養心麵 (已結業)

既然主打嘅係湯底，點解又要破壞佢?我明白做得車仔麵，部份餸一定會有汁，但係你既然買晒廣告話你個湯底正，偏偏上到黎又黑又油，點有胃口啊？其實只要細心d用過細碗分開裝住d有汁嘅餸已經搞掂，希望店方真係有心改進

港式車仔麵就食得多，呢間以台式做主題既車仔麵就真係未食過，車仔麵配料就有台式鴨血、台式肉燥、台式滷大腸等等，而麵底除咗有配合香港人嘅河粉粗麵公仔麵之外，仲有新竹米粉、台式寬粉、關廟麵等等多款選擇糖心蛋 牛筋 豬皮 台式寬粉車仔麵🍜湯底我揀左係辣湯，唔算好辣但夠曬惹味👍🏻而我未試過食車仔麵有寬粉食🤤好有新鮮感，麵質煙韌爽口！除咗車仔麵仲有傳統口味既台灣牛肉麵可以選擇，麵質係關廟麵，配料牛𦟌入味爽口👍🏻當然唔少得台灣名菜肉燥飯，醬汁惹味撈飯一流啊！

妹子有舖鴨血同麻辣癮，但下下去打邊爐實在太heavy。早前知道養心殿開咗車仔麵，一直想試試，剛巧今日嚟咗港島區做嘢，終於可以一試。由於花多眼亂，而且當時十分肚餓，一口氣order咗大腸麵線和四餸車仔麵，跟餐+$8加埋杯泰國斑蘭薑茶。先講吓大腸米線，大腸滷得好淋、好入味，份量亦唔少，可惜麵底過口有一陣粉味，同台灣食到嘅味道唔太相同，而且麵線溫度唔太夠熱，結論係試過就夠，唔會再點。而四餸車仔麵呢，我會話係好抵食，每樣餸份量都好多，但麻辣湯底同養心殿既始終有D分別。台式寬粉條吸哂湯底嘅味，好入味，但陳皮魚旦一口咬落去，完全無回彈嘅感覺，同期望嘅口感有少少落差。至於跟餐杯特色飲品，$8真係好抵，但略嫌淡咗少少。結論係，未食過嘅可以一試

A姐就嚟生日，所以佢話要shopping買禮物俾自己，我就要幫佢拎住一大袋嘢。行到下奏3點，終於可以食lunch喇，但佢話求其食碗快麵就繼續博殺，快麵我可以接受，但求其真係唔得。一於去食碗車仔麵啦，去到呢間位於銅鑼灣嘅養心麵，係養心殿台式養生鍋旗下品牌，主打台式養生車仔麵，講真真係第一次試台式車仔麵呀。話明台式車仔麵，梗係有台灣特色啦。例如麵底除咗一般嘅幼麵、粗麵同油麵等，仲有由台灣直送嘅台灣關廟麵、台式寬粉條同新竹米粉。而配料除咗一般嘅港式豬皮、蘿蔔同魚蛋，當然唔少得台式配料啦，好似有滷水大腸、肉燥，仲有台灣直送嘅香菇貢丸、A菜、炸豆皮等。食車仔麵最重要就係個醬汁，呢度就有麻辣或咖哩；而湯底就可以揀美人湯或者麻辣湯喇。咖喱美人湯新竹米粉（台式滷水金錢肚、香辣豬皮、安格斯牛腩）A姐呢個大美人就揀咗美人湯，所謂美人湯，其實就係養心殿台式養生鍋最出名嘅火鍋湯底，依家就帶到嚟養心麵。呢個美人湯係品牌首創，用烏雞、桃膠、杞子、南棗同金華火腿等熬製，含有豐富膠原蛋白，夠晒滋補！想養顏就要揀美人湯喇！而新竹米粉超幼身爽口、金錢肚索晒滷水汁、豬皮唔算太辣無渣；另外，安格斯牛腩嘅牛味特別香濃。麻辣台灣

掛名的養心「殿」的養心面 有名無實喔吃過養心殿的朋友，都會欣賞他的湯底。因為這就是整個火鍋的精髓，湯底濃郁味道特別好喝。這間食車仔面的特色都係在於他的湯底，和心殿一樣的選擇，可以揀最出名的美人湯，當然好喝與否就見人見智了。值得一提，在這裡選擇的醬汁和湯底可以同時間進行。我對麻辣就情有獨鍾的，第一次來食未有經驗沒有叫到麻辣，以為只可叫湯底。當然這一次，我都幸好的聰明地要了美人湯。呢到美人湯底都算足料濃郁，有一粒粒透明的，同食火鍋時的美人鍋差不多。問過職員，原來一粒粒的是桃膠，都不知道是什麼來，但聽名字就知應該是補的，不似便價，哈哈。可惜，除了湯底，整碗車仔麵也沒有太大特色，可能叫的是普通幼麵，喜歡台式的朋友可以試下他的關廟麵和寬粉條，聽落看似較特別，只少不是一般車仔麵店能食麻！配料都設有很多台式口味選擇，我要了台灣炸豆皮，其實吃落都與一般豆皮一樣，炸豆皮囉，可能較油口，更易吸引湯汁吧。總括覺得這間以美心殿 湯底作噱頭的車仔麵店都係不過不失，可以一試 但因車仔麵店來說價錢算偏貴的，來試一次無防，但不會有衝動要再來一次。

