影片
以上資料只供參考, 請與餐廳確認詳情
星洲炒米 乾炒牛河星期六同朋友去西貢玩樂，途經市中心茶餐廳，首先要食飽飽才可出戰，叫咗一個下午茶餐星洲炒米同埋瑞士汁炒牛河，連兩杯凍檸茶，一共收費98個大洋。因為唔食辛辣所以order星洲炒米，特別要求微微辣，廚房師傅按要求只放微量咖喱粉，雖然顏色唔夠靚，但係對顧客要求態度認真。星洲炒米同埋乾炒牛河份量都算足夠，配料同份量都有八成滿，夠飽肚捱到夜晚，現今好多下午茶餐因價錢而份量減少一截。星洲炒米較濕身，而乾炒牛河就一般般，兩碟落油量一啲都唔手軟，勉強可以接受，味道兩碟偏淡，屬於少鹽少糖，米粉口感適中，而牛肉夠腍唔需要𡁻餐飽，但可惜碟河粉欠缺香氣，唔知係唔係瑞士汁無豉油咁香，唯一補救係有樽無限量供應嘅辣椒醬，檸檬茶茶味欠奉，但檸檬就足足有成五片。餐廳阿姐對顧客態度有禮貌，不分平貴餐價，對顧客態度隨和，餐廳裝修比較舊式，環境清潔乾淨，餐具及膠杯冇污漬油漬，似乎都有好多街坊幫襯，街外客佔少數，價錢屬於親民組別。
繼續閱讀
今日天氣超好，就同朋友約咗去西貢行山。行山之前當然要醫下肚仔先啦。為咗慳返啲時間，我早咗一個巴士站落車。 打算行返去西貢碼頭之際，經過一間叫頂好茶餐廳的港式地道茶餐廳。 就嗱嗱聲入去醫肚。茶餐廳裝修一般，但非常乾淨。本身見到其他食客都食緊乾炒牛河，打算跟住叫。 點知佢哋嘅河粉已經賣晒，唯有個平時在家唔會煮嘅麻辣海鮮炒烏冬醫下肚先。佢嘅烏冬非常彈滑，唔粉，呈圓柱型。配料亦非常豐富，有蝦仁、魷魚、蜆肉、洋蔥、蔥、紅蘿蔔絲、芽菜 。洋蔥煮到非常爽口，入口索索聲。食落個炒烏冬好入味，好重胡椒味 同 辣味。辣得嚟唔會搶喉，但唔食得辣嘅朋友就唔建議叫啦。 喺香港好耐未食過咁有火候同超夠鑊氣嘅炒烏冬，估唔到今日來西貢遇返呢種咁正嘅港式抄粉麵。 西貢果然隱藏左好多好手藝嘅廚師。有機會再入嚟西貢行山嘅朋友記住來試試。
繼續閱讀
我對上一次光顧西貢「宜春街」的港式茶餐廳食店「頂好餐廳」，已經是接近三年前，我上手手提電話仍然正在運作，還在使用上手「開飯喇」戶口的時候。「頂好餐廳」這三年內經歷相關事件，在新聞也曾提及，我不敢在這裡透露，以免對食評構成不必要影響。但是可以肯定的是住在西貢的我，曾見過數月前「頂好餐廳」在門口貼告示尋求頂讓易手，在食店業權上可能有過變動。三年前我光顧「頂好餐廳」的時候，當時餐廳在門口寫的「價目表」，當時「價目表」在「白板」上寫字，字體相對比較潦草。三年後「頂好餐廳」寫的「價目表」是「黑板」，字體相對三年前而言就變得沒有以前那麼潦草。三年前的「頂好餐廳」午餐裡面的菜式，大多偏向以家常菜為主。但是三年後的「頂好餐廳」，午餐直至下午仍然有售，午餐餐牌裡面原本的家常菜終於都變回一般茶餐廳碟頭飯食品，我索性購買一個午餐當作「晚餐」享用。不記得三年前的「頂好餐廳」裡面有沒有電視機播放新聞報導，但是可以肯定的是三年後的「頂好餐廳」，樓面裡面有一大部播放新聞臺的電視機，正在恭候我大駕光臨。