食樂

營業中

休息中

中路過呢間餐廳，見佢外面裝修幾靚， 放滿曬綠色植物 ，內裏又坐滿曬人 ，再望一望個價錢牌，又唔算貴喎 ，於是就入去試一試喇。一入到去就見到一大幅黑板畫，上面畫曬啲可愛嘅貓貓， 勁得意。中午人比較多，有好多學生哥都嚟食飯，座位逼夾， 需要搭枱，坐得唔係好舒服。紅咖哩雞扒飯落單冇耐好快就上菜喇， 飯嘅賣相麻麻地， 粗略數過雞扒若莫有五舊， 份量適中。 咖哩入口微辣，帶些少香料香氣。 雞肉唔算入味，但亦冇話有雪味。味道唔錯，但冇乜驚喜，整體中上。 除餐送一杯熱咖啡， 承惠68蚊。

I recently had the pleasure of trying the lunch set menu at a multi-cuisine restaurant located in Kwai Fong. The variety offered was impressive, with options ranging from curries to baked rice dishes and pasta. For my selection, I opted for the Grilled Chicken Roll with Salad, a healthy choice that did not disappoint. The presentation of the dish was visually appealing, and the flavors were outstanding. The grilled chicken was perfectly cooked, tender, and juicy. The combination of spices and se

晚黑同男朋友去葵芳經過見到，覺得唔錯嘗試下，有dinner set 好多款簡，叫左個德國豬手，同原條鰻魚炒飯，配有餐湯/沙律，甜品，同野飲，加上又唔洗加一，幾抵食又唔洗等位，餐湯有配蒜蓉包添！！好味！鰻魚係原條上，豬手又會幫切好個皮好脆啊，好貼心，甜品都幾好味，勝在唔會太甜，環境都好安靜，有氣氛，服務態度好，上菜慢左少少，可能因為要煮，不過好在唔趕時間，可以等，下次想試下tea time來食～真心推介～

第一次去朋友介紹葵芳食樂 出品好ok價錢抵食環境都幾好 新品大蝦燴飯好好食甜中酸好開胃 西泠都好大件係葵芳黎講性價比超高老細都好健談各方面都好好下次繼續介紹朋友黎試下

見餐廳外觀幾靚，午餐價錢又唔貴，帶小朋友入去試吓，上二樓，要經過一條好狹窄嘅樓梯先到二樓有啲位置都幾多雜物🥶小朋友食粟米汁雞扒飯+ 凍菜蜜佢覺得好食嘅～我就食豬頸肉撈檬+ 凍檸茶味道非常之一般，凍檸茶嘅味有啲啲似菊花茶😓聽到隔離枱食客話佢碟飯唔熱🥶食完之後我小朋友好肚痛😨而我就晚上開始肚瀉、胃抽筋第二日仲發埋燒，唔怕腸胃炎嘅話可以去試吓🙈呢間餐廳服務係唔錯，但我哋兩個各自食唔同嘅食物都有肚瀉，可能餐具太污糟？！🤔食之前有抹下真係唔敢再試😣

Lunch time附近餐廳都要排隊，所以試吓呢間餐廳。五個坐四人枱喺路口放一張圓櫈，餐廳非常擠迫，圓櫈位置食客完全係背貼背坐。都唔係問題，但係服務員阿姐竟然喺背對背坐嘅食客之間拿著剛收好的碗碟強行行過😡😡😡。完全不可以接受，如果食店無位就不要安排客人坐這個位置，如果安排客人坐低就不要強行係兩個背貼背個位置強行行過。沒有常識，危險，員工要再培訓！價錢係平但食物質素差，同事都食淨晒，難食之如味精好重，之後要去葵廣掃街。成餐飯一個字，嬲！

呢間日式餐廳食飯，餐廳地方不大，但佈置得很日式，仲有一幅好大的畫展示餐牌，幾有特色，座位亦舒服。餐牌好多選擇，有特色嘅咖喱飯，雞排煎得好香酥惹味，配飯一流！牛角飽都算幾香脆，有淡淡的牛油味，口感不錯。 日本滑蛋真係幾唔錯，炒蛋嫩滑配上黑𩃭露，口感佳。即磨咖啡，香濃。性價比不錯👍

轉左舖不但貴左好多仲要好難吃，個個飯不但又軟又濕根本煮過頭，個焗飯仲要焗太耐，全部野都熟過頭，之後份量仲要少冇之前（37個時），啲嘢飲貴又難飲，一句講曬超難吃，吾好去吃，吾好做水魚……………………………………………………..……………………………………………………..……………………………………………………..……………………………………………………..……………………………………………………..

