香港地

營業中

休息中

今日番工前出美孚食野，經過尼間香港地見d下午茶set都幾啱食又唔洗排隊，入去食番份啦！尼度平時下午或晩飯時間經過都勁多人排隊，我尼d趕時間嘅人點會同人迫丫！店面走懷舊風格，幾有型，雖說唔洗等，但其實都好旺場，需要搭枱，不過無所謂，我快食快走就係尼個茶餐大三元喇！都幾多選擇，我揀左星洲炒米，一支骨雞翼薯條配凍檸茶雞翼有兩件，單支的，所以其實得一隻，有d孤寒呀下，不過味道不錯，薯條就麻麻地，唔夠脆星洲炒米，賣相不錯，料又足，有叉燒火腿蝦仁等，炒得又香，唔算辣，幾惹味推薦呀凍檸茶大大杯，爽埋單52蚊，都合埋嘅，推薦比各位試試

下午茶時段，常餐$45, 沙爹牛公仔麵，炒蛋，半件厚多士，加$14轉奶茶冰（凍奶茶，但冰是用奶茶做的）。環境企理，尚算舒適。服務算ok，我order 改左幾次，侍應姐姐都無黑面。食物味道合乎預期，份量亦屬正常。奶茶冰好味喎，都有兩大條冰，食落幾過癮。

已經黎過好多次幫襯, 主要係鐘意佢晚餐時段嘅家常小菜, 其次係佢嘅環境, 懷舊裝修加上座位編排得唔會好擠迫｡ 晚餐時段有提供二人套餐, 如果散叫小菜, 亦可 +$12 轉埋套餐 (跟白飯及例湯) 黑椒茄子牛仔骨 成碟小菜鐵板上, 黎到時仲係 “炸炸” 聲, 牛仔骨韌度剛剛好, 茄子已經煮到好淋身, 配上黑椒醬汁非常惹味, 餸飯一流  欖菜肉鬆四季豆份量唔少, 四季豆炒到好乾身, 好入味, 欖菜 & 肉鬆一樣唔少, 用黎撈飯食超 香煎鯪魚球鯪魚味都幾重, 不過偏咸左少少 

美孚好多餐廳。中、西、日、韓，應有盡有。但傳統“ 叫餸食飯” 始終都係首選。雖然知道呢間係集團式餐廳，但見環境舒適，價錢OK, 一試無妨。XO醬爆雜菌牛肉牛肉“走油”剛剛好。 醃料適中。雜菌“索盡”少少辣嘅醬汁，好好食。加埋洋蔥、青椒做配料。惹味!肉碎魚香茄子煲茄子、肉碎份量夠多。但太多油。雪梨雪耳紅蘿蔔煲豬展 好足料。好濃郁。相比一般茶餐廳例湯好好多。雖然係連鎖式餐廳。但整體都好好。價錢OK、環境乾淨企理、足夠員工運作、食物符合預期。

工作一整天終於回到家門樓下，經過這間平日由早到晚都排滿人客的本土茶餐廳，望內竟然有位置立刻衝門入內晚餐。召喚了我的弟弟下樓陪我，我們二人要了一個二人套餐。二人套餐包括的老火湯，原來是原煲上的原味靚湯，沒有味精、湯料十足、十分驚喜！另外有兩個小菜：一個是油雞或蒸魚（可以選擇不同煮法）、一個是其他十多款小菜中選一。特別喜歡這個紅洋蔥油雞，調味很香很野味，雞很滑有雞味！

晚上到荔枝角道體育館打完羽毛球，去附近醫肚食晚餐，對面有幾間餐廳選擇，見到香港地款式多，價錢又Ok，於是就入去試試。我就叫左土炮咖哩吉列魚柳配飯及薄餅 $65兩大塊即炸魚柳十分厚身，而且好嫩滑，無雪藏魚味，魚肉食落一片片，唔易散咖哩入面餐廳用豆卜代替薯仔，可以索哂d咖哩汁，而且份量都幾多！咖哩帶點微辣同稍稍既香料，幾惹味薄餅如果煎得更香脆鬆軟就好了。份量十足，做完運動好肚餓既我，一個人食唔哂，要男友包底哈哈以$65來説，這碟咖哩質素好過有名茶餐廳(翠x，太x)下次會試下餐廳d小菜。

星期日到香港地食早餐。11:18分開始等，期間有幾張空枱不過店員唔執，所以冇放人入去。最後，有枱的時間係11:35，佢竟然話冇早餐因為過咗5分鐘，入唔到system wor .....分眀就係店員唔執枱拖長咗等候時間，就要顧客承受後果

星期日早上約左朋友係美孚跑步，但跑左－陣,因有事要先行離去。係美孚站上來，見到香港地有數人等緊，還有時間，於是拎張飛等食早餐。等左十分鐘就有位。叫左果早餐，炸莱肉絲米粉，腸仔煎蛋，多士及咖啡。食物質素同一般快餐店差唔多，不過我喜歡佢有人招呼及座位都舒服。

