順德經典 (已結業)

未食過一間餐廳，係比錢買難受，求其一間街邊檔都好食過佢，食物難食👎，d雞切到好似比人食過咁，睇相就知道咩事！冇刻意影得衰，一黎到就咁，我叫左半隻，實際賣相真係好差👎，賣相差都算，連味道都十分差👎！另外，服務態度亦好差👎，d員工見客人叫佢，扮睇唔到👎，d員工唔知去哂邊👎，想搵人落單，問野都要自己行岀去周圍搵d人，到埋單，收銀個時員工掉單，掉筆👎👎，其實唔想做，可以唔做！唔好咁既樣去對d客人！ 態度語氣十分差！永遠不會再食！如果大家考慮緊食唔食，可以唔考慮👎🙅🏻‍♀️！去完你去後悔。…查看更多

一間不知所謂，欺客的酒樓。一個月前訂枱加按金，訂下初一一枱九位晚飯。但到場後竟然要坐門口卡位並在路邊加摺枱。這都還沒夠差，佢哋仲要我地坐冇背圓鄧🤢同佢理論換枱，就要我張就🔥跟本坐不下！果個經理仲叫我地分開坐⋯⋯新年一家人一肚火🤬😡 明明裏面仲有枱，佢又話嗰啲係其他人訂咗位。根本就唔合理，大家都有定位，我地早到但係又唔俾枱！不知所謂，欺客，態度極差。佢D知客，部長加經理，跟本無意跟進同hea客。厘邊話自己唔啱，但又繼續逼你接受佢#^¥<~>€~?…查看更多

少吃順德菜, 好奇試試, 最後兩個人點了三款菜。先是芝士琵琶豆腐, 本人是豆腐控, 尤其喜歡吃老少平安。它正正就如老少平安的先炸後炆版。豆腐與魚肉比例恰好, 咬好軟熟, 外皮帶點脆, 不油膩, 配合芝士醬汁, 很豐富, 味道很香濃, 也帶到豆腐和魚肉的鮮味。接著是黑醋豬軟骨煲, 味道很甜, 肉質軟, 很入味, 但較少軟骨及很多肥豬肉。如果怕肥, 這不是一個好選擇, 否則, 整體來說, 它都屬好吃的。最後是豆豉薑慕蒸魚咀, 我媽很喜歡, 她說算是弄得不錯, 味道清, 魚咀質滑。只是, 個人味覺嫌魚腥味太重, 我不太喜歡。整體好吃, 價錢合宜, 份量足夠, 款式都特別, 能吃地道風味。若樓面的招待及清潔再進步點會更理想。…查看更多

返工前同爸爸。媽媽去飲茶。去左呢間試下。個酒樓名好好聽。但點心真係少左d選擇。如果唔係有特價既野。以呢個地點黎講。都算幾貴。服務就一般。未到差既。味道。還可以。但如果呢個價錢。。。就覺得唔值得啦…查看更多

服務態度非常差，嘢食又差 ，碗白飯個碗好鬼熱，但係啲飯又凍。叫左白飯好耐都唔嚟，叫個經理跟吓，佢就好呼蜆即刻話裝緊。啲碗碟又鬼咁唔乾淨。總知就好差。以後唔會再去。…查看更多

黎一間餐廳 講真 食物好味都冇用態度一差 你請我 我都唔會想食！今日慶祝婆婆生日 諗住開開心心食餐飯點知一入到依間野開始 唔好話要你地優質既服務但態度都唔好差到咁啊 個樣全部似係趕客走一開始我地齊人又唔數清楚個人頭 埋單係咁話我地19個人 仲話我地報漏一個 走咗一個會唔會因為要R你果20蚊著數 咁厚面皮啊人數依樣野你屈我 我忍！但我地好似殺咗你全家咁連部長都黑面 依間舖做到咁衰 不如執咗去到最後仲要同我地嘈！如果服務可以揀0粒星 我真係連半粒都唔想俾！…查看更多

我從未食過椒鹽魷魚得咁少囉、8條、係...無錯......只係得8條就收我30幾蚊、全部點心都麻麻哋、唯獨是椒鹽魷魚叫做幾好味、但係咁嘅價錢得8條有被搶錢嘅感覺囉！…查看更多

原來仲有的酒家可以差成咁今日去買佢隻頭抽豉油雞 ，想話回家慢慢歎 ， 點知打開原來係頭頭尾尾斬埋一碟， 仲要點樣食都唔覺得佢係豉油雞 ， 睇真啲原來只係煮熟咗隻雞再加啲豉油上面 咁都可以攞出嚟賣，真係服得佢五體投地， 以後就算有人請都唔到…查看更多

