食神麗宮

營業中

休息中

📍 食神麗宮 - 西環平時住屯門嘅，我都好少會過海食飯今日同阿哥就去到西環嘅酒店酒樓到食飯～阿哥推介｛食神｝餐廳雖然裝修係好普通嘅酒樓，但係估唔到啲嘢食嘅質素比預期中好好食，而且份量好大碟。仲要係普通嘅酒樓價錢食酒店質素😗✨ 靚湯海味雜菜煲夠晒鮮甜嘅靚湯，仲要冇味精🍲飲完唔會口渴🫕內有什菇，魷魚，粉絲同菜心、生菜⋯菜很新鮮，唔係求其比啲菜頭菜尾俾你食，份量多個湯又好飲🤌✨ 特醬燒乳鴿非常出色！個皮超薄燒得勁脆，肉質唔乾juicy，而且好入味，超推薦💯唔使准鹽同醋，都已經有好入味。燒到金黃色，皮脆肉嫩，肉味好香，油質較多，食食下成個嘴油到閃令令😋✨ 工夫小炒皇夠晒鑊氣，食材不馬虎，夠晒份量！入面有韭菜花、魷魚、蝦仁、蝦干、腰果等，十分足料！魷魚爽口彈牙，腰果脆身，韭菜花味道香濃，味道豐富，口感十足，用黎送飯一流🍚✨ 生曬吊片炒粉絲上枱嘅時候係撲撲聲，炒粉絲嘅份量多到嚇親！粉絲入味有嚼勁，唔會炒得好乾身～仲好夠鑊氣，仲有唔少椰菜、西芹。好豐富😋

係正香港華大盛品酒店地鋪有間中式酒樓 牆身仲貼左吾少名人到訪餐廳嘅相 相信有一定歷史同埋知名度😉🍀魔汁生煎蓮藕肉餅蓮藕肉餅煎得好香脆可口 聞落去已經好香 咬落去仲有肉汁 加埋蓮藕嘅爽口 口感層次感分明 好好食一定要叫😆🍀蒜子火腩紅炆班腩火腩加埋斑腩 好夠飽😋 材料亦都好足 枝竹 火腩 斑腩嘅份量好多😗 斑腩好新鮮 有魚香味 要小心有啲骨位😝🍀食神叉燒拼腩仔半肥瘦叉燒 增加口感層次感 幾好食😉 燒腩仔嘅皮好脆口 點埋少少芥末醬食更加惹味😛🍀椒絲腐乳通菜炒牛肉牛肉好大片而且好嫩滑 通菜煮得恰到好處 口感爽口 如果腐乳味道再濃啲會更加好食🤣🍀炸魚塊配山楂汁炸魚塊熱辣辣上枱 一共有六件 每一件魚塊下面都有一塊多士 魚塊同多士一齊食 口感幾特別😜

見到網上評語不錯， 又是西環的街坊， 冇理由見到個食神牌，放咗咁耐都唔去試下 ，該酒樓又是在一間 酒店旁, 見有個叫做食神 人形紙牌放在門旁 ，因此， 充滿希望地入去晚飯，同家人一行四人 叫了一個四人套餐 包括有半隻木匠鴨， 炒斑塊，蒸斑塊， 龍蝦伊麵， 螺頭湯等等，共1280,價錢一般，古唔到食物水準.... 好耐未食過這麼難入口 的菜， 死鹹的斑片， 充滿油份嘅螺頭湯 只有鹹味的龍蝦伊麵 ， 求其放埋一碟嘅西芹炒班球， 唔怪得場面冷清 ，冷清的場面 ，總是有原因的, 可一不可在。

早茶時間仲有兩張吉枱，以為可以安樂飲茶。個阿姐就走過來說要我哋坐另一張枱要搭枱。我哋坐唔入果張，太窄。坐番張吉枱，點知阿姐話你哋坐一邊，要搭枱的。咁都得？揾經理投訴，點知佢話D枱係公司財產，我哋比邊個坐，點坐係佢哋決定。阿姐冇錯，亦唔介意公眾知道我哋的做法。個經理仲話戴龍師傅不是老細。咁有道理，你老細真係多謝你兩個啦。