後記：2018年1月23日份食評唔批,，今日2月2日再重發。美孚野食唔叫多，不過唔係間間都試過唒，今日冒死試左畢生難忘既石鍋飯，主要係見到有個杏汁豬肺湯就吸引左入去食，入面環境唔差。一個石鍋炆飯配燉湯$78, 同區唔算抵食，但食落就完全唔掂，不值一文。珍珠帶子雞粒炆飯，每粒飯都俾一層油覆蓋著，好佩服廚師不惜油錢咁落足油，令到成個石鍋飯令立立，望到已經唔想食，食左一半已經無食，好浪費，但望住個石鍋底有全部都係油，相信無乜人會食得落。杏汁燉豬肺，賣相奇差，火喉太夠，料不足，豬肺也不好。

今日星期六不用返工，訓醒已經係下午茶既事，諗住食d野就去行工展會。又揀左美心香港地，別人一定以為我太愛香港地，早餐晚餐而家下午茶都揀呢間。 揀左大三元套餐，可以自己mic and match ma!呢個龍蝦湯叉燒意粉平時夜晚睇menu都好想試，不過唔岩時段食唔到，今次要試下喇！味道比想像中好味，龍蝦湯味道不淡，叉燒份量足夠也沒有過多脂肪！炸雞翼有兩隻一支骨既，即係夾埋就係一隻。薯條份量足夠。整體黎講都ok!但價錢其實偏貴，呢個餐要$48！

難得有時間食埋早餐先返工，就揀左間成日都幫襯但好少機會試到既美心香港地。今日揀左呢個餐，牛尾湯·班尼粉早餐，配豬肉腸炒滑蛋豬仔包！見到賣相就聯想起金x罐頭湯底，但食落都ok, 佢都有加其他配料，味濃，肉多。另一份豬肉腸炒蛋。。豬肉腸就失色少少，白灼，dry 左d, 我放埋落去湯到食。滑蛋就幾ok, 睇相都見到保留到蛋汁無乾爭爭！豬仔包，黎到揭開牛油太少太少，另外再叫佢比牛油，食落就知配煉奶會好味好多啦！！

一班人叫咗五個餐。食品質素普通。星州炒米不錯丶碗仔翅比街邊的差太遠丶菠蘿生炒骨只有三粒菠蘿丶魚蛋河D魚蛋係行貨丶奶茶唔香又冇茶味。令人失望。連奶茶都冲唔好點叫香港地茶餐廰呀！

今晚又是孤獨一人晚餐， 揀左美孚間美心集團間香港地。呢間好多選擇，我地成日都幫襯，下午茶餐好豐富嫁。晚餐有鐵板餐，又有一人小菜晚餐，海南雞飯都幾出名。我平時晚餐會揀河粉餐，清清地。墨魚春卷好好味，好彈牙同埋腐皮好脆口。鯪魚餅都好新鮮但就有少少骨。份量都好夠。一碗粉單點就$40， 連野飲就$45。

今朝邊行邊諗緊食咩早餐好既時時候，突然係門口見到濃湯牛尾通poster, 睇落再加脆豬，豬肉腸同炒蛋，嘩，真係咩都唔洗講，入去試試先，但估唔到閒日既8點幾，都要拎飛等位入到去，見到枱枱都食唔同早餐，咁啫應該樣樣都ok, 再睇餐牌，原來都算多選擇，好似茶餐廳必備既沙嗲牛肉麵，雪菜米，魚柳，多士等等都有，不過就冇中式好似粥，糯米雞呢啲到講返個餐，碟牛尾長通粉個湯真係好濃，仲好多洋蔥碎，紅籮白碎，味道都好豐富，到脆豬有成個，但就係迷你版，冇練奶但有牛油，豬肉腸ok, 但炒蛋就好參次，因為朋友嗰碟，嗰埋炒蛋得半個掌心咁大，我嗰碟已經叫好靚仲有就係茶走，好濃好滑，茶底都好有茶味，正另外，呢到出野食好快，啲Staff都好快手快腳同好快反應，所以會再黎呢到試其他野

近日美孚這間香港地派了九折優惠券，今晚專程走去鋸扒。環境就跟茶餐廳差不多，可能是有九折優惠，要等位，平日的晚上也超多人流，侍應忙到不停手，所以他們的服務態度一般般。今日叫咗一個黑椒汁雜扒餐，配上肉醬意粉、生菜沙律及羅宋湯，買相精緻，雞扒也很嫩，但牛扒較薄，配上德國香腸，都是七十幾蚊，便宜抵吃。還叫甜酸骨，沒有太大驚喜。以及咖喱牛腩配薄餅+飯，牛腩夠淋，港式咖喱。最後特飲，餐飲加$20，可轉飲大大杯兒時的維他奶配紅豆沙冰，好飲，夠特別。再來一杯薑汁好立克，有點似食緊薑汁豆腐花總括系叫抵食，因為九折優惠。