香港地

營業中

休息中

坐低店員會比一張QR code你可以scan , 直接係mini app (不用download) 睇到個Menu同埋落order。好方便，比Like 👍🏻落完order眨吓眼食物就到了。點左一個‘乾炒牛河’同‘熱奶茶’乾炒牛河’牛河係和牛，d 牛肉食得出係高質牛，不過就得面果幾塊。 雖然唔係好有鑊氣，味道算係不過不失。點完餐好快就上枱，而且啲嘢食仲係熱嘅，有咁嘅速度有咁嘅質素都還算係咁💓。‘熱奶茶‘茶同奶嘅比例啱啱👍🏻好而且飲落好滑。最後拎住個QR code就可以出去俾錢。第一次喺茶餐廳用QR code 落order。方便快捷呢個體驗都幾好。💖

今日返工，諗住舒舒服服食個早餐，所以決定去香港地，一坐低都無乜特別，但一上個麵，炒蛋水準差咗，偏向炒得過火，硬身咗，無之前咁滑，其次是麵又係放耐咗，淋晒，所以食物質素整體嚟講係唔合格！至於杯檸檬茶我就無飲到，點解呢？因為我個麵食到四分之三時，侍應帶了另一位客人嚟搭枱，其實張枱咁細，仲要有陌生人搭枱，在疫情之下，風險十分之高，而且那位搭枱的陌生人，一坐低連餐都未點就立即除口罩，又一邊睇餐牌一邊自言自語咁噴口水，其實自己一個人用膳，除了食嘢時要開口，其他時間應該唔洗張開嘴巴呱！莫講話現在疫情嚴重，就算平時都十分難頂！香港的餐廳就是這樣，未進入幫襯時就盡量用盡方法吸引你入去，但當你點餐後就會用盡方法去令你唔舒服，令你盡快離開，務求達到盡快返枱，盡做生意的原則！好老實，我去老麥，去大家X，就算要搭枱，所有人都自動自覺，盡量唔會搭到面對面喇！所以這次我怕怕了！

金鐘真係無咩嘢好食 好彩有間「香港地」令我唔知食咩嘅時候可以去食佢嘅〈暗然銷魂飯〉($72) 叉燒份量夠多 幾焦香 欣賞隻煎蛋夠脆皮 不過太多豉油 下次要叫佢少啲豉油至得🤪

入到店內食早餐點咗一個公仔麵早餐同埋叫咗杯至愛嘅熱奶茶， 今日晏咗食早餐因為要陪老公做身體檢查完之後落到嚟金鐘呢度食早餐。 店舖環境清潔佈置簡約樸素， 話咁快啲麵到啦 ，食落第一彈有意外嘅驚喜喎，因為啲公仔麵有彈牙嘅感覺。 湯底唔係普通茶餐廳的公仔麵湯底有種清香又唔會太鹹很好，奶茶有茶香夠熱。 值得一讚既係手機點餐， 減少人手嘅接觸感大大減低咗溝叉感染嘅感覺， 令進食都相當安心， 略為需要改善就係員工談話比較嘈吵。

金鐘附近統一中心海富冇乜舒適地方食嘢，可以坐得舒服高檔少少快餐，合乎經濟，「香港地」是不二之選，坐得舒服又望到寛闊街境，雖然座位之間都有少少迫，不過已經係唔錯嘅地方！當日點左個龍蝦湯叉燒意粉，叉燒都好新鮮，厚切，龍蝦湯可以一飲而盡，多士我要求多牛油，職員亦都記得做到，炒蛋夠滑夠熱，份量剛好，我朋友就叫咗份無骨海南雞飯，份量足夠，好味， 有點必須要讚，上菜速度飛快，服務員態度親切有講有笑，又吾會騷擾迫你走人！

作為茶餐廳 ，地點還在金鐘，客觀地說這個價錢 算是value for money , 味道亦算很好吃，特別要讚這店的炒滑蛋與牛油椰香包 ， 做得出色。另外要讚讚這裏的三位員工: 一位是短頭髮、戴眼鏡、很友善客氣的美麗姐姐； 另一位是胖胖的肥姐， 還有一位戴眼鏡的男青年很勤力， 他們的態度也給了我驚喜。 問心:我現在不是吃過千的午餐 又或過萬一位的晚餐， 我只是吃一個約40多元的早餐！ 但他們的笑容、用心與禮貌，讓我感覺到了 香港罕有久違的服務精神。對了，現在此餐廳還有coupon送， 滿100蚊 送15蚊 ，所以我還額外地叫了一客蛋白杏仁茶， 吃完後心滿意足，而且兩個人買單剛好只是85元 ！感覺非常之 開心。

