香港海賊王餐廳 (已結業)

近日各大社交網站均被風靡一時的日本海賊王主題餐廳瘋狂洗版，餐廳內拍照打卡位像真度高，食物也設計得饒有趣味，雖然對食物水準不抱太高期望，也禁不住跟朋友做一次港女。週六下午6時到達餐廳，人龍已排出室外位置，由於黃埔近海，風勢凌厲，餐廳不設留座，忠粉們只好飢寒交逼地排隊等候。大概40分鐘後入座，餐廳燈光偏暗，四處擺放著動畫內不同角色的巨型擺設，one piece迷必定心花怒放!先點了signature dish - 草帽日式咖喱飯 $128把金黃色的米飯做成路飛草帽的形狀，十分可愛貼題。可惜份量偏少，飯有薑黃味，微微辛辣，咖喱汁不太辣，帶少許酸甜，肉粒太少難以伴飯同吃。索柏強化蟹肉可樂餅 $58這個算是最正常普通的一道菜，可樂餅即叫即炸，裡面是沙律醬和蟹肉絲，不過不失。燒海鮮拼盤有虎蝦、魷魚、三文魚、蜆、青口、帶子，份量不多，海鮮也不太新鮮，墊底的薯蓉乾而無味，竟索價$328，難免有點離地吧!二人合共埋單$565, 和朋友都覺得吃不飽其實頗欣賞餐廳的格局裝修，不難看到其用心細緻，其他配套如員工服飾、周邊商品也做得不錯，餐廳更安排了一些cosplay人員不時在場內走動供客人拍照，務求帶給每位o

第一次去海賊王餐廳。餐廳裝修到好似上咗海賊王海盜船。餐具都用海賊王卡通角色。全店都置放海賊王角色。我點咗阿羅芭菲。當中有雪米糍。啫喱及乳酪。個賣相好正。但食落好濟。因為太多奶類製品放在同一個杯。食到好濟。

眾所週知，很多主題餐廳食物都很一般，有些甚至很難吃。但這間海賊王餐廳不同，不單止氣氛一流，食物也是香港這麼多主題餐廳中最好吃的！雖然比台北那間海賊餐廳貴，但食物質素更高、款式也較多！點了一客「正義牛扒漢堡」，儘管侍應哥哥有點失手，令漢堡稍為斜了，但無損它的味道，薄牛扒很大份，肉汁很香，配上鬆脆麵包，的確不錯！卓洛的「三刀流串燒」，海鮮不俗、牛肉粒有層次、雞肉串最為香口！還有「悲觀鬼芭菲」，外表可愛，又不會太甜！兩杯飲品最為失色，但並不會過份甜已令人滿意！順帶一提，店內裝潢滿分，有很多細節跟足烈陽號，還配上燈光效果，人偶手工精緻，連員工感覺也置身其中，海賊王粉絲不用飛日本或台灣都能夢想成真，一定很滿足！

友人臨時邀約的一餐。幸好友人在附近上班，友人排了一會兒就可以入去，限時好像90分鐘。入場時門口的職員會為你在手臂上蓋上x印，身為海賊王fans都知這個標誌的由來，我是路飛船員的一份子了😆😆餐廳位置不大，刻意造成船上餐廳的樣子，9大主角都有一個figure俾粉絲影相，我最愛的喬巴位置好像太高了😂😂餐廳中間位置有一個大screen，我諗應該90分鐘左右有一段小影片介紹9大角色，分中英日三種語言。進食期間都不斷播著音樂，氣氛一流。說回食物方面先，講真去得主題餐廳呢都預佐又貴又唔多好食既啦，所以都唔算失望，至少賣相搭夠。身為喬巴粉絲，當然會叫帶有喬巴的食物。我地叫佐喬巴可樂餅，路飛帽子咖哩飯，franky super漢堡，路飛同喬巴帽子甜品各一，同埋悲觀鬼芭菲。點餐時店員和我們說喬巴帽子只有一頂了，要的話先留起...我聽完後立刻告訴他先留起...但看他好像還沒有意思想下單的樣子，只好提他先留起吧，說真的當天是星期五，加上餐廳開業不久，6:30已經賣光一款甜品了...預算份量多少許也可以😒😒而我們叫的漢堡竟然有生熟度選擇，有點驚喜，我們選了中規中矩的五成熟😏點完餐後我和友人出去影相了。可能限時9