睇過周星馳《食神》都唔會陌生呢度嘅老闆—戴龍師傅！如果真係唔認得，建議你要返太多次食神😏霸王別姬湯 — 古法秘製，真材實料，超多餸！所以真係個湯又濃又香又好飲！我飲左好多碗！！特醬燒乳鴿，你睇啲油光光澤都知係好味🤤仲要都幾大隻，好多肉食，真係好正！乞兒雞 — 要預先訂，戴龍師傅親自為你解釋呢度菜嘅由來，整法，啲泥係咩泥，該品嚐嘅角度，淨係呢一段都值回票價！其他小菜都一樣好食，建議人多過嚟可以叫多啲餸，因為呢度嘅份量都大大碟，一定食唔晒 。戴龍師傅亦非常好客，只要你肯敢問，佢一定會答你，佢係非常熱愛煮嘢食，食嘢，你同佢傾菜式啊，傾以前拍戲嘅事，佢都好樂意同你坐低傾偈，我感到呢餐飯係好有味道，遠遠超乎過價值。

男人的浪漫,除卻豆腐火腩飯,尚有很多優選;就在這次好友約局於西環的食神麗宮裡面,兩人陶醉於一些精心製作的懷舊名菜食味之中,無疑是有氣氛到了一個點!撇除在星爺電影中的演出,現實中食肆的老闆本身是廚藝高超的師傅,推而及之,因此可在這裡完美地接受那些得獎/秘製菜式滋味!食肆的裝潢呈現濃郁的港式酒樓風格,以金色及白色為主調,高樓底配上大吊燈,未說得上金碧輝煌,但順眼舒服!而且冷氣/抽風系統有力,枱面,餐具都乾淨整潔,讓人甚有好感!翻開餐牌薄,重點戲就來了;裡面介紹了一些食肆/菜式的前世今生,不單有股懷舊的況味,而且選擇還相當豐富!對於這些價格相當平實的菜式,與好友沒啄磨多久就選好了,就馬上落單;一邊歎著鐵觀音,一邊再翻揭著餐牌薄來等著上菜;而上菜節奏也高效,吊片炒粉絲率先登場;說明不用味精,只用原醬/原料來烹調菜式,此粉絲一入口已經與眾不同!粉絲質地煙韌中又帶幾分爽彈,吊片的鹹鮮味巧妙地融入粉絲中,而粉絲味道雖濃郁卻又是整體偏淡的鹹味,確是美味可口而不膩!芹菜絲及吊片絲增加了味道層次與口感,整體完成度十分高!棚戲龍蝦湯泡粥,便可一嚐那懷舊滋味;在那資源及生活條件仍未算富足的年代,一代又一代的廚

放左工之後揀咗間由食神戴龍師傅主理嘅中菜館，師傅係香港四大名廚之一，中菜館堅持唔用味精雞精，只選用純天然山珍野菌同生曬豉油調味，非常期待嘅一餐。特醬燒乳鴿乳鴿皮脆肉嫩，肉汁豐富，特醬嘅香味係恰到好處，突出乳鴿嘅自然美味。蝦籽山根燴花膠花膠同埋山根吸收咗蝦籽精華，每一口花膠充滿住蝦籽嘅鹹香味，配料豐富，仲有燒肉、香菇、蔬菜。上湯波士頓龍蝦伊麵波士頓龍蝦肉質鮮嫩彈牙，每一口都能嚐到龍蝦嘅海洋鮮甜，伊麵吸滿哂龍蝦嘅精華，每一啖都係鮮美嘅滋味。花生糊今晚甜品係花生糊，質感細膩而香甜，飲完暖笠笠。

餐廳位於德輔道西同水街交界的華大盛品酒店地舖，曾經在港麗酒店金葉庭擔任主廚的戴龍師傅所主理，戴師傅除了為香港具代表性的電影《食神》內擔任飲食顧問並客串一角之外，更是香港四大名廚之一，今天，有食神了。Hooegaarden，先來一杯至愛的啤酒，中式餐廳都有用上冰杯，有夠貼心。 食神醬燒乳鴿，乳鴿香味濃重，那種乳鴿的香騷味喜歡乳鴿的朋友定必定能大快朵頤，皮脆肉滑，招牌果然是招牌。魔幻汁煎蓮藕肉餅，蓮藕餅兩邊也煎得很香，爽口的蓮藕粒與肉餅令整體的口感很好。通菜牛肉，牛肉口感軟嫩而不帶任何化學反應，與通菜是很好的配搭。印度皇室咖哩牛腩跟香脆長城饅頭，廚師以印度皇室咖哩牛腩秘方炮製，牛腩炆得軟腍而入味，咖哩汁濃香有特色，與炸得香脆的長城饅頭同吃，相當出色。

