飯後甜品 (已結業)

飯前先吃甜品😂😂——————突然間好想食甜品，時間尚可以趕到堂食，所以在回家前吃了甜品🍮後才回家再大吃大喝😂😂😂———————-🥭芒果楊枝甘露——-冰冰凍凍的芒果🥭雪糕🍦，濃郁的芒草汁、西米、柚子肉香甜爽口，滑溜溜，冰冰凍的雪糕透心涼———————什果椰汁🥥大菜糕———-足料水果..西瓜🍉哈蜜瓜、火龍果、芒果🥭......等等，當然有大菜糕😂😂水果爽甜，椰香奶滑，爽😊———————用心店員，用心製作開心🥳可以好簡單

雖然疫情關係，最近好少一個人出去食飯😔😔但係都冇阻我食甜品嘅慾望。食完飯，落街行吓，見到有間甜品店，由於太耐無去甜品店食甜品，就入咗去同老公兩個一人叫咗一碗中式甜品潤一潤😃😃鋪頭老闆介紹我哋食芝麻糊同埋合桃糊。佢哋嘅合桃係自己制，芝麻糊嘅芝麻都係自己磨嘅，所以質地比較杰身，唔太甜啱哂我，食落個芝麻糊仲好香芝麻味，絕對係真材實料。😍😍😍😍下次食完飯去食甜品，一定會再嚟呢度試吓其他甜品🥰

食飽飯當然要去食返個甜品滿足下，位於大埔墟好多餐廳食肆嘅一條街，有一間叫做飯後甜品，非常適合我飯後享受甜品的好地方。進入餐廳之前，店員先幫我們量體溫、用消毒液清潔雙手才可進入，防疫意識高。看見餐廳牆上貼滿各種食物甜品的圖片，很吸引呢，圖片除了很色彩繽紛，還很有心思呢。芒果控的我，當然要叫芒果戀人，有很多芒果粒喺面，估唔到很鮮甜呢，還有冰涼的芒果雪糕及牛奶奶凍，很滑溜，配埋花奶一齊食夠晒香滑🤩。朋友就點了椰汁紫米露三色芋圓，味道剛剛好，唔會太甜太漏，配以三種顏色的芋圓更添咬口。最後叫番杯滋潤嘅花茶-白桃花玫瑰花茶潤一潤喉嚨，滿滿的玫瑰花粒鋪滿面，可見非常足料，而且花茶很香濃。這間位於大埔的糖水舖，除了糖水之外，還有熟食提供，只是食了幾款甜品已經覺得這間小店很有心思很有愛，而且性價比高，值得再幫襯！

由中學食到而家既糖水鋪 !!! 過左咁多年, 好多附近既食店 都變晒.. 唯獨呢間一直屹立不倒 : ) 相信糖水質素係佢留得低既主因 店面唔算大, 但係糖水款式好多, 連近期大熱既芋圓都有啊 ~ 有傳統中式糖水~ 即係下次可以帶埋家人黎食喇 (佢地鐘意食中式糖水) 原來呢度都有d熱食小食款呢 仲有好多其他款式(post唔晒..) ! 好多都幾吸引 呢度有好多芒果甜品, 好多都想試.. 最後就決定試下特別d既 芒果五重奏$28 層次分明的五層: 芒果味爆珠, 忌廉, 芒果汁, 芒果蓉, 芒果布甸 一食就食到係用 台灣愛文芒 !!! 呢種鮮甜 係愛文芒先至會有 中間個層 不停食到大大塊芒果肉 ! 我同朋友都覺得絕對對得住$28呢個價錢 ! (甚至抵食) 芋頭西米露三色芋圓 $38 呢度既西米露 基本上差唔多次次黎 我都會叫 ~ 而家多埋芋圓, 就試下佢啦 ~~ 除左有 地瓜, 香芋 同紫薯 呢三色芋圓之外 佢仲有一粒粒芋頭粒在內呢 ~ 呢度既西米露 係唔過甜架 ! 不柱我食左咁多年 都繼續支持~ 三色芋圓之中, 地瓜最出味! 芋頭圓都好軟糯同好香! 紫薯圓就偏硬身, 如果呢樣都改善埋既

