順。越南牛肉粉

營業中

休息中

今次嚟到沙田呢間順．越南牛肉粉，一入門口就聞到香噴噴嘅越南香料味，未食已經流晒口水啦🤤！🍜主打菜式推介🍽️順化湯檬粉：身為湯檬粉控，呢個真係冇得輸！湯底夠晒濃郁，酸酸辣辣好開胃，檬粉索晒汁，每啖都係享受！裏面啲料都好足，有齊牛肉同紮肉，口感好豐富，食完好滿足！😋🍽️特式綜合牛肉湯河粉：朋友叫咗呢個，一上枱熱辣辣，牛肉份量好多，有齊生熟牛肉同牛腩，牛肉味超濃郁，河粉又滑又Q彈，配埋清甜嘅湯底，真係食到停唔到口！下次嚟我都要試下！🤤🍹特色飲品🍽️香茅鮮橙茶：香茅味好清新，加埋鮮橙嘅微酸，非常解渴，同越南菜好夾，好有東南亞feel！🍹🍽️牛油果沙冰：牛油果控必點！牛油果味好濃郁，甜度適中，真係消暑又好飲🥑

係附近做完野，又係時間開餐，見到呢間越南牛肉粉店，諗住食碗湯粉都好。夏天適合食D酸辣野黎開下胃口，呢碟酸辣鳯爪沙律 ($78)，鳯爪何其多，入口爽脆，無骨超方便。微辣度，酸度適中，加埋少量芹菜，紫洋蔥及車厘茄作沙律材料，幾好味。主食叫碗保寧鷄絲扎肉湯檬粉($72)，上枱時見到實物咁大碗嘅，另有青檸及辣椒碎可自行加配。湯底清甜又夠熱度，扎肉入口有脆度，可能混入豬耳(?)，增加口感; 鷄絲就一般貨色，無咩特別; 檬粉量都唔少，食晒成碗都好飽肚。仲叫咗杯香茅橙茶 ($28)，見到條香茅但應該係裝飾用多，無香茅味，若果只當佢係杯橙茶，算幾好飲嘅。

呢間餐廳環境幾好，不過梳化位有污積未抹走，定係抹完未乾？食物份糧唔錯，唔係細細份。不過所有菜式都係偏咸，本人覺得係極咸，仲要樣樣都咸。無叫飲品就出左事 ... 最失色係蝦餅，唔係蝦餅，係膏餅。無蝦味，好似食緊煎膏餅咁。所以無食晒 ...當晚用餐：特式綜合牛肉湯檬粉，街頭香芧牛肉飯，馬拉盞通菜，越式炸蝦餅特色茶餐廳，價錢略為偏高 ... 太咸了

沙田攞完證件，見呢間餐廳2:00已有下午茶，於是試吓☺️☺️環境企理乾淨，淺色木系感覺舒服，職員熱情有禮👍香茅豬扒撈檬～下午茶餐份量依然十足，主角香茅豬扒與青瓜絲、蘿蔔絲、椰菜絲鋪滿整個碗。香茅豬扒色澤金黃，口感香口帶有肉汁。倒點越式撈檬醬汁撈勻，提升檬粉清新口感烤豬頸肉～烤至金黃的表面，一上枱已散發陣陣香味，口感既爽口彈牙、香口又惹味，逆紋厚切，點上特製酸辣汁伴吃，味道絕佳！牛油果沙冰🍧～厚身綿滑，味道濃郁，超rich牛油果味，唔甜，營養豐富低熱量的最佳選擇

之前食過d 間餐廳， 記得2點开始有下午茶餐，價錢又唔貴，食物質景都唔錯， 主食送餐飲， 平均$6x,今日再encore .餐廳環境衞生乾淨， 位置寬躺，座位舒適，職員有禮貌，上菜算快，整體感覺幾好.街頭生牛肉湯河粉： 生牛肉幾新鮮， 份量算多， 唔鞋口, 河粉入味，湯底又唔會好咸， 加埋啲辣椒，清得來又唔會犬單調蒸粉包： 上次都𠕇叫，下午茶餐另加$28， 抵食， 有二大件， 多餡， 皮薄，即叫即做， 咬落啖啖肉， 超滿足薄荷青檸梳打：味道清新