趁天氣好到西環賞日落, 之後就到附近華大盛品酒店的食神麗宮吃中菜, 這裏座位舒適, 餸菜又夠特色原隻龍蝦炒乳酪 $268龍蝦起肉後加入蛋白炒, 再灑上蟹子, 龍蝦外殼完整地放於旁邊, 很有氣勢, 賣相奪目吸引, 龍蝦肉很彈牙, 蛋白炒得軟滑健康野米浸雜菜 $98份量十足, 有野米、杞子、瑤柱、粉絲, 及多款蔬菜, 包括西蘭花🥦、莧菜、生菜、白菜仔🥬、菜心等, 健康又美味特醬燒乳鴿 $48乳鴿皮脆肉嫩, 很惹味, 吃得滋味雲腿螺頭鮑魚燉雞湯 $98燉湯味道香濃, 足料好味, 有大大隻鮑魚

行海味街行到間酒店旁邊食中菜的酒家，門面好有氣派，養著活海鮮魚缸，還有好多獎杯🏆放著門口，感覺同餐廳名一樣食咗變食神🤭一開茶位就會有懷舊嘅小食花生🥜開下味蕾先👍🏿特醬燒乳鴿$48妙齡乳鴿，味道剛好，一口一啖，肉質鮮嫩！皇室咖喱牛腩配香脆饅頭$168用印度皇室咖哩真係好濃烈味道，口味層次分明，味蕾急速襲來！翡翠炒鮮斑球$198清淡味香，斑肉肥厚，菜鮮甜！魔汁生煎蓮藕肉餅$108好有重量嘅蓮藕餅，肉多蓮藕少，食兩件都滿足😌仲有飯後甜品五谷糖水，真美味😋

自設大型魚缸近正門位置，那就不要錯過海鮮佳餚。翻看菜牌，即時注意到這個菜「大海斑兩味」。餐前小食 - 花生大海斑兩味✨️ 清蒸頭腩清蒸斑頭腩，火候控制得宜。大海斑魚鮮味突出，完全沒有魚腥味，魚肉新鮮嫩滑，原汁原味。魚皮爽口，膠質豐富。✨️ 翡翠炒斑球厚肉鮮班球魚味濃厚，肉質爽滑彈牙。魚肉不散，嫩滑得來帶鑊氣，火候掌握得恰到好處。✨️ 鮑汁海參鵝掌以鮑汁燜煮海參鵝掌，香氣濃郁，軟腍得來有咬口，油潤爽口。✨️ 椒絲腐乳通菜炒牛肉以鮮牛肉來烹製，份量不少。通菜爽脆可口，加上腐乳的鹹香和椒絲的微辣，是最好下飯的小菜。✨️ 南瓜西米露吃得飽飽的，店員送上糖水。內含南瓜、 西米和粟米粒，味道清甜，也不錯。

我和大學同學很久沒有行水街這一邊，今晚就在大學樓下吃個晚飯懷緬一下過去，餐廳就在電車站旁邊十分方便。內裏裝修簡單得來樓底夠高而且又乾淨，很適合一大班人的聚會。【醬皇煎黑豬腩肉】店家秘製的醬汁有點像檸檬混入蜜糖芥茉醬，味道甜甜地很開胃，先豬腩肉中間肉汁流出，又帶點肥膏的脂香味，外皮更有香脆口感。配料的蜜桃和西蘭花就剛好中華和了油膩。【炸魚塊配山楂汁】漁塊肉是滑溜溜的，炸得十分香脆，夾着長方形的饅頭一起吃，滋味十足，加上山楂汁甜甜地又開胃。【千本漬物豆炒帶子】帶子彈牙鮮甜，夾著三色椒、筍和四季豆一起，炒得香口。【魚香茄子煲】端出來的時候鍋還是熱辣辣，醬汁還是起泡的，充滿鹹香味的魚香茄子送飯一流！

