餃先生

我估轉左手。而家長期係個中女看店。最近幫襯了2次，我覺得質素好番啲，起碼啲餃唔係爛唒，個皮亦進步左。開左成年幾，我先發現佢有芫茜魚肉餃啊，真係比較少係香港食到，為左芫茜魚肉餃，我會光顧多點。…查看更多

叫左個素菜煎餃，啲料似有啲蘿蔔同粉絲，個口感怪不特旨，仲要酸酸哋 😰 再者，隻餃我一買完五分鐘內已經返到屋企，天氣熱到咁應該都唔會話凍得好快，偏偏一擺入口就已經覺得唔夠熱，個皮仲要係濕。。另外叫左個湯餃，啲皮一夾就爛 😔 真係無下次…查看更多

如果大家想考驗自己嘅耐性，不妨可以試吓！試過兩次幫襯，兩次都令我非常之失望！等咗40分鐘先有超林嘅湯餃子同埋出晒水嘅煎餃。一定唔會再幫襯，諗住幫襯小店但真失望！樓面企咗喺度，真係唔知廚房入邊係做啲咩！…查看更多

餃先生係一間新開嘅餐廳，如果唔介意熱嘅話都可以坐室外，有少量座位。但我估計佢主要做外賣生意多啦。第一次食佢，叫左白菜豬肉同韮菜豬肉雙拼湯餃。餃子同湯分開包裝，有誠意，唔會浸到餃子皮軟曬。餃子皮薄餡多，外皮有彈性同濕潤。白菜同韮菜都係新鮮嘅，咬落脆口，有口感，豬肉唔會有冰鮮味。講到湯先係精華，係老火椰子雞湯，就咁睇色澤都估到係真材實料，仲有比埋啲椰子同雞粒。湯嘅椰子味重，湯嘅鹹度配餃子食岩岩好。希望佢可以係食街長做長有，少見嘅養生餐廳！…查看更多

好鍾意食餃子嘅我，喺社交平台嘅餃子關注組發現咗呢間新店，一於今日去試吓，睇吓佢咩料，點知一試發現新大陸，餃子嘅種類好豐富，記得前嗰幾日去太子某知名餃子店食一間得白菜同韭菜嘅餃子店，食到第八隻已經味覺疲勞到唔想食……..回歸正題，今日試咗粟米豬肉餃，冬菇木耳雞肉餃，紫菜豬肉餃同芫荽魚肉餃，我想講全部都好好食…..跟住試埋雞絲涼麵，麻辣土豆絲同埋蓮藕片，又係出色嘅傑作，真係好啱食，呢間店已經成為我生命中最鍾意食嘅餃子店，我真係唔係打手，第一次有一間店可以令我特登申請OpenRice帳號，讚揚佢，真心希望更多人食到更美味嘅餃子。…查看更多