香港賽馬會-凱旋廳

營業中

休息中

難得有機會入到馬會裡面食自助餐,諗住應該會係top quality. 一入到去周圍望一望,野食嘅種類都算夠,但係唔算多.環境當然冇得彈啦,高級裝修已經係基本.啲野嘅賣相都幾好,特別係個羊排都幾唔錯,有小小羶味,脂肪比例夠,所以有羊味得嚟唔會太鞋.總括嚟講都唔錯,不過重點係環境唔係食物.

北京片皮鴨，麵皮不會黏著一起，用蛋糕紙一層層分開，很細心！不夠的話還可再添。鴨皮香脆，有連肉和不連肉的，加上大葱、青瓜絲和醬汁，美味可口。一流！生菜包著炒飯吃，青而不膩。絶！香煎粟米墨魚餅，原粒粟米加上彈牙墨魚餅，青甜可口。正！小唐菜不會過熟或過生，豆腐一件件賣相整齊，加上惹味香菇和醬汁。很好！這道很健康的菜，值得一讚是選用一級香脆雲耳；西芹入口清甜；香煎三文魚，味道香濃。勁！最後送上精緻香甜的椰汁紅豆糕，真是大飽口福！感激友人是晚真摯的款待！

We came for the famed curry buffet at Ladies Purse originally, but were disappointed to learn that it wasn't available due to Christmas special arrangements. Went to Oi Suen for Chinese dinner as the menus had been revised. The traditional long boiled soup was quite warming and tasted of figs and assorted beans and pork. The tea leaf smoked egg was rather special and was melting in the core with a prevailing fragrance of tea leaves. The salt and pepper deep fried diced beancurd was crispy and th

一家人連同阿爸好友到呢間中菜館食，地方大，食得舒服，叫左豉油雞，雀巢牛肉，煎肉餅，姑魯肉，南乳齋煲，蒸豬手，樣樣都好好食，雞肉入口，味道充滿豉油味，雀巢炸得剛剛好，肉餅好香鹹魚同肉味，姑魯肉5太酸，但肉太細，無咩囗感，南乳齋煲味道不濃，好健康，蒸豬手既醬汁非常香，細細舊既豬手十分好食雖然樣樣菜式係普通酒家都有得叫，不過馬會呢間煮得真係5錯

朋友有馬出入去比下面, 哎害我無左幾百蚊…不過呢, 原來馬會d野幾好食WOR! 完全古唔到牛腩炆得好林, 入味, 系薯仔唔夠味, 好好食! 煎釀豆腐OKAY無什特別, 切雞幾滑但唔夠鹹, 不過最後叫甜品落左一個鐘零15分鐘依然未出, 慢到沒有朋友。

總括來說, 好比五星級中菜廳的質數, 無論食材, 味道至賣相都一流,可惜此處只招待會員, 有幸得到會員相請, 好多謝陳公子!

今晚要食餐開心餐, 和家人來了馬會!一入內, 真係幾有氣派咁, 雖已來了多次, 但內d 氣芬真係好嚴肅!門口的牌又話要乜乜會員才可內進, 嘩都幾restrictive, 好采家人有...乜咁巴閉架咩...坐下先, 由於我遲左d, 家人已叫了個標準餐, 先上的有乳豬!當然好脆~ 已切走大部份的肥膏, 食得放心~之後有菜苗, 也好爽口, 唔油, 今餐真係幾健康呀.翅雖都夠料, 但係叫左低鹽的, 所以略淡, 預左.個炸雞就正常咸味, 我仲懶醒落多左d 鹽, 中招喇~同個乳豬一樣已切了d 肥膏, o岩晒怕肥的我...塊魚都幾大片, d 豉油好似係生抽, 而非蒸魚豉油; 勁咸, 定係我條脷的問題???炒飯唔油, 又一讚, 但好細碗....服務好貼身, 100分.食物時淡時咸, 俾個ok 喇. 唔係我埋數, 但估都唔平呢.

這一餐, 是在七月一日馬季煞科日去食, 地點係只招待會員的馬會中菜部原先以為, 馬會咁高級的地方, 食物一定係首屈一指的, 不過食過之後, 又覺得不外如是, 什至比一般的中餐廳更低水準四個人之, 其中一人係會員, 我地入場主要都係賭馬, 食野都只係附屬的節目, 食物當中, 沒有一味係印象深刻, 味道好好的, 馬會的廚師, 似乎煮中菜都不很了得材料就很好, 好似班片, 蝦球, 全都非常新鮮的, 肉質鮮甜, 不過味道就很普通, 好似個川味大蝦粉絲煲, 不夠辣, 不夠咸, 就係食得唔過癮的感覺, 騷不著癢處點心拚盆的味道, 就好似微波爐出來的公仔點心, 死古古的, 食左兩件已經食唔落賭馬, 這裡絕對係最好的地方, 又方便買飛, 每次馬匹出閘便氣氛彭拜, 但食野, 這裡只是第四班次吧, 沒有驚喜

難得表姑姐帶了她四歲的兒子和兩歲的女兒回港，我們當然一盡地主之誼，和他們去沙田馬會的凱旋廳吃飯。選這裡，固中原因是會所裡的大型兒童遊樂室，好樣我的表弟妹玩餐飽。這裡的晚飯比跑馬地會所的滿貫廳有水準。其招牌菜：燒雞潤，算做得唔錯，但當然不能和那些老字號相提並論。豉油雞一吃便知生浸，可惜豉油太甜；咕嚕肉勁酸，小朋友喜歡，我就嫌不夠啖啖肉。龍蝦伊麵同樣受小朋友歡迎，龍蝦肉厚彈牙，伊麵不太creamy，唔錯。Service好，侍應對小朋友有耐性，抵讚！臨走時才發現，原來劉德華就在隣枱的併風後面吃飯，咁大個女都係第一次碰見劉德華，不禁向在旁的表姑姐說：「唉呀，劉德華呀！」，劉生自然反應望向我們這邊，然後目無表情地轉向朋友繼續密密針。劉生，今時今日，做公眾人物，咁嘅態度唔夠架！

與行家約了幾次飯局要談大家日後的發展大計都是雙方因事延期，故今次大家落實了碰頭日期，而選定這裡因應環境相當清靜及食物不差之故！因只招待會員，故服務方面絕對到位；而點菜方面，得悉拿手小菜是鹽焗雞，確認真是以熱鹽生焗的做法下點了半只，鹽焗雞食味不俗，雞皮及雞背部份鹽香四溢，但可能選雞種問題，雞胸部份較為粗鞋，有點失分。另點了碎蒸東星腩，新鮮東星蒸出來的食味不會太差，預算範圍以內；反而平平無奇的葡汁焗四蔬食味最好，因此菜最難處理的是蔬菜焗製時的出水問題，尤其是裡面的菇類蔬菜，若廚房師傅先出水來焗製，菇類味道除了打折扣外更沒有了爽口感覺，這裡的師傅能處理掉此問題及配合到不俗的葡汁，功力不淺。談到快三點，只餘下我們一桌，但絕沒有趨趕之意，其他的食肆已因趕落場而在你面前走來跑去。筆者飲茶只鐘情普洱，這裡的喝下去已知不成，這點失分不小。