今日行行下街口痕想食車仔麵，就上網睇下附近有乜好推介，見到有間台灣版車仔麵幾特別咁！就去左呢間啦！去到見到menu 都好多係由台灣直送，配料多達30幾種，搞到我都心大心細唔知簡乜咁！最後我就簡左辣汁陳皮魚蛋、鴨血、瑞士汁雞翼 麵條我就簡左台式闊條麵！湯式就選擇左麻辣湯底！辣汁陳皮魚蛋十分香濃，帶住好濃既陳皮香味，魚蛋十分彈牙，呢度既陳皮香味做得好出色！鴨血好滑嫩，增添左湯底既味道更濃厚！瑞士汁雞翼簡直一流，雞翼入哂味呢！而呢個台式闊條麵係我第一次食，外表晶瑩剔透，食落好q彈！完全吸哂麻辣湯汁，食落好惹味！而個湯底辣得黎好香，食完都忍唔住飲左幾啖呢！

養心火鍋就食得多，養心車仔麵就第一次食，😏因為其實都係中意養身湯底，超級好味，😚😚好似飲緊中湯咁😋😋😋佢地都有好多餸揀，湯底亦都有幾款。🤔🤔🤔最緊要就係食麵時落埋呢個辣菜圃，惹味到爆👍🏻👍🏻👍🏻整體黎講佢d餸每樣都好好味，好入味，唔會好似了面某d車仔麵白烚d餸就算😑，佢地都會悉心去調味d餸，所以就算你揀個清湯，佢都一樣好夠味，係抵食之選呀👍🏻👍🏻👍🏻😋

今日去銅鑼灣養心殿個 friend 養心麵食個晚餐。聽聞滿有台灣特色食物，所以今云就去拜訪下。麵底有多款，共有九款任君選擇，我選了台式寬粉條，配上美人湯，醬汁要咖哩，正 配料點了台灣水台式麻辣鴨血、台式滷水大腸和辣汁魷魚鬚。飲品有多款，又是九款，我點了杞子菊花圓肉露。下次我會試下泰國斑蘭薑茶。碗麵好 full 好滿足，魷魚鬚爽口彈牙，鴨血夠實易夾，大腸煙韌入味，食落大滿足。美人湯有桃膠，食左靚靚，好過中左還原靚靚拳。菊花茶清香幽雅，非常好飲。店舖服務態度殷勤主動，人手充足，清理碗筷快手，服務一流。

見雜誌介紹幾吸引心思思去左試，叫左三餸新竹米粉 美人湯加麻辣醬新竹米粉：正常台式麻辣鴨血：無麻辣味台式滷水金錢肚：味道可以，但過淋千層冰豆腐：應該擺耐左，味道怪怪湯底：ok 朋友叫左麻辣湯，但俾左美人湯，問左職員後，佢求其俾返個麻辣醬就算，幾個樓面廚師圍埋一齊傾計 無服務，食物有待改善，無下次了

今日同朋友去銅鑼灣蒸腳, 順便去食午餐，出發前一早選好食養心麵，皆因上網得知養心麵係養心殿的姐妹店，係一間台式車仔麵店，車仔麵的配料全部都係養心殿的火鍋配料，我知朋友好鬼鍾意食養心殿，一於帶佢黎食店內設有自助售賣機，但唔見有人用，個個人都是在收銀處落單。除左車仔麵之外，還有一些台式小食、台式特色飯、特色飲品等等...由於我地兩個都不食辣，所以大家都係咖哩醬汁和美人鍋湯底。首先黎左我個碗先⋯⋯台式滷水金錢肚：滷得入味，咬落腍身沙茶豬頸肉：肉質咬落鬆散,  不是平時厚實的口感台式麻辣鴨血：必點的配料切成厚片，軟嫩入味,  超好食台式寬粉條：煙韌彈牙,唔韌,  口感有d 似薯粉, 好有飽肚感因為有麻辣鴨血關係, 湯底帶點微辣, 較惹味！美人鍋湯底又點少得桃膠～朋友同樣是三餸一麵⋯⋯台式滷水大腸：滷水味突出, 腍身易咀嚼台式肉燥：味道香濃, 份量多些就正喇！台灣水蓮：吃起來爽口清脆, 推介!新竹米粉：比一般米粉幼身, 口感特別好! 

