香港魚蛋皇

營業中

休息中

今日去左灣仔食飯，朋友同我之前黎食過一次魚麵。我食過一次之後就非常驚喜，成日心思思想再食，今日經過又入黎回味一下啦！餐廳乾淨好整齊，唔係普通茶記，唔會周圍濕哂！我叫左牛丸雲吞魚麵。雙拼魚麵價錢好抵食咋！牛丸粒粒好爽口，入面充滿肉汁。牛丸彈牙夠哂驚喜，最愛牛丸入口味道濃香充滿牛肉味。雲吞皮薄餡料多，粒粒都好大粒，仲有原隻鮮蝦夠鮮甜，蝦肉爽口，豬肉比例剛好唔會好膩。魚麵是主角！魚麵好爽口，入口充滿魚肉鮮甜味！

到灣仔會展看展覽於是到不遠的「香港魚蛋皇」食午餐.湯底是用鯊魚骨響螺豬骨熬製的就是有種咸香咸香的潮州粉麵的味，令人難以忘懷.顧名思義「魚蛋皇」，最出名的應該是手打魚蛋而我點了「魚麵」，就是基本上每一個麵都是魚蛋來的十分彈牙，也有滿滿的魚蛋味叫了雙併，雲吞和牛腩雲吞很足料，每一個都有爽口蝦子牛腩份量也很多.加$13有一杯紅豆冰冰涼透心很適合夏天食紅豆與奶融合得非常好，份量也很足！.$19有大份的芥蘭其實還可以選生菜或菜芯.非常近灣仔的杜老誌道電車站下次有機會再來吧！

強身健體一定要多做運動，最近我參加Kick Boxing, 一來為瘦身；二來令身體強壯也可好哩～短短45分鐘課我已疲倦不已，洗澡過後拖著緩慢身驅到魚蛋皇醫肚子！幸好今天人不多哩！超級疲倦又肚餓的我，快快點了魚蛋河。這裡的魚蛋是手唧魚蛋，所以每粒大小形狀不一，很有咬口，口感不錯啊！吃魚蛋粉一定要添加辣椒醬，會令整碗味道提升。香港魚蛋皇店子不算大，大約有三十座位。這裡不僅有粉麵，還有飯類可供選擇，如牛腩飯 豬扒雙蛋雙等等。我點了凍檸茶，真大方啊，有四大片檸檬；平常我在喝的只有薄薄兩片，讚啊～

企喺灣仔嘅十字路口，諗緊食咩嘅時候，就會有選擇困難症，其實周圍都係食肆…反而唔知食咩好，馬路中間電車站望到呢一間香港魚蛋皇，我決定做一個地道香港人。港式粉麵舖入到好簡單，阿姐話你搵位坐低俾2杯杯茶自己睇menu，男友見到牛三寶係非常之吸引嘅，咁就試下佢啦，我就繼續揀容易咬嘅嘢…魚蛋，但係今日搞搞新意思要魚麵。好快上枱，牛三寶係牛肚牛腩同牛筋， 男友話好大碗煮得好入味，牛腩有兩舊半肥瘦三嚿瘦腩…都係半肥瘦好食啲。我碗魚蛋魚麵，魚蛋係好舊式嗰隻， 即係唔係好彈牙嗰種，魚麵啦…感覺比魚蛋彈牙啲，餸連麵係一大碗魚蛋嘅感覺~ 都幾過癮~見到有好多外國人入嚟食嘢，阿姐啲英文都talk得下喎，果然係灣仔嘅粉麵舖係進化啲~

在我公司附近的粉麵店，午餐時段好多人又繁忙，我通常放工來食，之前食了蠔仔粥及魚麵，好美味的又獨特口感，今次就點了這裡出名的牛腩！不同的車仔粉麵選擇、三文治、扒類飯、潮洲蠔仔粥等等，今日點了食牛腩筋湯米線。這間的牛腩好出名馳名的，特別是牛坑腩，所以就叫了牛筋牛腩配湯米線！牛筋軟滑又入味，好易咬好腍身；牛腩濃郁牛味又有口感，少少肥的筋部分好軟腍又香又好吃，牛腩牛筋都一試愛上！腩汁配上湯汁，這個湯汁是鯊魚骨響螺豬骨湯底、好香濃；將米線放在匙上連湯一齊食，濕濕地好軟好滑溜！ 更配有蒜片香茜香蔥的配菜，好適合夏天喔！

