人都只係$168(加一)，種類多，又高質，以為想食火鍋放題，必定係佢😎.【湯底：麻辣湯+西紅柿洋蔥海皇湯】湯底都算濃厚，吾會愈煮愈無味🙊麻辣湯辛辣惹火，仲有埋鴨血添～海皇湯味道鮮香，加上新鮮蕃茄蓉，吾錯👍.【豬牛羊海鮮】肉類係掃QR code 落單，方便又快捷，店員仲好快就送上黎添😆小編推薦美國Prime頂級牛梅花同美國CAB安格斯黑牛。兩者都係通過安格斯認証嘅牛肉，口感同味道自然有保證啦🥳CAB品牌以牛肉嘅成熟度同大理石紋脂肋含量為標準，味道濃厚，肉質嫩滑D。而Prime Grade係要達到餐廳水準嘅最高等級牛肉，入口即化，肉汁豐富😎另外，海鮮都吾錯，尤其係海蝦，入口彈口😘.【蔬菜，丸類，餃子，粉麵類】自助區係餐廳中間位置嘅四個凍櫃，超過70款，選擇性真係超多🥰推薦款有新鮮即包韭菜餃，爆芝芝士腸，吸湯千層豆腐，爽脆牛孖根，煙韌麻吉燒（芝麻/花生）.【熟食。涼菜。醬汁】熟食有鹵肉雞蛋配白飯，炸春卷，芝麻炸雞翼，涼拌菜等。醬汁嘅選擇性係我食過咁多次打邊爐放題中最豐富嘅一間😂愛辣者可以參考我嘅調味大法：黑醋+豉油+花椒油+蒜蓉+蔥花

荃灣的大鴻輝真是很多嘢食，今晚揀了食馬辣台式鴛鴦火鍋，火鍋任飲任食$168/位餐廳有自助吧也有 Qrcode點餐。自助吧有非常多款式，有丸類、雞肉、牛柏葉、腸類、蔬菜……等，多到數不勝數。我要了嫩滑牛肉、餃子、炸豆腐~~嫩滑雞肉、牛柏葉，嘩！還有很多我喜愛的牛筋、鵝腸、雞仔、豬潤、豬肚~~~還有金菇、雲耳、南瓜、生根，最最愛的又腍又滑又充滿骨膠原的花膠……，多款式，又好味！！qrcode落單有海生蝦、脆鯇魚腩、脆肉鯇魚片、是日海鮮……。最愛白鱔片， 新鮮又鮮味，食完再 柯打了兩次！！脆鯇魚腩，非常脆口，也和白鱔片及生猛鮮甜的海生蝦一樣，食完又再柯打，新鮮又鮮味！當然火鍋怎少得了食牛肉，這裏的牛肉都有多款，非常好牛味、入口即溶的美國prime頂級牛梅花及牛味很濃的美國CAB安格斯黑牛美國choice無骨牛小排、美國精選牛五花 ……，有些真是連名字都未聽過，真的很多款式。還有最愛的頂級小肥羊肉，麻辣湯底最適合羊肉，麻辣得來味道香濃。最後當然是食埋個甜品~~放題真是食得非常美味，食得特別開心又滿足~~~

今日放左日假，去左荃灣行街～行到咁上下就肚餓，去左大鴻輝中心搵野食見好耐冇打過邊爐，最後同朋友去左馬辣呢間原來有好多座位，全部都係卡位，夠哂私人空間入面仲好闊落添可以經QR code落單，好方便～枱上仲有一大支湯底～完全係自助既呢度既野食有好多，超級豐富呀仲有我好鐘意既鹵水蛋呀～呢度真係好大，有一區係醬料area黎打邊爐點少得牛肉～不過因為出面太多野食，我地叫左兩碟牛已經好飽黎到甜品時間，緊係要食雪糕啦原來仲係Dreyers既，正呀～Overall呢度既食物都唔錯，最緊要係真係抵食～又坐得舒服

話說之前去過旺角分店食過，已經覺得性價比好高，平日每人$168加埋一$200都唔洗就可以任食任飲邊爐，有朋友住喺荃灣就推介不如食呢間啦，咁岩大家都想打邊爐🍲😋湯底：麻辣少辣 + 西紅柿(蕃茄)洋蔥海皇🍅湯底麻辣湯底裡面有鴨血，每一塊都份量十足，唔會滾滾下唔見曬😂蕃茄湯底都不遜色，裡面有好多蕃茄蓉，係用新鮮蕃茄開既湯底👍🏻肉類同海鮮類就用QR code落單，其他蔬菜類🥬、丸類等等就自助形式，款式都好多，兩大個大雪櫃，飲品係除咗基本款既汽水、無糖茶、罐裝果汁、韓式罐裝飲品外，仲有啤酒任飲，岩曬唔同年齡層🤩甜品方面，淨係榴槤雪條都已經滿足到我了😋😍，另外果個係韓國朱古力脆皮雲喱拿雪糕🍦目測仲有糯米糍、黑糯米味嘅雪條等等，但最鐘情都係榴槤雪條😋

