香港達人 (新翠商場) (已結業)

今日放假又見落雨，吾想去太遠食lunch ,挨到2:30去樓下食tea就算！D間餐廳我都未試過堂食，見下午茶價錢都好平民化，就走入去試下。間餐廳D冷氣都幾強勁，吾受得冷氣就要帶埋外套著！下午茶都有幾多選擇⋯⋯最後我點了豬仔包、瑞士雞翼同埋芝士咖喱焗飯豬仔包都算脆，但雞翼就凍嘅😔有D失望D個咖喱焗飯就有D驚喜，份量又大又抵食叫凍檸茶先搞笑，我想叫走冰少甜，個侍應同我講冇走冰只可少冰，有啲搞笑🤣🤣🤣埋單都算平，冇要求就可以再黎，平民價錢又夠飽👍

今日下午15:55 分去到香港達人食野，入到門口6個侍應企埋一齊吹水，不過唔關我事無理到佢地，行到一半，其中一個侍應喝我，喂!你未探熱呀，跟住我去返門口探熱，探完入番餐廳見到窗口位坐下之際，又有1個侍應喝我話窗位1個唔可以坐，叫我坐另一邊，當時我無理佢照坐下，因為全間餐廳得3成人。睇完餐牌舉左3次手都無人理我，全部侍應企晒門口吹水，我再忍，最後點左海南雞烏東食完就走，湯無味，凍咖啡難飲，同以前差好遠，上次食食下有2隻甲由係隔離檯已經唔出聲，本人發誓以後不再光顧我從來都唔會投訴，今次忍無可忍

去買下午茶食，款式有勁多選擇。揀左豬軟骨米線同奶油豬！抗日期間外賣有八五折。等左5分鐘就拎得外賣 好快手！返到屋企個奶油豬仲超級超級脆，本身仲諗住俾膠袋焗住一定會淋曬！好脆好好味豬軟骨有勁多舊，絕對唔孤寒🤣而且好入味！米線份量又夠多，湯底都好味！$35仲有埋野飲，都真係幾抵食

因為住附近，和朋友如常每星期都相約在該餐廳用餐，1點10分order左野食，很快就食完，大概坐了約1小時突然有個女侍應走過來敲了幾下台，帶著惡劣語氣說：”食完就快d走啦，有人排緊隊”我和朋友都愕然了，心唸明明鄰近還有其他空座位。正打算飲埋餘下嘅奶茶離開，然後聽到後方收銀處兩名餐廳的女侍應低聲說“兩個人叫個飯食坐成日” 我望下手錶顯示2點15分鐘，心唸只坐了1小時零5分鐘，需要這樣嗎？最後默默和朋友離開了，決定不會再來！

下午茶去食，唔洗等位！探熱程序，同每張台之間有間距都有做足！我同老公都鐘意食佢既吉列魚柳薯條，但今次明顯地魚柳細塊左，薯條少左。雖然縮左水，但係都仲係好好食既，魚柳外脆內軟，薯條夠曬新鮮熱辣熱杏霜好濃好夠味凍奶茶都幾好飲，但要加+$3

去買下午茶，都有幾多野食選擇揀左焗鮮茄豬扒飯，由落單到拎得外賣只需要10分鐘，都算幾快！星期一至日外賣自取都有9折仲發現最近晚市外賣自取有85折不過返到屋企一打開盒飯，個焗豬扒飯真心麻麻地，又無雜菜粒，又無菠蘿粒，又無蕃茄！就係得多醬豬扒飯，確係有d失望！因為記得之前食並唔係甘樣既！不過下午茶黎講，飯既份量都幾多，食完好飽，晚餐都唔洗食啦，勁抵食另外杯熱檸茶我忘記左影相！檸檬茶有3塊檸檬，茶底好濃

呢間餐廳係佢開張個排黎過一次，印象一般，今日諗唔到食咩，見唔駛等位又有卡位坐，一於比多次機會佢，星期六日都有午市套餐，包埋餐湯餐包主菜同飲品。餐包正常，餐湯可以揀中湯西湯，我地揀左西湯，羅宋湯比平時飲開既辣，都幾開胃。主菜叫左牛扒配薯菜，好普通既牛扒，唔難食，但都唔好食。薯條就炸得太乾。另外叫左個泰式菠蘿海鮮炒飯，飯好濕，又唔夠熱，海鮮唔多，完全感受唔到泰式，食左三分一就冇食了，好失望，都係冇下次。