說我不喜歡「頂好餐廳」裡面的電視機也罷，說我在「武漢肺炎」嚴峻疫情環境下，暫時不敢再貿貿然光顧享用茶餐廳堂食午餐也罷，我今次寧願外賣自取購買午餐「柱候牛腩飯」，飲品選擇了配「紅豆冰」。我曾經擔心現在「頂好餐廳」的午飯，會使用體積比較細小的飯盒，細小的飯盒間接導致午飯裡面餸菜實際份量，也可能會忽然大幅減少。但是實際上，我看見現在「頂好餐廳」廚房製作的午餐「柱候牛腩飯」實際製成品的份量之後，當堂放下了心頭大石，因為「柱候牛腩飯」飯餸分開另上，所以「柱候牛腩」實際份量看似忽然增加了。「頂好餐廳」「柱候牛腩」不單止實際份量增加了，就連「牛腩」的實際口感也都煮得比較腍身，就連「牛腩」旁邊的「柱候」醬汁和「菜芯」蔬菜配料也都增加了，「柱候牛腩飯」實際份量比以前豐盛了不少。最重要的是「柱候牛腩」裡面的實際味道，味道沒有因為「牛腩」份量增加了而變鹹，整體味道裡面的鹹味和甜味比例變得平均，這或許全賴餐廳廚房為「柱候牛腩」實際製成品加入了蔬菜伴碟，蔬菜中和「柱候牛腩」的鹹味。至於「柱候牛腩」裡面的「牛腩」實際口感，口感也比我原先預期腍得多，「牛腩」裡面的牛肉實際肉質，變得很容易就能夠咬斷和嚼爛。不單只是「牛腩」，甚至「柱候牛腩飯」裡面的「牛筋」實際肉質，也被「頂好餐廳」煮到變得很軟腍，感覺到「牛筋」裡面有很多「骨膠原」，口感頗有黏性。至於「頂好餐廳」「午餐」裡面可以加錢追加選購的「紅豆冰」飲品，「紅豆冰」裡面的紅豆實際口感都得很腍，紅豆和淡奶的實際味道也都變得得甜，間接令「紅豆冰」整體味道變得很甜，很容易入口。
繼續閱讀
西貢區，外籍人仕，強國遊客，通街都係，餐廳大多數，味道麻麻，(卓)頭多多，地道茶記都不知所謂，連煮罐頭都唔掂，真係坎坷。再講海鮮酒樓仲要開天殺價認真怕怕。還好西貢仲有間茶記，賣番D，港色碟頭飯，獲氣炒粉麵…等傳統午餐。講番嗰日旅遊行過，午餐ABC套餐，難得見到蒸餸，馬上入去試試，果然不負眾望，豉汁蒸排骨，排骨夠霖，豆豉又夠香，無得頂。鍾情茶記去開西貢，不防試试，或有驚喜
繼續閱讀
之前我曾經在食評講過，西貢有三間已經開業一段時間，但仍然未有在開飯網餐廳資料網內出現的食店。三間食店裡面，我已經率先講過「和X冰室」，今次我要講的食店，就是位於「宜春街」的「頂好餐廳」。「頂好餐廳」身處的舖位，其前身是「萬X華燒臘餐廳」，「萬X華燒臘餐廳」搬遷過後，「頂好餐廳」就在原址開門營業，只是「頂好餐廳」作風看似低調，加上「頂好餐廳」營業時間早開早休，所以一般外來遊客都未必知道「頂好餐廳」的存在。「頂好餐廳」和西貢墟其他餐廳的最大分別，就是餐廳內有很多，具家常菜風味，在坊間餐廳餐牌較不容易找到的中式小菜碟頭飯。想吃「頂好餐廳」「中式小菜碟頭飯」的最好方法，就是選擇「頂好餐廳」的是日午餐推介。當日我光顧「頂好餐廳」，午餐包括七款碟頭飯或客飯，碟頭飯包括「黑椒汁豬扒龍脷飯」、「葡國雞皇飯」，兩者都可以轉意粉，還有粉麵類的「上海粗炒」。