頭啖湯

營業中

休息中

想食好味雞煲，覺得要夠麻又要辣，而雞也嫩滑。食過很多都不是所有都做到。而這裡的重慶雞煲卻令我充滿驚喜，之後變火鍋打邊爐，雪花肥牛入口即溶，竹笙䈑筍吸辣汁一流，加上價錢也算大眾化，經過不妨一試。

招牌椰子雞湯米線 $64自選配料: 特級潮汕牛丸、特色魚肉春卷、萵筍湯底清甜，飲到濃郁椰子味，飲得出冇加味精，係屋企會飲到嘅味道，配有四件雞件，雞腿位置，肉質嫩滑，配有少許 杞子、小棠菜、雲耳、椰子片。因為買外賣，配料放喺湯，一倒米線，配料沉底，真正分量國唔只相中咁少。米線爽滑彈牙，潮汕牛丸有三粒，彈牙爆肉汁，好重牛味，冇雪味，魚肉春卷兩大條，略厭炸得太燶，萵筍有五塊，口感爽脆。見到文宣話因疫情影響，六點後只准外賣，加上地點偏遠，令餐廳生意雪上加霜，去開附近就支持下，入到餐廳，老細唔想招呼你，一副唔優做嘅態度，身為客人，感覺幾差，希望能改善服務態度，否則逆市中更難生存。

呢間係一間主打好味到連湯底都會飲哂嘅火鍋店，今次就嚟試一試🤓店面裝修以木色同白色為主，有種和諧嘅居家感覺，可以好放鬆咁食餐飯。餐廳位置亦夠闊落，唔會坐得太迫。見到靠牆櫃上寫有唔少客人名嘅酒，估計呢間都係熟客常店🤓🥢滋潤椰子雞煲一隻       $228餐廳主打四款特式湯底，今次揀咗椰子雞。湯底非常足料，紅棗、竹笙、雲耳、大蔥、秀珍菇等，雖然湯好鮮甜，但無椰子肉同油太多較遜色。上枱時雞係生嘅，所以要等大約15分鐘，而雞件係十分嫩滑🤩🥢手切安格斯雪花牛肉 - 大    $228牛肉雪花分佈平均，肉質嫩口感唔錯但牛味較淡😕🥢雙拼蚌 - 珊瑚蚌 桂花蚌    $118清潔乾淨，夠爽口彈牙😎🥢篙筍 $32份量尚可，但蔬菜都竟然有擺盤👍🏻🥢墨魚滑   $68本身見有兩條以為嚟錯兩份，但原來呢個就一份，份量都幾多。 都幾彈牙但帶點腥味😕 🥢安格斯牛丸   $42   推介🔥🔥好有牛味又夠juicy，牛味仲重過果碟牛👍🏻 意料唔到呢個牛丸咁出色🙀🍹綜合水果茶 $36綜合水果茶大大杯都只係$36，仲要真係好足料：有齊藍莓、火龍果、西柚，飲落清甜有水果香！抵飲過好多連鎖店嘅水果茶😝🍹巨蜂乳酸梳打特飲 $2

疫情發生之後好耐都冇打過邊爐，等疫情稍緩既時候就忍唔住食啦係OpenRice 度見到尼間湯底係椰子雞湯就馬上被吸引！結果亦冇令人失望半隻雞份量既椰子雞湯底，再配三款火鍋料，飲埋杯招牌水果茶兩個人食到超飽！湯底清甜好飲，飲到唔捨得落火鍋料落去一齊煮🤗如果湯底有埋啲椰肉就不得了！不過啲雞好多油，所以店家提供埋撇油工具俾你慢慢撇～火鍋料方面就叫左雪花牛肉、竹笙同䈑筍。牛肉幾靚，食落有牛味又唔太油。 竹笙同䈑筍都新鮮爽口👍🏻最後不得不提杯水果茶～$36大大杯，又有藍莓又有西柚、橙、蘋果、火龍果.......直頭可以當飯後果就食😂

