食鮮辣滷車仔麵

營業中

休息中

話說車仔麵係我嘅童年回憶，還記得以前讀中學嘅時候，一個星期總會有兩日都會去食車仔麵，真係食極都唔會厭，每次都可以叫不同的餸！今日同朋友去咗公司附近的車仔麵，裏面座位大約可以坐到10個人，下午茶時段都坐得舒服，都有打卡牆壁！車仔麵配料選擇都有四十幾款，另外仲有幾款飯類…三餸車仔麵揀咗湯底是滷水汁，滷水豬大腸夠淋又入味、瑞士雞翼我至愛，炸廚師腸啱晒我，腸仔我鍾情於廚師牌，炸過嘅更加好食，紅薯粉就好似透明嘅粉絲咁，食落去都係煙靭！另一款湯底都係滷水汁，揀咗幼麵， 滷水金錢肚都係夠淋同夠入味，秘製雞肉食落去又唔會鞋，魚皮餃食落去魚皮都好煙靭，裏面包住咗啲魚肉！咸檸七：天氣開始熱，解暑一流！荔枝特飲：飲完仲可以食埋粒荔枝😍

小店位於灣仔藍屋旁邊，主打車仔麵，可按個人喜好選擇主食、配菜、醬汁、小食等，價格親民且服務態度友善。店內座位唔多，但座落舒適，唔會覺得好逼，喺附近返工嘅可以試一試。配料選擇好多，牛展、肥牛、豬頸肉、豆腐、鳳爪、蛋、台灣腸、魚肉春捲、蘿蔔、紫菜等，樣樣要少少，同朋友share啱啱好。麵條方面有咖喱撈麵同大辣mix咖喱醬米線，軟硬程度適中，而且幾掛汁！大力推介拳頭母，福建美食，第一次見，係形狀似拳頭嘅豬肉類製品，大大粒，咬落彈牙，一定要點。芋頭丸係自家製，入邊有真芋蓉，綿綿哋又保持到彈牙嘅口感。咖喱魷魚夠爽口，咖喱唔算好濃，反而食到魷魚嘅鮮甜味。豬紅滑溜，帶半分爽口，鍾意食內臟嘅冇可能唔叫！最後要埋杯荔枝特飲Gur一Gur，整體性價比高會回訪。

一入舖，明顯係用港式作招徠嘅偽港式車仔麵，無一樣食物係似樣。臭豆腐細得可憐，根本同炸豆卜無異，同呃人無分別。成碗麵只有沙茶醬味，份量少得驚人，地方狹窄，丁咁大張枱夾硬要四人坐，而店主明顯唔係香港人，出品根本就唔係港式味道，出品如同小孩玩煮飯仔。咖哩魷魚無咖哩味，所謂牛坑腩根本係一嚿又硬又柴嘅肉，豬紅淡而無味，所有配菜又少又碎，絕對不要被騙。

某日路經此店，吸引小人的並非其車仔麵，反而是近年罕見的臭豆腐，於是買了一串臭豆腐加一串炸大腸是也。每串承惠十八個大洋（外賣加一個大洋）的小食，臭豆腐有三舊，炸大腸有四粒。其實買了之後已心知不妙：皆因臭豆腐獨有的味道完全沒有散發出來，打開袋子，果然無味！所謂的臭豆腐就只是三舊炸到實一實的豆腐件，非常硬淨，毫無味道，食到的就僅是甜醬，跟以前街邊食到嗅到的感覺根本是兩碼子的事！炸大腸食到的同樣只得甜醬，不夠脆，超難食！要重現以前掃街的情景，可能只是一種妄想。

中午行過，突然想食車仔麵，於是同朋友二人外賣兩碗麵和三個小食試試，外賣自取9 折，見店內位置有限，所以最後都無叫外賣。我叫左個「食鮮九寶麵」，價值$78，想試試大部分餸嘅味，但原來…. 所有餸嘅味道係一樣，仲要基本上唔入味，豬紅無味唔滑、牛腩都叫林身，但唔入味，滷水雞翼唔新鮮，冇肉汁，除咗個滷水豆腐比較滑以外，其他餸都係發生一樣情況，非常失望。至於追加小食，每個小食大約$18至$20 ，點了一個腐乳通菜、一個單骨雞翼、一個韭菜豬紅。腐乳通菜和單骨雞翼份量非常非常少，少得有點嚇人，腐乳通菜只有兩啖而單骨雞翼竟然係$18得四條骨（即係兩隻雞翼）， 單骨雞翼可以話完全冇醃過，完全冇味，好似炸完之後求其沈啲孜然粉喺上面，但係價錢就每一條骨都好似鑲左金一樣咁貴，韭菜豬紅，正正常常，但係豬紅唔入味，韭菜只有寥寥幾條。本來自己對食車仔麵都冇咩要求，所以以上嘅情況就算啦，點知食完之後，就係咁肚痾作嘔，竟然染上了腸胃炎，我真係多得呢餐飯唔少，車仔麵之中佢已經唔係叫做平，每樣餸都做唔好，完全唔入味，所有餸菜味道單一，完全做唔到車仔麵嘅水平，小食份量奇少卻價錢奇貴，最後竟然令我染上了腸胃炎，我以後真係唔敢再