中午時份喺灣仔見完客，可惜成個星期都落住大雨，天陰陰令人提不起勁，所以只想揾間最就腳嘅餐廳解決口腹之慾。行經大馬路，呢間香港魚蛋皇，由於招牌太醒目，於是被吸引過去，不吃白不吃就入去試返個粉麵！餐廳係好傳統嘅佈置，圓枱設計可以坐到更多食客。打開menu選擇相當多，除咗麵食外仲有客飯同多士等，飲品方面都相當貼地，甚至乎有啲特式港式飲品可以選擇。自己一眼就鍾情牛腩，於是柯打個原汁牛腩魚麵。先講講個牛腩，肥瘦相間分明，入口係偏爽口所以唔會有太強肥膩感。份量想當足，有概有6大件牛腩，而且相當入味。而魚麵好特別，大少不一真心似係人手搓製。入口彈牙，好似真係食緊一條條魚肉製成嘅魚蛋麵一樣！整體而言性價比高，值得一試。

朋友知我間唔中就要想食下d港式粉麵，當中成日都會揀食牛腩今日係假日，但都要返半日，所以好朋友就專登黎接我放工佢話要帶我去食附近一間佢食過覺得幾正既牛腩魚蛋粉，等我平衡一下假日要返工既悲哀呢間店喺正大街，一啲都唔難搵~~除左有朋友推介既港式粉麵牛腩魚蛋河呢啲之外，亦有提供其他麵食、飯餐同小食等，選擇都唔少啵朋友話佢呢排都成日食，加上佢食左個big breakfast ，所以就唔洗預佢食好多……見到有淨牛腩，一份細既就$105，淨粉就$12，我同朋友就覺得，既然我今日既目標係食牛腩，咁就一於食盡d~一次食個夠所以我地就叫左一份細既原汁牛腩同一碗淨河粉一齊share話咁快d食物就黎到啦！！！！一份細既牛腩既份量都唔少，有大概二十塊每一舊都入味鬆化，當中更有d係坑腩位置，份外滋味！！點上香麻惹味既辣椒醬汁令風味倍增，本來話唔食一兩舊就算既朋友都食左五六舊先收手出色既牛腩之下係翠綠既唐生菜，沾上腩汁後既生菜既爽脆又好味所以不消一會，我地亦將整碗河粉全部掃清最後仲要飲返啖冰凍既汽水，呢d就係平民又地道既麻甩滋味

這是一間地道、給人感覺親切的店☺️收銀姨姨笑容好有感染力😄 街坊街里閒話家常🗣-✌🏻個人叫左2️⃣碗麵2️⃣杯野飲~~-💁🏻‍♀️招牌牛三寶魚麵男友係名符其實嘅牛魔王😈食肉獸毫不猶豫地揀左招牌牛三寶魚麵😂🐮牛三寶=牛腩➕牛肚➕牛筋👉🏻果然係招牌🙌🏻 牛腩夠林之餘唔鬆散▫️牛肚吸晒湯底精華▫️牛筋大大舊滑捋捋👉🏻手轆粗身魚麵好香魚味-💁🏻‍♀️炸魚角米線我鍾意食炸魚角, 食到魚蛋嘅爽口彈牙之餘, 仲好香口😬🍲鯊魚骨響螺豬骨湯底配上幾片炸魚角, 唔需要多加調味料, 已經好味😋-

最愛食魚麵啊！朋友介紹過一次之後，我就經常都過黎食，食完一次的確上哂癮，食到停唔到口啊。魚麵充滿魚香，入口鮮味濃郁，麵質好彈牙夠哂爽口，加入魚肉打製，的確每條麵都好似食緊魚蛋咁！今次叫左牛丸魚麵，牛丸好爽口，入口充滿肉汁好油香，粒粒爽口彈牙，魚麵水準保持高水準。朋友之前帶我黎依度食lunch，人客非常多。中午黎到要排隊先食到，今日5點幾黎食tea，避開排隊時間，可以舒服咁去食個tea，的確好滿足啊！

今晚去咗灣仔食麵，一間好地道嘅麵鋪，店員都好友善。我哋叫咗一個撈面，一個魚面。五香牛什撈面 $46，改撈面要加$10，牛雜有牛肚、牛腸、牛膀、牛肺，好多餸，好入味，個撈幼麵好爽口好味，仲有啲鹼水麵嘅味道，有一碗湯你可以配埋嚟食，但佢本身有汁唔會覺得好乾。牛粗丸魚麵$53，有五粒牛粗丸，魚面係一條條魚肉咁樣，仲有生菜，加埋辣椒油同埋醋都好好食。郊外油菜$19，芥蘭、菜心、唐生菜，我揀咗菜心，煮得偏淋，不過因為我本身係鍾意食淋菜，所以我覺得好好食，仲配有蠔油。✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤，我會寫更多豐富既食評比大家！🤤✨✨✨✨✨✨✨✨✨✨

