風味園

營業中

休息中

Fung Mei Yuen is a canteen when we cannot think of where to go, haaa, is a not bad restaurantNot every Cha Chaan Teng has whole meal in tea time, but you can have whole meal here if you don't want tea set.I ordered Sweet and Sour Pork Chop rice which tastes really good, the pork chop is soft and tender too, I quite like it. Cause I'm so hungry, no need much time to finish the whole meal, haaaaPIneapple Bun with BBQ pork tastes quite yummy, first try this combination, lovely lovely bunCrispy Fish

喺旺角好難搵地方食野，一係就成日食，一係就好多人。有日比小編搵到多間好食茶記😋 唔洗成日食cafe或者food court嗰啲。呢間係普通茶餐廳咁，不過佢係24小時營業架 雖然唔係所有野24小時都會賣，不過都好少見茶記會開24。黎到呢度試下佢個招牌煲仔飯。入面有臘味、土魷肉餅同蝦乾。啲臘味唔錯，唔會冇味，啲蝦乾好大隻。個煲仔飯幾濕潤，唔會乾身，整體黎講好唔錯，連野飲八十幾蚊算抵食。另外呢度嘅小菜同菠蘿包都好食，同一班朋友唔知去邊食可以黎呢度試下

咁岩係旺角收工得一個人，就是但入間茶記食個晚餐醫下個肚天氣咁凍當然係食個暖笠笠煲仔飯煲仔飯就當然要配臘腸膶腸先岩，咁就叫左個臘腸膶腸排骨煲仔飯⬇配料好足料，有好多膶腸臘腸，豐腴臘味既油香令個飯更惹味，香氣滿溢排骨整得好腍身，味道較淡但配埋濃味既臘味就剛好最後食埋滲入臘味油香的飯焦好煙韌⬇不過略嫌膶腸臘腸既肉質唔厚實，切得較薄，同個飯就較濕同腍身餐牌⬇⬇總括黎講:簡簡單單係茶記食個煲仔飯都唔錯，幾有風味

行完街又未夠鐘食飯，食返個下午茶就最好不過啦風味園既茶餐有好多選擇，粉面飯，多士，正常茶餐廳有既佢都有，唯一佢多左既就係新鮮出爐既面包同蛋撻，但係面包早餐已經成日食，所以就冇叫到粒粒花生醬西多士新鮮熱辣炸出黎既西多士，入面的確係用有花生粒既花生醬，由於太餓既緣故唔記得左影相🤭，再加埋糖槳真係非常好生炸雞脾配薯條隻碟好大，放咁少野感覺好空虛😂😂不過反正佢比太多薯條我都唔會食得曬，呢個份量對我黎講好好，唔使浪費雞脾係新鮮炸出黎既，切開果陣仲好juicy...但係隻雞脾就冇點醃過，冇乜味，如果可以醃過先就最好啦紅豆冰好少茶餐廳會有紅豆冰，雞脾餐係有紅豆冰，菠蘿冰同雜果冰可以揀，個人唔太鍾意罐頭生果，所以揀紅豆冰但呢個紅豆冰令我有d失望，佢冇椰汁或或花奶味，只係好甜既糖水加紅豆，紅豆既份量係多既，但無奈成杯野太甜..多返少少椰汁/花奶同減返少少甜就會好好多

同朋友去打拳 打拳前食個煲仔飯頂下肚環境就普通茶記咁 佢都有十幾款煲仔飯 我就叫左個鳳爪排骨煲仔飯一黎到 都算大碗 有埋豉油比你淋 肉既份量正常 味道都正常 最正係啲飯焦 凍凍地食個煲仔飯一流

港式茶餐廳「風味園」與彼鄰的茶記基本上差不多，只是規模較大。早餐也是一般的早餐 ABC。 「香煎豬扒公仔麵」食味合預期，豬扒大塊鬆軟。炒蛋雖然不算滑，但味道挺香，相信下了少許牛奶炒煮。牛油厚多士欠脆少牛油，犯下一般茶記的通病。 相比附近的「大家食」及「潮成園」，「風味園」的早餐評價暫時稍成一籌。

行經旺角突然心血來潮想食煲仔飯，但又無咩心水，亂行亂撞，就走咗去風味園.一入門，個個侍應都好似江湖大佬！好似電影古惑仔！再傾多兩句，原來幻覺黎啫，佢地都好和善嘅.風味園嘅煲仔飯，選擇比其他餐廳嘅多，當然，味道先最重要.點咗一個鴛鴦腸煲仔飯驚唔夠飽，所以叫多碟小菜豉汁蒸排骨.豉汁蒸排骨係水準之作，排骨juicy唔會蒸到過火，係意料之內.主角煲仔飯上枱，第一當然睇吓有無飯蕉先啦，有，但唔多....另外，唔通用咗瘦臘腸？一打開煲蓋，無強烈嘅臘腸豬油香，而且煲仔飯份量偏少，一個人食應該無問題.原本討厭潤腸嘅我，近年開始口味轉變，可能人老了，食完兩款臘腸，臘腸果然係瘦臘腸！而潤腸味道唔錯，合格！煲仔飯一上枱，d江湖味侍應提醒，唔好即刻打開蓋，焗一下先，再留意一下，d江湖味侍應服務態度都唔太差，唔知佢地以前係咪真係大佬.....

