18
6
6
港鐵西營盤站 C 出口, 步行約3分鐘 繼續閱讀
電話號碼
25484980
營業時間
今日營業
11:00 - 23:00
星期一至日
11:00 - 23:00
付款方式
現金
座位數目
70
其他資料
酒精飲品
支持減塑 詳細介紹
電話訂座
加一服務費
以上資料只供參考, 請與餐廳確認詳情
招牌菜
粉貴刁 駝鳥扒
食評 (33)
好食!真料實料!有次OT O到九點,返到嚟都冇乜邊間餐廳開,之後幫襯咗佢個粟米魚,有成三塊魚!平時就成日都食佢個西炒飯、滑蛋蝦仁炒河、雲吞,唔係甘易搵到滑蛋蝦仁炒河,仲要係好食嘅滑蛋蝦仁炒河呢度嘅西炒飯嘅質地,淋淋地、黏黏地,唔知點樣形容,總之喺出邊食唔到。價錢合理(但最好唔好收加一啦)散叫炒嘢好食過佢嗰啲set dinner,set dinner真係好麻麻。我朋友第一次食完set覺得間野唔得,之後食我介紹既炒飯炒河,讚不絕口 繼續閱讀
(以上食評乃用戶個人意見 , 並不代表OpenRice之觀點。)
等級2 2023-08-25
303 瀏覽
呢碗雞肉喇沙要$58但啲雞肉碎加埋唔知有冇兩湯匙啲湯係好杰好椰汁 但係係冇味。。。。想加鹽但枱面嗰鹽樽倒極都倒唔到出嚟啲米線係碎濕濕嘅 好差。。。未食過咁伏咁差既垃圾 千奇唔好黎食 繼續閱讀
(以上食評乃用戶個人意見 , 並不代表OpenRice之觀點。)
等級1 2023-06-07
316 瀏覽
成个好似茶餐厅样 竟然收返加一 估唔到 食物质素麻麻地 服务基本🈚 我真系以为系茶餐厅先入去 埋单话要收加一 LOL 真系好大误会 anyways won’t attend again. 繼續閱讀
(以上食評乃用戶個人意見 , 並不代表OpenRice之觀點。)
等級3 2022-06-16
887 瀏覽
今日貢貢下走咗上般咸道覓食,點知想去嘅嗰間餐廳今日唔做午巿,於是喺附近搵咗另一間馬來亞餐廳。坐低叫咗是日午餐 A:咖哩雞飯 + 羅宋湯 + 汪阿姐。太肚餓喇,餐包等唔切畀部手機食先就畀我咬咗一啖。餐包屬室溫,軟熟,味道普通。羅宋湯有椰菜、紅蘿蔔、薯仔、西芹,最驚喜嘅竟然有好多牛腩碎!湯嘅味道唔算好濃,但夠味,甜酸度平衡,唔辣,只有好輕微嘅㷫口。唔知係咪我少喺出面飲羅宋湯,今次真係第一次飲到有咁多牛肉碎,令碗湯增添咗口感同肉味。輪到主菜,食咖哩雞前,我習慣先一羹咖哩汁入口。馬來咖哩汁比港式咖哩冇咁重香料味,同埋唔辣,又係只有少少㷫口,反而多咗好濃郁嘅椰汁味。口感滑得嚟,有啲沙沙嘅感覺。再嚟試配菜嘅薯仔。嘩!超級好食!又棉滑,又粉糯,仲索哂啲咖哩汁,兩舊真係唔夠喉。(OS:老闆!可唔可以畀多幾舊薯仔我呀?)跟住食雞,雞有兩大件,當我準備切佢時,先發覺原來係雞背脊,把刀畀背骨頂住咗。雖然係雞背脊,但唔好以為冇肉,其實佢都可切到唔少肉出嚟。而用雞背脊,亦代表餐廳至少唔係用千年雪藏雞扒,而係用原隻冰鮮雞再斬件。講下件雞嘅味道,基本醃咗底味,再撈埋咖哩汁一齊煮。肉質唔似雞髀咁滑同彈牙,但又唔會好似雞胸咁嚡烚烚,佢係介乎兩者之間。可惜嘅係當日廚師唔小心煮過火了,有少少嚡,但可以接受。配埋咖哩汁,味道都 ok。至於汪阿姐,香嘅,滑嘅,但唔落糖就苦咗少少,整體都 ok。 繼續閱讀
(以上食評乃用戶個人意見 , 並不代表OpenRice之觀點。)
等級1 2020-12-29
1242 瀏覽
令人失望嘅餐廳...本人一直喺西營盤般咸道返工,每次行過都見到餐廳裏面得好少客人上openrice,見到下午茶好似好多選擇,決定試一試;叫咗個福建炒飯,三分鐘左右個飯就嚟到,望落去同聞落去都似揚州炒飯,所以我問一問啲員工,其中一個完全冇理我,另一個行埋嚟就話:呢個係福建炒飯嚟㗎,每個地方唔同嘅做法,呢度唔係酒樓呀😵其實可以禮貌同我講返馬來西亞福建炒飯嘅做法lol咩叫呢度唔係酒樓?好多地方嘅福建炒飯都唔係咁,客人覺得好奇甚至懷疑係好正常,係你見識少,以為得酒樓嘅福建炒飯先係有汁😂一個下午茶飯$42唔算太貴,但係食物質素就對唔住價錢,份量偏少,太多油仲要加一收費其他評語仲話係幾十年老店🤔,一個下午茶,員工嘅服務質素已經唔會有下次幫襯,好多好嘅評語都已經好耐之前,唔好剩睇評語就覺得間餐廳好。 繼續閱讀
(以上食評乃用戶個人意見 , 並不代表OpenRice之觀點。)