超級抵食👍🏾十二人食套餐，半價後二千蚊有找，仲有波士頓龍蝦龍蝦伊面食，$1988 for 12 people包飲料包甜品。環境尚算不錯，但係服務就麻麻地，待應不會主動收碟，換碟或者加水加茶。不過咁嘅價錢都唔會期待有d咩service 架啦！ 重緊要性價比高，食物不過不失。甜品有紅棗糕，蒸熱食，口感好煙銀👍🏾👍🏾👍🏾另外，炸子雞都做得幾好！ 脆皮又唔肥膩👻上海炒面，鵝掌冬菇，翠玉瓜木耳炒魚塊同炸海鮮卷都不過不失…查看更多

呢間野都好耐無食啦!對上一次食已經係成年幾前,果時覺得食物質數下降所以唔再幫襯。直到而家小左間食肆,加上諗住時隔咁耐不如試多次啦!點知仲差過以前:(服務態度差,坐近門口出面卡位都無人理,叫人落單都叫左好耐先有人黎,就連加水都要叫到賣單先黎,😕晚飯小菜款式小左好多好多,連本厚Menu都無埋,得返張叫餸紙同一張得幾張圖既Menu😑就連雞絲粉皮都無埋!只好叫海蜇青瓜,青瓜得酸味又唔爽,而蓮藕餅更淡而無味,全晚最好食已經係小籠包,而啫啫芥蘭煲都食得過既。…查看更多

我地一家8個人去食；搭枱食唔係問題。最緊要有個侍應，沒叫我地借開小小就一黎鬧坐向到阻住佢擺餐具。飲茶姐，需唔需要鬧客咁做等同趕客姐:(最後同另一個部長投訴，佢講會跟進，但應該唔會…查看更多

老媽子去左旅行, 捱左幾日茶記, 今日我地跟老豆一行四人出去外面食餐好少少既.　老豆心血來潮話想食順德經典, 我地叫左個烤魚 +幾個小菜.烤魚上檯時未全熟, 要先煮一陣, 湯底微辣, 味道還可, 但魚肉好多骨, 另外餐牌話就話有腩肉, 實際得果兩舊咸得要命既燒肉.個豪唔記得叫咩名, 味道就係同黃金蝦差唔多. 炸得幾香口而且蠔唔會好腥, 60蚊左右幾抵食.小籠包叫左兩籠, 肉既份量十足, 大大舊, 但冇咩湯汁. 比例完全唔夾.招牌炒芥蘭, 芥蘭炒得唔錯, 爽口炒得岩岩好, 本身肉都炒得嫩滑, 但一食又係勁咸.全晚唯一亮點係推介既雞燉翅, 預左所謂既翅都係果少少同埋好流, 只有一少撮. 但佢本身個雞湯燉得又熱又清甜. 甚有水準.  全晚最好食就係個湯同個蠔. 反而最貴既烤魚麻麻地. 間野其實都有推出好多三四十蚊既小菜. 下次應該淨係會叫果D. …查看更多

晚飯整體來說食物味道一般，今次座位係魚缸旁既卡位，比較靜同埋坐得舒服，自成一角。姬松茸花膠燉烏雞好足料，一盎湯約有六碗左右，材料都燉到好爛，應該熬左唔少時間。魚唔係太新鮮，但係特價$68所以我唔會咁高要求啦蓮池觀音上素有各式各樣既蔬菜，蓮藕、紅黃椒、木耳、翠玉瓜、秀珍菇、蓮子、西芹等翠爆彩鳳帆立貝唔太貼題，食到尾先見到有一片薄片既帆立貝，我一直以為呢碟係翠玉瓜炒雞，完全留意唔到帆立貝既存在欖豉香酥骨好香，外皮有少少脆，有少少麥芽糖既甜，但軟骨佔既比例好多，骨大肉少。香芋南瓜野菌煲芋頭有啲粉有啲生水，椰汁薄身味較淡，唔係濃香既椰漿，但味道還可以。蒸雞飯飯粒好多肉汁，係原籠蒸的等候時間較長，上完餸食左一陣飯先上桌。飯粒比較濕潤，有肉汁，味道唔錯。份量有六碗飯。…查看更多

3 點到達。不用等位。冇人招呼，枱面污糟食食下會突然熄燈落場。又催埋單，服務態度勁差。食物質素低：煎腐皮卷，太多油鳳爪，有異味韓式煎餃子，怪味菜肉包，ok魷魚酥，ok一定冇下次！…查看更多

早前試過食晚飯，菜式幾特別同埋環境唔錯，今次試下下午茶就···環境設計係ok靚，但由於樓底唔高，早、下午用黎做茶樓就出事，非常嘈吵講返d食物水準，點心黎計就中規中矩，因為偏咸了少許，但價錢方面可以蓋過果少許，六個人食飽飽都係三魚走人，抵食的當然要數38蚊炒飯，份量的確大碟下午茶計，如果純粹飲茶食飯，要求不高的話，這裡絕對可以考慮，但假如想坐得舒舒服服，一家人慢慢吹水，這裡可能不是你的首選。但是晚市回復餐廳形式又另作別論，因為卡位是十分寬闊的，菜式有點像上海菜…查看更多