首爾石鍋燒

營業中

休息中

冬天凍冰冰就梗係要啲熱辣辣嘅嘢，咁石鍋燒就係一個唔錯嘅選擇，但係平時出去食韓式餐廳，價錢都唔平，而依間石鍋燒就唔係，不單止便宜，份量仲好足夠，好適合附近返工返學嘅人士除咗成日見嘅石頭鍋，豆腐鍋，仲有其他韓國嘢食，選擇都唔少因為叫咗一個午市套餐，好快就會上咗一個湯，係蘿蔔粟米蛋豆腐湯，味道偏淡，蛋和粟米就比較多少少，唔太覺得有蘿蔔味，感覺適合之後食主食時想清一清味蕾時食，所以最後依一碗湯，我都清左泡菜烤肉豆腐鍋 $56（轉韓國手打烏冬 +$5）湯上完枱一陣，豆腐鍋都已經煮好可以上枱，上枱嘅時候聞到好香嘅泡菜味，雖然看似唔係好熱，但係都要小心唔好點到鍋身雖然看似好辣咁樣，但係食落唔會覺得好辣，大概三哥十少辣嘅辣度，泡菜嘅份量比得好多，唔單止淨係得表面泡菜，底下仲有不少；不過不會因為泡菜多，烤肉豆腐就少咗，一樣都係好多，而且泡菜唔會切到碎晒，而係一嚿嚿好有咬口；豆腐就係板豆腐，可以用筷子都夾得起，豆味都幾香，烤肉就冇特別，只不過份量幾多另外轉左要烏冬，食嘅時候有啲麻煩，因為怕碰到鍋身；但感覺比食飯更加飽套餐會有一杯野飲，味道就正常，感覺係平時放飯時間嘅一個好選擇以上均是我個人觀感，每個人嘅口

經過見到女人街好多餐廳都唔同咗，呢間好似最歷史悠久！好耐好耐以前食過一次、又係冬天嚟的。因為記得呢度啲豆腐鍋食完暖笠笠，所以今日經過都係再試吓先。呢度嘅招牌菜應該就係豆腐鍋，我見好多人都係食呢個，有啲人食石頭鍋飯。不過都係食豆腐鍋最好。。我點咗蕃茄泡菜烤肉豆腐鍋。都幾快10幾分鐘就上枱。鍋係熱辣辣上的，啱晒咁凍嘅天氣。聞到已經覺得好香。。講返個豆腐鍋啲材料先，有泡菜，蕃茄，豆腐，烤肉，最特別就係裏面有粉絲。我覺得呢個湯底跟粉絲送飯真係好正，尤其是啱咁凍嘅天氣同埋啲豆腐真係滑，成個餐好開胃！個辣度一般啦，其實都唔係太辣，所以好適合唔係太食得辣嘅人。另外，嗌咗個海鮮蔥餅裏面有蝦同䓤，感覺簡單，但係又幾好食喎，好食在於個餅底脆脆地，幾香。跟埋嗰啲汁好夾。朋友嚟呢度食多過我，佢話呢間餐廳開咗10幾年，食物味道冇變過，唔怪之得咁多人。

唔好揀呢間，難吃到超乎想像，杯面即炸醬麵仲好食過佢，76蚊都同杯面一樣冇料，仲要咁多好評，買番黎的我去隔離吃雲吞麵好過啦，仲話自己韓國餐廳，唔係放幾盤泡菜就叫韓國菜呱

店名:首爾石鍋燒地址:通菜街21號這也是我們在旺角回頭率超高的一間韓國美食。價位一般韓國餐，儀式感。不過一樣的菜單晚上會🈶少少出入，我地落咗個2人C餐199💰有飯有小食有飲品。▲ 性價比很高的一家店 值得去打call *■1 祕製烤肉豆腐鍋 ★★★我選了個➠泡菜烤肉豆腐鍋 分量很多，湯太好喝了,好喝到飆淚的那種,裡面還有粉絲!下飯神器,豆腐入口即化，實在好滿足。2 傳統石頭鍋飯★★★我選了烤肉石頭鍋➕泡菜石鍋系列必點!粒粒分明的米飯🍚酥脆酥脆的鍋巴（趕焦）醬汁濃鬱的韓式辣醬，熱騰騰快速🔜均勻攪拌🥘實在太味美。3 韓風一口雞 ★★★炸得非常鬆脆,裡面的肉質也很嫩滑,外脆內軟。嘻嘻,還是蠻推薦的~人均消費:$100+推介指數(10分為滿分):8分