由於工作關係，所以經過大圍新翠村，然後經過想食個沙嗲牛肉通粉嘅早餐，於是就入咗嚟呢間鋪頭。坐低點餐之後，沙嗲牛肉好快已經上枱，沙嗲牛肉嘅味道可以接受，通粉嘅份量亦都足夠。但係食完早餐半個鐘之後，餐飲一直都未上枱，而身邊嘅食客飲品一早已經有齊。於是我就問侍應姐姐，我問佢請問餐飲幾時會有，然後佢就將手上面一杯外賣嘅不知名飲品放喺我面前，然後拎起我張單黎睇，一句聲都冇出過，就離開咗我。於是我又一直坐喺度等，見到佢傾計，等左5分鐘之後，我想離開，然後拎起張收據，先發現原來我嘅餐飲係寫咗「外賣」兩個字。心諗「到底發生咩事」點解我落餐嘅時候，一句冇講過要外賣，點解會出現外賣兩個字，仲要係外買一杯嘢飲。侍應姐姐完全冇同我講過發生咩事。態度極之求其！

今晚去左樓下間香港達人食晚餐 食過幾次都覺得不錯 兩個人今次試左雞煲 賣相如圖片惹味 炸粉少點會更好，粉絲蒸勝瓜 清清淡淡味道也不錯！仲有京蔥豬頸肉 份量多 呢個最好味！另外加了特飲 味道正常性價比一般 價錢平啲更好！有一杯紅豆奶茶好味！整體來講黎試過幾次都發揮正常！有部分套餐仲會跟中湯/西湯比你揀 跟餐餐包係最好味哈哈服務方面 態度很好 服務招到 唔會因為太忙而忽略左客人需要！呢點值得一讚！仲特登提我地雞煲個煲會熱 小心辣手 夠細心

搬來附近有一年，平時見哩間茶餐廳有好多人幫襯，但價錢都唔平，都咁好生意，應該正常。今朝特意早起少少食個早餐試試...夜鬼早起，當然如常抆水地10:50am到達目的地。侍應呀姐問我幾位，我話－位。佢就叫我坐正收銀路口的圓枱，當時2人卡位已滿，但入Ｄ的地方的圓枱大把。我求其坐入面最出一張，同時間阿姐大聲話："早餐就黎夠鐘，仲揀位！個位有人坐㗎！"點知後面有個女食客攞住杯水返黎，我讓返座位俾佢，反而佢仲安慰我，話佢行開咗唔知有人坐好正常(張枱冇食物/飲品)，仲話日日都來食早餐，得嗰個阿姐係咁勞嘈，食完咪走囉。本身諗住同哩位女食客同枱食，睇完餐牌(預咗食物款式都係嗰類，只係懶有少少配搭)，之後揚聲諗住落order，其他待應無反應。又係嗰個勞嘈阿姐過黎，一黎又話我坐住個路口，收碗碟架車過唔到又剩。心諗張枱同櫈係你地舖自己set嘅，有問題又賴個客阻住！(雖然一開始被罵已有"哩間嘢無下次"的念頭)之後我又好聽話坐咗佢指示的另一張枱，就睇下哩到Ｄ食物質素如何。叫咗A餐，送上速度正常，火腿通偏細，塊豬柳漢堡Ｄ汁有Ｄ怪、同塊扒唔夾，多士好細、味道可以，整體size似兒童餐，杯熱奶茶有澀味、奶偏少。舖頭位置

HK Diner咁多分店，lunch hour又咁旺，竟然難食又求其，真係估佢唔到...一坐低，發現個位竟然係滴水嘅...作為一間食肆呢方面唔應該鬆懈...叫左個海南雞飯set lunch，先上餐湯同餐包。餐湯係中湯，合掌瓜紅蘿蔔湯，熱辣辣幾清甜，係全個午餐做得最好嘅一樣。中湯唔知點解要跟埋餐包，室溫冇烘過，非常普通。個海南雞飯等左10分鐘至上菜，一睇賣相已知非常求其...雞油飯煮太耐，林晒；說好的海南雞飯三色醬並唔存在，只得一款醬，係睇落似溝「希」左嘅黃芥辣但實際上係薑蓉嘅「新派醬」，最慘係啲雞...「擎」晒成舊啫喱咁，要一手用叉一手用羹至分得返開，冇去骨，多黃油，冇調味，底下啲酸蘿蔔絲謝晒皮好似放左好耐至拎俾客食咁，仲要索晒啲油...；成碟最正常係白菜仔！