車仔麵基本上難度低到乜，靠醬汁同湯，佢竟然可以令本身肚餓的我，食唔晒。點了鹵水汁，完全乜味都無，水咁。問佢係咪已加，態度應酬下你答加左，反問我係咪有點鹵水汁。之後頂唔順再問多次，貴店真係加了鹵水汁落去，個廚房至一路整兜汁出嚟，一路依依哦哦。兩餸加油麵，墨丸同魚皮餃，一拎過嚟嚇親，每樣2 粒！魚皮餃細隻到幼稚園學生都唔夠；墨丸佢寫爽滑彈牙，咪玩啦，實的的又粉；油麵又斷既；佢咁份量仲少過銅鑼灣，簡直係奇景。

味道正常，但堂食熱到頂唔順，唔建議焗桑拿咁食熱既車仔面。唔明點解冷氣要較27度，唔知係咪想你快啲食完趕你走唔想你坐。餸唔多，價錢唔係平，温度絕對會頂唔順，唔建議堂食

心血來潮 想吃車仔麵就外賣這間車仔麵3餸但66蚊，3粒韮菜餃，3塊豬皮，1條生菜，碎濕濕的牛腩。論味道，它的餸菜的確一流，配上bb辣湯，跟粗麵很撘。但份量的確少很可憐。

買4餸，只比左3餸，返到公司先見到，冇計，冇癮，拎外賣盒時又蓋好晒，唔通下次打開檢查左先走咩，呢啲真係冇得避，打去鋪頭雖然話肯退1餸錢，但又要人無啦啦咁熱天氣行多次囉，嬲

呢日晏晝呢非常之熱，唔想買外賣拎返公司食，行行下就貢左入黎，呢次係我第一次食。都幾好，近門口處有個單人自閉位，食食下仲發現原來呢度仲有二樓。我都係亂填，要了秘製坑腩、雞腎同芋頭丸，碗麵埋相就麻麻，可能我唔識叫啦，上網睇圖明明幾靚。碗麵我就冇乜感覺，食完冇乜記憶點。杯凍檸茶就有少少特色，雖然杯細細，但杯身都幾得意架。不過我就嫌杯野飲唔夠凍啦。坐喺門口都有個好處，就係見到不停有外買單，睇黎都好多人幫襯。希望我下次識得叫碗靚麵啦。

客觀講句，車仔麵嘅味道係幾好味既但重點係，每樣餸嘅份量係極少，係極少嗌魚蛋得兩粒，韭菜餃都係得兩粒，麵嘅份量就正正常常但價錢就偏貴，正常男人應該要食$100先會飽肚

本来想去吃samsen，可惜在装修，就随意在同条路上选一家好了。店面装修得很有小店特色，感受得到用心。入店就闻到臭豆腐的香气，本来想试下下午茶，可惜未到时间。端详纸质菜单，觉得写得很清晰，不像其他的一些台湾卤味/麻辣拌/小吃店看不懂（我笨，而且打完勾给店员即可，适合社恐人士。🌟滷水豬大腸+臭豆腐+菜底 42汤汁很够味，大肠份量足，菜底很清新，食完不会觉得很咸很口渴。臭豆腐只得两块炸得比较干、脆，内里扎实。价格在湾仔来说也还好了，bgm听到了步步惊心的主题曲，真的很感动，上大分！店员态度很好，支持微信支付宝，看到贴着大众点评的标签，有点害怕（什么心理？该店还有即烧的烤串，晚上还有夜宵，应该也不错～

