饑餓館2.0

又去咗九龍城廣場地庫美食廣場揾食，今次見「饑餓館2.0」有墨西哥卷餅，平時少機會食到又試吓先～佢哋好細心會將捲餅切開一半， 方便我同老公分享🥰，裡面好足料同包得好實淨，雞肉肉質夠嫩滑，加埋啲醬料好惹味！老公就揀咗芝士煙肉雞蛋烏冬，烏冬上面鋪咗好多芝士碎，熱辣辣做到拉絲效果，煙肉粒份量都幾多，店員仲俾咗包胡椒可以我哋自己再下調味，芝士控真係要試吓～主食加十蚊就可以變成套餐，可以配薯條、沙律或者雞翼，飲品有一般罐裝汽水或者佢哋自家飲品，咖啡都好香濃。#墨西哥卷餅 #烏冬 #九龍城廣場 #芝士…查看更多

原來九龍城廣場地庫，而家變咗一個食堂，有好多唔同菜式嘅小餐廳可以俾你選擇。今次我就揀咗呢一間小眾西餐廳，叫咗兩款主食,佢哋午市套餐仲會包埋飲料的！墨西哥雞肉卷Chicken Burrito-超級足料，而且完全食得出雞肉嘅嫩口感。餡料夾雜咗沙律菜同埋芝士 令成個口感好平均。佢嘅side Dish仲有薯條一次過滿足咗我兩個胃口。香辣蕃茄肉丸烏冬 (可走辣)Spicy tomato meatball udon個人超級鍾意佢嘅蕃茄湯底 醬汁好濃郁，而且有少少辣味 可以成個湯汁昇華，食唔到辣嘅朋友仔可以走辣，而且佢個烏冬煮到啱啱好勁煙靭！肉丸就正常發揮 唔記得講未佢個烏冬會有芝士勁似啲韓式拉絲咁超好味！如果住喺九龍城嘅街坊朋友們諗唔到食咩真係可以過嚟九龍城廣場兜個圈 而家已經同以前唔同晒樣.…查看更多

今晚食左呢間小店嘅套餐果然無令人失望！✨ 肥牛炒蛋卷餅聞到香噴噴，用墨西哥餅皮包住，咬落帶點韌勁🌯🥙肥牛片油脂分布均勻，同嫩滑炒蛋形成絕配，生菜同新鮮番茄片增添清爽口感🍅走辣版本更突出食材原味，岩晒口味跟餐粗薯條🍟手指般粗細炸得外脆內軟，灑上海鹽鹹香惹味仲有沙律菜新鮮爽脆，用咗輕盈醋汁，正好平衡炸物嘅油膩感😙🍅🥫香辣番茄肉丸烏冬轉咗走辣版本，濃郁既番茄芝士依然出色，酸甜開胃手打肉丸結實彈牙，烏冬煮得剛好，滑溜有嚼勁，同啲拉絲芝士一齊🧀🫕飲品揀咗樽裝咖啡同檸檬茶，☕️咖啡香醇回甘，檸茶茶底濃郁唔澀，冰鎮過後特別解渴🫙支裝設計方便衛生，飲唔晒仲可以拎走…查看更多

前兩日我去咗九龍城廣場，據一位街坊嘅介紹，特意去地庫嘅「饑餓館2.0」試下佢哋的食物。聽講間店由鴨脷洲搬過來，店主有20年西廚經驗，仲有八年喺澳洲的餐飲經驗同手藝啦！去到地庫food court，見到街坊介紹嗰間「饑餓館2.0」都幾吸引。咁啱我個仔又好鐘意食墨西哥卷，於是選咗肉丸烏冬同牛肉雞肉墨西哥卷，仲有樽裝檸檬茶同奶茶。一拎返屋企，阿仔打開外賣盒就話好香。佢先試咗烏冬，佢話份量好足，辣味啱啱好，完全唔會辣到食唔到，對於唔係好食辣嘅人嚟講，呢個程度真係一個好選擇。每條烏冬啱啱煮到，口感滑溜，肉丸亦都好Q彈，令佢食唔停口。至於墨西哥卷，選擇咗牛肉雞肉，份量真係大！入面有好多新鮮蔬菜，因為好多蔬菜令到冇咁Heavy，口感都非常清新。阿仔話，若果係女仔細食可以食朋友一人一半，男仔就一個人完全可以食晒，份量充足，絕對值回票價。最貼心嘅係，呢間店可以選擇辣度，阿仔試咗小辣，佢覺得啱啱好。而且，我地試左樽仔檸檬茶同奶茶飲咗之後，因為冇冰保持咗好純正嘅味道，唔會因為冰而溝淡咗。總括而言，饑餓館2.0真係一間非常值得我再encore既食店。無論係食物的質素、份量定係服務，都得到了我同阿仔的高度評價！下次我哋一定會再嚟，試埋佢其他美食！#九龍城 #九龍城廣場 #九龍城美食 #墨西哥卷…查看更多

今日喺九龍城廣場入邊有一間味道好出色嘅小店，佢嘅墨西哥卷餅絕對係一個唔錯嘅選擇⭐️墨西哥雞肉牛肉卷餅 呢一個嘢食我俾佢滿分，卷餅切開咗一半，每邊個size有拳頭咁大，好足料，雞肉同牛肉嘅配搭，加上醬料，好惹味，而每個餐都會跟薯條或沙律同野飲，薯條熱辣辣脆卜卜，好好味⭐️ 香辣蕃茄肉丸烏冬 + 沙律烏冬上面加咗滿滿嘅芝士碎粒，喺熱力嘅溶化下，芝士味道融入晒碗麵入面，好香，蕃茄嘅味道都好濃郁，肉丸同烏冬都好彈牙，個餐跟嘢飲，而加$10就可以加沙律或薯條或雞翼，我哋揀咗沙律，沙律好新鮮⭐️ 凍樽仔檸檬茶 + 凍樽仔奶茶佢嘅樽仔系列，除咗味道好之外，個包裝都好適合打卡…查看更多