於番學前的時間還有大約半小時，便衝衝子上身係金鐘覓食，因近日已食太多漢堡包等美式食物，亦因時間有限，便去了附近的香港地快食。快眼一看，便快速叫了常餐，即是沙嗲牛肉公仔麵+烘底多士+3.6 牛乳炒蛋+ 火腿腸仔，豐富十足。重點係叫餐後三分鐘可以上菜而所有食物都是熱辣辣的。沙嗲牛肉麵湯底濃厚，最鐘意食佢ge 烘底多士，味道是甜甜的, 加埋炒蛋一齊食真是一流。 可能平日金鐘已過放工時間，食店內只有數枱食客，上菜速度十分快捷.

係金鐘想食較便宜的午餐，不外乎那幾間連鎖快餐店，而香港地也是連鎖快餐店的高級版。可能這陣子較少人番工，好多時都因為太迫人已買外賣回公司食，但今天見不是太多人的關係，就嘗試等候堂食。等了差不多十分鐘就有位，已經算快了！我個人較喜歡食常餐，而同事也結果選了不同常餐，我就看中龍蝦湯底那款义燒湯意粉，因我不太愛吃公仔麵。店員還未放上龍蝦义燒湯意粉在枱上，我已經可以聞到非常濃郁的龍蝦湯味，但可惜與义燒味道不太配合，這個中西合併的湯意粉，口感上不太協調，個人覺得應該配合一些較為西式的食品，效果會來得好些。厚多士只是微暖，蛋就夠滑，火腿沒啥特別，整個茶餐連一杯熱飲是$62，係金鐘這個價錢是合理的！

遠東金融中心的香港地，開業挺長時間了！我第一次來吃！香港地是美心集團營運的茶餐廳，定位比美心MX高一點，我吃茶餐廳，一般會試：熱奶茶、多士、沙嗲牛肉麵，點１份地道熱選，有齊３樣，就要這個：#沙嗲牛肉麵，牛肉夠冧、夠入味！公仔麵有咬口，沒overcook，好吃！#煎蛋，上菜時是冷的，不好吃！#火腿，簿薄的一片，也是冷的，不好吃！#多士，夠鬆脆，好吃！#熱奶茶，中規中矩，算合格！港式早餐，選擇多！適合不同好味的人。定價高於食物的水準！

第一次黎食睇下有咩好野食先！總體黎講都冇令我失望啦！首先餐廳噶位置唔算大不過都算系乾淨衛生啦，試左呢度噶幹炒牛河，色水都唔錯，有鑊氣，味道OK，呢度噶常餐都可以試下都幾抵食！總體都唔錯！

大家都知道金鐘係美食沙漠，今日lunch同同事想食燒味飯，然後試咗公司樓下嘅五寶飯。Surprisely，叉燒肥瘦適中，流心煎蛋，再加上甜豉油，簡直係完美！但金鐘lunch時段，人流比較多，下次要早d排隊。

Hong Kong Day (香港地) is a restaurant chain which serves local hong kong eats, comfortable seating and can expect reasonable service. This braised seafood rice features a huge scallop with black truffle sauce. Slightly disappointing if you’re expecting to have a black truffle fix, as the black truffle paste was a small blob and taste has almost vanished by the time it’s mixed with the braised rice. Braised rice was delicious though, tasted somewhat in between soy sauce and oyster sauce, not bad

平日中午成日都好多人排隊，今次決定用起gulu app網上攞飛，結果又幾好wor！黎到只係等左6-8分鐘左右，唔錯！一落完單，好快就有野食，效率十分高！今次試咗個招牌四寶米線 $52 （有春卷、魚蛋、魚腐同紫菜）個人覺得魚腐偏油, 食食下令到個湯底都變得頗油，而湯底本身唔係好有魚湯味。其他食材味道合理，米線份量足夠，但質感再軟少少更好。味道：不過不失 6/10值得一讚既係，雖然午市好繁忙，但服務員態度依然好好，亦唔會比壓力你趕你走。唔錯

This location is conveniently near pacific place. I was here for a weekday lunch the wait was about 10 minutes. I ordered the mixed bbq with rice. It came with an fried egg on top. The egg is really a nice touch it is not overcooked but really crispy on the edges. For the bbq meats it is pretty standard but I have to say he soy sauce chicken is really tender. Solid lunch.

The toast has some taste of milk powder in it which is a bit strange. We didn’t like it but I finished it anyways while my child can’t eat it and almost puke. The beef noodle is fine and the milk tea is good. My kid like the cold chocolate and the service is excellent But the toast is totally toasted!!!🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