餃里 (蕪湖居)

營業中

休息中

依家都有好多餃子店食過這間餃里覺得餃子隻隻都大大隻, 餡料味道又好濃鬱今日天氣凍, 好想食碗熱辣辣嘅湯餃咁啱經過又嚟再食下因為成間舖頭都滿曬,又唔係好想等所以就決定買外賣今次兩個人食所以就買一份湯餃同一份煎餃1.香菜鮮肉湯餃號+老火椰子豬骨雞湯椰子豬骨湯好足料裏面仲有粟米同埋椰子滿滿的一碗，隻隻餃子都脹卜卜大大隻芫茜餃係我一定會揀嘅， 芫茜味都好濃鬱會想一隻接一隻咁食2. 韭菜鮮肉煎餃+細撈麵(小辣) 煎餃好有鑊氣，餃底係非常脆身食落又唔會好油膩韭菜味濃鬱配煎我覺得最合適其實份量都好多都好夠食，但係朋友就驚唔夠飽，加咗個撈麵，撈麵都好好食，少少彈牙，小辣覺得唔係好夠辣，下次可以試中辣唔係成日都經過餃子店，所以就買定兩盤生餃3.生餃自由對拼 韭菜 白菜 4.生餃自由對拼 香菜 泡菜心都係鍾意食芫茜但係又想試其他所以就買咗兩盒，總共四種覺得掂假都好細心寫得好清楚邊一種打邊一種食嘅時候每樣攞兩隻出嚟食，已經覺得好過癮餃子分隔得好好完全唔會黐埋一齊

如果你係一個鐘意飲湯又鍾意食餃子嘅人，咁「餃里 」應該會係你嘅心頭好！今晚試咗佢哋嘅健康湯底餃子，真心有驚喜，絕對值得推薦！首先講湯底~~老火椰子豬骨雞湯真係清甜而唔油膩，每一啖都飲得出湯底有心機熬製，椰子嘅甘甜加上豬骨雞湯嘅濃郁，飲落去唔會覺得太重口味，反而有種暖胃嘅感覺。加埋上海麵，每一啖都可以飲埋到湯底嘅精華！餃子方面，芝士粟米鮮肉湯餃係我最愛！芝士唔係過分搶味，但系都好出現! 加上粟米嘅甜香，配埋鮮肉，真係爆汁！另外三拼自由選煎餃都係一個好選擇，韭菜、紫菜、白菜三款，全部都鮮甜爽口，皮薄餡靚，咬落去啖啖肉汁。當然煎餃如果堂食會仲吸引!總括嚟講，「餃里 GAOLAY」嘅健康湯底真係令人驚喜，餃子配湯好夾，係一個適合想食得健康又唔失味道嘅好地方！下次再嚟試下有無其他湯底，睇吓仲有冇新發現！

此店的自家製餃子幾出名, 行過就來試試 食物 : 6隻雙拼自由選湯餃 $54 ~ 餃子選了香荽及泡菜, 香荽味道唔算好濃郁, 就算唔太喜歡香荽的應也可以接受, 泡菜味幾特別, 想食特別味道可以試下, 餃子大大隻幾好味, 湯底選了無花果粟子腰果素湯, 湯底清甜, 味道唔算好濃, 湯晒成碗都無口乾, 好似屋企煲的味道韭菜鮮肉湯餃+上海麵 $51 ~ 韭菜餃子味道正常唔錯, 湯底是蕃茄薯仔肉碎湯, 都是正常住家湯味, 唔算好濃, 成碗飲晒都無口乾 原味豆漿 $10 ~ 味道正正常常 環境 : 小店座位較少, 有點擠迫 服務 : 店員有禮貌 費用 : $115 (無收服務費)

