飯廳 (已結業)

Set lunch 三十幾蚊，都幾好味，我試過燒汁有骨豬扒（可配飯、意粉、薯菜），塊豬扒煎得好香，但絕唔會覺得硬，意粉份量略少，不過炒得唔錯；而另外一次食個咖哩牛肉蛋包飯，佢唔係日式蛋包飯咁，佢蛋皮係薄薄，入面的飯同咖哩牛肉一齊炒，味道剛剛好，而且頗具份量，我都夠晒皮。其實除左主菜，Dining Room個蒜蓉飽真係好正，少少脆外皮，入面軟軟，口感唔錯，個餐湯亦做得好有心機，湯底好厚，只可惜每日只有一款湯供應。仲有要提，就係杯餐飲，凍飲係king size，我差ｄ飲唔晒！(我個俾分只限午餐，晚餐真係另一回事，要開另一條講)

講真... 質素其實好普通..而且樓面都要等幾個字先有人應...而且價錢都幾貴唔會再幫襯..

上同事屋企參觀，但他說因為地方淺窄沒辦法為我準備晚餐，所以一行人落樓下醫肚。餐牌都幾多選擇，但絕大部份o既同事都點了焗包系列，本人也點了一個紅酒焗牛尾。端上來時，個個同事都嘩嘩聲，因為份量好多(總之叫半份)，食完裡面都食唔同焗包。講番味道，紅酒牛尾，倒不如說紅酒薯仔紅蘿蔔較貼切，牛尾得二舊，而且紅酒味不夠，偏鹹：試過其他同事如咖喱雞、白汁海鮮、同咖喱羊肉，味道只屬一般，食到最後個包都俾汁浸腍晒，見到都唔想食，貪新鮮者一試也未嘗不可。

我是在中國染廠大廈分店享用晚飯的! 我們兩人沒有訂枱, waitress 給了一張可以坐五人的梳化位, 很舒服! 我們叫了一個焗忌廉青口麵包(standard size)及一個set dinner, 前者太大了, 但很好吃, 我看到有些人只吃了裡面的青口, 整個麵包也掉了, 我們連麵包也吃了, 另一個set dinner 是羊架, 也很嫩, 本來老公唔食薯條, 他也說做法不同, 很好吃! 整體滿意, 希望可以繼續維持下去!

自己諗下啦.......唔掂囉.................................

個dinner d價錢都幾貴而且d牛仔骨真係得骨唔抵食

個飽硬到死...入面意粉又唔好味..仲有你地d糖漿壺好dirty..麻煩下次洗過先比人客..得裝修靚....

我真係咁耐以來去一間餐廳d服務質素咁差.仲要有錯唔認.個日我落左一個order要意粉.佢比左飯我.我話要轉番.點知個位樓面的黑衣哥哥..不但話我講錯.仲要比d好唔滿意既眼神我..大大聲同廚房講.轉過.好似講到我好唔岩咁.好多人望住我.所以我發誓以後都唔去.廢時又比個黑衣哥哥d面色赫親.

這問餐廳好清新舒服，食物幾特別、又好味，唔錯bor!

洋食居酒屋(日本+ 意大利菜)大角咀奧海城2期UG62號舖Tel: 2749-2088

唔好以為香煎鵝肝+ 牛柳+ 泡菜石頭鍋飯係分別三度菜.其實係一個二人份量的菜式.鵝肝好甘香.幾大件.牛柳都過得去.(at least冇加鬆肉粉)..個飯幾香.多菜所以幾健康. 不過兩個人都食唔晒~!我幾鍾意佢地個decoration.白色主調+簡單線條+得意別緻的?具.最鍾意牆上o個個用投影器放射出來的大鐘同檯面的Salt n' pepper器具.好特別呢.可惜..侍應姐姐們都係比較生手."轉數"唔夠快.我明明用緊個隻叉佢地都會收左去.又會漏下單咁啦.仲有小朋友如果order意粉餐可以入去佢地個Open Kitchen同師一切整咖.我見小朋友們都玩得好開心.仲有頂師高帽可以番屋企做紀念呢~