養心殿台式養生鍋 (已結業)

手切牛肉好唔新鮮…，肉既顏色已經氧化發黑，價錢偏高與食物質素不符，似係擺左好耐。個湯底還可以，性價比低，唔會再幫襯，兩盒人就係呢幾樣野埋單800幾😅😅😅😅…查看更多

養心殿原來而家可以一路唱k一路打邊爐，仲係獨立VIP房，地方都幾闊落舒服！去到叫完野食之後即刻點歌唱先，d歌都幾新同好多選擇，音響效果都唔錯呀至於野食方面，我地叫咗個鴛鴦鍋，一邊辣一邊唔辣！幾鍾意佢哋個麻辣湯，好夠味，可以唔使點醬油炸午餐肉上枱時真係熱辣辣架！肉類我地叫左肥牛卷同羊肉卷，質素都唔錯！手打丸拼盤有6款唔同既手打丸，可以一次過試晒唔同口味另外仲有餃子拼盤，有雲吞、水餃、魚皮餃等等，粒粒都好大粒呀！知道養心殿有得唱K，以後想搵地方唱K又想打邊爐，首選一定係養心殿…查看更多

今晚約了朋友去打邊爐，朋友A話想有空間可以傾啲啲私人嘢，朋友B話想唱K，以前真係唔知點算，但今日我發現咗呢一間餐廳叫養生殿，完美咁解決咗我哋嘅問題。餐廳位於荃灣大鴻輝商場，交通方便，食到好夜都唔駛擔心無車返屋企。養生殿是一間打邊爐的餐廳，佢哋面積非常大，重係點有私人房👏🏻，重要房入邊有得唱K😍，而且隔音做得好好，完全聽唔到有其他人唱緊K👍🏻唱K可以選的歌都好多，音效都唔錯，同其他卡拉OK無咩太大分別。打邊爐方面，食物新鮮又多選擇，真心唔錯。炸響鈴 - 打邊爐必備的食物，香脆可口，吸收了湯底嘅味道更加好味。極上雪花肥牛 - 肥牛的脂肪分布非常平均，肉質鮮美，好濃的牛味，有入口即溶嘅感覺。手切牛肉 - 肉質相對較有口感，但牛味沒有極上雪花肥牛濃，但都係一個唔錯嘅選擇。涮鍋小羔羊肉片 - 羊肉好新鮮，而且切得好薄，放湯好短時間就食得👍🏻丸類 - 遠慮都係打邊爐必備的，墨魚丸非常爽口彈牙， 牛丸亦都非常新鮮。鱔片 - 切得非常靚，沒有太多碎骨，而且非常鮮甜。一齊唱吓K，打吓邊爐，唱到攰又可以傾吓計，真心唔錯。下次如果再同朋友相聚，我都會選擇呢間養生殿👍🏻…查看更多

早排同一班朋友黎一齊唱K🎤一齊打邊爐🍲體驗真係好正😍首先呢到有得包房打邊爐已經好正，隔音好，私隱度高，待應服務都十分有禮，收枱時都有就住唔會遮到我地另外除咗傳統嘅火鍋，佢仲有提供一啲特別嘅菜式，例如極上雪花肥牛、桂花蚌同手工丸類拼盤。呢啲菜式好新鮮，肉質鮮嫩，口感豐富，令我一路食一路好滿足🙌🏻而佢嘅湯底亦都非常出色，有好多唔同嘅選擇，例如麻辣、清湯等等。酸菜白肉鍋湯底嘅味道好濃郁，唔會太鹹或太油膩，烚咩都好好食🍲總括而言，呢間火鍋店嘅食物同服務都非常出色。不論係食物定係娛樂，都好滿足客人嘅需求。…查看更多

平時放假都想同朋友一齊放鬆一下唱歌食飯最適合，一路唱歌一路食而且邊爐選擇夠多可以食好多款式羊肉唔會有騷味道，反而肥瘦正好同麻辣邊爐一齊食好夾的羊肉係一卷卷，份量都不少本地手切牛肉呢個有驚喜真係新鮮而且好有口感牛肉味道較濃，而且唔會鞋口桂花蚌呢度都有，新鮮爽口鮮甜爽脆好滋味同埋呢度嘅炸響鈴，好大舊一份都有好多個爽脆擺落個湯度吸收晒啲湯呢度望出去仲有景色，同埋唔會聽到隔離唱歌聲～絕對放心呀如果唔去包間到出邊大堂有位置食，價錢會有出入…查看更多