今日陪媽咪去沙田睇眼科醫生，因為睇完時間都有啲晏，所以細佬話不如出街食埋去啦，新城市廣場變咗好多，雖然多咗好多選擇，但係媽咪好多嘢都唔食，之後去咗好運中心食順。越南牛肉粉，叫咗個四人餐之後再加多個春捲同埋粉包，痴線勁飽囉冇諗過啲嘢咁大碟～

嚟沙田同媽媽行街食飯，去咗呢間食下午茶餐。呢度下午餐可以用優惠價加購小食同特色飲品，小食仲可以無上限加購添！🍜河內番茄蟹金邊粉 材料配料豐富，有蟹、扎肉、蝦丸、肉碎、蕃茄等等。湯底嘅番茄幾香，濃郁鮮甜，酸甜開胃。🍜街頭生牛肉湯金邊粉 生牛肉薄片份量足夠，上枱時肉色係較生嘅粉紅色，需要落湯底浸一浸熟。牛肉新鮮嫩口，入口牛味香濃！金邊粉吸收哂湯底嘅精華，麵條滑身，配埋洋蔥、芽菜和香葉一齊食，充滿越南風味。🧆春卷2件 外皮炸得卜卜脆，裏面包住甘荀絲、木耳絲、肉餡等等，口感非常酥脆！🍹紫米乳酪沙冰 混合咗紫米嘅香甜同乳酪嘅清爽，有清新嘅乳酪口感，好啱夏天飲嚟消暑。🍹珍多冰 清甜嘅椰香好解渴，裏面嘅綠色粉條煮得夠腍身，食完嘢飲番杯珍多冰，爽阿！📍 順。越南牛肉粉 沙田橫壆街1-15號好運中心3樓3007號舖

今晚無煮飯，想平平地係沙田食個熱辣辣的撈粉做晚餐，呢間真係不二之選。7點幾已經差不多滿座。Menu都幾多款式可以揀，有沙律河粉果D都吸引。加左個炸肉蝦餅豬肉串撈粉，樣子好似平平無奇，點知幾好食。個靈魂醬汁甜酸醬真係調味調得好。令人胃口大開。不經不覺就食曬都幾欣賞碗撈粉有蘿蔔同菜，食落爽口。炸肉豬肉串有驚喜，食落好入味👍埋單一百蚊。如果有得優惠價加購飲品就perfect~🥢順。越南牛肉粉 🌏沙田橫壆街1-15號好運中心3樓3007號舖

今日喺沙田行過見到呢間越南野嘅下午茶餐都幾抵 所以就入去試吓串燒雞肉撈檬明明係下午茶餐 但係啲份量就好多 真係就算男仔食都好飽 啲雞肉有香茅味 好惹味😋煲仔咖喱牛腩配飯個咖喱牛腩就有得配飯或者法包 因為我哋叫咗個牛油果法包 所以咖喱牛腩就配飯 啲牛腩好腍 咖喱雖然有個辣椒喺個餐牌度 但係食落去都唔辣 好易入口😚牛油果法包牛油果法包就比較清新 入邊有青瓜酸瓜牛油果醬沙律菜等等 而且個包都好大個 真係就算食個包都夠飽啦🤣之後每個餐都可以包一杯飲品 佢啲飲品都幾特別 我哋叫咗一杯凍嘅話梅鹹柑桔水 一杯凍嘅香茅鮮橙茶同一杯熱嘅香茅薑蜜 呢啲都係唔使加錢嘅飲品 真係好抵呀 真係可以再食多幾次🤩

話說今日早咗收工，咁就喺附近覓食。見到呢一間越南嘢幾得意，5點幾都仲有tea。 咁所以呢我就揀呢度食。啲位都寬敞坐得到舒適。先講過大頭蝦膏通菜，嗰啲蒜蓉味又有啲甜甜的地炒得幾好食。個河內番茄蟹檬有驚喜，有半隻花蟹仔，蟹肉有蟹膏蝦丸扎肉，個湯底酸酸甜甜好開胃，仲有啲乾蔥香味。最後，講過雞蛋咖啡，賣相一流。仲有個座座熱佢，變相你keep住飲嘅時候都係暖暖的，唯一美中不足系佢冇得揀甜度有少少甜，就算攪拌完都係偏甜。最後要講返佢個服務水準真係要有恃改進，如果用餐時間有限制應該貼係當眼處，俾人趕個感覺真心差😢呢間應該無下次

