香辣屋 (已結業)

good food but not very very good service....... different to find ppl 理我地.......

入開去將軍澳，六點多想早點吃晚飯，在甲乙丙之間選了香辣屋。太早沒有人，隨意選了一個對正門口的卡位，但隱隱約約飄來難聞的氣味，跟穿西裝的部長談過，懷疑氣味從外面飄入來，於是換了另一個卡位。一心想吃惹味食品，叫了：青咖哩雞：雖然份量不多，咖哩頗香口，配翠玉瓜片。咖哩汁送飯，不俗。鹽焗魚：一般，稍咸。肉碎抄豆角：很惹味香口。最後叫了5元一件馬荳糕，唯不太喜歡用大菜糕整。很飽，吃罷去買了夏枯草喝。

呢度d lunch set幾抵食$40左右有交易環境幾舒服食物都唔錯尢其d青咖喱好正值得一試

呢到的下午茶好抵. $20有一碗粉加泰式飲品,湯底/料都唔會就個價錢,夠味,好過food court版gei香辣屋好多. $16一碗東蔭公湯河有兩隻蝦和一堆磨菇,個湯係溝稀左的,不過味道都有個種風味. 加$9有杯泰式飲品仲有o的$10的小食~春卷、炸豆腐、蝦餅等等.....試左蝦餅,都有兩件,以比例計都比portion的平宜.下午茶仲免加一添. 兩個人$55己經夠飽.下午茶淥粉麵個車仔檔同係泰國見過的一模一樣!

I like to eat here, even my sister Amy, her friend Davy and my mom like it too! tasty curry is wonderful! I must go again, thank you.

環境都幾好,d青咖哩好好味，用飽一齊食,很冶味。

幾好食呀..價錢算ok.叫左馬拉盞通菜,鐵扳蠔餅,唔記得叫左咩啦.但都食得過呀.

前幾日同班fds溫完書去食個下午茶，我叫左金邊粉，幾好味，d蝦好入味，唔錯唔錯，但係我有個fd叫左紅油xxx(類似紅油抄手)，冇乜紅油，比較乾身.......好彩我冇叫到者......但d drinks好耐先來，我叫左杯青檸soda，好難飲，另一個fd叫左一杯(唔記得左叫咩)類似什果冰既drink，好似飲藥水咁，唯一正常的就是紅豆冰.......

上次信用咭推廣介紹佢地個兩人套餐好抵食回味無窮今次黎到將軍澳見到又有香辣屋不又分說又去試下不過今次已經冇左任何套餐選擇唯有散嗌但感覺選擇不多不過其實食物仍然保持水準而且價錢ok當然環境係上次去赤柱個邊好d啦

今日lunch去了這一間餐廳食飯，叫左2個學生餐，每個餐都係$22，有2餸一杯飲品，我叫了香茅豬排+咖哩牛腩，碟飯岩岩好，不過d餸少左d。e度d裝修好靚，又靜wor (可能午市少人d)但係d食物來得很慢....不過見佢幾好食就算la，又唔係趕時間。服務生唔識睇中文,態度麻麻，so我同同學都冇俾tips~呵~

成日都幫襯，覺得食品質素唔錯，只可惜近幾個月好似縮皮左少少，分量唔係好足。有一次我叫左個鱔煲，全個煲只搵到6舊仔鱔，其他全部用「沖」頭、蒜頭、薑之類搭夠，嘩，$68一煲（記憶中價錢），只有6舊大唔過5蚊銀既鱔，真係太慳皮喇！如果去呢度食飯，要預返多少少BUDGET叫多兩個餐至夠。

d野食都幾好味~而d侍應都幾好招呼~價錢又唔會太貴..不過tea set會低dd,但係份量就會少d~同埋好食個d野食係冇既~但係總括黎講都唔錯架~

星期六o黎呢度食下午茶，價錢唔貴，$18已經有個魚旦、牛丸湯粉加凍飲，$10一個小食(可以揀沙嗲、蝦丸、牛油雞翼)，甚至$14一碟炒金邊粉。三個人食，卒之叫o左一碗魚旦湯河，一碟炸蝦丸，一碟干炒泰式金邊粉，另加三杯珍多冰，總共只係$58。可惜，出菜出得非常慢，落單之後等o左半粒鐘先至有碟蝦丸食下(連飲品都冇)；而且，下午茶o既size超細，碟蝦丸只係切開頭尾四粒咁大把，碟金邊粉也非常細碟，同平時order o既size差好遠。魚旦都有三粒，但湯底麻麻；好在杯珍多冰有平時一樣咁大杯。雖然下午茶唔算貴，但係實在太細碟，味道比起散叫差好遠；始終o黎散叫會食得開心D~~

其實依頭唔多泰國菜食，依度算係唔錯，食物質素比得上九龍城幾間泰國菜鋪，個椰子雞湯豬頸肉都唔錯，只係D 啤酒就十分之貴，好酒之人仕就覺得唔掂。

其實依頭唔多泰國菜食，依度算係唔錯，食物質素比得上九龍城幾間泰國菜鋪，個椰子雞湯豬頸肉都唔錯，只係D 啤酒就十分之貴，好酒之人仕就覺得唔掂。