甜品係好食既，都係雪榚+生果+涼粉果d啦～都知疫情影響生意，一心諗住幫襯黃店，門口排隊探熱，每位最低費要嗌一份/未食野唔好除口罩/命令式指定坐位，主席位唔坐得（估可能要隔離枱），當然唔會誁你知點解，又唔係爆客，兩母女好忙好趕咁，都唔知忙乜，老母遞menu拋低一句【睇晒一次過嗌】🙄黃店又點，要被order式既服務我諗應該無下次

響大埔有間食甜品嘅叫飯後甜品小店，聽聞特別新鮮好味，因每日即做，所以今次專程去試下。我今次點咗日本宇治抹茶凍配三色芋圓同埋綠茶雪糕一球。聽老闆娘介紹抹茶凍係由日本運來，比較爽口而且唔會太甜，而上面嘅紅豆蓉就煲得好冧而且紅豆係台灣紅豆比平常嘅大一倍口感一流，而且偏甜，撈埋果凍食啱啱好，口感又一流，三色芋圓就好qq好煙韌，唔同形狀及顏色令到個甜品層次好豐富，絕對係影相打卡之選，當然上面嘅綠茶雪糕 一定要講，令到成個甜品都好有日風，好似去咗一轉日本甜品舖食甜品咁。值得一提既係老闆娘講佢每朝晨早就煲各式各樣嘅糖水，一手一腳自己做合桃糊芝麻糊等，係人手打磨而成所以 口感絕對一流，而且每一啖都有 濃郁嘅芝麻或合桃味，而且佢哋嘅甜品紅綠燈(即綠豆沙、紅豆沙、芋圓)亦係食店推介。

我地7個人去食 唔知點解8人限聚令下我地要分開枱坐，都算啦..我地最後決定坐門口。嗌左5個甜品，等左35分鐘，見到隔離枱遲黎過我地都上左甜品禁就問下點解禁耐啦，個姐姐仔都好好，話幫我地睇睇，話啲雪糕可能太硬（其實當時聽到呢個excuse都覺得好無奈）然後就聽到佢地鋪頭入面有人係到好燥禁鬧緊（當時都知知地係個廚房佬發脾氣）但冇諗過條友走出黎仲要串串共同我地講「雪糕唔係太硬就太軟架啦」我成世人真係第一次聽有人做甜品生意會禁樣同客講野！老老實實 你出黎講句唔好意思再等多陣，我地或者都會等，但依家禁樣出黎凶我地，就真心唔係好倨囉。最後食都冇食就走左。唔該啲人唔好成日借黃店既名黎做生意。我就係本身想去懲罰黃店，但你禁樣既態度，我唯有上黎寫劣評啦。

話說今晚食完飯想食個甜品，點知大埔墟附近真係什小糖水舖，咁就揀左間名叫「飯後甜品」既鋪頭諗住試下，係買之前已經特登上OpenRice 睇下評價都吾係咁好同咁推薦！但無辦法，因為真係好想食😩😩吾食由自可，一食就中左伏！見到即刻哇一聲，竟然賣得出$35蚊既糖水👎🏻👎🏻應該真係好似我依d未食過而又因為得佢一間只會幫襯！講反個芋圓紫糯米，芋圓差到爆，完全無芋頭同番薯味，好似成舊都係粉整出嚟「差」，仲有個紫糯米，好似擺左好多日無晒口感食梗糊仔咁，仲要甜到嚇死人，最後我要自己加水落去「差」！我第一次食嘢忍唔住要係OpenRice 到寫評價老闆如果你有機會睇到既話，吾該俾D良心出嚟比食客... ..

有一日好想食合桃露，搵過附近有一間糖水舖，即刻走落街幫襯。因疫情關係我叫了外賣，估唔到隻碗咁細，加了外賣碗要$32，呢個價對中式甜品係有啲貴。滿心期待有咁上下質素，一食發現合桃味很淡，而且合桃沒有炒香或是烘過，是原有合桃的味道，所以合桃味唔夠香濃。食就唔係太難食，但cp值低，食唔出幾十蚊的價值，可能餐廳唔係主打中式糖水，其他糖水無食過，但我因為呢個價錢已經有啲驚驚。店員態度唔錯，希望價錢或質素上有改善啦。

✨良心甜品店🍧請醫護食糖水✨——————————————————.近排真係日日摺係屋企😂最多係大埔行個圈跨區懲罰黃店真係太遠 唯有支持下自己區🤔呢間店免費請醫護食糖水 齊心抗疫店內有pepe 同文宣貼牆 ——————————————————🍡三色芋圓 $42 （6.5/10）好足料🤤有齊三色芋圓 仙草椰果 紅豆 仲有球雪糕！可選椰汁/黑糖冬瓜汁底 三色圓幾煙韌有咬口 但芋味蕃薯味唔太出椰汁底有d甜 整體呢個價錢都算ok😋.🍨芝麻街 $33 (8/10)芝麻雪糕好有驚喜😍好香濃上面有nuts 幾有口感不過食完個雪糕再食個奶凍就覺得淡味d如果牛奶味重d就正😛——————————————————📍飯後甜品 (大埔)大埔運頭街93號C1地舖.

