香桃和風中華料理 (已結業)

係灣仔番工咁耐,都無留意有間香桃,係因為佢有人出黎派傳單,至識得同同事黎試...兩個人,一人點左一個最經濟實惠既午市套餐,43蚊有個自選送,有碟油菜,有碗白飯或菜飯,同埋豆漿。我地揀左個玉子豆腐同埋魚香茄子,兩個都唔錯,雖然味道唔係話好標青,但係絶對ok同好味。玉子豆腐貨色係普通了點,但係佢做得好滑,同埋加埋個汁好適合撈飯;魚香茄子夠香,只係茄子有少少油;兩個都係撈飯食首選,我地要左一個菜飯,一個白飯,菜飯唔係特別好味,都係上海菜館果的好些,所以如果下次再黎,或者都係白飯算,反正有可以撈飯既送(再唔係加8蚊試擔擔麵都得既,但係又好似唔太抵)...碟油菜份量又真係唔多,不過算啦,都唔係重點...至於豆漿,我地飲黑芝麻味(另有紅糖薑汁味,好怪,唔敢試),幾香幾滑,唔錯呀!唯一缺點,真係太慢,要三催四請至食完一餐...基於呢個原因,我再幫襯的機會少於一半,除非明知果日可以食個long lunch啦!

我和同事，帶五個新晉同事來這兒吃三月份的「迎新lunch」。一行七人，其實幾唔好，但年輕人無計呢D 野。點了七份基本午餐（$4x / 份），加了兩份點心（一份$8、另一份$12）、改了兩份擔擔麵（每份加$8 ），合共$378，經濟實惠。每份午餐包蠔油生菜、一份主菜（份量偏少）、一碗白飯或菜飯（改擔擔麵加$8）、一小杯豆漿（紅糖薑汁味或黑芝麻味），賣$4x / 份。以環境和服務而言，其實唔貴。點心：那兩份點心係每份兩粒，選了「紅油炒手」（$8）、「紫菜xx燒賣」（$12），味道一般，勝在賣相‘骨只’。蠔油生菜：係成碟上，每人其實係得一兩筴而已。主菜：點了兩客炸蜜糖黑豚扒（店家推介，我都推介！）、炒桂花翅（OK！）、魚香茄子（茄子處理得幾OK）、小棠菜玉子豆腐（相當下飯，但有人覺得普通…）、蜜糖豆炒花枝片（花枝片太薄，但味道都OK）、x瓜炒牛肉（無試到）飯：我們選了一客白飯、四客菜飯、兩客擔擔麵（每客加$8）。味道都OK，菜飯有D D 油膩，但都可以。擔擔麵不辣但味道唔錯！豆漿：我試了「紅糖薑汁豆漿」，因為係薑味，略甜係難免。「黑芝麻豆漿」幾香。我直覺認為豆漿係店家自己用豆漿機打出來（因為

跟朋友3人收到傳單後看了一下那個派傳單的日本人便過來介紹個生日套餐,但我們沒有人生日,他便說沒關係的,便帶我們去店,仲一邊行一邊同我地傾計. 去到個環境好grand,人不太多,仲有窗邊位. 叫了每位$98的套餐,3個女孩子,所以有香檳送~值得推介:燒汁醬薰蹄,懷石珍菌翡翠苗,北海道紅燒蟹肉翅,京葱醬爆龍利柳. 最喜歡那個杏仁豆腐真的好滑~~~ 我們一邊傾計一邊食,期間那個派傳單的日本waiter有上來打招呼~問我們d食物好唔好食. 最後見我們用日文傾計,連老闆也有過來. 招呼都不錯. 那個老闆原來在日本大阪的ritz carlton做了8年中華料理長的.最後每人120元. 3個人可以食到10道菜,很少有.

四十多元一個餐, 有油菜, 飯, 飲品和自選一菜式.點了:豬爽肉: 太salty了.玉子豆腐: 這道菜的原名是很美麗的.... 但實際是6粒在超市買到的玉子豆腐加些菜. 有被騙的感覺.炸蝦炒飯麵: 用普通豉油炒的飯, 炒得唔靚, 炒出來一舊舊的, 顏色又不一. 加幾條麵, 以為有創意, 但完全唔好食. 加3只小蝦. 是搵笨之最.上菜太慢. 在灣仔辦午飯, 太慢是不行的. 雖然不夠waiters, 但他們仍保持禮貌, 是唯一值得加許之處.