昨晚二人晚飯，點了龍蝦伊麵、乳鴿、戲棚龍蝦湯泡粥和金銀蛋莧菜。雖然嫌乳鴿比較鹹，但其他餸菜味道不錯，份量也足。埋單時，我沒有細看就結帳了，正想離座，丈夫說可能收貴了錢。我拿出menu，上邊寫著金銀蛋時蔬$88，為何收據寫$108？於是走去收銀處問個究竟。收銀員說現在很忙，等經理來搞清楚。我唯有回座位等，可是等了良久，仍然沒見她處理退款。丈夫再上前詢問，她才說我們點的是金銀蛋莧菜，要加$20。我們說落單時你們沒有說明，menu也沒有這個菜式，難道莧菜不是時蔬？何以突然加價？如果加價也應該落單時先告訴客人；再者，收據也是寫金銀蛋時蔬，而非莧菜。至此她才退款。其實$20只屬小數，但一家食客盈門的飯店，如果有這樣態度傲慢，言辭狡辯的員工，就太可惜了！

食神麗宮 位於西環西營盤, 有兩個入口, 正門設於德輔道西, 門面很有氣勢. 側門可由  華大盛品酒店 入. 酒家內有食家明星照片, 相當耀眼.存有不少中外名酒,   可供食客品嚐.不乏飲食行業頒發的獎杯和金牌.食堂燈飾華麗美觀, 座位舒適, 並設有 VIP房,侍應安排座位,  開茶及送上餐牌, 好有規律. 大家飲口茶食些餐前小吃,  感覺水滾茶靚, 花生好脆口. 餐牌有多頁,  第一頁介紹食神總策劃戴龍師傅, 之後彩頁餐牌介紹菜式好清晰, 選擇冇難度, 價錢豐儉由人.  我們叫了燉湯和小菜,  上檯夠熱, 雲腿螺頭鮑魚燉雞:  冬天飲燉湯最好,  滋潤暖胃. 真材實料, 有雲腿, 螺頭, 鮑魚,  雞, 瑤柱碎, 瘦肉. 燉湯夠火候, 香濃可口, 有益又好味.特醬燒乳鴿一隻,  皮脆脆, 肉厚厚,  特別喜歡那 鹵水料的香味,   脆皮底下的 肉好鬆軟,   肉厚而不肥,   很滋味,  山楂汁脆蝦球, 蝦球好巨型, 有六隻, 伴有菠蘿, 三色椒炒, 有鑊氣. 蝦球肉質新鮮彈牙, 山楂汁開胃, 調味非常好, 酸甜度剛好.蒜子火腩紅炆班腩,   上檯已香氣撲鼻,  蒜子好香又惹味, 

今日去西營盤探朋友，佢帶我去一間充滿富麗堂皇的酒樓食飯。飯店裝修新潮設計，燈火輝煌，而且掛上一些新年的裝飾，更添新年氣氛。餐廳裝修好中式，好精緻好靚，坐得好舒服。1特醬燒乳鴿首先我哋嗌咗隻乳鴿。乳鴿即叫即炸，熱辣辣，非常美味。乳鴿外皮脆卜卜，肉質好Juicy，有好多油。廚房整得好好，唔會炸完就好柴。而且醬汁味都好濃郁，好味。2粉絲大蝦球呢個係一個粉絲煲，表面有香蔥作點綴。粉絲份量非常多，而且沾滿晒醬汁，食落特別惹味。蝦球大大個，而且份量多，食落好彈牙，令人食完一個又想食下一個。3雲腿螺頭鮑魚燉雞湯本身我就好期待呢個燉雞湯，果然冇令我失望。湯品好清甜，雞味濃郁，但又唔會太油。另外仲用上咗火腿肉、螺頭同鮑魚燉高級材料，飲落特別香甜。螺同鮑魚食物質地啱啱好，好淋，唔會煮到好韌咬唔到。湯頭整體好鮮甜，食得出用料好。4扣8頭鮑魚花膠鵝掌花膠鵝掌賣相好好，醬汁非常濃郁。鮑魚係八頭包，大大隻，食落好腍，而且好入味。鵝掌都好入味！另外仲配有花膠，花膠大大條，充滿膠質，黏黏地，好好味，啱晒補充骨膠原。最後仲有一條新鮮嘅生菜，整體配搭都非常好。