上次食過旺角分店,今次朋友生日飯!就算佢最貴個時段都係$168!任飲任食2小時,幾十種配料任食甜品雪糕PANCAKE無限供應6點入座人數唔多,但七點後就滿座了!最好就訂定位先黎啦!!比錢係收消費券既!去櫃檯埋單時親身比電話佢掃或用八達通付費午市$138,免收加一,晚市$148起周末另加$107點半前埋單減$10,任食120分鐘不趕客埋位即刻落單要咩湯底!可選2種台式麻辣或豬肚或酸菜白肉或番茄海皇皮蛋,沙爹,泰式,清湯蔬菜落左湯底即刻閃出去自助區拎配料或醬料記得用埋手機掃單落牛肉同海鮮!肉類有豬2種,3種牛,直接落牛肉先!好食D!返到黎好快就上左湯底,幾分鐘就上菜架啦!配料選擇勁多,單係丸同蔬菜都幾十種平時出面買到既呢度都有,仲有好多新鮮蔬菜值得一提係佢既丸類無雪味,解凍得乾淨油條,花膠,豆皮豆卜豆腐,面根,餐肉,蟹柳,腸仔雞蛋,海帶,芽菜,芋頭,牛丸,豬肉丸,芝心丸手工餃子,牛筋牛肚雞子大腸魚蛋每款一粒都夠食飽你!真心超多配料!甜品方面有2部雪櫃,放左朱古力批,榴槤雪條港式紅豆冰條,雪杯冰,仲有PANCAKE!牛肉落單無扣單,要幾盤就上足數!記得食得曬先好叫,唔好浪費!牛肉油花平均,掉

今日朋友帶我去荃灣吃任吃火鍋，唔洗問一定係去大鴻輝啦！今次就去試出名抵吃嘅台式火鍋放題，我同朋友由5:30吃到7:30，埋單沒人都係$168，7:30前埋單仲可以👌人減$10，真係堅抵吃！首先講講環境，座位寬敞，而且好多床窗邊位，望住窗外景色，胃口都好d！😁每鍋可以點兩個湯底，台式麻辣鍋一定要試，入面有鴨血，我要少辣唔算辣。食物種類都算多，除了新鮮肉、海鮮用手機落單外，其它食物都可以自己出去拿。仲有我最鐘意嘅韓國雪條，其它嘢吃大家可以睇相啦！

荃灣大鴻輝係放題集中地, 平時經過樓下都會收集不同餐廳嘅傳單, 極有興趣試哂咁多間放題餐廳!接近糧尾, 決定去一間2小時任食火鍋店, 每位二百蚊有找, 好抵!!餐廳空間感好大, 下午5點左右入座, 人流較少。8款湯底選擇, 揀咗酸菜白肉鍋+泰式冬蔭功。酸菜白肉鍋夠哂酸, 令人開胃; 反而泰式冬蔭功味道酸辣度偏淡。大部分火鍋食材都放於自助區, 除咗肉類、海鮮類需透過QR code落單。混醬區醬料選擇多, 另有少量熟食:自助區域分佈較散, 令食客去自助區拎野食時都唔會一窩蜂太迫。多款丸類、蔬菜類等放置整齊, 而且Refill得好密, 未試過出現吉盤。麻吉丸絕對值得encore!! 湯丸質地外皮, 包住甜甜芝麻蓉, 正!雖則價錢咁抵, 亦可以食到美國CAB安格斯黑牛、美國Prime頂級牛梅花、美國精選牛五花、黑毛豬梅花等...肉類均為薄切, 質素亦唔差, 肉質嫩紅新鮮, 驚喜地豬肉都是嫩嫩的。二百蚊有找嘅質素真係算係咁!就連海鮮都係任食!! 海蝦、脆鯇骨、是日海鮮 (蟶子仔) 鮮味冇沙。飲品方面, 以罐裝汽水、烏龍茶等等... 仲有啤酒都係任飲!!甜品就有多款不同牌子的支裝雪條、餐廳自製嘅小

平時去開啲任食打邊爐都要加錢先可以食到鴛鴦鍋，馬辣竟然唔洗加錢😍$158加一任飲任食，仲要有啤酒任拎～真係抵食👍👍今次我揀咗沙嗲湯底同埋麻辣湯底，麻辣湯底香料味都幾足夠，仲有口感鮮嫩嘅鴨血🤤推薦🌝但就唔算太辣同埋偏鹹左少少，沙嗲湯底勁濃厚，但有花生醬嘅味！呢兩個湯式淥肉類都好好食😋自助醬料佢選擇比想像中多食物方面就有自助區，有勁多款台式丸類供應，仲有滑牛肉，雞件，我最鍾意嘅就係豬大腸，本身已經滷熟左，再放落麻辣湯底浸一陣又腍又入味🤤🤤仲有手工餃子，素食類，蔬菜🥬麵。另外仲有用電話自助落單嘅食材，包括一啲海鮮同埋牛肉，豬肉。牛肉有四款選擇，呢度最正嘅係裝肉嘅碟有記號，就算唔知自己食緊咩部位，都知道邊一款肉係最好食😋個人認為覺得綠色碟最有牛味同埋口感腍啲，紅色係第二腍同有牛味，至於白色同藍色碟有啲韌😉

