餃子爺爺

營業中

休息中

淘大開左新餃子舖幾好食，個人最鍾意韮菜湯餃但係要等好耐等左半個鐘都未有得食會再去既，五十蚊都好飽呀食到又有餐飲，有面又有水餃不過趕時間就真係唔好去希望遲d 做快手d la

正所謂 希望越大 失望越大， 好在冇抱著 好大希望去參與， 正如所料 質素不似預期， 我可以好肯定 我寧願返 屋企煮包 思念， 總算 都可以 挽回返少少希望。#餃子爺爺 起碼開咗幾個月 到而家都係咁混亂， 今次又第一次幫襯 亦好肯定係最後一次， 湯底冇乜特別， 餃子都冇乜特別 食完之後都唔覺得佢喺西洋菜餃， 完全係冇西洋菜味， 肉餡鞋颯颯 食到嘴都搲埋， 菜脯又係冇乜特別 死鹹死辣 不吃也吧， 價錢雖然唔貴 不過 整體嚟講都喺性價比低，再會了！

明知餃子濃都照上枱，放低就算。我同店員反應，店員一句，你搵經理。後來經理得閒，店員就在我旁邊大聲講，經理有人搵你。最後經理過來一睇，就知濃立刻換咗第二碟。證明有唔濃的餃子，咁點解有唔濃嘅唔俾客人，要搞咁多事

九龍灣新開咗一間餃子店，晏晝都好多排隊，嚟到就試一試啦，分別同人share，食左六款餃子😝抵食味道唔錯！🍜京式炸醬拌拉麵 $38 (6/10)份量好足，炸醬鹹鹹哋，有青瓜蘿蔔絲幾清爽，味道正常。🍜麻辣牛展拉麵 $53 (7.5/10)講真幾辣，個爽好軟滑，份量都多，牛展軟腍好食，唔太食到辣唔好叫🤣🥟白菜木耳鮮肉餃 +$16 (6/10)食落普通，唔太食到肉，返啲啲白菜，冇咩特別。🥟芝士玉米鮮肉餃 +$18 (7/10)栗米大粒，有少少芝士味，OK!🥟大份十隻 $48-$49 價高餃子計算🥟香菇馬蹄鮮肉餃 (7/10)有冬菇味，馬蹄爽口。🥟鮮野菌粉絲素餃 (7/10)幾重菇味，有少少黑𩃭露味。🥟帶子韭黃鮮肉餃 (7/10)真係有細細粒帶子，但有少少拿口。🥟蕃茄蘑菇牛肉餃 (7.5/10)呢個最好食，食到牛肉香同蕃茄嘅酸。🥛特濃豆漿 (7/10)勁甜，以為飲緊糖水。推薦指數: 7/10味道正常，餃子大隻但未算飽滿，推薦牛肉餃，其他正常味，都算抵食！

午餐時段經過淘大，見新開餃子店就入去試下，坐位都算濶落，午市時段有套餐，可選一種麵，種類都算多，然後可選不同餃子，有煎的、有放湯的，一 份五隻，仲有可選一杯飲品二人合共$95整體味道不錯，行過可以試下

要乜無乜，開黎做乜？人手嚴重不足，食物無得揀，因為叫乜都無哂。仲要人排完隊先知….服務就講都無意思，根本就人手不足。但價錢係抵食，食物都唔算差。希望認真改善！！！

見有新開張既食肆就諗住入去試下睇左一陣餐牌，睇到下午茶既價錢還可以接受，就不仿入去試試，可能係新開既關係，店員表現不太熟悉操作，當我細看餐牌所介紹既食物後，決定向店員揀選下午茶套餐時，經過店員對落單機一番研究之後，發覺無下午茶可揀選，負責人表示試業期間不會提供下午茶套餐😵😵😵我感覺有D震驚亦覺得好奇怪，通常店舖試業期間唔係應該有特別優惠推銷下既咩？😂而且店舖所提供的餐牌及店面內外都沒有清楚表明貼出沒有提供，在下單時才告知😵😵🙂🙂🙂本身小妹就是因下午茶套餐所吸引進來，覺得店舖好似有D誤導成分，眼看已經進店坐低左就唔好意思再出返去😓😓😓相信很多人都因為咁樣而進來，因為我進餐期間都不斷聽到佢向已經落緊餐既客人講試業期間無下午茶供應店員因不熟悉操作，所以都落錯左單，好彩我即刻睇到，所以如果想來光顧的話需要睇清楚落單食物是否正確，而且店面付款方式只收現金，如果想試下既話，記得撳定錢先入黎食進入正題，店舖食物質素，我點選了一碗四川擔擔麵及加配了五隻香菜(芫茜)煎餃我係以下圖片講解下

