順興餐廳

營業中

休息中

今日放工返到屋企發現冇飯食，媽媽又唔想煮，所以就落街搵下有咩可以開餐啦。星期五緊係想食好D啦，但係周圍都好多人，行過順興唔係好爆就入去食啦，可能大家晚餐都唔太食茶餐廳啦。入到去本身都諗住食飯，但俾我發覺原來有火鍋食，價錢又唔貴喎，自已買送都差唔多價錢，所以就叫左個二人餐食。碟碟份量都好大，細食既我真係差D食唔哂，超值，味道好有屋企打邊爐既感覺。如果想打邊邊又唔想煩既朋友，真係一個不錯既選擇。

日日lunch都幾乎呢間野食，大大話話都食左半年，裝修之前食過馬馬哋，裝修後改善左，於是幫襯佢哋。今日中午同友人一人叫一個午餐佢叫B餐$43，我叫E餐$45蚊，結果我個餐咖哩雞球飯來到係凍嘅，一絲熱氣都無，ok咁我見呢間野食左咁耐，叫落單阿姐過來同佢講，哋咖哩凍嘅可以叫廚師幫我整返熱佢嗎？阿姐呆左呆，跟著同我講凍呀，咁同你叮反熱佢了，咁我話唔好了，叫師傅兜二下了，阿姐即刻條氣好唔順，大佬我條氣仲唔順了，我俾足錢食你微波爐叮嘅嘢，咁我唔去7仔。ok單野未完，隔左陣阿姐來同我講師傅話叫你轉食魚好唔好，咁我本身唔係好食魚，咪話唔得就轉過另一個便$2蚊嘅炒烏冬了，阿姐口噏噏咁走左，好了心諗都完了瓜，又等左十幾分鐘終于來了，食左一半，個友人話轉左個餐，價錢仲係未變，由於今餐佢俾，佢話無理由蝕俾佢，ok又搵阿姐同佢講張單錯左仲係印住舊價錢，點知阿姐未聽完我講已經發曬脾氣，又話甘麻煩又話無得改單，咁我又開始扯火，大佬由頭到尾我都係受害者，你碟咖哩凍架，咖哩唔係冷盤喎，我買單俾一半好唔好，咁我咪嬲嬲哋無心情再食，決定以後唔再幫襯，呢哋服務態度真係勁，整件事我都好聲好氣叫佢整返熱個咖哩啫，咖哩熱食係好正

二零一九年初四，雀局前晚餐。年初四要上班，下班後跟一群雀友相約九龍城延續新年必需有的打麻將，也順道在附近找點吃的。其中一友人已經在餐廳裡面，進去後就直接點餐。茶餐廳眾所皆知選擇多，這裡也不例外，不過餐牌好像從來沒有抹過一樣，黏手得恐怖，衛生情況不能接受。直接點沙嗲牛肉米粉，去茶餐廳我只會點這個，通常是麵，晚上就不要吃那麼飽。先吃一塊牛肉，口感很硬，嚼了很久，沙嗲份量不夠導致於米粉也沒味道，雖然茶餐廳我不是吃過很多，但這個牛肉麵質素明顯偏低。跟配的火腿奄列，說好的火腿呢？而且蛋是沒味道的，要灑滿鹽巴跟白胡椒才能吃，我也不知道自己在吃些甚麼。九龍城美食林立，環看這餐廳人流少得可憐，不改善食物質素真的很難有回頭客，至少我是不會再來。

呢日朝頭早九點幾自己一個人去咗位於土瓜灣衙前圍道嘅順興餐廳食早餐。呢度嘅早餐精選供應時間係由朝頭早六點九至十一點。我揀左精選早餐入面嘅沙爹牛肉公仔麵配餐肉腸仔煎蛋飲熱鴛鴦，盛惠$32。牛肉比較軟身不過沙爹味道唔錯，公仔麵嘅軟硬度適中。午餐肉腸仔及雞蛋餐包等……都屬於一般正常貨色。將餐肉同蛋夾入餐包度就變咗餐肉、蛋餐飽。杯熱鴛鴦非常唔錯，奶茶及咖啡嘅份量好均衡，好飲。這份早餐味道到正常，熱鴛鴦好飲，以呢區嚟講$32有呢份份量唔細嘅早餐，算係好抵食。

咁日又來到九龍城做嘢啦，所以就順便去我曾經推介過嘅餐廳食飯。同事都話間餐廳好好食，好有屋企嘅感覺。今次我哋兩個人食下午飯，就叫咗兩個午餐，一個係滑蛋炒蝦仁，另外一個就係欖菜炒四季豆。滑蛋炒蝦仁個滑蛋真係好滑，而且仲好多蝦，真係貨真價實，抵食。欖菜炒四季豆，好有攬菜嘅香味，炒得好有火候，同我媽咪煮嘅真係有得比，如果想試吓家常小菜，真係極力推薦呢間餐廳，因為而家好少餐廳可以做到咁嘅感覺，大家都支持本地小店啦。