紅磡黃埔真係一個美食天堂。作為紅磡街坊，當然要支持區內小店！早排喺街坊group見到好多人討論呢間餃子店，趁放假留喺屋企叫咗呢間外賣。餃子口味好多，今次同屋企人試咗幾款味。分別叫咗蒸餃同煎餃。蒸餃試咗韭菜鮮肉餃、椰菜鮮肉餃同白菜鮮肉餃。二煎餃就食咗泡菜鮮肉餃同紫菜鮮肉餃。蒸餃湯底有三款選擇，我試咗住家蕃茄薯仔肉碎湯，真係好友屋企嘅感覺，非常足料，個湯飲落好舒服，一啲都唔似有味精～ 蒸餃餃子皮口感煙靭，餃子餡非常足料，肉餡食到有鮮味，等緊餃子嘅時候亦都見到員工即席包製～ 煎餃食落都幾香口，擺咗一陣依然好香脆。咁多款味之中最愛紫菜鮮肉餃，呢款口味好特別，一咬開啲紫菜真係多得好誇張，原來呢個配搭係咁正！韭菜鮮肉搞到好出色，以新鮮韭菜包圍整舊豬肉，韭菜粉絲必叫！

大家好今晚去了紅磡既餃里食野呢間店主要係食煎餃同湯餃香港都有好幾間分店首先點了9隻三拼自由選煎餃要了韭菜 泡菜同芝士饀韭菜饀比較傳統正常味道芝士饀就係用豬肉混了芝士饀有少少芝士味泡菜就有少少辣比較惹味如果唔夠味想辣少少都可以再加辣菜脯跟住就係椰菜鮮肉湯餃配住家蕃茄薯仔肉碎湯加上海麵椰菜鮮肉湯餃比較清淡而蕃茄薯仔肉碎湯就好似係自己屋企煲甘既有住家湯既味道跟餐+$15要埋菜心苗 細細條比較嫩跟餐加$10要埋原味豆漿 都正常有豆味成個餐湯餃加上海麵加豆漿加豆漿就係$76比較抵食總括呢間既煎餃比較香口而湯餃可以揀湯底各適其適大家都可以試下

是夜經過紅磡，和太座一試人氣小店，食食comfort food。店面細細，坐位十多個，配料柚子醋辣菜脯，飲品豆漿都是自家製，感覺良好。餃類均可三拼，先來煎餃，罕有用上紫菜餡，鹹香無渣有驚喜。泡菜微辣惹味，芝士栗米半溶流心，伴以另點的腰果粟子素湯，暖番個胃。伴麵加入辣菜脯非常香口，簡單伴菜心吃健康飽肚。湯餃選回傳統口味，全都大隻飽滿，韭菜白菜新鮮爽口，素餃清爽，配以湯底椰子豬骨雞湯，充滿住家風味，一碗入魂。

🥟**紫菜鮮肉煎餃 + 6隻雙拼煎餃（白菜豬肉 + 素餃）** 煎餃外皮金黃脆口，咬落去「咔嚓」聲，紫菜鮮肉餡鮮味十足，白菜豬肉多汁，素餃清新唔膩，點埋醋汁更加開胃！ 🥤**跟餐樽裝餃里原味豆漿 / 無添加糖豆漿** 原味豆漿香濃順滑，無添加糖豆漿健康之選，飲落清甜解膩，配煎餃一流！ 🥬**跟餐鮮甜油菜（菜心苗）** 菜心苗嫩綠爽脆，簡單清炒已經好鮮甜，食完煎餃再食啖菜，平衡返油膩感！ 🍜**細撈麵 + 蕃茄薯仔肉碎湯** 撈麵彈牙有嚼勁，蕃茄薯仔湯酸甜開胃，肉碎增添口感，飲完暖笠笠，好滿足！📍人均$60，份量足，煎餃脆口，撈麵彈牙，性價比高，啱晒打工仔lunch快食！ #煎餃控 #撈麵套餐 #抵食之選 #港女食評 #餃里豆漿