今日午餐去女人街搵野食🍳朋友好肚餓想食飯類既野所以去咗呢間首爾石鍋飯醫肚。雖然好多人，但係唔駛等好耐，我地得一個鐘頭食飯，落咗單之後好快出餐😎所以唔使好趕咁食😌如果好趕時間嘅話，啲飯咁熱要好快咁送入口唔好話唔死😵Anyway, 今日石鍋飯一如既往有質素，熱辣辣👍👍👍識叫一定叫叫豬腩肉韓式石鍋❤️❤️豬腩肉既油脂沁入d飯散發出嚟嘅香味邪惡又令人難以抗拒食完之後我同我朋友都非常之滿足😎飽飽地繼續返工🥲

今日過黎旺角見客，經過女人街，因為疫情門口牌檔空曠唔少，可以見到兩邊鋪頭，黎返首爾吃韓國🇰🇷野，都有好耐無幫襯過。印象中呢間鋪好似都開佐好多年，曾經都吃過，擇日不如撞日，就一支公入黎坐低，午市時間都幾繁忙下，我係門口等嗌位，順便睇定餐牌，一陣好方便落單大概等佐7/8分鐘咁，就有位哥哥仔出黎嗌入座，跟住我就落咗個鮮蝦🦐泡菜烤肉炒飯配餐飲+可樂🥤，野食一上枱，哇！真係分量好大，D飯同D烤肉碎，粟米🌽炒好特別，D🦐好大隻，咬落去好爽口，泡菜辣辣地好清甜，好滿足嘅午餐，吃到好飽啊！

午市優惠，一點🕐 前埋單🈶 9折，今日放早食飯，當然首選呢間最適合香港人口味嘅10幾年老字號——首爾石鍋燒❶韓式烤肉🥩 拌飯 49💰 配料🈶 :青瓜片、青瓜絲、玉米🌽 、粉絲、木魚絲同埋韓式㊙️ 制豬肉🥩 （個樣睇落🈶 D似牛肉🐮）+靈魂當然係拌飯汁，食之前記得倒落去撈勻，仲有溫馨提示:可以多飯哦，唔夠飽嘅話，記得落單前要提前講聲吖跟餐送熱飲，唔使加錢💰 喔，當然凍飲➕ 3蚊啦，仲有特飲添我地兩個人都係嗌同一款，埋單時9折，一人先44蚊💰 ，真係抵食

天氣慢慢轉涼，特別想食D熱辣辣又暖身嘅野，聽同事推介旺角通菜街🈶間特別好味又抵食嘅韓國🇰🇷餐廳，Google搜尋過黎，鋪頭唔算大，但氣氛同格調特別🈶feel(夜晚適合情侶👫打卡）。好啦，肚餓，忍唔住望下左右隔離枱食嘅餐，最後自己嗌佐個➠香辣豬腩片石頭鍋飯，小姐姐即刻送上一碗蛋花玉米🌽豆腐羹，聽講係佢地鋪頭嘅“名湯”，等佐大概10分鐘左右，期待嘅石頭飯，滋滋聲（我特登拍埋片，勁熱，🈶只蛋🥚係中間，配菜🈶芽菜，紅白蘿蔔🥕絲，即刻挪匙羹快速🔜攪拌，豬腩片半肥瘦咁（如果再濃d應該更好），非常有嚼口，帶少少甜甜地又唔多辣，➕埋杯凍飲，真係確實唔錯，全程食佐一個鐘🕰️第一次黎，評分我比8分啦。下次會過黎試其他菜式

印象中呢間餐廳已經喺度好多年，曾經食過覺得石頭鍋飯好味，今次喺附近行街又黎食下。黎到係下午茶時間，所以都睇左 tea set menu 先，揀左年糕烤肉手打烏冬+飲品，另外一份午餐-傳統烤肉石頭鍋飯套餐有湯和飲品。先黎烏冬，烏冬係我鐘意食嗰種，口感彈牙又有咬口，又有年糕，湯底濃淡度剛好，烤肉都好香口，加埋d配菜都唔少，食飽飽好滿足。傳統烤肉石頭鍋飯都好食，上枱係熱辣辣的，唔可以掂到石鍋。唔想食到太多飯焦就要即刻撈勻 d飯。貼近窩邊都會有飯焦可以食既，飯撈勻生雞蛋，加埋泡菜辣辣地好惹味，諗起冬天黎食就最正。

今晚又一個食飯，行行下見到呢間韓國菜餐廳就膽粗粗咁入去試一入到去個環境係比較暗的，可以營造氣氛令食客放鬆心情。睇完餐牌都有唔少選擇，今晚就食左個石頭鍋飯烤肉仲有跟個湯呢個其實係粟米湯無咩特別。正餐到，好熱的鍋。味道還好啦，汁的份量比較少，如果可以多少少汁就更好，因為好夠熱所以食到底時好多飯蕉，好正