從未試過牛肉味咁濃，睇落好干、但係好juicy ，仲要價錢唔貴既封門柳，用慢煮方式可以煮到咁美味，可以比美酒店級數，不過，coffee 有待改進，薯條係新鮮現炸，實在太開心試到一間好食市😜

葵涌廣場有好多掃街嘢食不過有時想坐低食個晚飯都有選擇食樂本身無做夜市，搬左大舖靚左好多之餘重有西餐供應本身餐廳環境都幾舒服，好多植物慢煮牛扒配薯菜，另有一碟烤配菜無上鏡食完仲有件小cheesecake

今日收早，又落雨斯濕，搵個下午茶食下先～落雨就近近地～去食樂啦，橫掂我仲未食過下午茶～一邊嚐食物一邊外望微雨的街道，人都放鬆不少。入正題講食物～今日我叫左個T8- 鹽酥雞粒配田園沙律～當然跟我的標準配置，凍齋啡走甜～因即做需要少少時間～鹽酥雞 ～ 熱辣辣～但略嫌不夠鹽酥，偏向炸雞粒，不過調味本身Ok ，係如果多點鹽～會好啲～田園沙律 ～ 食樂嘅沙律食過數次都沒問題，今次配了炸物， 用沙律嘅醋味及鮮蔬可減輕食炸野油膩感～謝謝招待～戴返頭盔先，我覺得好唔好食≠你覺得好唔好食，好唔好食因人而異。

食樂最近搬左去新鋪位 而新鋪嘅環境大好多靚好多🤣 今次特登過黎食飯 睇下食物質素同之前有冇咩吾同🤫🍀鮮茄芝士雞扒焗飯滿滿嘅鮮茄醬 完全吾洗擔心吾夠汁🥫 推開啲醬汁 睇下塊雞扒有幾大塊先🤫 大小面積黎講都ok嘅 但就偏薄身🐓 大食嘅人可能未必夠飽肚🥹 味道正正常常 餐廳質素 聞落都香🍴 🍀凍奶茶茶餐廳嘅味道 茶底可以再濃啲🥤 計埋凍飲 $50 都算係ok嘅 正常價錢正常質素😗可能其他嘅餐會特別啲 有機會遲啲試埋其他嘅餐😛

因為今日8號風球提早出門口所以有鬆動時間食個午餐，之前一直想去食樂試個午餐，今日因緣際會，又個關門就順理成章去試一下，我點左一個 因為我減澱粉中咁岩佢有個午餐可以轉沙律所以我就叫咗(L7)慢煮西冷轉田園沙律配凍齋啡 $72 *如果唔係我又要佢小飯㗎喇*西冷經慢煮後肉質保持嫩滑，略煎表面香氣撲鼻，再經恰當的調味，$70物有所值 肉質嫩滑～個沙律，我記得佢哋啱啱搬黎時，個午餐餐牌只是寫沙律，而家轉咗田園沙律配法式油醋汁，但係個人覺得如果可以用一啲再重酸味小小嘅醋，會更好，純粹個人觀感。整體上來講$72 *凍飲+$2 係物有所值。**希望下次有機會食埋個晚餐到時再同大家分享

見到有新店，當然試試（雖是移遷）。店的裝修舒服的，但不寬鬆，食完就不宜久留。午市叫了茄汁芝士焗什扒飯，是雞扒和漢堡扒。一送來，是有點失望的，細細的錫紙盒，主觀覺得，堂食這樣上菜就有點落差，$48🤔不算貴，也不算抵。味道很濃的香草，不是一般的茄汁，芝士味欠奉。雞扒薄薄的，香煎了，尚可。漢堡扒，這個價錢，不要有要求，正常吧！加了$5，凍即磨咖啡，很淡，一點甜也沒有，我在疑惑，是這樣的嗎？因為我平時喝熱的。如果這樣，可能$2飲杯普通咖啡算。始終是新店，或許下次會更好。

由主打外賣店及角樓的座位演變成一間餐廳，真是客人的福氣。開業初期沒有晚餐，第一次坐在餐廳食下午茶已經覺得有水準，有晚餐供應當然要去試吓。晚餐選擇有沙律、小食、意粉、飯、扒類。🧅炸洋蔥圈，洋蔥味濃又不太膩。🎃南瓜湯，打溶南瓜做成湯，配上烘過的麵包，增加吸引力。🥗慢煮雞胸無花果沙律，雞胸嫩滑，沙律菜新鮮，配上清新的蜂蜜香草醋汁。🫒🍝辣橄欖煙肉溫泉蛋意粉，用上蕃茄煮意粉，意粉有嚼口，味道不太濃味。🍅濟州黑毛豬鞍扒煙燻蕃茄蓉會飯，飯非常入味，飯不是硬身，軟硬度適中，豬鞍味濃，肉質腍。🥩🥔加拿大肉眼扒配香焗時蔬及薯蓉，七成熟的扒有少許過熟，扒肉質味重，材料靚，薯蓉有少少薯粒有嚼口。整體食物有水準，服務非常好，值得推介的餐廳。