6隻雙拼自由選煎餃$54.0揀咗紫菜鮮肉餃三隻芝士粟米鮮肉餃三隻6隻雙拼自由選煎餃$63.0揀咗白菜鮮肉餃三隻芝士粟米鮮肉餃三隻餃子皮薄餡靚，惹味又爆汁，餃子底脆卜卜，口下去，滿口豐富的汁水，而且湯汁都係豬肉鮮香滋味，非常推薦！住家蕃茄薯仔肉碎湯另加上海湯麵入口十分清甜，食得出無味精，好食！跟餐樽裝原味豆漿加$10豆味濃郁，唔太甜，少少甜，剛剛好!!紫菜鮮肉湯餃9隻湯餃子雖然冇脆卜卜嘅口感，但係粒粒飽滿，呈圓形狀，餡料份量足，夠薄夠滑，同時又很有嚼勁，入口即嘗到紫菜獨有的清新味道，唔係好多地方都有，比較特別！老火椰子豬骨雞湯湯頭清甜香濃，椰子肉甘溫、益氣補虛。養顏無花果栗子腰果素湯

今日專登去紅磡食咗間餃子店，真係冇令我失望！😍 首先講吓個 **9隻三拼自由選湯餃**，我揀咗韭菜、椰菜、白菜三種口味，湯底係 **老火椰子豬骨雞湯**，真係濃郁到不得了！椰子嘅香甜同豬骨雞湯嘅鮮味完美融合，飲一啖已經覺得好幸福！🥥🍲 餃子皮薄餡多，韭菜餃香氣十足，椰菜餃清甜爽口，白菜餃就經典好味，配埋大份量嘅上海麵，食完真係超級滿足！🍜❤️餃里撈麵另外仲試咗 **9隻三拼煎餃**，揀咗紫菜、素餃、芝士粟米豬肉三種口味，真係款款都正！煎餃外皮煎得金黃酥脆，咬落去「卡嚓」一聲，內餡飽滿又多汁，真係食到停唔到口！😋 特別要讚吓個 **紫菜餃**，紫菜味超濃郁，同肉餡好夾，真係其他地方好少食到咁特別嘅口味！至於 **芝士粟米豬肉餃**，芝士爆漿嘅感覺真係邪惡到極點，但真係好好食！🧀🌽飲品方面叫咗 **樽裝餃里原味豆漿**，豆味濃郁又順口，飲落好舒服。🥛 另外加咗個 **鮮甜油菜（菜心苗）**，清爽解膩，平衡返成餐飯嘅口感。🥬最驚喜嘅係，難得嚟到紅磡，仲買咗 **生餃（紫菜餃）** 返屋企自己煮，真係方便又抵食！😆

自從妞妞愛上食餃子之後，做媽媽嘅豬太郎都可以偷下懶，買啲外賣湯餃畀佢食！呢間餃子專門店，全部都係人手製作，款式唔算多，但口味就好經典，而且粒粒都好飽滿！仲可以自由選雙併餃，食多幾款都得！.➜紫菜x椰菜椰菜鮮肉則帶有一絲甜味，口感清脆；紫菜餃味道好出，仲可以食到絲絲紫菜嘅口感𠻹！.➜白菜鮮肉湯餃配搭無味精湯底，畀小朋友食都更放心！真係隻隻都好大隻，平時食 5-6 隻嘅妞妞，今日 3 隻半已經話飽！.➜芝士x泡菜一定要轉煎餃！呢兩款都係豬太郎覺得夾埋一齊有啲韓式嘅煎餃，餃子底部煎到金黃，食落好香口。芝士味道濃郁仲可以食到粟米嘅香甜；撈埋泡菜落豬肉餡口感多一份爽口，酸辣香味嘅泡菜唔算好辣，好開胃！.#msmessypig_food

很久沒有去吃餃子了，身為餃子控，今天和朋友去了在餃子界很有名的餃里覓食。餃里原本較多為外賣店，但紅磡店卻可以堂食，不過座位不算多，人多時有需要等位。每枱也有麻辣菜圃館可以自由加，菜圃爽口又非常香口和有辣度。更有柚子醋可以作為調味。6隻雙拼自由選加配上海湯麵湯餃點了香茜鮮肉湯餃和白菜豬肉湯餃。湯餃的皮厚度適中，內裡的餡料豐富，莞茜味道鮮明。湯底即是椰子豬骨湯，味道亦鮮甜無味精。9隻三拼自由選煎餃即選了芝士粟米餃、泡菜鮮肉餃和紫菜鮮肉餃。餃子大小適中，表皮煙韌，底面煎得香脆。芝士粟米餃的芝士很豐富，味道濃郁又不會搶味。紫菜的鮮味亦中足且香濃。泡菜餃的香味濃郁 加配細撈麵豆漿豆漿的份量極豐富，多到會滿洒，非常足料。

