首爾石鍋燒

營業中

休息中

好難食！鐵板燒飯令我回想起小學食過嘅飯盒即係20幾蚊嗰啲 大家諗都諗到嗰陣味之後石鍋飯好臭 成浸花生油味令我諗起我屋企出邊嗰啲煲仔飯其實嗰啲煲仔飯仲好食過呢一個主菜最後一個泡菜豆腐鍋烏冬 嗰浸怪味怪到呢......之後到小食 個韓式一口雞 係咪用花生油嚟咋浸油益未同埋花生味一咬 湧晒上嚟 真係搞唔掂嗰個蘿蔔煎餅 啲蔥好似冇切過咁 埋單仲要收我二百幾蚊 總言之兩個字 難食！

今次第一次黎食，雖然天氣好熱但都好想食熱辣辣既韓食，老公就怕熱所以叫左個拌飯，味道ok,有個酸酸甜甜既汁撈黎食，幾開胃，我就叫左年糕烤肉豆腐鍋配韓國烏冬…一上堂就好吸引，個湯好好味，豆腐超滑，烏冬正常，唯一唔好係年糕係一片片既，我以為係韓國長條型個隻，如果係個隻會好d,有咬口….另外叫左個蘿蔔蔥餅，呢個超超超好味，煎得好香脆，蘿蔔清甜…唔夠食呀兩個人🤣🤣🤣份量再大d就好，整體好滿意，會再去食，試埋其他款

一行三人想食韓國野，就黎左呢間餐廳叫左三個餐，首先登場既係三碗湯，有啲蛋白同粟米，味道淡口，一堆芡粉水咁泡菜可鍋飯有三款肉可以揀，揀左烤肉有個生蛋黃撈黎一齊食好正豬腩片炒烏冬，呢個係三個餐入面最惹味既一個，有鑊氣，不過豬腩片稍為肥左少少，烏冬夠煙韌，椰菜甜口👍🏻金菇肥牛豆腐鍋加$5要烏冬石鍋上既關係熱辣辣，食到最後都保持到個溫度，牛肉份量足，但金菇就少左啲，烏冬質地都煙韌，但個賣相就麻麻，如果可以加多少少配菜會好啲，豆腐好滑👍🏻入面都有加左隻蛋野飲叫左凍檸茶同凍奶茶，凍檸茶得三塊檸檬🤣味道還好既，凍奶茶偏甜，可以叫少甜三個人埋單$174其實佢有下午茶餐抵食啲既，大家可以參考下

這是家坐落於旺角鬧市中心的韓式餐廳🍴在下午茶的時間找到了這小家店👭人流不算很多🤭很快就能入席1. 🥟泡菜餃子手工烏冬 $39泡菜餃子味道不錯👌🏻但其實就是大家能在超市買到的那種😂所以也很難不好吃🤭哈哈哈湯底則是用韓式辣醬開出來的味道☺️整體來講...其實味道還算不錯的感覺很有家的味道😆👍🏻2. 🥕蘿蔔蔥餅 $48廚師在煎這個餅的時候可能過了火...可以看到它整個餅都黑掉了🤭咬下去時...能明顯嚐到它的味道帶點苦澀而餅身質感亦偏硬🪨對這個餅有點小失望🥺雖然小店地方空間比較狹窄...但是以韓國餐廳來說價錢十分親民可以說是窮人的恩物🤭

位於人多稠密嘅旺角往往會因為太多食肆太多選擇而選擇唔到到底食咩好，係多年前一位女仔朋友帶我食韓國嘢，當時嘅我對韓國嘅食物依然係冇乜好感覺得唔啱胃口點知食咗一次之後就不停咁光顧呢一間喺旺角女人街嘅首爾石頭鍋好耐之前佢係豬頸肉嘅雜菜炒烏冬，佢嘅豬頸肉係彈牙入味。爽口好可惜佢最近呢兩三個月決定將餐牌改晒全部冇晒豬頸肉嘅菜式，本身諗住唔會再光顧嘅我發現佢轉咗做豬腩片，諗住以抱住試吓嘅心態俾最後一次機會佢，點知估唔到佢轉咗做豬肉片之後又幾好食喎

里間餐廳我學生年代已經開始幫襯。甘多年都唔係太加價，我最鍾意食呢度嘅石頭鍋飯同埋韓式豆腐鍋。我今日試左個「五花腩片石頭鍋飯」。一上枱時色香味俱全。五花腩我不嬲都鍾意食，係石鍋上面，撈埋其他配菜一齊又真係會好味。幾香，口感不錯👍。石鍋底的飯焦好脆口。食完覺得好正。我個friend叫咗金菇肥牛豆腐鍋烏冬，佢話個湯底好正，材料十足，有肥牛金菇蛋韓國魚片，豆腐好滑，烏冬咬口，啲食材開埋個湯底係一個完美的組合，我下次都想試吓！