每次嚟首爾都要食呢度嘅招牌菜。秘製烤肉豆腐鍋，特色石頭鍋飯，泡菜鐵板都係最好食。今日特別想食豬腩片石頭鍋飯呢個真係百吃不厭，首先講吓個醬汁，好惹味。轉眼片啖啖肉，加埋肥豬肉，肥美適中，口感一流.石鍋飯上面嗰隻生蛋，用來攪拌更顯特色。有些人喜歡馬上吃，但我就會上菜時攪勻石頭鍋裏面嘅材料，等一陣會更加多飯焦·晚餐飲品有半價，呢間餐廳性價比高！比起同類型嘅韓式餐廳經濟實惠，味道好。係可以經常同朋友約埋嘅好地方！

突然好想食熱辣辣又唔會好乾嘅嘢，例如想食粥or 湯麵or湯飯等等，同同事一番商量之後，決定去旺角通菜街嘅一間地舖食韓國石鍋燒🍲🫶🏻👍🏻而我今次就叫咗一個泡菜烤肉豆腐鍋配烏冬❤️呢一個鍋我食左大概20分鐘都覺得熱熱的🤣當個鍋來到嘅時候，個烏冬已經放咗入去個鍋入面😋經過一段時間浸喺湯到嘅烏冬，所以烏冬都有少少泡菜嘅味道，成個鍋嘅泡菜味都好濃郁，不過豆腐就少咗啲，如果再多幾塊豆腐呢咁就更加好啦😍😍😍😍不過佢嘅泡菜呢係超級多，所以成碗湯都有好濃郁嘅泡菜湯味🤤🤤而我嘅同事就叫咗個蕃茄泡菜烤肉豆鍋，我見到同我個餐嘅唯一分別就係佢係有蕃茄😂😂😂下次我會再試新嘅茶🥰⭐️泡菜烤肉豆腐鍋 💰$53 + $5烏冬⭐️蕃茄泡菜烤肉豆腐鍋 💰$57

🎈泡菜烤肉豆腐鍋  $69 餐廳有一系列豆腐鍋，好多都係辣既，小編我就揀咗泡菜烤肉，比較傳統嘅韓式口味。烤肉味道最為突出，香味十足，烤過既肉味始終都係最吸引，而且肉質鬆軟，烤肉唔洗配醬汁，有泡菜已經夠哂🥦。豆腐鍋入面都足料，除咗有小編叫既泡菜同烤肉外，仲有豆腐同蛋🍳，足夠一人份量。味道就一定有少少辣架喇🌶，但呢種辣既程度相信大部分朋友都接受得到。✦✦✦✦✦✦✦✦✦✦✦✦✦✦🎈韓風雞翼(四隻) $42雞翼用既炸粉同以往係餐廳食到既好唔同，但雞翼本身就似無乜醃製過喇，味道略為普通🤨。另外，配上一款韓式辣醬，增加返韓式風味🧂。✦✦✦✦✦✦✦✦✦✦✦✦✦✦🎈煎韓國泡菜餃子(五隻) $48餃子既包法好特別，包成一個圓形咁🥟。皮身夠薄，煎過而脆但又不失煙靭，質感特別，可惜味道一般。

泡菜烤肉豆腐鍋烏冬 10/10呢個堅好食，個烏冬嗦了湯底嘅精華，格外好食。烏冬裏面有烤肉，豆腐、韓式魚片同泡菜，湯底是靈魂，濃郁好味。泡菜牛肉石鍋飯 8/10配料雖然簡單，但足夠帶出韓式石鍋嘅的火候。牛肉大大粒，有咬口。放多一點辣醬陪加滋味。撈好了的石鍋飯可等待多一會兒，讓鍋底有更多的飯焦。海鮮蔥餅 9/10特別喜歡吃這個海鮮蔥餅。蝦肉加上蔥段，再配合這個鬆脆的餅底，簡單得來非常好食。記得加上特製醬汁，味道完全不同，好match，放上醬汁的蔥餅好食很多！韓式粉絲餃子 8/10。粉絲和肉碎這個配搭加上調好的醬汁，吃完一個忍不住再起一個。

小店空間比較逼夾，與鄰枱距離接近。食物方面提供了地道的韓式套餐：石頭鍋飯、豆腐鍋、鐵板燒、部隊鍋等等，今次先試他們的冷麵系列。蕎麥冷麵 ($55)• 食客在享用主食之前會品嚐到一碗粟米豆腐羹，用料講究，質感稠杰度適中，當中的豆腐非常滑溜⟡ ໋ • 冷麵配料十分豐富：蟹柳、玉子、青瓜、紫菜、木魚絲、鳴間卷。• 豐富的配料帶來了豐富的口感，蟹柳、青瓜、紫菜、都是撕成條狀呈現，可以輕易撈勻夾起。• 木魚絲為冷麵帶來咸香味；玉子和粟米則甜而不膩。• 蕎麥麵口感滑溜，吃到最尾仍然可以保持冰涼低溫，相當適合在炎夏中食用 ☼