影片
以上資料只供參考, 請與餐廳確認詳情
而家出面嘅小食店真係越嚟越貴買串魚蛋都話要十蚊都係得五六粒所以有時會經過竹園商場下面嗰間腸粉佬都會幫襯一下燒賣八蚊八粒最少要嗌八粒但平均一蚊粒真係算平過出面好多同埋都幾彈牙落少少辣 好惹味另外魚蛋五蚊有六粒有辣有唔辣算彈牙唔錯嘅腸粉14蚊有8條 幾滑嘅不過醬料可以再多返啲會好啲而家覺得唔係好夠味麻醬同甜醬都冇以前咁濃味而家好似有啲稀所以掛唔到腸粉食落去感覺就冇咁香但朋友仔食開清淡D佢哋就覺得夠突然間好想食粢飯第一次係呢間買但就唔係好得好林身 完全冇糯米嗰種煙韌感覺餡料亦都唔夠香
繼續閱讀
竟然仲會有$6/2粒既牛肉球同$5/5粒既燒賣😮食落燒賣唔差，至少有彈性唔係蒸到淋晒發脹晒既燒賣，佢既辣油鼓油都唔錯，牛肉球唔係平時食點心個種好淋既質感，係好實淨，好似食緊大粒嘅陳皮魚蛋🤣呢個價錢真係抵食
繼續閱讀
今日有事過嚟呢邊，見到呢間嘢平平哋，於是就幫襯。$25——三餸車仔麵，一開始見佢裝到咁大碗，心諗大件夾抵食。點知近距離望到條紅腸，已經覺得條紅腸唔知放咗幾多日…..溶溶爛爛….咬咗一啖覺得自己真係中咗伏⋯一陣up味…（利申：條紅腸唔係俾我咬到溶溶爛爛，而係佢本身已經係咁嘅樣）紅腸我就即刻掉咗冇食，其他餸就照食：正正常常。最慘係我仲買咗個粢飯$14，咬落去覺得自己食緊糯米雞嘅米，個粢飯又係比我感覺唔知放咗幾耐，咬深啲食埋啲料有陣酸味味嘅味道最後又係掉咗。唔係想浪費食物，但係食到咁樣，真係驚自己食壞肚。
繼續閱讀
明明諗住過嚟買啲 #小食 就返屋企，點知 #小秘書 就東睇睇西睇睇，正想收手走去買個 #下午茶餐，點知原來當時已經差唔多18:30😅 而家過咗六點就算有錢都唔都可以 #堂食，唯有簡簡單單去幫襯「腸粉佬」買啲小食醫吓個肚。望吓頭頂上嘅餐牌，心諗我係咪睇錯？ 點解啲價錢可以咁親民🤪 #燒賣、#腸粉 + #粉果，加加埋埋 #老闆 都只係收我$18。除咗 #辣醬，所有 #甜醬、#麻將、#豉油 我都要齊🤩 腸粉質素果然 #名不虛傳，口感滑嘟嘟。不過我明明叫嘅係 #腸粉魚蛋，最衰臨走前冇打開包 #外賣 嚟睇，返到屋企先知道 #魚蛋 變咗 #燒賣👉🏻👈🏻 好在燒賣味道都唔差😉 不過係老闆可能為咗響應 #環保，夾硬將啲粉果放埋入我包腸粉裡面，搞到啲 #汁醬 沾滿哂粉果外層，味道唔太夾😅 不過以價錢嚟衡量，確係抵食嘅！
繼續閱讀
由細到大都好中意試唔同地方既粉果，腸粉佬一定係我最推薦，好有人情味，今日放學買左7蚊兩隻粉果食，皮厚啱啱好，唔會話好似平時勁多粉，超足料！！花生，粉葛粒同蔥等等，餡料非常入味，配豉油簡直完美！大力推介！😋😋
繼續閱讀