難得係大埔墟食飯，就想食埋甜品先走。餐牌裡面甜品選擇唔多，亦有熟食賣。三色芋圓，仙草，珍珠（椰果），紅豆，曲奇雪糕❄$40芋圓普普通通，唔係好彈牙，有d淡味，可能係因為雪藏得太耐既緣故；仙草係罐頭仙草，質感有少少奇怪；雪糕味道冇得揀，但整體甜品味道都可以接受，唯獨奇怪既係餐牌明明寫係比珍珠，但就比左椰果🙊係大埔墟黎講，價錢就有少少貴，因為份量亦唔多，座位亦比較逼，期待改進。

同朋友係附近食完飯想食甜品咁啱見到依間有得食芋圓就入左去芋圓選擇有幾款因為原本想食嘅三色芋圓（$35）淨係得熱食唯有嗌貴啲，有埋雪糕同珍珠嘅三色芋圓（$40）食落發現原來碗芋圓嘅珍珠變咗椰果，所以味道未必好夾。芋圓食落正常ok，不過份量偏少唔值依個價錢。曲奇雪糕不過不失。

今晚聖誕節，食完陳漢記煲仔飯，跟住就搵吓附近有無糖水食，於是就入咗呢間「飯後甜品」。今晚點了芒果甜心同糖甩，芒果甜心食落幾香，入面個牛奶布甸同云尼拿雪糕幾夾，再佩上芒果，幾好。糖不甩方面就無咩特別。

作為正宗既大埔友，當然聽過區內幾間出名既甜品鋪。其中一間就係今次要介紹既「飯後甜品」。點解佢會甘出名? 其中一個應該係因為近大埔墟火車站，係火車站行10分鐘左右已經到達，而且好多明星幫襯過，例如林欣X等等 (因為佢都好似係住大埔架) ，所以依間鋪頭雖然細細地，但都好出名。同埋佢地既服務態度係溫馨既 (姐係店員有禮之餘又講得下笑，又同客傾到計)，所以好多街坊都鍾意落街食「飯後甜品」店裡面既甜品其實都係平價選擇 ($30-50)，今次試左佢地既「好立克綠茶雪糕綿綿冰」 (因為又係2個女仔，食完飯後想傾耐D計就去甜品店了! ) 雖然賣相唔係十分之吸引，不過勝在有內涵既 (姐係味道呀!) 因為好少餐廳有甘足料既助料 (姐係綿花糖啦﹑朱古力醬啦﹑同埋威化餅!) 可能好多人會擔心好甜，不過佢溶既速度都快 (可能因為熱啦) 所以又淡走左個甜味不過就真係要快D食啦，同埋夜晚愈夜愈多人等位 (街坊出動的原因吧!) 所以可以傾計都未必傾到耐既餐廳，但都開心架，因為店員都唔會真係趕你地走的!

哩間糖水店由我小學屹立到而家，對比同區糖水店黎講一啲都唔容易。每次入店就發現牆上既相片📸越黎越多，見證住時光既流逝。不過咁多年無變就係老闆娘親切既態度同埋餐牌上別有洞天的餐品名稱，雖令人摸不著頭腦，但隨時有驚喜發生😳。朋友點左白雪戀人$32，即係牛奶奶凍配雪糕🍦，雪糕有多種口味揀，唯獨朋友今日想食既朱古力味剛好缺貨。朋友話奶凍不錯很嫩滑，搖搖下很躍動，有奶味🥛但唔算香濃，而雪糕是大眾品牌出品不過不失。我就揀左自選組合，雜果拼涼粉$35，雜果包括芒果🥭、哈蜜瓜🍈、西瓜🍉、火龍果，配上椰奶🥥別有一番風味，非常透心涼。完