每次來呢度食都係同boss開完會來食。大大話話都來食過好多次，boss同restaurant好熟，所以每次都唔駛等位。食物總括比較鹹同濃味。今日連boss共匕人去。Order 左口水雞，冷盤(fun tai + beef brisket) ，炸雲吞，雞絲粉皮，四季豆，小籠包，水煮魚，豉椒班腩煲，蔥爆羊肉，酸辣湯同豆腐湯and菜飯。如果喜歡食濃味嘅你，食物應該會啱你胃口。但係服務應該可改善一吓。來餐慢及經常每一次來都聽到鄰枱食客投訴啲食物一係來得慢，一係直情冇來。荼壺攞左去加水，又冇攞噃來。錯漏百出。可能是人手唔夠。本人唔係咁喜歡食濃味嘢，所以不太喜歡。

今日返工,見凍凍地原本諗住去大快活食煲仔飯,點知去到已經賣晒,仲要迫爆人,只好去第二度搵食.灣仔區食lunch真係幾難,行落街見到香桃話有位,咁咪懶得行,試下囉. 點知懶係要付出既. 入到去,仲有window seat,環境都唔錯.望下張menu,普通食個餐館$50有菜有餸有飯仲有野飲,幾ok吖.就算食豪啲要個翅set都係$80.叫左野食,個油菜好快就到,我同個friend傾下傾下,都無特別望時間.點知到睇錶時已經過左半個鐘,都只係黎左個油菜.我地於是追單.點知等多20mins,我個餸先黎.我個friend仲慘,足足等左成個鍾,個擔擔面先到.....最後個餐飲係一共追左三次先有.我重想講既係- 我個翅同個餸都係唔熱既.....我原本係想食熱野先會去fairwood食煲仔飯...點知最後食左個唔熱既long lunch! 至於個味道就...一般!其實我覺得fairwood會好食啲,因為夠熱.

昨日老公生日看完“開飯喇”的食評，決定試一試。 因為要帶BB去，打電話訂檯時順道問一問有冇BB凳，回答說有。當我們到達地下的門口時，知客姐姐已估到我們是打電話訂檯的，還親切的稱呼一聲“陸太”，上到一樓，他們已幫我哋擺好BB凳。 本來打算試那個每位９８元的超值生日套餐，但經理推介每位１４８的日式海鮮套餐，知道我們來慶祝生日，本來送汽水或橙汁的，轉為香檳。 每道小菜到很精緻，每人每樣一件，有食日本菜的feel。海虎蝦和蟹鉗?新鮮。每道菜都夠熱，但到中段，可能客人多了，上菜開始慢了；幸而肚裡已有些東西。鮑魚菇雙蔬很少，小棠菜只是每人半棵，娃娃菜每人一片；全個餐的蔬菜不多。整體味道都好，每道菜其實有點甜甜哋，是可以接受的甜，不知是否這個，味道有點清新。 招呼人手不是很足，未能隨傳隨到；日本侍應哥哥的廣東話理解OK，只是樣子較cool（有點嫌尖啊！） 甜品等了很久，催了兩次。見時候不早，順道叫結帳，但遲遲不見單來。原來經理送來一客新鮮蒸好的豆沙壽包，還替我們插上生日蠟燭讓我們唱生日歌。很是感動：）

1年前食過,食物不錯,唯獨是樓上pub的歌聲太大,影響環境及氣氛!前陣子再光顧,樓上的歌聲小了很多,食物亦多了選擇,特別推介片皮羊脾!!很特別,跟片皮鴨的吃法不同,值得一試!他的冷食也不錯,尤其醉雞,送sake一流!!老闆還為耐心地我們講解那種sake凍或熱飲最好!價錢合理,老闆親切,味道好,款式特別!確實值得一試~

餐牌上介紹本店大廚為大阪Ritz-Carlton的中菜廳當主廚達五年。日式中華料理就是用日本的烹調法造中國菜，不能與傳統中國菜相比的，姑且試試看。1)什錦冷盤有牛輾及切雞，份量不多，精精緻緻，雞肉也算滑。2)砂鍋雜錦津白湯底濃淡適中，津白、肥瘦肉等湯料也不少。3)灌湯小籠包二人餐只有兩件，不過比上海店的大一點，皮依然薄，湯汁也多，肉適中，必須趁熱吃，不醮醋也夠好吃。4)宮保雞丁爆蝦仁坦白的說鑊氣欠奉，但也是預料之內，就是中華料理嘛。稀稀的酸汁送菜飯吃最好，雞丁幾入味，果仁不脆卻好咬口。5)川椒麻婆豆腐雖然用了川椒，但還是不辣，乃中華料理的特色吧。豆腐幾滑，肉碎也腍滑，獻汁杰杰，沒有出水，又是很好送飯吃。6)杏仁豆腐花很香的杏仁味，豆腐花有點失敗，半固體半水未成形。凍凍甜甜的杏仁霜代替了一般糖水，幾有心思。中華料理的感覺就是精緻的賣相，味道溫和，但鑊氣不足。米飯也一定用上日本米(因日本沒有進口米)，與吃慣中式小炒的香港人，中華料理當然不是味兒，甚至歧視之。這也很難說，喜歡就是喜歡，不喜歡就是不喜歡，起碼也要試過才有資格說。

