7
5
1
電話號碼
29661333
開飯介紹
此會提供中式菜餚,所提供極具氣派的婚宴場地供香港賽馬會會員結婚, 生日或紀念日慶祝。
繼續閱讀
特色
慶祝紀念日
營業時間
今日營業
全日休息
星期一至日
全日休息
以上資料只供參考, 請與餐廳確認詳情
今年有幸受邀出席週年舞會，第一次參加馬會會所宴會。地點果然隔涉，要駕車或者的士先到達，環境寧靜，私隱度高。當晚大排延開十席，現場服務職員數量足夠，唔會出現嘉賓求助無門情況。而且職員態度相當好，令大家都滿意。「席珍」食物方面 - 精美拼盤︰百花乳豬蝦多士 - 爽口彈牙嘅蝦膠假扮成乳豬肉疊在底層，再利用豬皮包頂。整件經過輕炸卻唔油膩，口感與味覺都有驚喜。脆鱔 - 幾條相對幼細鱔條，感覺有點零落。菊蜜鮮淮山 - 香甜杞子襯托清淡淮山粒，淮山粒潺滑粉軟，沾滿幽香菊蜜，健康清爽。三文魚籽野菜百頁卷 - 外層用百頁腐皮包裹爽口菜絲，單調味道卻能重點帶出三文魚籽濃鮮味。腿蓉椒醬大蝦皇︰拌碟西蘭花平衡濃郁腿蓉椒醬嘅油膩。完隻蝦身體積好似碟咁大，頭部佔一半，內藏新鮮蝦膏。蝦身肉多且肥美，爽口彈牙。舞茸無花果瑤柱燉花膠︰湯底應該無加味精，只用乾貨食材原身咸味調味。舞茸菇將其他食材精華全吸收，香濃咸鮮；清甜無花果用以平衡咸度，亦將鮮味昇華；完整一片花膠，雖然品質唔算高級，但表現絕不欺場。蠔皇花菇扣原隻鮑魚︰鮮花菇香味濃郁，烹煮時間足以吸收大量蠔皇汁，水份十足。原隻鮑魚清爽彈牙，唔會因過火而變得煙韌。豆酥蒸老虎班柳︰豆醬混合豉油香甜帶咸，味道清淡唔會蓋過魚鮮香。魚肉蒸煮時間調節得好，肉質爽口嫩滑而且厚身，食得滿足。當紅炸子雞︰薄薄一層雞皮炸得脆口，配上蝦片有著食片皮鴨感覺，卻唔算油膩。雞肉嫩滑，輕微雞油香令肉質保持水份。菜肉雲吞撈薑蔥竹昇麵︰兩隻雲吞皮薄餡靚，菜與肉餡料平均，唔肥膩。竹昇麵軟硬度適中，用來當撈麵口感非常好，吸汁度高。總結︰場地佈置精緻、服務態度質素好、上菜速度快，而且味道卻不失禮。整場晚宴的確令在場嘉賓都稱心滿意。
繼續閱讀
星期日一個下午突然嘅約會走咗嚟食午餐一食就食到下晝四點幾超開心食物質素唔使講㗎啦因為已經唔係第一次冇諗過嚟嘅好開心見到樣樣都想食～太精緻器皿就係用 staub😍吸晴今次我哋五個人好好多吖可以叫好多嘢食每樣都試吓人多好辦事🤣食完主食～梗係甜品啦⋯⋯咖啡唔少得～flat White(咖啡旁邊都有一粒馬德蓮做得好出色啊真係有肚臍）甜品真係好好食～榛子🌰蛋糕朱古力雞蛋仔都好好食㗎！離開梗係買多兩件返屋企啦！服務態度唔使講～超好☺️食物質素唔使講㗎啦！～非常好！（今次食好抵呀因為生日有八折）
繼續閱讀
從來未去過馬場，今次有機會去馬場參觀之餘，仲可以響馬主廂房大擦一餐！今晚係食semi-buffet嘅，前菜同甜品生果係外面buffet枱度自己攞，而主菜就響餐牌上揀！Buffet有好多野食，而且有好多特色小食，連綠茶雞蛋仔都有，仲好好味！主菜我選咗牛扒！牛扒好淋，有入口即溶嘅感覺！超正！👍🏻嚟馬場食飯，又有得玩，又有得食，而且啲食物質素仲好高，真係好開心！可惜要會員先可以嚟，否則我一定會定期嚟幫襯！
繼續閱讀
星期三喇，又到跑馬日可以去盡情放鬆一下，不過今天不只是進馬場玩和看馬🐎，！一進到馬會就感受到大家歡樂的氣氛！！今天我們去了馬會裏邊的餐廳，環境得好，有一個房，房入面有電視直播賽馬情況，可以輕輕鬆鬆看看比賽！服務態度真係好到不得了！值得一讚！野食方面就都唔錯，由頭盤去到main dish都唔錯，分量好適中！頭盤嘅沙律好好食，我唔食得牛嘅，餐廳幫我轉好返做中湯，個湯清清地好好飲！主菜嗌咗個海南雞飯，雞好滑，最尾個甜品都好正！
繼續閱讀
參加bb百日宴 雖然圍數多 但都唔會迫 所有賓客都坐得舒服 係reception 簽完到後 安頓左自己 就有職員即時問你飲咩 效率好快呀！早到左 影下相 d時間過得好快 隔左陣就正式開始今日既自助晚餐啦！呢道既款式都好多元化 淨係個海鮮都已經有好多有長腳蟹、龍蝦、螺、扇貝、聖子......壽司方面 有4大盆 有吞拿魚、三文魚、卷物......佢最正既係有海膽刺身 好有鮮味 好想再食 但係限量供應 好快就無哂lu冷盤既選擇都好多 有帶子 又有Parma Ham ......熟食方面 除左有羊架之外 仲有湯麵類 每樣食小小已經飽啦！每人仲會有一隻蟹鉗龍蝦 肉質鮮嫩 仲好大隻 但最重點既係甜品 除左蛋糕 朱古力噴泉呢d基本野 仲有movenpick 炒雪糕、early grey 味既焦糖布丁 淨係食呢2樣都夠哂啦😋
繼續閱讀