香港小熊

營業中

休息中

今晚尖沙咀見到一間好靚嘅舖頭，就參觀下，順便買啲小食同埋嘢飲。我見佢嘅嘢飲好有創意同有特色，而且大熱天時，好需要飲番啲凍冰冰嘅嘢降下溫。就叫咗佢嘅檸香綠茶多多，其實係檸檬茶，加綠茶，加益力多，酸酸甜甜，除咗味道之外，相信益力多嘅活性乳酸菌同埋檸檬茶嘅維他命C亦為呢一杯飲品帶嚟營養價值。在買咗一個白桃烏龍茶，真係有一粒粒白桃，佔咗三份一杯嘅飲品，桃味香而粒粒桃肉有咬口，烏龍茶清甜。我見啲muffins都係好有特色，就叫咗個龍眼紅棗Muffins試吓。好鬆軟，亦濕潤，食得出一粒粒嘅龍眼，紅棗味芬香撲鼻，感覺係中藥Cross Over 西式鬆餅，感覺非常特別。

🚩海苔肉鬆卷💰價錢：$36/盒之前一直想試既網紅小食「肉鬆小貝」🤤，知道灣仔茶茶go有賣，但一直未有機會經過而且據我所知價錢唔平☹️。而前兩日經過尖沙咀想買古早蛋糕，幸運地竟然俾我發現到同款肉鬆小貝😋。其實一開始嚟依間店係為咗古早味蛋糕😂但點知俾肉鬆小貝吸引咗就轉咗target😂。雖然叫海苔肉鬆卷，但明顯同肉鬆小貝一模一樣😂。一件87克，size都幾大件，外層裹滿海苔肉鬆，但肉鬆口感唔夠蓬鬆，食到硬硬地既肉鬆塊🥺。蛋糕體鬆軟，可惜沙律醬落得唔夠多，所以口感略為乾咗啲，距離「爆漿」真係差太多。整體而言，質素一般，價錢上比一般肉鬆小貝平，味道甜鹹交雜，肉鬆+沙律醬永遠都係最佳組合😝，只係口感差啲。如果咁啱經過可以一試，但就唔需要特登去買。

番緊工買咗個kitkat味古早味蛋糕食落已經覺得好普通番到屋企繼續食食食吓食到有舊嘢係個口度拎出嚟係釘書釘 有冇搞錯？？？好彩我唔係直接吞如果唔係都唔知點算！！！！

我份人無論幾飽，食完正餐都覺得仍然需要食甜品，加上前幾日同屋企人食飯講起古早味蛋糕，勾起我對佢既慾望🤤，所以今次黎開尖沙咀，特登買佢黎止癮。可能因為疫情關係，少左遊客之餘，又少左本地客，之前果間古早味蛋糕已經執左，得番呢間新開既小店有賣呢款蛋糕，係別無選擇既情況下，唯有試佢。當日晚上7點到達，無新鮮出爐既蛋糕，所以無蛋糕香，而口味亦只有朱古力、咖啡同原味，令本身想食芝士味既我大失所望😩。粒粒朱古力味半份 $40蛋糕分兩層中間夾左一層朱古力醬，味道唔會好甜，亦夠朱古力味，但蛋味無無左。蛋糕氣孔細緻綿密，質地軟熟、濕潤，食完唔會口乾，但蛋糕底部好濕，感覺好似濕左既唐包feel，感覺唔良好😓。我之前食過其他烘焙店既原味古早蛋糕，比佢個蛋味深深吸引，但今次呢個令我幾失望，老實講，如果我第一次食既古早蛋糕係咁，我一定唔會食第二次…..😒加上份量少，價錢貴，如果比我再揀，我寧願留番個Quota比旺角果間。

行過尖沙咀樂道見到新開左間香港小熊主打古早味蛋糕同各式茶飲，蛋糕每日定量新鮮出爐，日日唔同口味~咁岩遇著出爐時間聞到好香，買返兩件同朋友仔做下午茶先~經典流心芝士蛋糕厚身蛋糕，細件都份量十足，咬落質感綿密，蛋味濃郁，甜度剛剛好，充滿芝士鹹香味，新鮮出爐熱辣辣呈現拉絲效果~法式奶油布甸蛋糕口味夠創新，蛋糕鬆軟濕潤，富蛋香味，食落香濃鬆軟，又不會過膩，加入法式奶油布甸令蛋糕味道層次豐富。茶飲方面都有唔少選擇，包括冷泡茶、低卡奶茶等，揀左東方美人，口感柔順，味道甘醇，解渴一流~

尖沙咀新開咗間古早味蛋糕店🍰，睇吓OpenRice一個食評都未有，作為吃貨嘅我經過就膽粗粗試吓，為大家身先士卒。其實我最想食Kitkat topping，不過當晚話冇晒，我就叫咗粒粒朱古力🍫同香滑原味兩款，各一半分別為$40和$30。原來仲有嘢飲🥤，叫咗熱情果烏龍冷泡茶，試業價$25。朱古力味好香濃，原味淡淡地唔會甜，我母親大人唔鐘意食甜品都話好味，兩款食落口都好鬆軟。店內有熊仔嘅陳列架🐻，好想帶返屋企，我見佢仲推出埋小熊流心月餅🥮，有機會去試吓先😃。