今日嚟到荃灣火鍋塔，諗住平平地打邊爐就選擇左呢到。。食完之後，花巧野的確不如其他更貴既火鍋店，但覺得一百幾十，絕對對得住價錢有餘!火鍋料方面，牛肉份量多，雖然唔係好厚，但大大塊，任食就厚薄都無問題啦~。 牛的主要部位已有提供，而且牛味濃郁配料方面,打邊爐基本選擇齊備，蔬菜、丸類、生餃亦有,不過就唔算很多台式的食品或者好多熟食湯底 材料味道十分足夠。咁岩叫左沙嗲湯底 勁濃郁 杰身到痴到勁多汁！雙併仲要同價！飲品選擇很多，有糖、無糖、有氣無氣，冷、熱、汽水、荼照顧不同需要。要酒就有 提供ASAHI 生啤及嘉士伯啤酒。甜品款式亦多，雪糕口味多，當中以港式奶茶味最正。個人認為，百幾蚊任食之質素已算十分好，基本材料新鮮齊全。

用消費卷食的第二餐，趁閒日冇乜客，跟老婆大人食番餐。選擇荃灣馬辣的原因有二，一是午餐放題可以食到120分鐘的餐廳吾多，一般食90分鐘好趕囉！二是便宜，138包埋加一。荃灣馬辣座落於荃灣的中心地帶，整座大鴻輝食廈有很多知名連鎖店食店，要有一定實力才吾使執笠，馬辣水準吾係最高，但都算平。先評場地和招待。座位多，算寬敞，廁所都叫乾淨。招呼方面，可能適逢閒日，送餐和收碟都算快手。但點菜就有點孤寒囉！點兩碟就泥一碟，要我密密點，雖然冇甩單，但就做死樓面囉！今次選了沙爹和蕃茄湯底，算係濃湯啦，味道接受。牛肉當然係主打，個人喜歡食牛小排和安格斯黑牛，大大塊薄切，肉味合格啦！138價錢吾可以要求太高。羊肉太碎又un，失望。海鮮類都不錯，蝦新鮮，鱔片彈牙但略嫌細塊左。自取的材料例如花膠、菜肉餃和油炸鬼都吾錯，其他的丸類就冇食了。兩夫婦一共吃了30幾碟主肉和海鮮類。最後的甜品，老婆食榴槤雪糕，我就食Dryer，老婆話榴槤雪糕好味，Sorry我吾食嘅！整體滿意馬辣的質素，吃得飽飽，應該會再encore。

今日同朋友去荃灣行山場，行到夜晚肚餓就食打邊爐！打邊爐好處就係唔使驚對方唔啱食😍🍲一入座就會揀火鍋湯底，可以揀鴛鴦湯底，我哋揀咗一個麻辣同冬陰功湯！麻辣湯仲有鴨血😗而冬陰功湯就偏酸，開頭就幾好食，但係食食吓就會越嚟越酸🤣我哋出去攞緊豉油返嚟已經上咗個湯底超級快手！牛肉、豚肉、海鮮都係用水機qrcode落單，其他就出面自己攞！自助區有四個大雪櫃，選擇非常之多，好少見丸類都有十幾款！🍲打邊爐必食牛柏葉，豬皮，prime牛肉，廚師腸，滑雞！牛肉雖然係博新啲，但係都算有牛肉味✊🏻依個價位確實ok！🧃🍦飲品都有唔少選擇，仲有啤酒添！雪糕種類都好多！仲有甜品自助區！最令人驚喜的位置！有得拎pancake！仲要係有姐姐即場整，仲有焦糖燉蛋！個燉蛋真係超級好食，現場燒燶啲砂糖，而且燉蛋超級滑同香！今日嘅MVP✨✨總括而言，地方幾大，兩個人都有4人卡位坐，而且上肉速度都好快！地方乾淨企理！食得好滿足❤️味道：👍🏻👍🏻👍🏻👍🏻服務：👍🏻👍🏻👍🏻👍🏻價錢：👍🏻👍🏻👍🏻👍🏻環境：👍🏻👍🏻👍🏻👍🏻地理位置：👍🏻👍🏻👍🏻👍🏻👍🏻回頭機會：👍🏻👍🏻👍🏻👍🏻👍🏻#人總有一飽今餐我最飽！😋📍 馬辣台式鴛鴦火鍋 (大鴻輝(