收工想食清淡啲，朋友就提議不如魚蛋粉，係灣仔電車路附近見到呢間香港魚蛋皇就入去試下 好耐都無來過呢類港式餐廳，最好既係想食咩都可以任搭，餐牌好多野揀，睇到我眼花繚亂基本上粥粉麵飯都相當齊全，而且仲有西式飯類，認真相當多元化又話食清淡啲，點知唔爭氣叫左炸魚皮，魚皮唔知道係咪佢地自家整既，香脆可口，唔會腥，份量都唔少紫菜八寶麵重點推介來了呢八寶究竟有邊八樣野？就係：手唧魚丸、潮洲魚扎、手打牛丸、汕頭魚餃、鮮味魚腐、普寧肉丸、家鄉貢丸同炸魚角相當豐富岩哂我呢啲咁貪心既人，最推介係比較少見既潮洲魚扎同汕頭魚餃，我都係第一次食唔係普通細蓉雲吞麵，而係雲吞魚麵必讚係佢即魚麵相當彈牙，每條麵都好似食緊魚蛋咁樣，每隻雲吞入面亦有蝦我本人就係非常愛吃魚麵，呢碗我好滿意下次想來試試蠔仔粥

今日咁岩過到黎銅鑼灣做野，做完野諗住約朋友去灣仔修頓球場打下波，但見時間仲有D 早於是乎就喺附近搵間餐廳快食醫下個肚，其實晚飯時間要喺灣仔搵間餐廳可以快食真係有難度，咁岩又比我見到呢間香港魚蛋皇好似唔錯咁，所以就二話不説就入左黎。除左魚蛋粉外仲有其他款式嘅食物，種類都唔少。我就叫左個魚片頭魚面加紫菜，盛惠$60 大元雖然呢個價位唔算平但係見佢湯底係用魚加豬骨熬製而成嘅，咁我都覺得OK 嘅，加上魚面份量都好多，而質素亦都唔差，咬落去都幾彈牙紫菜份量唔少魚片頭夠彈牙仲叫左碟菜食，都幾新鮮

夜麻麻喺灣仔收工好肚餓，同事突然間好想食魚蛋河，就入咗嚟依間香港魚蛋皇<原汁牛腩魚皮餃河$43> (好味: 4.3/5) (抵食: 4.5/5)原汁牛腩魚皮餃可真係好抵食 湯底加咗藍汁 河粉都好索命 雖然卡路里一定唔少但係好食嘅嘢通常都係肥少少嘅 牛腩呢就係偏向於爽口嘅牛腩呀佢嘅肥膏嘅味道唔係好容翁 煮魚皮餃方面係比較standard嘅 大家上咗炸蒜蓉同埋蔥 整體嘅味道好出色 咁食到最後呢大食妹就加咗 佢特製嘅辣椒油落去啲河粉度 麻麻辣辣咁樣 麻辣咁又唔會 泰國搶咗 牛腩汁嘅味道 整體cp值幾高<雲吞紫菜麵$43> (好味：4/5) 雲吞有成五大粒 粒粒都好大粒 蝦肉爽口 雲吞皮滑啫啫幾好味 至於 紫菜份量好多 質量唔錯唔會鞋烚烚 梘水面梘水味重 視於朋友仔鐘唔鐘意梘水味喇 大食妹就對呢陣味情有獨鐘 所以成個面都妹岩大食妹口味<跟粉麪配紅豆冰$14>紅豆冰妹大杯下 跟餐加十四蚊 少少貴 不過見佢咁大杯就算喇 紅豆份量都幾多 每一啖都飲到幾粒紅豆 不過在煲林少少就好啲 淡奶唔算太甜 味道岩岩好 overall 黎講都不錯喝<跟粉麪配

當日去完灣仔買電腦之後好肚餓搵到呢一間牛腩粉面店，真心覺得好好食。睇咗菜單琳琅滿目選擇又多，最吸引我嘅係牛筋河同埋凍奶茶。其次女朋友就叫咗 牛三寶即係牛肚牛筋牛腩。每一樣都入味而且 非常嫩滑。對於食嘅我簡直係上咗天堂。牛肚係我唯一會吃嘅內臟，配上佢哋嘅湯吸咗欖汁嘅味道非常地道。好味又嫩滑。牛腩牛筋非常之淋又入味。裏邊很冷氣開放非常涼爽，服務熱情而且周到。佢想佢哋脆炸魚皮嘅非常之好食。我想開學之後再來食多次。

Long time no Chinese noodles. Came here for a simple afternoon tea on Sunday. It was not hard to find two seats.Ordered 2 noodles to share. They ordered very fast.Ordered this signature 招牌牛三寶米缐. The soup seemed ok. I drank a bit but not thirsty at all afterwards. The beef tendon were the best which were so thick and tender. 紫菜八寶丸河 had loads of seaweed. The soup, claimed to be made from shark bones, 響螺 and pork bones free of MSG, was pretty clear. I drank quite a bit and it really seemed to be fr