饗和民 (萬宜大廈)

營業中

休息中

中環set 午餐同同事去食中環和民set 午餐，午餐時間一向好多人，要係app拿定飛先食到！百幾元係中環可食到壽司加麵同飲品都算ok重點係坐得舒服可以傾下計！唔錯，可以再食！#lunch #food #yummyfood #yummy #香港中環 #中環

(自費食評) ❤情人節晚餐😍今天情人節來到這間餐廳吃晚餐，他們服務好好，由於情人節人多導致有少少塞車，遲到30分鐘也留座給我們。我們點選了以下美食：(小) 廣島縣產牡蠣鍋 $118. 他們細鍋會有半打廣島蠔，大鍋會有一打廣島蠔。非常適合很喜歡吃蠔的朋友們吃用。特上壽司盛合 $168. 我們太喜歡吃壽司，每人一客，有12件壽司，非常新鮮，賣相吸引，讚鮭魚刺身 $48 三件厚切鮭魚，淡淡用，好好口感日本產魷魚燒，份量大，醬汁入味蒲燒饅壽司卷(細)有四件，非常新鮮壽司

星期五晚上行中環，嚟到呢到唔使排隊喎，一行四人直入！朋友們都好似唔認識呢間老牌日式餐廳，叫埋嘢食之後，更加令佢地very impressed😂食物其實就合乎標準嘅，但最動要係大份又抵食。海鮮沙律好足料，份量上枱之後係嚇親友人們。新鮮嘅，無同我地慳十勝豚肉飯，好乾，太少汁，但又係好大份，肉好厚呢權0卡路里酒係單位數字價錢，唔使擔心大負擔，咁啱朋友減肥，perfect!!好彩今次啲frd都好合心意，覺得我無介紹錯😛

尋日真係有口福，老闆提早請食中秋做節晚餐之餘，中午重有同事仔請食Lunch🥳🥳公司附近坐得最舒服，莫過於呢間饗和民。雖然中午好多人，但我地12點正去到，都唔使點等位。舒舒服服坐個4人卡位，咁開心食好D，叫左個鰻魚併牛肉飯定食配鮮果紅茶。鰻魚併牛肉飯賣相精美，味道發揮正常，唔算驚喜，不過本身鍾意食鰻魚既我都好滿意☺️鰻魚汁香甜，撈飯一流，牛肉就相對失色，太碎冇口感☹️定食重有沙律，味噌湯同甜品，係中環黎講好抵食。加錢飲既鮮果紅茶都幾足料，味道就同啲台式飲料店既差不多。另外叫左個蟹肉味噌壽司卷同十贯壽司盛🍣 share黎食。蟹肉味噌壽司卷賣相勁吸引，成個蟹蓋比埋你🦀壽司卷上面鋪左勁多蟹肉同蟹子🦀🦀🦀味道鮮美，物有所值💯去到十贯壽司盛我已經幾飽🤣不過見面頭啲刺身幾新鮮，都忍唔住食左兩件🤣

今日同事有野做要1:30趕返公司，諗起和民都近近地，環境都算ok，就一早用apps攞位，去到嘅時候仲有4張枱，諗住應該都好快，點知佢叫極都係2人枱，仲要比4人枱兩個人坐！我地中間見到有空枱佢都一直唔叫，等到1點後佢就係安排我地坐個張空枱🙄跟著手機落單想點菜個陣，發現最想食嘅牛肉壽喜燒賣哂，迫住叫其他野蒜蓉雞脾肉定食 $88 （400g)雞脾肉真係大大塊，而且食得飽人，蒜蓉汁都唔錯，適合男士食蜆肉湯烏冬配加洲卷 $86比較清淡嘅食物，會唔夠飽😂蜆肉正常冇沙，整體一般鰻魚飯拼牛肉丼 $138 唔可以同日本相比，一切正常水準總結：真心蒜蓉雞髀飯都幾抵食，但係佢嘅服務真係令人卻步，仲要臨走個陣我見到人地食緊壽喜燒，唔知道係咪等我叫完系統又恢復返，結論係佢嘅食物唔會出色到要我再嚟🙊地址：中環德輔道中60-68號萬宜大廈2樓213號舖評分（5⭐️為最高）：環境：⭐️⭐️⭐️服務：⭐️食物：⭐️⭐️價錢：⭐️⭐️⭐️

