23
3
7
以上資料只供參考, 請與餐廳確認詳情
食家推介
通常早餐都會去連鎖餐廳食，但有時同事們又嫌人多又貴份量又少，今日就去咗傳統茶餐廳試。我叫咗早餐D，係金牌豬軟骨米線配火對煎蛋牛油方包，飲熱檸茶。份量真係多好多，豬軟骨同米線都好淋，好啱箍牙妹食，淨係食呢個米線已經夠曬飽，係平時午餐嘅份量，不過我就對個醬汁一般。牛油方包又熱又軟，相比某啲連鎖餐廳真係正好多，因為好多時個包都係又凍又硬嘅。雖然每個餐都set好食乜嘢，但係問多聲應該係可以改嘅，我聽到隔離枱食公仔麵轉米線咁，煎蛋又變炒蛋，其實同連鎖餐廳自選差不多。
繼續閱讀
我諗係我唔好彩, 鬼揞眼, 盲舂舂, 入咗呢一間我平時都唔會幫襯嘅餐廳。又更加加唔好彩咁樣, 點咗一樣不知所謂嘅食物。實情係, 我入咗嚟好耐, 睇餐牌睇極都搵唔到一樣自己想食嘅嘢。唔係價錢貴, 就係啲組合太古怪。結果我點咗呢個下午茶餐嘅 <肉燥撈公仔麵>。 開肉臊味道好唔台灣口味, 係似一個上海口味、濃味嘅肉醬, 好濕下, 都幾鹹。 撈在一個仲有少少水(注意: 不是湯, 是水)嘅公仔麵上面。感覺好核突。當麵質又唔好, 淋得好快, 又唔係出前一丁(收咁貴都係普通麵)。 越食越後悔。 唔該唔識做台灣肉燥, 又唔識做撈公仔麵, 就咪做啦。<熱奶茶> 過得去。
繼續閱讀
今天去吃早餐，服務態度超級差。忘記我的飲料還超級兇。下次再也不會去了。食物超級難吃，點的牛腩麵牛肉完全咬不動，80%都是肥肉，而且味道比起別家也超難吃。灣仔別家隨便找都比這個好吃！🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮
繼續閱讀
今日同朋友經過灣仔突然想食茶記見到呢間就入咗去咦 有驚喜喎！原來有潮洲菜食！咁就試吓啦！叫咗鹵水鵝片、鹵水豬耳同埋炸九肚魚。都唔錯喎，鹵水鵝片同豬耳嘅鹵水味夠濃味，啱哂重口味嘅小天后同朋友。九肚魚最好食 炸粉厚度啱啱好 味道亦好好充滿椒鹽味😀食完一舊飲一啖可樂正☝🏻雖然只係一間茶記 但待應態度都幾唔錯㗎有求必應 老闆娘仲要笑容滿面叫嘢食嘅時候仲會用心介紹環境方面唔係坐得舒服但勝在好自在大大聲同朋友講好爽啊😆
繼續閱讀
今個星期六,一大班同學好耐冇見過啦, 多數人都喺港島返工,所以就約埋喺修頓球場隔離嗰間, 香港仔茶餐廳食晚飯呀呢間餐廳嘅滷水鵝腸同埋大腸都洗得好乾淨， 配上滷水汁 ，就幾好味 。墨魚片配紅腸 ， 墨魚同紅腸 都切得好薄 ，好入味好好食 我哋要咗紅豆冰，柑桔蜜。 紅豆冰裏面嘅紅豆好淋，紅豆好大顆。柑桔蜜就是普通在超市裡面買到的柑桔蜜加水。豬紅好好食，有鹵水汁拌。另外，炸魷魚酥 同 炸九肚魚，外脆內嫩，值得嘗試。
繼續閱讀