至於「頂好餐廳」是日午餐的客飯類菜式，則有「炸（我懷疑是「醡」是錯別字）菜蒸魷魚」、「菜甫肉鬆煎蛋」、「咸（鹹）蛋蒸肉餅」以及「薯仔炆雞」。「頂好餐廳」侍應的服務算是可以過得去，只嫌餐廳內的電視機會比較礙眼，電視製造出來的聲浪，令我無法放鬆地享用午飯。「頂好餐廳」在開飯網未有資料之前，我曾經跟阿媽幫襯過一次。但是當時的是日午餐沒有好的選擇給我，我只能選擇相對一般餐廳都會有提供的「咖喱飯扒飯」。今次我再次來到「頂好餐廳」，就再沒有了「點菜」的煩惱，我最後選擇了「葡國雞皇飯」，「葡國雞皇飯」連餐湯賣港幣四十四元，凍飲加兩元。點餐之後才幾分鐘時間，「頂好餐廳」的午飯「葡國雞皇飯」，跟一碗中式的菜乾湯，和一杯凍奶茶，就被「頂好餐廳」的侍應端着，送到我的面前。「頂好餐廳」的中式菜乾湯，菜乾的菜甜味十分濃厚，相對之下，菜乾湯裡面的瘦肉只有伶仃的一兩小碎粒，味道亦被濃厚的菜乾蓋過了，變得微不足道，不過對於不好豬肉的我來講，這樣很小意思，沒所謂。反正濃厚的菜乾味道，才是「頂好餐廳」餐湯的最重的一環，就算豬肉份量不多，瘦肉少得近乎渺茫，我對這些小事也不太會放在心上，當自己沒有喝過餐湯算了。我喝過「頂好餐廳」的餐湯，再喝了一口凍奶茶之後，就正式開始試食「頂好餐廳」的「葡國雞皇飯」。「頂好餐廳」的是日午餐份量，相對於西貢其他食店的午餐都大了很多。而且，「頂好餐廳」的「葡汁雞皇飯」，飯與餸的比例偏向一半一半，白飯份量不會忽然暴增，食客至少還有餸可以食，還有雞肉可以食。「葡國雞皇」餸除了有很多被切條切絲的雞柳雞胸肉外，還有不少的配菜，例如紅蘿蔔、洋蔥、馬鈴薯。即使雞柳、雞胸肉不是完全蓋過整碟飯，但是雞肉口感不是太硬太韌，連同紅蘿蔔、薯仔後，至少餸菜份量多得足夠送飯有餘了。「頂好餐廳」整個午餐，只等大約幾分鐘時間便已經完全被送到我的眼前，儘管「葡國雞皇飯」感覺只是一客「頹飯」，但是上菜速度都還可以，值得一讚的。而且「頂好餐廳」的「葡國雞皇飯」午餐，連例湯，連飲品，雖然價錢要港幣四十六元，但葡國雞皇飯的份量卻是十足，白飯不算很多也不算很少，剛剛夠吃得飽就足夠了。「頂好餐廳」「葡國雞皇飯」使用的葡汁，驟眼看顏色跟咖喱汁十分相似，都是黃色醬汁。只不過，葡汁味道相對較淡，沒有咖喱汁那麽香辣。葡汁沒有明顯使用辣椒做材料，味道亦偏向有椰奶的甜香味。椰奶佔比例較重的「葡國雞皇飯」，我覺得有椰奶奶甜味的葡汁，跟雞肉，魚肉等白肉會較為合襯，椰汁醬料可以提升雞肉或魚肉的肉味。葡汁或許跟白汁或粟米汁一樣，這可能跟葡汁香料比重沒有咖喱汁那麽高有關。相對香料味較重，味道香濃和辣味的咖喱汁，葡汁味道比較清淡，質地稀稠程度中等，配合「頂好餐廳」質地偏硬的白飯，好送飯之飯還適合併雞柳來食，眨眼之間我已經吃完整碟葡國雞皇飯。相對「龍X餐廳」、「海X餐廳」或「威X斯餐廳」的午餐碟頭飯，「頂好餐廳」還未完全受通漲局限，價值不貴之餘還有一大碟餸菜豐盛的午飯可以食。此刻我有得選的話，「頂好餐廳」是我西貢食店午餐理想選擇之一。
繼續閱讀