住附近見有新野咪入去試下味囉！入到去自己見位就坐底再望望餐牌就叫左個煎餃10隻,菜肉併木耳各5隻(食落無乜味,煎到個底黑曬 黐滿鑊撈搞到食落苦苦哋)個底無影但個碟都分佈大量黑色既鑊撈碎，仲有個蒸泥白肉:碟野嚟到自己見到個賣相都打個突😨🤢🤮(紙咁簿味道仲要系死鹹死辣🤦‍♂)，仲有杯山楂茶(三樣野最正常系呢樣)，經過是次親身用餐經歷個人絕對唔會再行入去食第二次想食好味既煎餃搭一程巴士過去觀塘好過！

九龍灣淘大商場最近新開一間「餃子爺爺」，開張頭幾日超級多人，長期門口有人排隊，特別lunch Time時間。今日lunch經過見到門口有兩個人排隊，即刻走去排嚟試吓先，裝修都幾乾淨企理，見到廚房有三個姐姐包餃子，但侍應明顯不足。Menu都幾多選擇，有麵同埋餃子，仲有不同的小食，價錢也不算貴。小食「蒜泥白肉」$35白肉切得很薄，很大一片，夾上青瓜和蒜泥，入口蒜蓉味濃郁，青瓜爽脆，唔錯。四川擔擔麵$45 ，味道比較一般，有少少花生醬的味道，可能吃不慣這種味道，感覺有啲奇怪。京醬雞絲伴拉麵$39 ，這個面口感不錯，青瓜加上紅蘿蔔絲，拌上雞絲撈起上，入口感覺非常之清爽，比想像中好食。要了兩款煎餃小）白菜木耳鮮肉煎餃🥟 白菜爽脆，木耳爽口，餃子好大隻。小）香菇馬蹄鮮肉煎餃🥟 入口粒粒馬蹄，香菇美濃，餃子果然才是最好食。中午lunch time，相對價錢便宜，味道唔錯，餃子值得食。下午茶更加抵食，有時間會再試吓下午茶。總括來說，都算係平靚正，外賣非常多，但等待時間很久。但侍應比較新手，暫時只收現金。

今次係第二次食九龍灣呢間餃子爺爺，但真係差到忍唔住要寫食評。上週第一次幫襯嘅時候，見佢新開張就試吓，叫左雞絲撈拉麵同餃子都係正常，只係啲服務麻麻（可能係新店開張，人手不足，而且好多人幫襯嘅緣故？）Anyway，今日諗住俾多次機會支持佢，但今次嘅體驗真係超級極度差！首先，叫左個擔擔麵，佢嘅味道只係可以用一個字嚟形容就係：鹹！平時食開的擔擔麵都係有少少花生醬或者麻醬嘅味道，但係餃子爺爺嘅擔擔麵，係完全食唔到呢d味，淨係食到鹹味，感覺就好似係食緊鹹肉碎麵！然後重點問題係，跟餐叫左帶子韭黃煎餃，點知落完單之後等咗一陣（10-15分鐘），店員先同我地講話賣晒（其間仲有兩款都賣晒🙄，中午12點半都無就賣晒？)，咁唯有轉鮮蝦韭黃煎餃🥟。再過左一陣，鮮蝦韭黃煎餃來到上枱，一啖咬開發現唔對路，入面d豬肉係紅色，係生㗎！仲有隻蝦一半都仲係透明灰色！都係生㗎！好彩今次咬開睇下入面係乜材料先發現到，現場我見到有好多小朋友，一個唔覺意d小朋友食咗，我真係唔知佢哋點算🫣我明白新店開張實有甩漏，現場所見待應人手不足，場面混亂，餐牌裏面有好多產品都係暫停供應，以上各種問題，我都仲可以諒解。但係比完全未熟嘅生肉煎餃客人