今日要一個人早啲嘅時間食晚餐，就入咗呢間越南嘢。地方寬敞，都好乾淨。食完嘢我梗係叫碗牛肉粉啦，我就叫咗一個特色綜合牛肉河粉，入邊有牛丸生牛肉肉片同埋牛腩片。嚟到見到咁大碗，正正合我心意！生牛肉嫩滑，牛腩有牛肉味，而且好淋，牛肉丸食得出係真材實料。河粉係細嘅河粉份量都好多。嗌河粉都唔使另外再叫店員比辣椒你上嗰碗河粉時候佢哋就會直接上埋。呢個湯底食完冇口渴嘅感覺，應該冇落味精！另外見到餐牌有個一人鍋，下次多少少時間先可以食呢個。

今日去到沙田，兜兜轉轉響市中心附近搵嘢食，終於又係揀返呢度～好運中心嘅［順·越南牛肉粉］，原因好簡單：好味又抵食😊上次試過肉嫩入味嘅巴東牛肉，今晚當然吾可以錯過另一款招牌菜～香茅豬扒湯河，豬扒份量吾少，醃得香滑美味，少骨無雪味，肉質鮮嫩，河粉幼滑吾碎濕濕，味道調味得宜，吾會太油膩，食得好順喉😍生牛肉牛肉丸河粉足料地好食，生牛肉切成薄片，肉質細嫩，用湯浸熟吃起來香嫩有牛香，牛丸有咬勁，兩者牛味都突出，加埋香檸和辣椒，別有一番風味。碗湯飲完吾覺口乾，証明係無味精，連埋洋蔥、芽菜和香葉一齊食，CP值超高🤤飲品今次就試咗凍青檸紅茶，新鮮青檸配上濃味紅茶，清新解膩😋呢間餐廳每次食都無失望，環境寬敞舒服，卡位多而距離適中，吾覺擠迫，令人坐得舒服，服務員態度有禮貌，慢慢食和朋友聚會傾偈都幾寫意🥰

好友約我去位於沙田橫壆1-15號好運中心3樓3007號舖的《順．越南牛肉粉》食下午茶餐，環境舒適，坐得舒服。我地點左：主餐係：街頭生牛肉湯金邊粉 $56：份量好大，生牛肉份量都多，金邊粉好食，湯底清甜。街頭香茅牛肉飯 $60：牛肉味濃好咬口，伴碟有2件越式蛋餅，好送飯。小食係：會安烤豬頸肉（海鮮醬少辣）$38：豬頸肉烤得外脆肉嫩，點海鮮醬好惹味。街頭蓮藕蝦餅（甜酸醬）$32：蓮藕蝦餅好香口好食。餐飲係：熱話梅咸柑桔水2杯（跟餐）：過年有些食滯，熱話梅咸柑桔水正好解解油膩。

放工同阿爸阿媽去食飯，近近哋喺沙田就揀咗呢間餐廳。呢度嘅裝修好有馬來西亞或者星加坡嘅氣氛，職員都好熱心講解有啲乜嘢嘢食。食物質素好好而且價錢又適中，真係下次都要再幫襯。扎肉河粉我其實都幾鍾意食扎肉河粉，尤其係爽滑嘅肉質，加惹味嘅湯底同金不換，配合手滑牛丸，令成個河粉都好突出。豬扒同牛扒飯阿爸阿媽鍾意食飯，所以叫咗牛扒同豬扒俾佢哋。塊扒煎得好入味，另外個配菜係雜菜蛋餅，又幾特別，開頭以為係甜品，點知原來唔係。可以試吓。

見到咁多好評價 就入去試下95 蚊一碗越南粉 貴 不過可能好食呢環境係唔錯ge 但未食完就想過黎收走我碗野真係好黑人憎味道係唔錯肉質素都食落okay但我想個份量真係好少飯睇到隔離檯就好似差好遠我正常食量 如果男人黎真係唔會飽個牛腩片簿到 牛肉片得20克？！呢個價錢係沙田又唔係新城市廣場真係接受唔到個碗粉… 真係平時出面食開一半 定1/3我好似食2 淡就無曬講緊平時我出去食麵都係唔會食得曬成碗no next time！ ！！