之前在網上被種草，店面不算太大，中午套餐真的超級便宜，一份飯可能只要50💰，我點了一個烤肉石鍋拌飯，飯焦香，整體還可以，也有鍋巴，另外一個鐵板烤肉飯，肉味道一般，份量不算特別足，大家推薦的一口炸雞，味道也就是正常，想不到吃啥時候的廉價料理

lunch嚟食呢間韓國菜，有石鍋飯、豆腐湯飯都好平民價，$50-60就有set，一杯野飲，同湯，性價比頗高，幾抵食😂雖然環境係迫啲但座位都多 lunchtime都唔洗點等👍🏻👍🏻評分：3.5/5 1️⃣泡菜石鍋飯 烤肉 $53 泡菜、韓式辣醬、烤豬肉、芽菜，雖然比傳統石鍋飯較少但份量夠多，配搭好好，但烤肉偏鹹，再加多啲拌飯醬辣啲好食啲，😂石鍋飯最緊要有飯焦可以唔翻底部等最尾就有得食埋飯焦啦🥰2️⃣焗芝士免治牛肉石鍋飯 $57本身月以為芝士係一粒粒嘅芝士，冇冧到係一片片芝士， 肉醬都係偏鹹，蕃茄味都重，可惜芝士肉醬同石鍋唔係咁夾，肉醬同意粉夾啲😂下次應該會叫其他試下

旺角都有好正嘢食，一直聽人話食韓國料理可以去首爾食。平靚正。所以今次就叫份海鮮鍋試試。海鮮烤肉豆腐鍋：湯底係韓式辣湯，裡面好多料有鮮蝦，青口，魷魚，蟹柳，豬肉，日本魚蛋，粟米，豆腐和粉絲。鮮蝦大隻又甜；海鮮分量雖不多，但好在新鮮。豆腐好嫩滑，入口即化。豬肉好有嚼勁，好爽口；最正係粉絲，吸晒湯啲精華，超級正。分量也足夠，如果覺得唔夠，餐廳仲配左一碗飯。淋晒湯到白飯度，配上粉絲，酸酸辣辣，味道都幾好。整體來說，收穫都好，吃飯又揾到一個好去處。

👏🏻喺旺角行行吓肚餓 見到有間韓國菜價錢都幾平又有最愛嘅豆腐鍋 就入咗去試吓 結果都唔錯😋一入到去點完餐 店員就擺低四碟涼菜泡菜同芽菜幾好味 其他兩樣就普普通通啦～-海鮮烤肉豆腐鍋 我揀咗要牛肉 海鮮方面有蝦同埋青口估唔到個鍋入邊有好多粉絲 索晒啲湯都幾惹味食埋碗飯真係超飽 個湯好香海鮮味 飲落唔會太辣豆腐都好嫩 如果可以多幾舊就再正啲😛-五花腩石鍋拌飯 一碗有成五塊薄切五花腩佢個大細係韓燒食嗰啲原條五花腩一樣咁長成件事都幾驚訝😂每一啖飯都可以食到啖啖肉石鍋溫度好夠 啲飯有飯焦 值得加分👍🏻調味方面都係韓式辣醬味 呢個價錢都收貨👏🏻-另外仲嗌左個泡菜煎餃 嗰陣太肚餓就唔記得影相😹煎餃好飽滿 入面係絞碎左嘅泡菜同豬肉味道係同想像一樣 外皮都煎得好脆 食落好滿足-上網睇到佢哋嘅午市同下午茶係平好多 可以留意下下次再行過都會試吓其他嘢😋好味評分😋：3.5 /5🌟🌟抵食指數🤑：4/5 🌟🌟餐廳環境 🤪：3.5 /5🌟🌟價錢💰：海鮮烤肉豆腐鍋 $76 五花腩石鍋拌飯$74 （晚市價錢）地址📍：首爾石鍋燒 旺角通菜街21號地舖