老公係海賊王的死忠粉絲，黃埔新天地最近開咗香港首間海賊王主題餐廳，沒可能不去吧！！（由於怕唔好食所以我們來之前已經喺出面食咗嘢打底，本來打算只係嚟睇下環境，但原來野食都不錯所以才決定寫一篇食評贊一下！）門口嘅烈陽號船頭會噴煙其實我哋大約六点鐘去到，係戶外排咗大約1.5個鐘， 好在而家系冬天而今日唔算好凍亦唔焗，不過遲下夏天來的話，應該要自備風扇同傘。環境我就唔特別寫啦， 留返空間畀各位海賊王的粉絲到時來到先心心眼。老實說，來得主題餐廳唔會太特別期望食物非常好吃同埋平，而海賊王啲食物既質數同價錢我是接受的。老公叫咗個超級肉盤，有羊架，牛扒，豬仔俾同大肉腸。肉，全部都系肉，全部都系肉！！（同路飛一模一樣）羊架同豬仔比有驚喜，係好食的！牛扒同大肉腸都不錯，但未致到超級好食。上網聽人講所以一早知個卓洛梳打絕對唔好飲。 點解都仲會點係純粹為咗個杯墊遺憾是我們六點去到排隊都未夠早，所以草帽蛋糕只係見到凈返一個，而chopper蛋糕更加一早賣曬見都見唔到冇法啦，下次一於再早啲嚟，因為真係好想試chopper蛋糕！！！

我同朋友兩個人一路都係海賊迷，見香港開左間主題餐廳就緊係去試下啦！先講態度再講食物！！去到見到條人龍，心諗唔係無得攞飛要排隊甘低B掛，點知真係排隊入座，大佬咩年代丫！！好我地照排，排左接近兩個鐘，先入到去(如果你地係派飛既，而兩個鐘我可以做好多野)算啦甘入到去，我地一開始就係想食佢果兩個蛋糕，幫我地落單既係個肥肥地既經理，佢話兩款都賣曬啦！我話唔係掛，我為左佢先泥排兩個鍾炸喎，佢都好平淡甘講，係丫賣曬啦！甘我都無咩野話我再睇下餐牌先！！之後我地再選擇左杯飲品同甜品，叫左另一個灰色衫四眼哥哥仔過泥落單，我:我要而個丫!!灰色衫四眼哥哥：賣曬啦我：下！又賣曬！！咩都無既之後佢態度就勁差，帶點呼喝甘講，後面果兩款咪重有囉，所以唔係咩都無既先生！我心諗我都係呻下姐，洗唔洗甘，甘之後我叫左個喬巴雞蛋仔，我朋友叫左杯路飛瑪利，甘叫完之後我就話係甘多先，佢收餐牌果時竟然重要加多句用好似好唔稀罕嘅語氣點解我要加多兩個括號，係用泥強調佢既語氣，之後佢就走左去，我本身諗住開開心心泥感受下個氣氛，排完兩個鐘後重要比人用甘既態度招呼，真心即刻想走！再講食物，質素普通，環境幾好，主要賣環境，食物貴，味道唔係話特

去到海賊王餐廳好在跟足openrice食評嘅建議排隊前問晒要唔要登記同幾時截龍嗰啲但露天室外排隊真係食西北風食到傻😣結果排咗大概一個鐘就有得入兩人枱果然比較快但係好景不常大概落咗單半個鐘見到遲過我哋落單嘅隔離枱都已經有嘢食有嘢飲發現唔對路就即刻問下先發現頭先個staff原來無落到單但啲職員態度好好即刻就再落單同好快送餐嚟仲要好多位職員分別送餐嚟到都say sorry個人覺得草帽咖喱飯係必食咖喱有啲甜味牛肉粒好腍三刀流串燒都好食但多啲人share應該更好因為呢堆肉實在好飽 同埋都幾油一串雞 一串牛 一串海鮮最伏真係路飛BBQ雞翼無味都算 仲要有啲唔熟蒜香大蜆意粉就一般無咩汁真係幾乾身悲觀鬼Parfait唔差雪糕甜咗少少中間層cream實在太多好在有啲士多啤梨中和下底層啫喱幾好味山治藍菠蘿幾好飲不過就記得一定要撈勻底層初時無撈勻好似飲藥水咁 好苦有菠蘿果肉食下Zoro蜜瓜麻麻地 我試完覺得唔似蜜瓜味以主題餐廳整體嚟講都算okay嘅起碼都齊晒主角（利申：係作為粉絲嘅朋友講嘅咋）不過啲食物上面唔係紙牌仔會更好因為紙牌真係無咩誠意囉 送嘅精品又真係少得可憐 得個杯墊仔搞啲消費滿幾錢抽下扭蛋或者紀

本身已經去哂日本的海賊王餐廳，所以知道香港開就一路好期待去朝聖，通常主題餐廳都係食情懷食物都只係得個樣而且價錢偏高，但今次喜岀望外無論裝修擺設都令我哩啲死忠熱血沸騰燈光環境好似置身於船入面一樣，至於食物更加有驚喜，尤其喜歡三刀流串燒，路飛肉盤兩個都係用心製作肉相當入味又多肉汁，價錢係唔平但都值回票價另外草帽咖哩飯都唔錯，但肉可以多一點，另外甜品都好岀色索柏帽同路飛草帽蛋糕好好食😋另外悲觀鬼芭菲賣相好得意大部分食物都好睇好食，當然尚有進步的空間，餐廳經理有問我們對食物的意見，他亦一一接受，我好相信佢地會做得更好，因為有一個會聽客人意見嘅管理層！