餃里 紅磡隱細小店！餃里主打自家鮮製手工餃子🥟口味款式眾多-～更有素餃提供！適合純素人士湯餃更有自家煲無味精湯底可以簡選足料製作！鮮味又有益！一共3款湯底🥥老火椰子豬骨雞湯🌰養顏無花果栗子腰果素湯🍅蕃茄薯仔肉碎湯餃子叫左兩款湯餃、兩款煎餃全部即叫即製！夠哂新鮮熱辣🥟韭菜鮮肉湯餃、椰菜鮮肉湯餃肉餡料份量足又多汁！🥟芝士粟米鮮肉煎餃～芝士味濃郁入口咸香🥟清新素煎餃～純素製作！健康又美味跟餐仲可以優惠價加配小食叫左細撈麵小辣惹味又掛汁！上海麵住家配蕃茄薯仔肉碎湯餃里🥟紅磡蕪湖街111號蕪湖居地下C2號舖

餃里位於紅磡蕪湖街，提供多款美味餃子，其中紫菜餃、椰菜餃和韭菜餃各具特色。紫菜餃清香與椰菜餃的清甜，韭菜餃都好香每款餃子都使用新鮮食材，健康出色。外賣服務更是快捷方便，包裝乾淨，本人鍾意買生料回家打邊爐或者自己平時食。

餃里係香港都有一定名氣，於是入嚟試吓～煎餃(椰菜鮮肉餃 & 芝士粟米鮮肉餃）椰菜好爽脆，豬肉也挺新鮮芝士有拉絲效果，配上粒粒新鮮粟米，挺有口感的餃子🥟皮煎成金黃色，不會太燶，師傅控制火候恰到好處湯餃（椰菜鮮肉餃 & 紫菜鮮肉餃 & 香荽鮮肉餃）餐廳用左老火椰子豬骨雞湯，喝下去很有媽媽煲湯的感覺，很有家的感覺紫菜鮮肉餃餡料豐富，皮薄餡靚，紫菜口感很豐富～香荽鮮肉餃不會有過多的香荽而覆蓋了豬肉的鮮味，在這個冬天內喝一口自家製靚湯，尤其舒服呢！餃里撈麵（小辣）麵質彈牙，配上微微的辣油拌在一起，尤其開胃！飲品叫左個無添加糖豆漿，原汁原味，喝到有豆漿的鮮味！

呢間舖頭細細 繁忙時間都幾多人 等位期間見到都多人專登嚟買外賣餃返去煮餃子口味眾多🥟有六隻/ 九隻/ 雙拼/ 三拼總有一款啱自己口味同隻數既同朋友都鍾意食煎餃 所以全部嗌晒煎餃😂雙拼叫咗 （紫菜鮮肉煎餃/咖喱鮮肉煎餃） 賣相隻隻都好飽滿 底部煎得香脆 唔會太油膩紫菜味濃郁亦都帶出咗豬肉嘅鮮味 咖喱鮮肉煎餃呢個有驚喜 濃濃嘅咖喱味 但係唔會搶咗鮮肉嘅味道 亦都唔辣 😍😍😍雙拼餃子加咗撈麵 就咁睇撈麵好似平平無奇但係食落去面彈牙 小辣又幾惹味 泡菜鮮肉煎餃一咬落去咇咗啲泡菜汁出嚟 好juicy 韭菜鮮肉煎餃鍾意食韭菜嘅朋友一定要叫 濃濃韭菜味♥️所有煎餃都好出色 每一款都保留鮮肉嘅肉汁食得出係家常菜嘅味道 唔會帶濃郁嘅味精另外見到隔離兩台都嗌咗湯水飲即刻叫咗個蕃茄薯仔湯唔講以為係阿媽煲嘅 因為係一模一樣嘅味道家的味道😂😂😂