食咗依間餐廳兩次。擺埋一齊寫。壽司配烏冬set。相當豐富。烏冬唔係彈牙嗰種。壽司正常發揮。塊魚生都幾大塊。估唔到仲有三文魚子另外仲有沙律菜。無乜汁。茶碗蒸。雖然入面無乜料但個蛋都幾滑。調味都不錯。仲有甜品兩粒團子配紅豆。包埋杯餐飲。完滿的一餐。滑蛋吉列豬扒配飯。除咗沙律同茶碗蒸。仲有個面豉湯。都係正常。吉列豬扒個蛋少咗啲。吉列豬扒炸皮都預咗係焾。豬扒都ok無肥膏。不過個汁就咸咗啲喇。食開重口味嘅Mingorr都覺得咸。整體係滿足嘅午餐之選。set lunch價錢喺中環嚟講算相宜。不過留意要食就一係喺app拎定飛一係就早啲。因為究極多人。有一次食等咗差唔多一個鐘。我都驚訝自己有咁嘅耐性等。

中午時候，想喺中環食一餐唔係太貴嘅日本料理，朋友提議去饗和民。我應該有好幾年冇嚟過，連佢裝修過都唔知。裝修過後，地方闊落左，增添不少日式風格同擺設。餐廳落單方便，只需要掃一掃檯上嘅QR code，餐牌一目了然，簡單快捷。上菜速度亦配合返中環嘅節奏，十分有效率。🍱 - 壽司盛盒&迷你烏冬御膳（$118）沙律、迷你烏冬、茶碗蒸，8件壽司同甜品，可以講係應有盡有。壽司新鮮，賣相亦不錯。另外，只需要加$10仲可以揀特色飲品🍹我揀咗水果紅茶。水果紅茶果味豐富，出奇地比一般台式茶舖好飲！🦪 - 脆炸生蠔 （$48/3隻）麵包糠酥脆，薄薄一層包住新鮮嘅生蠔，唔會太厚。🍢 - 串燒盛合 （$168/7串）有燒雞翼、燒七里香村、燒軟骨免治雞肉、燒雞胸串、燒雞腿串、車厘茄煙肉卷及粟米燒，包含晒我喜愛嘅串燒組合。肉質有少許乾，不過調味適中。咁多串燒之中，燒軟骨免治雞肉同車厘茄煙肉卷最好食。饗和民位置方便，餐廳闊落，選擇又多，價錢又經濟，係中環食lunch嘅好地方！

要喺中環搵lunch 地方真係唔易，但呢到係一個好地方！$70 左右一個set, 如果唔想等位，可以喺GULU 拎定票～例如我12:15 左右拎，12:50 左右就會有位～今日叫左滑蛋吉列雞，我覺得有少少咸，要撈多啲飯黎食

又要諗lunch time 要食乜嘅時候，就去openrice 睇下有咩食啦，發現有外賣便當🍱幾抵食，就order咗啦😆😆😆 提提你，用app order 會再抵啲😎😎- 東京牛肉飯便當🍱賣相唔差，🥗沙律生菜爽口，少少沙律汁，但入面啲粟米粒🌽味道有啲怪😖😖😖牛肉乾同鞋，醬汁唔夠，俾啲飯吸晒都唔夠撈….所以啲牛肉係冇汁架….啲飯較淋同一舊舊，黏力十足，周邊啲飯痴晒係個飯盒度….呢個飯仲要俾其他款貴啲，但味道就一般….唔推薦😕😕- 宮崎南蠻炸雞飯便當🍱呢個同事叫，隔離飯香，試咗一細舊雞，好食😋😋外脆內裏雞肉嫩滑有汁。呢個仲平啲，叫呢款好過😆😆😆

今日lunch 唔知食咩好，係OpenRice外賣自取度搵下有咩好食，見到和民Lunch便當幾抵食咁，就決定拉埋同事一齊食🔹宮崎南蠻炸雞便當炸雞仲係脆，雞肉嫩滑同juicy👍🏻😋，點埋南蠻醬正！！南蠻醬食到蛋黃醬味之外有少少酸酸，令到個醬唔會太漏！入面我仲見到雞蛋白添🤣🤣仲有好粒洋蔥飯上面加左紫菜絲，但淋曬🤣🤣飯底有少少汁甜甜地🔹東京牛肉飯便當牛肉有D老，汁唔多，唔夠撈飯食🤣🤣沙律還好，菜都生鮮，但粟米好似擺左一段時間，味怪怪地😅😅