黎到呢間餐廳諗住叫個煲仔飯食，睇到身邊既人都叫左個煲仔飯。點知人地飯黎到，我都未黎。我就揾男待應追單啦，態度極唔好答覆我一句：黎緊啦，等陣。甘一再等，等一陣心諗唔對路。第二次追單，個待應睇到話冇落到單。白白等左一個鐘先知道！簡直不知所謂

去左salon電髮，lunch time近近地叫左隔離街茶餐廳既外賣Menu幾吸引好多都想試,價錢都ok最後叫左流心奶皇西多士同雞翼豬扒飽配薯條先講流心奶皇西多士，味道唔錯既，加埋蜜糖食都好滋味。但與普通西多士無疑囉，說好的流心同奶皇呢？抱住想食流心奶皇既心態就好失望😕炸雞翼豬扒飽配薯條：雞翼炸得好好味！一咬落去有好多汁、唔會太乾身。而主角豬扒飽就失望啦：（首先個飽唔脆既、塊豬扒都凍既，普普通通啦..薯條ok既、小小脆，但感覺好多油..尼一餐叫左可以醫飽個肚既，但髮型師話啲飯好味，夠獲氣。有機會再試啦！

今個星期日嚟到旺角搵早餐食，發現依間地道茶餐廳，睇佢個名就知係六七十年代嘅產品，記得當時細個住美孚都有間乜乜園嘅餐廳，都係一路陪伴我成長。這一間位於旺角通菜街叫風味園嘅茶餐廳，一到去唔見咗啲乜嘢特別佈置，都係一啲好傳統嘅裝修，坐低一陣，見到大部份嘅客人都是老顧客，有冇新安排左我一個坐雙人嘅卡位，查看餐牌見到有個餐都幾吸引，就係俄羅斯雜菜粉麵，我叫左米粉，湯底都好六濃，不過火腿炒蛋就唔俾轉啦，其實個人唔係好鍾意食炒蛋，通常都籌得唔係好話滑，其實今次都唔例外，不過欣賞佢唔係好多油，其他都係中規中矩啦。食食吓先知原來依度出名蛋撻，好多老顧客都係叫蛋撻，唯有下次試吓啦。都幾欣賞佢哋啲服務生，有先勤快，有禮貌，老闆都好親力親為，又健談，所以都能吸引一班老顧客黎幫襯。其實而家嘅茶餐廳最重要就係嗰份情，其他新式餐廳未必可以搵到。

今日去旺角諗住攞部ipad去整，去到先達附近就諗住搵間下午茶坐低食啲嘢先， 老實講食下午茶就唔預有啲咩特別驚喜㗎啦 ，坐低之後就睇下個餐牌，見到下午茶餐炸雞髀連紅豆冰都係33蚊，都算幾抵食， 咁就同老婆一人叫一份下午茶餐嚟食， 老婆就食西多士加炸雞翼飲凍檸茶， 上餐之後見到兩份茶餐都幾正 ，特別係隻炸雞髀都炸得幾脆，但係又唔係好乾身， 食物質素比想像中出色， 當然服務質素你就唔好expect有酒店服務水準啦，合理正常茶餐廳水平，埋單70蚊左右，算叫做經濟實惠啦。

今日返完大陸返到香港已經好夜, 所以求其搵間餐廳食晚飯呢間餐廳都算多人食例湯好飲, 夠熱煎咖喱雞扒好大份, 有2大塊雞扒, 而且煎到好香, 咖喱唔辣老干媽雞煲, 開頭我以為係辣的, 但其實唔辣, 雞算多, 不過我覺得就多油左D.

風味園五六年前一星期都有三晚幫襯食小菜我記得係好好味，呢個月又返到旺角幫襯返佢，食左幾次一次坐樓上真係污jo到呢～真係唔係唔乾淨咁簡單，真係眼不見為乾淨無論地下同枱上都係垃圾咁唔理啦茶記係咁～食左個常餐果啲請問呢塊包係咩事呢沙嗲牛肉通粉，好清好淡跟住有一晚去左食煲仔飯～失望⋯⋯唔夠香，無論佢嘅餸或者係豉油都唔夠味道但飯焦係有的。第二日再比多次機會佢今次點左個「白汁雞皇飯」先講賣相就一般咁啦材料白汁，雞肉，幾條洋蔥⋯⋯無喇好彩雞都幾多舊但唔好彩都係雞太多件因為啲雞有啲味，我唔識咩味可能叫做雪味，其實佢都用左啲啲黑椒除味但一入口都依然係有味，呢個味係我最討厭的講雞皇飯真係炸雞伯伯好食啲我的風味園早午晚餐正正式式完結。

星期日晚勁凍，本身想打邊爐，但應該會好多人，又想食平d，咁岩經過呢間茶餐廳有煲仔飯食就衝左入去啦！叫左個風味園煲仔飯，好足料，有臘味 肉餅 蝦米 搖柱，d飯乾身又有飯焦！另外叫左個湯飯，可以任選3餸，揀左咸酸菜 豬潤 豬肚，湯底幾入味下次會再黎！

秋風起， 涼涼地！最鐘意食啲暖粒粒既煲仔飯，風味園開左咁多年，間唔時都會去食，一向食物不錯多數都係叫佢既廚房野，但煲仔飯就係係第一次，我叫左個招牌煲仔飯，有瑤柱絲，蝦干，土尤肉餅，臘味係到，土尤肉餅既土尤大大粒肉餅嫩滑，臘味夠香，蝦干亦唔會浸到無哂咸蝦味，份量足料，絕不欺場，埋枱熱辣辣香噴噴！所以配料都有（葉)過，灑上油蔥花，落少少豉油吊味已經好好味。亦做到有飯蕉既效果，一個人食絕對夠飽，我仲有少少唔夠喉tim。價錢雖然都成78蚊一個，比起廟街既貴20.30蚊，不過有質素有誠意。都會返去再食！