行行下經過呢間餐廳，一睇個招牌已經好有歴史感覺加上啲包香噴噴，即刻忍唔著買左個蛋球試下原本以為係普通嘢，點知咬第一啖已經嘩左聲最緊要無油溢味而且脆得黎又軟幻糖都好均匀唔會一忽特別多或者少值得一試

今日屋企冇煮飯，就落樓下搵間餐廳食晚飯，呢間順興茶餐廳我細細個已經食開，已經好多年了，正宗老字號。今晚入到餐廳，因為平日關係，就冇乜人，平時已經過都幾多人架。坐低就叫嘢食，就叫咗兩個小菜，一個係芥蘭炒臘味，另外仲叫咗個XO醬尖椒炒牛肉。芥蘭炒臘味真係好耐冇食過了，好味道，好有鑊氣，勁似屋企煮嘅一樣。另外個XO醬尖椒炒牛肉，有少少辣味，牛肉好林，都係勁有鑊氣，所以真係要推介一下。真心想幫下小店宣傳，希望可以繼續食落去啦。

搬來九龍城已經有幾天時間每天早上，差不多來這裏，這裏的早餐比土瓜灣貴幾元。來了幾天，發覺熟客都多，每天早上都很多人。枱上面有個呼叫人的鐘，不過很少人用。早餐麵餐是$30起，每加一個餸加兩元。反而下午茶再貴一點，同樣的餐可能要多$4，真是有點奇怪。豬扒肉丁米，豬扒計兩個餸，所以要$34。豬扒肉質比較有嚼勁，五香肉丁味道正常。餐肉五香肉丁麵$32，午餐肉是火腿午餐肉，有兩大件，麵的質地都算不錯。鴛鴦味道都算濃郁，入口都算滑。

出九龍城買大閘蟹，買到五點到，覺得有啲餓，想食個tea順興裝修後第一次㴝，乾淨企理咗，坐得舒服好多一望下午茶餐牌，就俾菠蘿豬扒包吸引，又咸又甜，係我致愛！㴝到不負眾望，菠蘿包個面好脆，豬扒夠淋但仲有好感！好邪惡呀！

在九龍城辦完事，已經是下午三時了，想找間茶記吃個下午茶。印象中，九龍城我喜歡的餐廳有很多，但要找杯合我心水的奶茶，卻非易事！於是，我由福老村道開始，行了幾條街，最後便來了順興。自去年裝修後，改名為順興餐廳，我也沒來過。裝修後，內部頗為雅緻，比起以前那種典型街坊茶記的感覺，整體上潔淨多了。地板上，仍然保留著以往的綠白色紙皮磚仔，甚有親切感。這裏的下午茶餐，比別處多了數款炸物小食。例如炸嫩魚棒、炸黃金蟹鉗、甚至有炸黃金帶子等，款款都是$36。我不想吃炸物，便選了餐牌上推介之一：沙嗲牛肉包配熱奶茶，$34屬中等價格。奶茶先送上，色澤對板。茶杯不是用坊間的黑白淡奶杯，而是自家可能已用了十數年的茶杯，因為杯身的字體已經模糊。茶杯又大又薄，故相對來說，奶茶的份量甚足。喝一口，茶味濃滑不苦澀，甚合我的口味，稍嫌熱度不夠。沙嗲牛肉包用了長形的芝麻豬仔包，包身烘過有點脆。揭開包看看，沙嗲牛肉份量不少，而且汁液豐富，頗為吸引。吃進口，牛肉不算軟腍，肉質煙韌而有嚼勁。沙嗲汁做得很惹味，吃起來有濃稠的肉汁，配上了外脆內軟的豬仔包，實在是美味。自此之後，我會記得在九龍城，也可找到合我心水的茶記了！