又到happy friday night，同事想食日本嘢，就過咗黎饗和民食飯，平時我哋公司叫外賣都有時會叫佢，性價比都幾高的，味道又唔錯😛除咗有份平時嘅Menu之外，仲夾住了一份海鮮x清酒活動！一個set有六杯酒😱😱見咁抵，我哋每人都叫咗一set。海鮮燒盛合 x 唎酒師推介清酒set 特價$258平時飲酒都唔止呢個價錢😆個海鮮燒盛合都幾豐富-北海道珍寶帆立貝-甲羅燒-珍寶大蝦款款都高質素，燒得剛好唔會過咗火候。清酒有三款，每款兩杯🤤啱晒我哋成班酒鬼-真澄 真朱 山廢 純米吟釀-真澄 漆黑 純米吟釀-月桂冠 優質 山田錦 大吟釀跟返Menu上推介，跟返同佢配搭嘅海鮮😎可以平衡口感，或者起到提升嘅作用👍🏻👍🏻超級推介呢個咁抵嘅set!!希望個活動可以做耐啲

饗和民 (萬宜大廈) (中環)📍中環德輔道中60-68號萬宜大廈2樓213號舖約咗朋友喺中環食飯揀咗呢間地點十分就腳嘅餐廳見到門口做緊呢個SEAFOOD LOVES SAKE活動用咗清酒去做Wine Pairing令到每款菜式都可以發揮唔同嘅特色同將味道昇華去另一個層次😻火焰海鮮燒盛合 x 唎酒師推介清酒🍶HK$258一set (3道餸, 6杯酒)🐳北海道珍寶帆立貝 x 真澄 真朱 AKA ⼭廢 純⽶吟釀帆立貝係珍寶size 所以都幾大粒而且肉質鮮嫩呢款清酒可以中和下牛油嘅油膩感令到帆立貝更加鮮味🦀甲羅燒 x 真澄 漆⿊ KURO 純⽶吟釀自己私心最喜歡嘅日本嘢食即係燒蟹膏 加埋蟹肉 蟹子啖啖濃郁嘅海水同蟹味 係個口到長久不散呢款清酒可以令到味道更加平 立體同飽滿🦐珍寶大蝦 x 月桂冠 優質 山田錦 大吟釀大蝦用牛油 胡椒 海鹽作簡單調味已經好好食而且肉質彈牙 十分新鮮呢款清酒帶有水果香氣絕對同大蝦係完美配搭😻👍🏻

上個月黎左呢度試佢做緊既海鮮X清酒promotion好有驚喜😯 不得不開心share下😎$258就可以試到火焰海鮮燒盛合x唎酒師推介清酒set，包左3道餸同6杯酒，超級抵！！👏❤️北海道珍寶帆立貝 配 真澄 真朱 AKA ⼭廢 純⽶吟釀北海道帆立貝質素不嬲都好有保證👍 大粒而且鮮甜😍 廚師用牛油煮到勁香，而呢款清酒啱啱好可以解一解牛油既油膩感，勁夾！👏👏❤️甲羅燒 配 真澄 漆⿊ KURO 純⽶吟釀甲羅燒由蟹既唔同部分組成，呢款真澄漆⿊更加可以帶出蟹既鮮甜味😋❤️珍寶大蝦 配 月桂冠 優質 山田錦 大吟釀大蝦燒到好香，肉質爽口彈牙！月桂冠有少少水果香味，幾清新幾特別👍原來用清酒搭配海鮮係可以完全將個味道昇華去另一個層次😯 今次又學到嘢啦！😚

我細細個就好鐘意食和民集團既餐廳，因為性價比高又好食😋 今次黎到中環都有平民之選！$258就有一set海鮮🦞盛合！味增蟹膏蟹蓋，燒虎蝦同埋燒帆立貝。超新鮮同好味。用嚟配酒係一流，所以佢個餐連埋幾杯sake上，三杯一齊上總會有埋名，等你知道自己飲緊咩野，唔知以為自己去左wine pairing🤣 海鮮小食配酒真係超夾！所以我都專登記低左佢哋嘅酒名！真澄 真朱 AKA ⼭廢 純⽶吟釀真澄 漆⿊ KURO 純⽶吟釀月桂冠 優質 山田錦 大吟釀

響中環上環返工，一到食晏時間，周圍都人頭湧湧，想揾間坐得舒服，可以同朋友傾計食飯嘅地方，響和民就係其中一個好選擇👍🏻呢間餐廳通常十二點前到，都會有大把位揀，同朋友通常先到先等就一定有位直入😆環境方面坐得舒服，枱與枱之間有足夠距離，早到仲有卡位坐添👍🏻服務方面，自己用QR code落單，落單之後食物好快就送到，坐低之後亦自動送上熱茶，食完野亦都唔會好快俾人趕走。食物方面，好多款lunch set都食過，質素滿意👍🏻已經成為我哋朋友間嘅飯堂😊