去拜車公廟之前，打算同屋企人係附近食啲野就算。呢間「香港達人 」唔洗等位，諗住唔會好伏既。😥—原本藍妹叫左扁意粉，點知佢黎到先話冇扁意粉，問頭先落單個同事有冇講。😑冇講喎，加上碟野賣相真係好唔得，咁藍妹就話唔要啦，改叫B餐。—卡邦尼芝士汁燴魚柳見過頭先個意粉，藍妹大概都有心理準備呢個都唔會好得去邊。🤐賣相叫做可以接受，魚柳冇乜特別，都係普通果種雪藏魚柳，一定冇鮮味嫁啦。最令藍妹失望既係佢既卡邦尼芝士汁，好老實講，藍妹唔預期有幾好食，只係想有卡邦尼芝士汁既味。😞點知......佢只係非常普通既白汁，冇芝士味，冇卡邦尼既感覺。藍妹自己係屋企都整過幾次卡邦尼意粉，自問都比佢做得好食。🤯—一間快餐廳，顧客唔會預期食到好高水準既食物，都係想快同飽為主。但係最基本既味道都要有既，藍妹好少覺得一間餐廳好差，呢間就係其中一間。😟食左兩啖，已經自動飽左，唔想要食。😭

今日送完老婆返學，返屋企前去附近諗住食個快飯 ，在大圍行咗一個圈都唔知食乜嘢，跟住行咗去新翠邨，見到做緊下午茶，入去之前都看過評語，諗住快餐店應該差極有個譜，點知一失足成千古恨今日叫咗個黑椒牛柳意粉，講真呢啲食物邊度有難道啊，牛扒係冰鮮的貨色我預咗，但係個意粉一見到嘅話好似毆吐物 ，煮個意粉有什麼難道呢？ 水滾加鹽放意粉就係咁簡單，點解可以着到咁嘅樣，煮完嘅話樓面仲要拎出夠膽令出嚟，你哋過意得去咩！我明白味道嘅野好主觀，你話好食我未必話好食，但係意粉煮到成Pat屎咁都唔使問阿貴知道有問題啦！入去之前我好肚餓啊，但係我真係食咗幾啖已經食唔落口，點解有嘢會咁難食！ 成日說要支持屋村的小店，支持的限度真係有限， 唔該你是餐廳嘅老細見到的話唔該改善一下，有得揀就係老闆，過得自己過得人，麻煩拎個心出嚟改善少少！

焗豬扒飯焗豬扒飯我都算係幾常叫的食物之一。通常一個星期起碼叫一次，可惜嘅係只會叫公司飯堂的焗豬扒飯，雖然質素一般，我仍然會叫著吃。由於今日放假, 有機會係其他餐廳食到焗豬扒飯。平時在公司食嘅焗豬扒飯似乎係一早預備好晒，放喺個蒸爐度保持溫度，感覺實在麻麻。今次食呢間，佢係即叫即焗嘅。但都係等左10分鐘左右，都算幾快。這一個焗豬扒飯餐包飲品$40，雖然係下午茶餐個list嗰度, 但份量一點也不下午茶。先講個汁，分量合適，味道唔算太重，蕃茄味適中，最重要嘅係佢唔算太酸。因為如果太酸，成個飯就好難入口了。醬汁裡有兩舊蕃茄肉，雖然唔多，但總好過冇。最令我欣賞嘅就去佢個炒飯底，乾爽而且香口，沒有黐埋一舊。豬扒都夠腍。

最近同卡比嫂成日食好西，今晚兩個人想食下家常菜，但我地又點識煮呀！唯有睇下屋企附近有無小菜食。這家香港達人又真係未試過，見店內格局闊落，環境不錯，就進去試試。這家店原來是椰林閣集團餐廳，細細個去椰林閣吃西餐吃得多，現在也搞起小菜來。晚市小菜選擇也有13款之多，都是一般家常小菜，配白飯和例湯，我們也一人選了一款。XO 醬西蘭花牛肉這是一個小炒，炒得也挺有鑊氣，西蘭花爽口。牛肉份量也不算小，而且也不算老。我喜歡這個小菜，原因是廚師加入了不少配料調味，包括紅椒、西芹粒、洋蔥、大蔥等，令小菜的味道更香，更豐富，不單是靠xo 醬作調味。當然，xo 醬的味道也很鮮，只是有點重手，不送飯吃的話，會有點過鹹。老乾媽蒸豆腐鯇魚老乾媽豆豉鋪上魚得表面，作為調味料，底層是豆腐。魚蒸的時間尚可，不致於過熟，但亦有進步空間。豆豉微辣醒胃，鋪在魚上，調味索進魚內，很入味，同時亦有提鮮作用。下面的豆腐剛好為濃郁的調味，作為一個平衝，一濃一淡，味道互相配合了。比較令我有驚喜的是，一家西餐廳，居然做起小菜來，而且還出奇地炒出鑊氣，可能是因為位於屋邨商場，要迎合居民口味吧！