排左兩個鐘，冬天黎就食風。人均消費$270，真心唔抵食，食物質素都真係好一般。8點鐘入座，好多野食都賣哂，嗌乜冇乜，間餐廳環境靚就真既！侍應唔黑面但好鬼串嘴。。

12月23日黃昏6:15排隊， 到夜晚8:35先入到餐廳。（不過都預咗要排隊）坐底咗，好開心咁揀嘢食。Chopper帽甜品賣晒。。。Luffy帽甜品賣晒。。。Law甜品賣晒。。Zoro串燒賣晒。。Franky漢堡，唔係無嘅，不過星星薯餅變薯條，好。。。是但啦，落咗單， 隔咗陣侍應同我地講賣晒。。。。。。最後叫咗Luffy Jumbo肉盤，Caime 貝殼粉，正義牛三文治。。全部凍嘅 除咗裝修得之外。。應該就係個無敵卡通大海景啦

一間新開嘅主題餐廳，嚟嘅人都是因為喜歡呢套動漫，星期六中午等候時間不算太長，約一小時就能入內，可能因為有用餐時間的限制。菜式選擇不多，所以亦簡單揀選了沙津、小食及主食兩人分着吃。沙津揀了海鮮沙津，小食點了BBQ雞翼，主食就要了咖哩飯。首先來的是沙津，一見沙律心馬上一沉，從未見過如此hea的沙律，除了海鮮就只有西芹，連簡單加一兩片沙律菜都沒有，盛惠$78。跟著就係小食四隻雞翼，賣相不錯，而且雞翼應該不容易出錯，拿了一隻吃下雖然只是微溫，但味道還是可以的，盛惠$58。最後咖哩飯出來了，很可愛的草帽咖哩飯，咖哩汁不錯可是飯是爛的，完全沒有咬口，好彩咖哩汁裏的牛肉還是有肉味的。一心諗住叫的食物不算多，可以最後來個chopper hat蛋糕，可是當我吃第二隻雞翼時這個夢想馬上幻滅了，因為這隻雞翼是未煮熟的。我的天呀，作為一間餐廳應有的基本功夫都做不到，還可以繼續吃下去嗎⋯⋯馬上跟侍應説明，他們也馬上把那些不熟的雞翼拿走，並説會再換一碟給我，可是我對這餐廳的信心已盪然無存了。

黎主題餐廳緊係要影相呃LIKE啦！大人小朋友都影得好開心～叫左戰斧排，大到嚇親！真係好岩路飛食！＃我要吃肉～好彩都食得晒！蜆殼粉 可以味再濃D usopop green pop 芝士味好濃 不過D波波好難分黎食 唯有一人一粒啦最好鐘意都係甜品 得意又好味，CHOPPER 雞蛋仔 第一次食  雞蛋仔忌廉加棉花糖 甜得來而不膩 女人係真係有甜品胃的哈哈 最正係呢度氣氛一流！真係好似係烈陽號入面！今日成為左海賊王仲有燈光表演，門口又識噴煙！睇得出餐廳工作人員好比心機設計～

新開嘅one piece餐廳喺黃埔AEON，海賊王迷一定要去！入面有咁多位船員同埋三兄弟結盟嘅figure，超級靚食物分面，可能因為新開張，所以水準有啲參差。普遍嘅食物都唔夠熱，不過服務態度良好，肯聽意見個人推薦蟹肉可樂餅，入面除左少少蟹肉，仲有薯仔蓉！炸得都好香脆，唔錯！忌廉煙肉大蜆殼粉上面有溫泉蛋，幾好味！忌廉好香、好creamy，不過份量唔多、一至兩個人都食到

真心希望會有改進。第一次去餐廳不滿到要寫食評因為期待左好耐，19號當日特登一早去。特登由元朗出去，排完隊滿心歡喜啦，入到去Order呢樣無個樣無😰講緊只係開業第二日既下午12點幾．．．無星星餅無漢堡無Chopper蛋糕😓叫個草帽飯凍既，個型唔岩，笳汁紅邊又無心機整又粗又幼😟飲品，難飲，$60幾蚊杯配張紙造杯墊。甜品叫羅個個，頂帽完全圖文不符唔似，中間就咁一大Pat Cream 好Hea。蟹球超難吃，$60幾蚊一粒炸粉入面好怪😟只有環境，雞翼是滿意😅呢個價錢黎講，真係一點也不值得呀，希望向日本學習下，至少外型都認真D😟第一次食動漫餐廳會是失望

得個貴字，服務質素惡劣，食品質素一般，同朋友去食個簡單咖哩飯每人一杯野飲再share一件蛋糕盛惠埋單5舊幾水，仲要食唔飽，收得呢個價錢仲要你地90分鐘就好走，算啦，之後我同朋友去左食KFC，無下次