食左幾餐西餐 同事提議今日食米線~~ 最近既米線黃店就係頭啖湯喇我地個個都一試即愛上! 😍我地5個都叫左招牌米線套餐 ($42)包一款配料配飯/米線 + 熱飲我地試左3款湯底👉🏼招牌椰子雞湯無味精 但味道都可以咁濃郁!! 椰子味好香😋呢個湯頭真係不得了 好天然既清甜味!果然係招牌 下次一定要再encore!👉🏼藥膳蟲草花雞湯呢個湯頭味道都唔錯 藥膳味幾易入口 濃度適中👍🏽👉🏼麻辣湯 *小辣都有驚喜! 🤩因為唔係就咁加辣油 而係加炸醬~~好麻啊 辣味又夠 愛辣者必試!配料推介👍🏽👉🏼特級潮汕牛丸入面有牛筋 同事表示係好實在既一粒丸而且好juicy!!質素OK可以一試既配料👌🏼👉🏼特色魚春卷係自家制腐皮包住魚肉 再炸~~鍾意食香口野既應該會鍾意食!👉🏼鮮雞件都幾嫩滑 無俾骨位我~~不過加左雞件個碗麵明顯地個湯底油d 個d油黃色 所以應該係雞油飲品方面💁🏽‍♀️自家製椰汁🥥 (+$8)同事表示: 好甜啊!總括黎講💁🏽‍♀️米線份量多 又有好正既湯頭 所以食得幾飽又好滿足啊 加上唔貴 一定會再幫襯!! 💛

花膠雞湯米線自選配料牛丸、特式魚春卷、娃娃菜小店主打無味精湯底，所以飲落有種返左屋企飲湯嘅感覺🥰我叫左花膠雞湯，配料已有四至五件三黃雞、兩至三嚿花膠、仲有啲蟲草花，下午茶時段都大大碗 相當抵食😎魚春卷係小店自家製的加左少少醋調味，所以食落少少醉唔好以為佢變左丫😂潮汕牛丸就勁啦，係勁好食！絕對唔係嗰啲cheap cheap牛丸，冇雪味，而係有牛筋之餘仲好鬼死重牛味 咬落會爆汁嗰種🤤好想叫一份淨牛丸😆.提提大家 呢間本身係打邊爐的😆如果想食米線/泡飯嘅你就要11:00至17:00去試啦😉

呢排出街食飯真係要小心啲，保障自己健康啲💛呢間火鍋小黃店好好，616派水，未實施777啲policy之前已經會喺門口俾你揼咗啲口罩，確保旅客食得衛生😎我嗰時去隔離枱叫咗OpenRice啲優惠，大家可以上去睇睇。·首先讚咗佢哋嘅飲品先，綜合水果茶大大杯都只係$36，仲要真係好足料：有齊藍莓、火龍果、西柚，飲落清甜有水果香！高級過好多連鎖店嘅水果茶🤩🤩！一定要叫黎飲～·雞煲方面有椰子雞或者重慶麻辣雞，兩個飲食叫半份就啱啱好🤤唔駛好耐就嚟到～同其他雞煲店唔同，佢哋嘅雞煲比較多汁，所以啲雞識落唔會太鞋身，正到不得了😼！估唔到小辣都有成十幾隻辣椒，唔食得辣嘅人可以叫小小小辣。雞件整體幾滑，冇碎骨，唔錯唔錯👍🏻·火鍋配料方面叫咗美國肥牛、雜菜拼盤、薯粉、炸魚皮，正常發揮，配埋火鍋麻辣湯底食好鬼正🤤🤤（今次啲美國肥牛有啲多肥膏，隻牛應該唔做運動🤔）·值得一讚嘅係老闆幾親切啊，同其他客人都好似幾熟，睇嚟有唔少係街坊熟客仔，呢啲人情味唔係度度有！祝佢生意長做長有，好似係港島少數雞煲黃店！！🥳🥰康復香港之後大排長龍💪🏻-半隻重慶麻辣雞煲｜$138美國肥牛｜$88雜菜拼盤｜$58薯粉｜$28炸魚皮｜$32綜