今日再度幫襯首爾石鍋燒。疫情之後不用排隊好快就有位。上次食佢嘅金菇牛肉豆腐鍋覺得好正，今次就試海鮮烤肉豆腐鍋。海鮮鍋同肥牛鍋的湯底味道有少少唔同，海鮮鍋多左海鮮味😆 ，幾好味！海鮮有蝦同青口，其他配料就幾相似，最重要係有我最鍾意的滑滑豆腐。同埋我最鍾意食索滿湯頭嘅粉絲，超好味！ 我另外叫左個韓式粉絲煎餃，個皮好熱好香脆！入面有豬肉同粉絲同一些菜，味道很夾好味😋！我見隔離檯d客人食鐵板燒飯好似幾正，等我下次試下先

🍴二人套餐A HKD 169🔸烤肉韓式拌飯都好足料 青瓜絲 醃青瓜 粟米 同一大堆烤肉🤤配有一碗拌飯汁 倒落個飯到 就可以起勢咁撈🤪拌飯汁有少少辣有惹味 烤肉都好淋好入味👍整體口味較重 但係青瓜絲同醃青瓜又可以調和下 所以唔會話太咸🙈🔸韓式烤肉鐵板燒飯都係叫左烤肉（因為有朋友食唔到牛🙈 有流心嘅太陽蛋 烤肉都係份量十足😍將雞蛋同飯撈埋一齊食 有得頂🤪有鐵板一直熱住食 就最啱呢幾日咁涷嘅天氣🥶🔸韓風一口雞其實👧🏿覺得有少少似日式炸雞多D🙈味道正正常常 雞肉唔會太乾 炸粉都唔厚 合格之作🧐🍴海鮮蔥餅 HKD 58👧🏿覺得今餐最好食嘅MVP🥳煎餅好口感好QQ 好似食緊mochi咁😬 👧🏿同朋友都好好奇係點整 一度想問店員攞食譜😂海鮮都好足料 見到有成隻蝦仁係入邊 蝦仁都幾爽口 每一啖個口感都好豐富 又Q彈又爽口🤤💡二人套餐均配小菜 飲品x2💡店家唔收信用卡 要帶夠現金哦❗️✾味道覺醒指數: 4/5 抵食指數: 4/5服務指數: 3.5/5.-

响11、12度嘅氣溫，最好梗係食暖粒粒嘅石鍋啦，食石鍋，一定係呢間”首爾石鍋燒”，雖然環境一般，枱與枱之間距離好窄，冬天去時想除抵外套都會撞到隔離嗰個人。我幫襯過不下5次，但第一次食過石鍋後我每次嚟都係食石鍋，因為嚟呢度唔食石鍋返屋企會囉囉攣，所以今次都係食石鍋。我每次食嘅石鍋都係泡菜蕃茄烤肉豆腐鍋，因為我鍾意食豆腐同蕃茄 。不過今次個鍋無之前咁好食，之前上菜後個鍋仲滾緊，但今次就無，同埋今次咸左d，不過我下次再想食石鍋時我都會去呢一間。推介

天氣凍又係食石頭鍋嘅時候，就會諗起呢間旺角老字號《首爾石鍋燒》。今日食咗之前食過嘅《蕃茄泡菜烤肉豆腐鍋， 配飯。》，味道依舊香辣美味。泡菜酸酸辣辣的十分醒胃，辣得來不會難入口。湯鍋入邊材料豐富，除了泡菜還有滑豆腐， 烤肉，雞蛋，粉絲。泡菜湯頭加入白飯裏是我的最愛，每次都會把成碗白飯食晒。朋友叫咗《泡菜大蝦炒飯》。佢話炒得好有鑊氣。飯粒分明，味道很香口。大蝦質地彈牙，仲有泡菜，烤肉，雞蛋絲， 雜菜。朋友讚口不絕。我哋叫咗個《韓風一口雞》小食，味道都唔錯，炸雞細細件一口一件，啱啱乍起熱辣辣好脆口，炸粉薄薄的我最鍾意，而且好香口， 正。呢間小店值得推薦， 我幫襯左咁多年， 質素平均， 繼續支持！

之前食過2次外賣，今次第一次堂食，一入去見到成間餐廳座位都坐到好密，雖然座位間有紙牌間住，但隔離就真係人貼人咁近😮😮。今次叫左個泡菜豆腐湯飯，上菜速度好快，食物味道都幾好⋯但由於店鋪細，座位迫，食完既碗碟就放係旁邊既車到⋯已經感覺唔太好。食食下仲發現廚房竟然將食物器皿同材料放係地下😱😱雖然出去食飯都預左唔係會好乾淨，但疫情期間竟然仲咁唔注重衞生既餐廳⋯食左一半都真係食唔落去，埋單走人！雖然食物既味道不錯⋯但咁既衞生程度，真係唔會再有下次！