昨天去灣仔探朋友，在行人天橋有個穿餐廳制服的男仕禮貌地派傳單還對我講了句日語（好彩我學過兩堂日語初班，還勉強聽得明他講什麼，原來他是日本人），見這餐廳的名字古古怪怪（什麼和風中華料理）與3位友人懷著冒險的心情去試試。7時許去到，行上餐廳的樓梯很有日本風味，上到二樓見到地方不大而且滿座，下午派傳單給我的日本仔走過來打招呼（踞然記得起我）他領我們去貴賓廳、好彩有檯客剛剛走。 翻開菜譜有多款挺特別的菜，什麼（星座菜）而且是半價，點了巨蟹座＄24、聽日本侍應講是用原隻松葉蟹做的、幾靚、蟹味可以，雙魚座＄69是桂花魚加皇帝菜、味道不錯、有點像台灣三杯雞的味道，宮城口水雞＄48辣味剛好、但份量小了點，螺翡翠苗＄88日本紙火鍋的感覺很有日式風味、味道很好、螺片也夠份量，法式砵羊肋排＄68現場表演做菜、很特別、如果喜歡食羊的話一定會叫多一客，最後甜品、高力豆沙香蕉球＄38 OK。值得一提是女洗手間、酒店feel 靚。

尋日同舊同學慶祝生日, 於是去試下呢間鋪. 門面幾雅緻, 上到二樓先發現地方不算太大, 幸好時間尚早(六點半), 人流不多, 但午膳時間一定迫到背對背. 我們點了套餐($98一位那款, 三位起), 有冷盆三葷-青瓜, 醉雞和熏蹄(無咩味道, 淡了點), 之後來了瑤柱草菇配日本溫室芽菜(掂, 好味), 無錫骨(普通), 翅(咸了點), 龍利柳(幾惹味), 玉子豆腐時蔬和鮑魚菇薈海參(都ok), 再配蛋白炒飯和壽包加一柸桃味香檳, 好滿足, 好飽, 好充實. 整體來說地方雅緻, 洗手間整潔, 男侍應服務殷勤(樣貌像洪朝豐), 那位不知是經理定係老板亦會同客人SOCIAL. 氣氛幾好.

二樓同三樓係兩個世界,上左三樓坐左一陣都係唔涼,熱到我同個同事係咁流汗,有時會見到廚房師傅冇著衫同成身濕晒咁,可以知到佢\地有幾熱呢!樓面都唔好得去邊,叫左D野食D速到都好快,出品都幾好幾好食,但係樓面人手唔夠成日叫都冇人理同價錢都幾貴!到左走喇行到落二樓先知到二樓係涼過三樓好多陪架!都唔知係唔係唔開冷氣既! 去香桃食野既朋友要睇下邊到有冷氣邊到冇冷氣先好坐呀!唔係就會一路食野一路流汗,食咩都冇晒心情食架啦!

今日第一日返工，同事們帶我去食lunch，秘書已經book左位，二樓坐得舒服，service都唔錯．聽佢地講三樓有九折，所以service都打九折．Order左五個set，有菜飯／白飯，飲品跟，HK$45一個set．：－木須肉，糖醋魚方，浙江排骨，魚香茄子，回鍋肉＆一碟蠔油西生菜．總括黎講ｄ野食一般，好似上海野咁多油，帶定”面油紙”去吸油先至得，不過都唔係太難食，過得去喇．在此多謝秘書請我食飯．

突然見返好多friend或者收到佢地既電話好耐無見大家最開心既野大家唔需要講好多但又明大家講咩有時甚至收到電話無咩講到野都已經提醒到自己其實唔係咁孤單既人大個左做既野又唔同或者唔能夠好似以前咁成日見成日傾如果可以咁樣食個飯已經good啦叫左兩個客飯套餐龍利柳煲蔥爆牛肉加埋蠔油菜心都算熱辣辣送飯都唔錯四十幾蚊連茶啡質素同份量都一般唔知點解午餐上三樓食會免加一其實二三樓既服務一樣都係咁架喇人手唔夠成日都漏單唯獨勝在好坐傾偈方便囉灣仔搵餐好食既lunch唔易架

一直都因為呢度既食評寫得佢咁差而卻步不過今日趕時間唯有膽博膽試一試啦普通餐除左一個日式雜錦炒麵同埋特價三蚊一隻既日式煎餃子之外見唔到有咩和風喎整體黎講應該叫新派上海菜即係改良左少少內涵咁啦川汁龍利柳煲$48除左龍利柳之外就只有龍利柳無配菜架喎…宮保雞丁$43唔太辣ok不過如果腰果脆d就更好配每人一小碟油墨菜白飯or菜飯最得意就係唔知點解有中國茶(無收茶芥)之餘又送檸茶檸水喎其實唔送收返平d仲好碟頭唔算大亦幾油不過食中國菜黎講環境算靜同舒服好坐好過附近同級又要等晒位既上海野架無驚喜但價錢都算合理既