依間舖頭嘅湯底真係令我好驚艷！！用的湯字做招牌，本身已經對佢有啲期望，一坐低就叫咗半隻椰子雞煲，雞係生的，上枱係你面前慢慢滾熟，等左大約15分鐘就開蓋食得。係等嘅期間職員拎咗啲豉油配料過嚟，有基本的麻油、蒜、芫茜果d，今次自己調得好好味，但係估唔到之後我基本上冇用過碟豉油，因為就咁用湯底打邊爐已經好好食！言歸正傳，椰子雞煲一滾起，職員就幫我地打開蓋，香氣撲鼻而來，我輕輕地用匙羹試咗一啖湯，好香甜椰子雞湯味，即刻忍唔住裝左半碗黎飲入面d雞好滑，真係半隻雞冇呃你(因為我食咗好多舊雞脾肉)打邊爐配料方面，手切牛肩胛肉半份，滿意淮山(後), 鵝腸(前) 鵝腸配椰子雞煲真係好好好好食鵝腸新鮮，唔洗煮好耐就食得，煮得耐就會過度收縮唔好食。煮大約三十秒到一分鐘，一放入口，鵝腸既肥膏味，加上湯底的椰子味、同埋浮面的雞油，好夾！所以我話點解成餐飯真係豉油都唔使點，因為只係個湯底味已經夠！三拼丸，好鍾意佢啲丸類可以合併，平時兩個人打邊爐食唔得多種類，依家可以合併就可以試多啲嘢，讚！有墨魚丸、魚腐、白魚蛋，大讚白魚蛋！爽口彈牙，好好食啊！魚腐有魚味，可能有啲人會嫌腥，不過我覺得可以啊！平時即炸響鈴就見得多，

呢日好掛住阿媽煲嘅靚湯，經過一間餐廳，叫做頭啖湯，忍唔住入去試吓。.我試咗佢哋嘅椰子雞湯，雖然賣相麻麻，望落好多油，但其實飲落都幾清甜。.啲雞肉充滿肉汁，而且啲雞皮唔會好肥。配上蔬菜，營養更加豐富。.當然如果個湯底可以少啲油就更加好。

趁著午市時段光顧了這間以湯底聞名的小店，位置在天后近維園的一小街內，不算難找。值得一提是店員會在落單時提供酒精消毒液，在此艱難時期可算是十分貼心椰子雞湯魚腐米線(前):不愧為店舖招牌，湯頭濃郁清甜，椰子味非常特出! 魚腐則有三塊，份量略少，而質感與坊間其他食店質類似，吸滿湯底味道，還不錯!酸辣湯竹笙米線(後):應該是為了遷就大部分香港人的口味，湯底辣度較低，保留香氣之餘又不嗆喉，十分易入口，不好辣的人亦可以一試。

//#黃店地圖系列間野叫：頭啖湯邊度黎：天后威菲路道15-19號萬順樓地舖環境點：沒有甚麼特別 就普通餐廳格局 .▪招牌椰子雞湯米線(配一餸一熱飲) $427.5分養生湯底米線一直係賣飛佛 呢個椰子雞湯好夠濃味 唔會話稀到好似打左十幾日飛機咁 帶椰子嘅香甜 同時有椰奶嘅濃郁 整體椰奶味比雞味更重 個潮汕牛丸(8.5分)就更加抵讚 同cheap雞大昌急凍牛丸完全不同level 佢入面有牛筋之餘 牛味仲要特別香 唔會話麵粉多過牛 不過要控訴一下米線比較硬 建議大家可以要求煮淋少少 .▪藥膳蟲草雞湯米線(配一餸一熱飲) $$428.5分小店標榜湯底零味精 所以呢個藥膳湯底真係差啲乾左佢 因為真係好得 藥膳加上紅棗杞子蟲草 清甜唔苦澀 又唔會死鹹 絕對會飲完一啖 忍唔住繼續飲 至於個魚肉春卷(6分)就唔合我胃口 皆因本人非鯪魚肉愛好者 若果你喜歡的話 請嘗試 但我還是不要了 交比口水佬處理啦.順帶一提 小店只有11:00-17:00有供應藥膳湯飯/米線 2:30後食仲有特價$32連熱飲 十分抵食 晚市就主攻打邊爐 不過呢個時勢打出個武漢肺炎就瀨hi啦 所以要懲罰就趁佢午市下午茶佢幫襯啦 店家仲