記得小時候, 每次經過順興茶餐廳都會買在麵包部買冰花蛋球給我吃。所以現在去九龍城很多時我也會走去買件餅懷念兒時滋味。這日可能夜了, 蛋球已經售罄, 就不如入來吃個飯也不錯。除了冰花蛋球, 我也喜愛這兒的合桃蛋糕和杯子蛋糕, 蛋味很重, 很經典不花巧的味道。真的不記得有幾耐無入過來吃飯, 餐牌中好像多了不少選擇。店內也裝修得比以前光猛和闊落, 如近年的茶餐廳設計。而我們當然是選了卡位坐, 吃得更舒服自在。原來即使晚餐也有近十款選擇, 好不容易我倆才決定了兩個餸的晚餐,  店員很快亦送上例湯。這碗老黃瓜煲花生雞腳湯不加味精, 瓜味濃又不會太咸, 飲下去很舒服, 頗像媽媽的自家靚湯。晚餐精選之一是這個支竹火腩煲, 份量都幾多。懂得吃一定會好吃煲內的支竹, 因為吸收了火腩的肉香油香, 特別滋味。而且支竹也幾新鮮, 不會過硬或一陣油膱味, 加上燒肉的咸香, 配飯真是最佳的組合。愛吃香口的東西點了椒鹽鮮魷, 果然沒有失望。這個鮮魷不但香脆, 味道亦調得很好, 少少咸多多脆, 加了點微辣, 味道和"鑊氣"也可以媲美大排檔。脆漿不厚, 魷魚則爽彈有口感, 交織出多層次的口感。加上這個餸是即叫即做, 每

茶餐廳都有好多好野食架，呢間已經有好耐歷史，我記得好細個已經食過估唔到依家仲有得食而且仲多咗好新選擇👍🏻！玫瑰花加奶茶原來係咁夾架，花香茶濃一定要試👍🏻啲茶餐都好出色簡單一碗豬扒麵，加碟菜係魚湯肉碎浸架，好好食。去九龍城除左食泰國菜之外呢度係另一個好地方！除咗tea set 之一外晚餐既焗飯都好有水準架，而且唔係普通果幾款，同出面啲西餐不相伯仲架。呢個係白汁西蘭花帶子，有個鐡碗盛住食到尾啲飯仲係熱架👍🏻

順興餐廳今年有翻新裝修過，餐廳煥然一新嘅風格係係懷舊香港情。牆上貼有好多啟德時期的相，或者順興餐廳之前上過報紙的報導，所以一步入餐廳，見到細小嘅茶餐廳木圓檯及卡位坐，然後再低頭見到地上舖的舊式馬賽克磁磚嘅時候，你會有種返左去舊時個感覺！通常食開嘅係順興早餐和午餐，兩餐嘅menu都好多款式揀，如果想試下地道港式早餐可以黎呢度一試，不過星期日好多街坊都會過黎嘆早餐，可能要等一等位。

細細個就黎九龍城區長大，基本上間間餐廳都食過哂，呢間順興餐廳係其中之一間。細個果時覺得係一間普通既茶仔，經老闆重新裝修過，坐得好舒服之餘，又仲有一種懷舊既風味，值得一讚！同媽咪一齊黎，叫左個牛柳扒餐，好味！肉質好林，味道都好入味，茶記有咁既質素係好難得。另外叫左個上湯菜，都好入味，可能本身自己比較重口味，所以覺得好正。媽咪就叫左個帶子焗飯，帶子好大粒，好足料！而我最喜歡既係門口既麵包，好有舊時既風味，日日新鮮出爐，臨走都忍唔住買左幾個返屋企，超正。好希望過多十年仲有呢d香港人既回憶！

🍴焗海鮮飯 61 蚊 🦀🦐🍚大大碟既焗飯 白汁 都幾香濃密度好高 飯係用左蛋炒底既白飯夠哂蛋香🥚 入面海鮮材料豐富 有蜆 魷魚 🦑蝦🦐 仲有火腿 🐷日本魚蛋 等等 夠哂豐富 正🙂🍴法蘭西多士 23 蚊🍞厚切既西多士 入口香脆入面軟熟 加上牛油同糖漿好滋味😍🍴香煎牛仔骨配黑椒汁 薯菜 🐂牛仔骨 用左香濃既牛椒汁 帶左 d輕微辣 牛肉肉味濃 近骨帶 d筋位 分子煙靭彈牙🐂 薯角🥔 都炸得幾香脆 點埋茄汁都唔錯點餐會有白湯同中湯送 中湯既雞腳微豆都係老火湯落足料🐥 而西湯就係忌廉湯 加左粟米都幾香甜😃 跟餐加8 蚊會有特飲 1. 桃茶薑蜜 ☕🍯 茶既味道有 d似檸茶嗰種 帶有少少桃味 🍑而薑就切絲浮左喺茶上面 所以會聞到好濃薑味 2. 玫瑰茶走 凍🌹❄用左玫瑰花 同玫瑰糖漿 飲同聞都幾夠玫瑰味 而奶茶都幾夠煉奶香 🥛甜度適中 呀錯#茶餐廳 #冰室 #茶走 #西多士 #牛仔骨 #海鮮焗飯 Score 平均分 <7.7/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