味道不錯的車仔麵3餸車仔麵$45 配 汽水$6特別要求了多蔥多芫茜店家毫不吝嗇地給多了相當份量但其秘製咖喱汁湯底就不太特別，不過不會太鹹配料方面有：孖根，豬踭和拳頭母因為拳頭母比較特別，所以點來一試類似札肉口感的肉餅？牛筋較淋，個人口味較喜歡爽脆，滷得算入味。豬踭很肥美，個人不愛，肉不嚡不柴。友人點了５餸車仔麵$55 +豆漿$10配料有：臭豆腐，滷水雞腎，咖哩魷魚，蝦餃及菜心。咖哩魷魚，普通發水魷魚，咖哩味不濃，味道像是一般港式咖哩汁味，沒有特別，不用特別一試。臭豆腐極少餐廳會提供，所以一試，臭豆腐的確很臭，但外皮炸得太硬，口感變得硬脆，內裡有點鬆，有點油膩。雞腎難得的角切雞腎，而且爽脆滷水味則沒有。而蝦餃則可免，鬆散。菜心正常。 整體不差，但未至於推薦。價錢不算貴，環境不差，想在灣仔區吃車仔麵時，可以考慮。

灣仔原來新開咗一間車仔麵，充滿懷舊風味，有別於一般車仔麵店，除咗港式仔麵，亦有吾少特式配料同串燒供應，食到好飽飽🤰🏻✿ 臭豆腐 $48臭豆腐系呢度皇牌炸物之一，聞到好大陣臭味🤣確實臭得過癮🤭炸得好香脆，沾上甜醬更滋味。✿ 清香翠玉瓜 $15✿ 秘製燒豆卜 $18✿ 蜜糖燒廚師腸 $18✿ 蜜糖燒墨魚丸 $18✿ 椒鹽燒賣 $18翠玉瓜多汁💚 蜜糖燒廚師腸同墨魚丸好有BBQ風味🔥椒鹽燒賣椒鹽味重。✿ 5餸車仔麵 (咖喱汁·BB辣)咖喱湯底都有啲辣，食得辣先好叫🥵5餸揀咗自製韭菜餃、咖喱水魷、咖喱魚蛋、台灣墨魚丸、蘿蔔，咖喱水魷咖喱味好濃🦑💛又爽口，墨魚丸爽口彈牙，咖喱魚蛋港式風味濃厚，咖喱香氣濃烈💛✿ 4餸車仔麵 $50 (滷水汁·BB辣)滷水汁湯底清甜，甜中有辣感覺幾特別。4餸揀咗招牌牛𦟌、滷水豬軟骨、魚皮蝦餃、滷水蛋，牛𦟌好淋但牛味幾重，滷水豬軟骨嚼勁正常，魚皮蝦餃又幾過癮😆系水餃戈隻皮但系蝦肉餡🦐✿ 紫心香芋丸 $28同日式放題香芋丸味道相似💜香芋蓉夠滑。

👦🏻👧🏻去完灣仔行街後一齊去咗「食鮮辣滷車仔麵」，車仔麵店唔止有車仔麵，仲有串燒食(隔離枱仲叫埋臭豆腐🧐)！🌟車仔麵+串燒套餐(1)呢個車仔麵👧🏻叫左秘製牛孖筋、豬頸肉、滷水雞翼、韮菜餃、拳頭母。牛孖筋夠淋夠入味；豬頸肉肉味濃厚切爽口；滷水雞翼夠入味；韮菜餃好有自家製感覺，調味較清淡；而拳頭母即係由豬肉所製成既大肉條，係閩南小食！食落幾彈口又有少量豬筋👍🏻。湯底👧🏻揀左麻辣(BB辣)，辣味較溫和，飲落口仲有少少蒜味。🌟車仔麵+串燒套餐(2)呢個車仔麵👦🏻叫左招牌牛𦟌、滷水鵝腸、牛坑腩、豬軟骨、豬頸肉。牛坑腩夠入味有啲咬口；鵝腸爽脆；牛𦟌牛味濃夠入味，而豬軟骨煮得夠淋👍。湯底👦🏻揀咗滷水汁(BB辣)，湯底夠濃，不錯不錯。🌟串燒日本一口牛//牛舌🐮一口牛牛味香濃，全部切得細細粒。薄切嘅牛舌燒後唔會太韌，比預期中軟身又有啲咬口孜然雞軟骨🐥雞軟骨夠重孜然味，脂肪、雞肉、軟骨三者並重。孜然燒雞皮超值得推介，雞皮極脆而唔油膩👍。秘製燒豆卜豆卜燒得不錯，外脆內軟，唔會太乾。蜜糖燒台灣腸台灣腸蜜糖味濃，咬落爽口。秋葵比較爽脆，同樣燒得唔乾。