數數手指～已經嚟咗8,9次🤣🤟🏻每次嚟到必點椰子雞煲，食完雞煲再打邊爐👍🏻👍🏻椰子雞湯好濃味又足料，雞都好滑(上菜時隻雞係生既～即煮)🐓。食完雞煲會再幫你加椰子湯打邊爐👏🏻👏🏻有一次試過藥膳醉雞湯都唔錯👍🏻佢會比一支酒你隨便加，隨你個人口味～～但我最愛都係椰子雞🙈🙈火鍋料最愛羽衣甘藍😍 最後一定會再加多一個公仔麵，同個湯係絕配！！至於海鮮，我有試過脆鯇片，鱔片，蚌。新鮮+價錢合理👍🏻

以前成日黎食午餐，好鐘意佢既椰子雞湯，但突然間佢唔做午市只做晚市，就冇黎過，隔左好耐好耐發覺佢原來已經做番午市，所以就同同事黎幫襯。原來個餐牌都改左少少，我地開頭搞錯晒，差啲叫錯左。我揀左椰子雞湯配雞件同生菜，配米線，個湯都有椰子味，雞件都幾滑，生菜配埋個湯都幾好，但冇左以前有既椰子肉，有啲失望，同埋整體感覺冇以前咁好食。同事揀左椰子雞湯配湯飯，飯分量好多，佢地食極都食唔晒。另外有個同事叫左個春卷，佢話應該係即炸幾香幾脆！

好耐之前同班同事已經好中意食頭啖湯既lunch, 一星期試過食3日。點知有一日突然佢唔再做 lunch 淨係做晚市，我地傷心咗好耐。事隔差唔多一年，佢終於做返午市，超級興奮！即刻帶啲新同事一齊去試下佢有無保持到水準～佢 lunch menu 同之前一樣，有大碗飯，同埋湯飯/米線。泡飯米線個menu同之前有少少唔同咗。除咗以前既椰子雞湯同藥膳湯，仲加左麻辣，花膠雞等等，多左選擇～以前椰子雞湯飯係已經包左雞件，而加佢就包一樣餸，唔食雞件既人可以揀其他$6/$8既餸，幾好！久違既椰子雞湯飯♥️個湯依然好夠濃味，又帶點椰子既香甜佢仍然係放勁多飯落去，多飯到我要佢幫我加湯無雞件既湯飯會少啲油，同埋唔怕有碎骨潮汕牛丸的確同超市牛丸唔同，佢入面有牛筋之餘，牛味特別香娃娃菜份量比較少，無咁抵食特色魚春卷👍🏻一上枱大家已經嘩嘩聲，佢同南記既魚春卷唔同，佢真係新鮮即炸，咬落脆而不油，入面啖啖魚肉，好好味班同事本身無辣不歡，最中意食譚仔，但佢地都一致愛上椰子雞湯，話要每星期都食一次😋

LUNCH原本想去食另一間，點知搵唔到，路過 "頭啖湯"，睇舖出面好似好健康咁，就入去試下。入到去黑忟忟，陰陰寒寒咁。坐低之後，一人叫咗一個午餐，其實係普通快餐，等咗十幾分鐘先出食物(果時得果幾圍枱)，食物一般。跟餐有野飲或者湯，我哋食晒飯，都仲未有，諗住催一催，點知店員服務超差，都未講完話差D咩，就望都唔望你，揮手話:"得啦"!!!!!OPEN RICE仲咁多讚好，真係懷疑係造馬!!!定係我哋唔好彩，咁啱遇到店員心情唔好?!!!!食個LUNCH，食咗十五分鐘，等咗至少半個鐘，搞到差D遲到.........真係要負皮間野!!!!堅嬲!!!