銅鑼灣的養心殿火鍋非常好味足料，可惜價錢稍貴而且人氣爆滿。所以在陰雨綿綿的晚上來到同系列的養心麵，企圖繼續續美人湯底的前緣。入門需要先落單，我選了openrice中人氣的麻辣鴨血，大腸，千層豆皮以及貢丸，配上臺灣特別的寬粉條和美人湯。麻辣鴨血分量不少，味道亦與火鍋一致，滑嫩入味。然後大腸卻強差人意，確實是肥胖胖的大腸，但不知爲何有少少怪味(不忍細想)，而且内部有很多的油脂。讓酷愛大腸的我這次竟然沒吃完。寬粉條很特別，有點像透明的寬薯粉。由於很有靭勁，咬了半天還吃不了多少。最後衹能遺憾地剩下半碗走了。和火鍋無法比，以後還不是能太貪小便宜。

養心麵是一間自助形式的台式車仔麵，先圈好自己想食的餸，再到收銀處付款。然後等叫號碼，就可以取你已選好的車仔麵，但可能今日人比較少😬😬😬，所以職員幫忙將我以點的車仔麵送到我枱上👏🏿👏🏿我點了一個關廟麵（佢個麵質好似上海擔擔麵咁嘅）麵條很好食。再配了麻辣鴨血、糖心蛋以及滷水豬腳。麻辣鴨血真心好吃😋😋😋😋😋，跟我之前在台灣食的是一樣的喔😍😍😍。糖心蛋不是糖心蛋😓😓，因為還未煮熟。最後就是滷水豬腳，我就不太建議食這個，因為豬腳上的豬皮還有很多毛😑😑😑，所以就算下次食都不會再叫這個餸。

之前去過幾次養心殿打邊爐，湯底超香濃，估唔到開左間主打台式車仔麵嘅養心麵，每次經過都有唔少人嚟食，搞到好想黎試試湯底有美人湯和麻辣湯，配料選擇非常多，款式選擇大多是養心殿招牌的火鍋食材，相當吸引仲有好多台式小食，柯仔麵線都竟然有，非常地道我就揀左台式麻辣鴨血+台南柯仔+唐生菜配關廟麵鴨血完全冇腥味，非常滑溜爽口柯仔同樣鮮味，而且每隻都大大粒另外，如果覺得湯底唔夠惹味，每一枱都有醬料添加。總括黎講，有特色之餘價錢亦唔貴，唔錯

知道「養心殿」開左「養心麵」，鐘意食車仔麵既我一定要黎試！我點左：台灣關廟麵$18台灣A菜$10台式滷水大腸$12千層冰豆腐$12合共$52食個lunch一碗麵唔算平，但勝在台灣食材夠新鮮！大腸唔算肥，滷水入味夠淋！關廟麵口感唔錯唔會煮得太淋！叫左麻辣醬麻辣湯，湯底唔算濃味唔夠辣要自己加，台灣A菜食得出鮮味，好食呀！但如果A菜同冰豆腐用上湯煮會更好，因為每一口都好似用滾水燙熱咁吖！整體來說不錯啦，台灣食材車仔麵小有，款式又夠多，我都會再返去幫襯試埋其他野食❤️

小編今日又去試新野、反正平時食lunch同事唔太喜歡車仔麵就襯今日sunday去試下呢間睇到食評都係一般般，或者服務態度差，小編看重既都係食物質素多，服務呢家嘢見仁見智啦小編今日點左咖喱醬+麻辣based湯底，佢地分湯底兩款：麻辣or美人湯、然後醬料都係分兩款：咖喱or麻辣，小編怕佢d麻辣又係d老乾媽hea嘢所以穩陣d叫個咖喱醬，希望濃d啦可以餸就點左：流心蛋、蚵仔、魷魚、陳皮魚蛋而麵就嗌左新竹米粉碗嘢黎到賣相一般、湯底一睇就知唔🉐️，食落都係唔得但d材料非常👌🏽尤其係魷魚和蚵仔非常好味，魷魚夠爽口又大隻，蚵仔都係、好大隻同埋食落好juicy、好香蠔味流心蛋反而普通、冇乜蛋黃、過生，怕生蛋既人千萬唔好試總括：encore指數唔高、d staff都好得閒下成日講是非不過態度👌🏽既，走都有講多謝，算係咁。據聞會ｏ係中環開，如果係既都可以試多次，專登黎呢間食就不必啦，地方好唔就腳、灣仔銅鑼灣中間